田家雲南米線

營業中

休息中

今天午飯又去田家食小鍋過橋米線，吃小辣既有點勁度又不會食到標汗。 每碗都是即煑的，每次來湯底的熱度都夠高，可充份發揮酸、麻、辣的味道，寒天時食便最啱，過橋米線已包十一款餸料包括雲南甘香火腿丶豬肉、牛肉、雞肉、腐皮、豆卜、生菜、芽菜、韮菜、雲南酸菜及秘制炒炸醬，材料非常豐富很足料。 我加六蚊要了一杯熱檸蜜，以甜味解辣再啱，最欣賞這店的檸檬飲料都先去除果核才把皮肉打碎，省卻篤檸檬的功夫。友善的老闆娘Kitty介紹我試吃他們的秘製醬汁溏心皮蛋，味道及口感果然不同凡響，質素可媲美中環鏞記的皮蛋酸薑，我很留心的吃著流心的皮蛋，入口即溶，皮蛋自然地流入喉嚨內，而看似麻辣的紅色醬汁，看來以麻味為主感覺不到太重的辣味，伴著皮蛋入口時有一陣清涼的感覺，更能突出皮蛋的獨特味道，口感奇妙無窮，像喝三道茶的層次，一啖難忘丶兩啖上癮、三啖回味.......... 。兩個字在心中油然而生 - 好得！#埔飲埔食

前天和同事去到田家雲南米線見到座無虛設，只好望門興嘆去了別家食晏，今早忙碌過後中午前完成了一項棵蓆，可以提早一點食午飯，一個人又走到了田家看看有沒有座位，打開門見到還有小數散座，一進門口便見到田家的老闆娘，她立即安排我坐一張二人枱，今天時間比較充足，不用寫單老闆娘便替我直接落單要了一碗小窩過橋米線及推介我喝一杯凍檸賓，今次要了比較惹味的小辣，而上次選擇微辣則感覺較淡口不夠過癮。平日去我大多飲鮮黃色的檸蜜，今天這杯檸賓顏色是好吸引人的寶石紅色，店中的檸檬飲品都是手連皮打碎檸檬，因此比較清澈及易飲，省卻篤檸檬的麻煩，而且不覺有果核的苦澀味，個人非常欣賞。由於店家每碗米線都是即煑的，因此也要等大約十分鐘才送到檯面，每次來湯底的熱度都夠高，可充份發揮酸、麻、辣的味道，十一款餸料包括雲南金香火腿丶豬、牛、雞、腐皮、豆卜、生菜、芽菜、韮菜、雲南酸菜及秘制炒炸醬，材料非常豐富很足料，份量一定足以餵飽大多數人，豬牛雞都有鮮肉味，加上多款素菜，營養及口味都很均衡。 這碗取價六十五蚊的過橋米線，其實是店中性價比最高、最抵食的選擇。 聽見有些客人對酸辣度有特別的要求，店家從善如流，可在酸、辣度中作出度身訂

因為想食米線而特登走入嚟食😚 叫咗肥牛 豆腐 微辣～～微辣係真微辣 唔會食到流汗 麻味酸味都幾夠平均😗湯底濃郁 湯底有酸菜 芽菜 腐皮 肉碎～但因為係幼米線 反而唔夠掛湯😩同唔係咁啱當刻既我不過肥牛好食 亦都好難得有一間米線店有滑豆腐做餸❤️不過落單要小心，因為呢度張紙仔 唔tick辣度default 係小辣 要tick埋清湯先冇辣😌仲有就係落單叫野飲啲走甜 少甜 我同隔離枱都落錯單～ 要double check 有冇落啱呀～

耐唔耐就經過呢度，如果唔係網上有名人嘅介紹，完全唔會發覺呢度會有一間出色嘅米線鋪。佢哋要搭好耐車都要入嚟食，咁我真係唔試都唔得啦。叫咗一碗蟲草花手撕雞米線，嘩個雞湯真係好濃好香，雖然啲雞肉就少咗啲，不過淨係飲啲湯都值回票價。另外佢啲米線真係好特別，比起一般舖頭食嘅米線幼身，有咬口得嚟食到尾都唔會淋。另外又叫咗碗過橋米線，佢嘅小辣對我嚟講都有啲辣，配菜雲南金香火腿好好味，份量都好足夠啱曬大胃王。最後佢啲服務都好週到，抵讚！

呢日做完gym 想食得清少少 就行去附近搵咗間米線食似係家庭式經營, staff們都好親切好貼地, 落order係寫紙仔, 米線一碗寫一張, 小食又另外寫一張我哋叫咗個蟲草花手撕雞湯米線, 一個過橋米線, 同一個小食秘製醬皮蛋呢間啲米線比平時食開嘅幼身, 但個量好多下 食極都仲有 好扺食lol個手撕雞米線湯底好正, 唔係味精湯但夠味 仲有少少酒香, 又有腐皮同杞子 所以個湯有少少甜個過橋米線啱晒食肉獸, 有個好特別嘅雲南甘香火腿, 第一次食, 同甘華火腿有啲似, 都係咸香味重另外仲有牛肉豬肉雞肉同豆卜, 做完gym想補protein就啱晒個小食皮蛋都比想像中好食, 佢個醬有少少辣, 我平時唔食開辣都接受到, 好香好惹味, 皮蛋個黃又會有少少中和咗個辣, 所以我哋無叫飲品都ok 

大埔墟不嬲多嘢食，最近又去咗一間開店冇耐嘅雲南米線舖頭，舖頭座位舒適唔會太逼夾。餐牌非常簡單，主打米線，可以選擇唔同嘅餸，唔夠食嘅話仲有唔同嘅小食選擇。雲南小鍋米線包括左唔同嘅配菜，豬牛雞樣樣齊，份量非常之大碗，價錢實惠。湯底可選清湯同埋揀唔同嘅辣度，茄湯就加兩蚊，當日選咗清湯微辣都已經夠味。比較驚喜嘅係呢碗米線除咗有一貫嘅豬肉牛肉之外，仲有火腿，火腿醃得鹹香入味，有啲驚喜。朋友嘅一碗米線就揀咗腩肉同埋中辣嘅湯底，中辣嘅湯底勁到十足，而且附送唔同嘅配料，女仔食一至兩餸已經夠晒飽。食米線可以享有飲品半價優惠，大家記得支持多啲本地小店啦。

唔好意思，因為最初以為米線都係咁樣，無打算寫openrice，所以張米線相是中段拍的。小店裝修都有些心思，掛傘有畫，洗手間有放水種植物，都是認真的。米線湯底酸中有微辣，不是大鑊湯放進米線。米線較幼身，亦夠滑；難得是牛有用粉封肉汁，有牛；雞同豬肉的味道都各歸其位，豆卜較實身有咬口，是不錯的，只是我就喜歡鬆身帶好多湯汁的豆卜；雲南火腿別處得少有，可惜我嫌咸，另一半就好喜歡。應該都是家庭主理，今天見到的服務員都較年輕。年輕認真的食肆應多支持。

開左一段時間，終於有時間可以來試下了未到晚飯時段，6點左右入座，好快就坐滿人都幾寬落，可能新開，環境/裝修都唔錯唯一不足，係冷氣唔多夠，蚊滋多d,d 😆😆蒜泥白肉$38中間蒜泥加左薑蓉，薑味多過蒜味🤔白肉仲要係暖暖地的，厚身，完全唔爽口👎👎未試過食暖嘅蒜泥白肉，定係正宗係要暖的🤣蟲草花手撕雞米麵$46應該係招牌，因為基本上見枱枱都有叫試左啖湯，都唔錯，清清地，岩晒女士們份量同材料都很多田家撈米線$38點左中辣，無加其他配菜好多辣肉碎，估唔到係幼米線，好好味食到碗底都仲有好肉碎，雖然咸左少少得熱撈，咁熱如果係凍撈仲正😆😆蒜泥白肉係熱食，定凍食叫正宗米線到底係粗正宗，定幼先叫正宗

雲南米線中，酸辣度適中，辣椒的辣味有層次感. 米線是雲南米線，幼細度似米粉. 肉碎和酸菜是基本配料. 份量足夠食飽. 小食中豬耳和皮蛋最值得推介. 整體CP 值高，可再幫襯。

夏天熱辣辣，想食米線，但係如果食湯米線，未食到一半已經會成身汗，所以今次去試吓呢間新開嘅撈米線。餐牌選擇有湯米線，有撈飯，同埋撈米線。我揀咗手撕雞秘製肉碎撈米線，同埋好似車仔麵形式咁樣自己圈啲餸嘅過橋撈米線，同埋辣度都可以自己揀。我揀咗牛肉、韭菜、秘製肉碎、餃子同埋墨魚卷撈米線小辣，辣度好夠，我食得辣，所以覺得OK。朋友揀咗微辣，佢唔係好食得辣，就覺得好辣，但係佢都覺得好味。另外，米線用幼身嘅，所以食落去有啲似米線同米粉之間嘅感覺。醬汁方面，其實佢做得非常之好，夠多撈晒成碗米線。總括嚟講，除咗越南撈檬，夏天嘅清新之選👍🏻

大埔有一店舖(田家雲南米線)，裝潢佈置非常優雅，還帶出雲南風味，店內員工招呼週到，介紹雲南美食，湯底每日用雞和豬骨熬製八小時絕無味精。還有清湯、小辣、微辣、中辣、大辣、特辣任君選擇，有部分材料直接採用雲南食材烹調❣️田家小鍋過橋(茄湯)~湯底濃香帶鮮茄味，再加上十多款配搭🔹豆卜~“索”蕃茄的鮮香味🔹雲南火腿~看似“肥嘟嘟”，每啖入口甘香可口，食後沒有口喝感❣️田家小窩米線(小辣)芽菜、韭菜、雲南酸菜，腐皮和秘製炒炸醬香辣可口，米線潤滑，伴著酸菜特有的味道，滋味無窮，辣的感覺令人上癮😅😅❣️惹味香辣手撕雞~秘製香辣醬配上冇骨又啖啖肉的雞絲，味道香辣鮮香❣️香草雞翼~雞翼外脆內軟，外層添上香草，味更添惹味

*小窩米線 $36 中辣加金錢展同生菜 依二樣唔記得左幾錢😂-佢係幼米線會比較淋身 份量好多—_— -個湯底唔太咸 底好多辣椒籽 應該係因為啲辣肉碎 但又唔係死辣又食到有啲花椒油 整體還好啦 又算對得起價錢但酸菜係雲桂香好食啲 🐈*皮蛋 $22-個辣醬幾好 食得出係俾心去整 啲食物上枱有擺盤 😂 先令到我有心機去影相同打食評服務幾好 聽到佢有耐性同啲新客介紹 同埋佢個裝修幾舒服 係光猛俾人感覺好乾淨我見多數啲人叫手撕雞撈米 個撈米睇佢有落埋麻醬所以應該唔會伏得去邊😂

田家雲南米線平日lunch time冇人排隊而且係橫街窄巷入邊不過環境唔錯田家小鍋米線芽菜、韭菜、雲南酸菜、腐皮、秘製炒炸醬雞肉加$8 凍檸茶跟餐加$8 湯底濃郁，略嫌就係炸醬多所以都幾油膩但係芫荽 蔥 酸菜同炒炸醬非常足料而且我本人比較細食扣底之後嘅份量啱啱好呢間嘅米線比較幼細 又幾掛湯食到後面有少少似炸醬撈麵😂要特別講嘅就係凍飲好大杯😂😂不過等嘅時間就比較耐舖頭裏邊唔係好多枱客嘅情況之下都等咗足足20分鐘😅不過計埋質素同呢個價錢又係冇得輸🤪下次再嚟過～

呢間食過一次 太回味再返去食地理位置有少少入 不過都好易搵自費架兩次都！-雲南小鍋米線 $61 （🎖️墨魚蝦春卷$15/2條 & 腩肉$10）春卷食落有一粒粒蟹籽 好彈牙 新鮮有鮮味隻味同平時嗰啲墨魚滑唔同出邊有層腐皮包住 所以去到都必叫！米線係幼身嗰種 正宗雲南嘅米線 口感有少少似螺絲粉 同平時嘅米線口感都幾唔同 無咩煙靭 但就比平時嘅米線掛湯 同埋份量都好多 絕對夠食！個湯底令我最有驚喜 望落好似好油咁 但食落其實係有層次 好香 一啲都唔油膩 唔係平時嘅味 有少少甜 但又好夠味 飲飲吓都差唔多飲晒 之後都冇口渴裏面有酸菜 酸菜偏酸 都幾開胃 嗌咗小辣啱啱好 佢嘅辣係有後勁 唔係純粹落辣椒油嗰種（偷聽到佢哋同隔離枱講佢哋嘅湯底每日用豬骨雞骨煲 無落味精 🤣）滷水雞翼 $10有兩隻偏鹹 好入味 啲肉好滑 完全唔會煮到韌晒 可以嗌腩肉 $10食得出腩肉係預先用咗鹽去醃好新鮮 質地係偏軟熟 好味！豬肉味好濃 冇平時嗰啲米線舖咁硬同嗰種雪藏味我淨係會喺呢間舖頭嗌腩肉Ps. 環境好舒服 有卡位 📍大埔南盛街16號南盛大廈地下1號舖星期一至日｜1100-2130｜現金 八達通

田家撈米線 走辣😋湯底材料有芽菜、花生、青瓜絲同秘製炒炸醬，我就米線轉菜底，份量雖然唔多，就就夠哂新鮮。食材方面叫左 新鮮豬潤 雞肉  豬肉 冬菇 金菇。另一碗就叫左田家小鍋米線❤湯底材料有芽菜 韭菜 雲南酸菜 腐皮 秘製炒炸醬 小辣 食材方面叫左 金菇 雞肉 魚旦。當中米線 酸菜 辣椒 都係由雲南直送到港，而且辣椒係師傅自己新鮮炒起，所以辣得好香。小食我地叫左 麻辣口水雞❤蒜泥白肉❤秘製醬汁溏心皮蛋❤涼拌雞腎 ❤涼拌木耳❤。款款都咁出色好味，仲越食越開胃香口，而且份量十足，大推!