生龍清湯腩 (兆和街)

營業中

休息中

又是我自己食既日子，其實荃灣算多野食，多還多，但好食既店舖不算多，但勝到荃灣咩都得食，不過今日係想食咖喱多D，突然想起這間店舖。荃灣區食咖喱這裡算係最出名D，價錢又是係比較貴D，但真係貨真價實。【咖喱薯仔牛爽腩飯】我選擇了小辣嘅程度，分量都算好大呀！牛腩可以選擇肥瘦同埋半肥瘦，而且辣度都有大中小選擇，假如大家想食辣但又食唔到太辣的話，建議大家選小辣，個咖喱都算辣同好香，他加入左大量香料同洋蔥一起煮，所以牛腩入口好林好入味。

叫左個常餐, 炒蛋 + 雞扒+ 咖哩公仔麵, 炒蛋熟得滯, 我都是中意半熟的.... 雞扒幾大塊, 啖啖肉, 但太咸。撈公仔麵GE咖哩汁唔太夠, 偏乾,但D 咖哩汁幾惹味, 不過唔辣GE。另外叫左個咖喱汁薄餅, 好大兜咖哩汁, 同撈公仔麵果D 有DD唔同, 辣少少, 杰D, 都係好惹味, 係港式CURRY味道。薄餅有2大塊, 可惜係我最怕GE油酥餅, 好油呀................

平日都鐘意食咖哩，甘岩經過生龍清湯腩，諗起有我最鍾意嘅咖喱同牛，即刻垂涎三尺，忍唔住沖左入去。我點左一個咖喱薯仔牛腩飯，選擇集中辣嘅程度，分量真係好大呀！牛腩可以選擇肥瘦同埋半肥瘦，而且辣度都有大中小選擇，牛肉好重牛嘅鮮味，而且我選擇咗半肥瘦入口好林，唔會覺得油膩，教你一邊夾雜着洋蔥，好香。清湯牛脷湯底好甜，有一針胡椒味，配上蘿蔔，好清甜，我成碗飲晒，牛脷好厚身，好爽口，而且白蘿蔔份量都幾多，值得一試

唔太肚餓就會揀食粉麵，荃灣區食牛腩最出名係呢度，價錢係就係貴d，但真係貨真價實，人潮多到迫爆鋪。款式多種類多，粉麵飯甚至薄餅，特餐常餐套餐統統有，但我奉勸大家叫d正正常常多人叫嘅食物，唔好似我叫埋d冷門嘢......蝦籽清湯腩撈麵 $52好孤寒！根本食唔到蝦籽，只得眼見咁多，少到同食普通腩汁撈麵無分別，腩汁好咸，食到最後放棄咗唔少麵...牛腩重牛味又唔靱，可惜太多肥膏炸雲吞 $38唔大粒但有8粒，計落都算抵，即叫即炸香脆熱辣，蝦新鮮彈牙，必叫小食推介後記：都會再幫襯，但唔會再試新嘢喇

放工同老公吃飯，行過入去一試，一入去一陣味，不是臭，但是一陣味😵。咖哩牛腩飯，叫小棘，都好棘好重味，系巴基斯坦style 咖哩，個人人味就麻麻，老公就喜歡，牛腩好入味，是一起炆那種，好林。但是真的好重味，回家我和老公要飲奶中和😂。蕃茄濃湯，好多蕃茄，湯就不是濃，十幾元👌。咖哩魚蛋，咖哩汁是咖哩牛腩的汁，魚蛋細粒，好一般，不低食。豬紅蘿蔔，豬紅味怪，蜜汁羊架，平但不好吃，個汁好難食。上湯西洋菜，呢個，菜好嫩，又多，十幾元低食。出品一般，如果喜歡巴基斯坦咖哩，可以一試，但是環境衛生麻麻。

昨晚到荃灣分店叫左個67元肥牛坑腩，碟就好大，但只有兩塊坑腩，三塊大牛根，四塊薯仔，我侍應是否送錯牛根飯，對面食客都定我不滿，之後換了景有六塊牛坑腩，仲大大聲講我地好足料，牛根係送的，我無奈地笑了

聞名不如一事，牛坑腩粉真係幾好味，但係價錢較為貴。一碗牛坑腩粉只係得5件牛坑腩，不過食落都真係幾好味。未試過可以試吓，試過就可以試其他。下午茶一碗牛坑腩粉加一杯檸檬茶，已經要＄58，抵唔抵就見仁見智。

難得去荃灣, 但可惜腸胃炎, 只能吃得好清淡, 所以呢條街咁多野食都搵左間食魚蛋米的舖.魚蛋有兩款. 幾爽口的. 雖然唔算話好大粒, 但唔差. 米粉都是正正常常. 不過不失.阿媽叫左雲吞幼麵(無影). 同佢互相交換左粒雲吞食. 其實我呢粒無咩問題, 好爽口而且皮唔算厚. 但阿媽就唔好彩, 佢話佢個d落左好多胡椒粉, 辣到佢叫救命. 最慘係未上枱前阿媽睇住人家包雲吞, 佢話個人一邊玩電話, 一邊包雲吞. 隻手就係咁掂下電話掂下雲吞, 攪到佢有少少反胃@@" 食完佢重鬼咁口喝.  

週日遠足後去下午茶, 就選了在下車的小巴站對面的生龍。生龍聞名已久, 但一直沒機會去試。既然以清湯腩為名, 第一次來當然吃他的招牌清湯腩麵。阿姐問要瘦肉還是半肥瘦, 這樣也有得揀, 似乎做得很專業, 要吃就當然揀半肥瘦。再者, 招牌牛腩麵加一罐汽水盛惠52大元, 不便宜。對這碗麵就更有期望, 可惜希望越大, 失望也越大。麵端上來分量很少, 牛腩只有五塊不太厚的, 其中一塊全是肥肉。麵是一個麵餅份量, 只有半碗, 配菜有一片蘿蔔和蔥。先試一口湯麵的靈魂 - 湯底。叫得清湯腩, 我自然期待他的麵是煮完牛腩的牛肉清湯, 起碼也應該有牛肉鮮味。結果卻只是淡而沒鮮味的味精水。湯不好, 麵自然不會好吃, 麵質倒還可以。牛腩是煮得夠淋, 肉味不算突出, 說是半肥瘦也實在肥得過份。乘興而來, 卻是吃不飽也不覺得好吃。麵食這種手作仔還是幫襯小店好, 連鎖經營都是工場交貨來, 主事人與食客會有些脫節

依家真係十年都無機會去一次荃灣呢，星期六放半晝探完小慧已經四點幾，仲未食 lunch 好鬼肚餓呢 ﹗人生路不熟唔知點搵食，係附近兜黎兜去突見到間生龍，是但啦 ﹗急急醫完肚就搭巴士返大埔整頭髮。崩砂腩河走蔥，睇下您有幾崩沙先 ﹗小貓三四隻，全舖任您坐，夠清靜我鍾意。試過旺角同大埔生龍，難得路經荃灣有緣一試，安全起建食河粉穩陣呀 ﹗以前試過大埔生龍既強鹼湯麵，尤有餘悸，好驚呀 ﹗熱辣辣湯河送到，好采唔係闊身沙河粉啫，我只鍾意食幼河粉架乍，掛湯力比濶河粉更利害，口感一絲絲大愛。湯底好一般呢，略為啖口，不膠亦不濃，近乎普通牛湯底。崩沙腩高質，牛味濃厚，瘦肉軟棉夾大量肉汁、崩砂邊位嚥韌又夠膠，好食喎，滿意。自家辣椒油大路野好平凡，又唔香又唔辣，混上豉油咸咸地，好過無啦。

一個人的快飯就係搵間唔使等位，快食完快走人嘅食市。今日的主題係 ~ 咖哩。呢間清湯腩食過無數咁多次，但每次都係快食快走，連影相都唔記得，所以寫唔到食評。今次雖然記得影相，但貪平，所以有小小中伏嘅感覺。呢處D清湯腩好味就係人都知，事關呢處係用新鮮牛腩，當然係唔同d啦！平時我除左食清湯腩之外，都好鐘意食巴基斯坦咖哩薯仔牛腩飯，呢款咖哩香料特別多，冇落花奶或者椰奶，無一般咖哩咁滑，但香料味就特別濃。平時食開單叫一個巴基斯坦咖哩薯仔牛腩飯都要$65，都幾貴！今日細心睇下個餐牌，見咖哩安格斯牛腩飯套餐都係$48！乜平咁多嘅？問下呀姐呢度係咪得一種咖哩，佢答我話D咖哩汁得一種。咁我就好放心咁叫了呢個餐。點知黎到，D汁係一樣，冇錯。但D牛腩就真係........唉！係炆得林嘅。不過同平時食開果D直係差天共地。係我自己衰，冇留意“安格斯牛腩”呢幾個字，睇落“安格斯”以為好高級，忙記左美國牛就必然係急凍架啦！急凍牛又點同新鮮牛比呢？安格斯都係咁話啦！根本唔同 level。原來一直食開靚野自己唔知。咁下次唔好貪平，$65就$65啦！返唔到轉頭啦！

次次黎到都滿哂無位坐，今日妟晝係荃灣行諗住食壽司，行行下醒起不如去睇下呢間咖哩呢段時間有無人，因為下午2,3點可能會無咁full，去到果然有位，終於有得試下！呢到主打清湯腩同巴基斯坦咖哩，所以就叫左呢兩樣再加多個牛尾牛腩河：牛腩半肥瘦亦算冧身，但同出面食粉麵既分別唔大，無特別，以為做得主打實有特別之處仲要貴過出面 黑白胡椒牛尾：胡椒味係有，但個牛尾真係無乜肉食，全部都係肥膏，仲要得幾舊，超唔抵食，印象中呢碟野都唔係特別便 金牌薯仔牛腩飯：門口大大隻字寫話係巴基斯坦咖哩，質地比印度咖哩稀少少，香料亦重d同油d，個人覺得印度咖哩啱胃口多d，牛腩同清湯腩個d一樣，薯仔都好多舊，不過價錢又係貴左d 叫多個薄餅配個咖哩，但原來叫薄餅都會配咖哩汁，薄餅屬於油身個隻，但因為個咖哩亦都比較油，所以加埋一齊係over左，如果配乾身既薄餅會好d呢餐有少少失望，雖然未至於話好難食(除左個牛尾)但真係普通之極，但價錢亦偏貴，而且個人不太偏好巴基斯坦咖哩，所以應該無回頭

下晝食咗個熱氣茶餐, 晚餐就唔食平時食開既咖哩系列, 咁咪要咗個清清哋既筋腩撈粗, 誰不知就出事外型好好擺盤一流, 牛腩帶肥糕有咬口,  牛筋表面閃令令彷彿好多骨膠原BB在呼喚我, 剩食牛筋我仲可以保持笑容, 因為佢的確有保持到彈口感覺之餘, 食完仲有種"漿" 口, 嘴唇會有種笠痴痴咁 。 但一口撈面即刻咀都歪, 佢既鹹度係難以入口, 為咗食得晒唔好嘥既原則, 最終要成個撈粗成個浸湯先可以完成, 就係個撈面破壞晒整體感覺。

來到荃灣的小街小巷覓食，找到了這間清湯腩，看鋪面已經有一定歷史。入到去店鋪面積比較小，而且燈光偏暗，疏落地只有兩三個食客，衛生都比較差，檯面的茶水積也沒有人抹。看餐牌，價格都偏高，因為不包飲品，要另外加錢。招牌清湯腩河粉 - $39牛腩我選了半肥瘦，上枱可見有2-3塊牛腩全是肥膏，不能入口。試一口湯底，真是淡如水。牛腩比較有質感，建議牙齒不好的人不要嘗試，咬起來很困難，味道還是偏淡，少許的牛肉騷味。蘿蔔很老，有根。清湯牛脷幼麺 - $30男友試了牛脷，牛脷份量很多，厚厚幾塊，肉質偏軟身，但是味道也是非常淡。我們有跟餐加了一杯凍檸茶，可惜到最後都沒有來，因為食物質素太差，所以我們也沒有追單。到最後原來發現侍應沒有落單。從未吃過清湯腩是如此清淡的，大概我不懂得欣賞，不會再光顧了..

香港人好喜愛食牛腩河/麵，話說旺角都有間生龍清湯腩其實唔錯，今日去到荃灣區諗住搵餐下晝食，又畀我見到佢，即刻走入去。其實都遇咗個環境唔會太好，但食物好就夠晒數啦係咪？ 即刻叫咗個牛腩麵，仲會幫我自動叫半肥瘦，諗住冇死啦。諗住佢有半邊都係肥膏，一定入口即溶掛！點知，咬極都咬唔開，好似食香口膠咁.....中間佢有幾件冇肥嘅，反而好爽，好易咬。竟然係咁！但好後悔入咗嚟，覺得個性價比好低....