田心風味

營業中

休息中

早餐常客了，幫襯到熟😂女侍應雖然寡言，但還是會記得你的～其實她很好人。每次來到都會叫雙拼粉麵加牛角包、奄列，十分豐盛，食得好飽，牛角包夠脆，豬扒一整塊夠鬆軟，肉丁也不吝嗇👍🏼這個價錢食到咁豐富，現在都少有了～有一次先生來吃午餐，食物都不錯的～

食咗早餐先係 good morning! 去咗田心風味食早餐，有牛角包、炸魚、沙津同即磨咖啡，整體感覺都唔錯，味道ok，份量夠晒飽，價錢亦都合理。牛角包好鬆軟，有啲酥脆嘅口感，牛油味道香濃，整體感覺唔會太油膩，係一個好好嘅早餐選擇。炸魚煮得好熟透，魚肉好嫩滑，外層煎得香脆，味道好開胃，可以配合啲沙津一齊食，味道更加豐富。即磨咖啡好香濃，有啲苦味，但唔會太濃，係一個好開胃嘅飲品。餐廳嘅環境都算舒適，有啲西式風格，座位間隔適中，不會太擠迫，不過服務員冇咩禮貌，服務態度好麻麻。總括而言，田心風味嘅牛角包、炸魚、沙津同即磨咖啡味道唔錯，價錢亦都合理，值得一試。

以往田心出品ok, 以前的姐姐態度好，所以常會來吃早餐。但自從現時的女侍應來了，態度非常差，落單一聲不發，落錯單，大手大腳，送餐用力丟已是基本，有一次，廚房把我兒子豬排長通粉另上的豬排放到我牛角包的碟上，先不是味道問題，我只是問一句會否送錯（因為那組合不是我們點的），該女侍應居然回答：「是但啦，係咁架啦」，接著就自己走開，完全唔理雖然早餐輕輕食就ok,但呢度可能會食到一肚火以前既姐姐同而家真係差太遠，未換姐姐都唔再黎。

原本唔係上嚟呢度食，因為而家好多餐廳都好早收，碰碰運氣試吓依間。價錢街坊價，性價比高，有暖笠笠嘅餐包同埋好好飲嘅蘑菇忌廉湯，有一定嘅水準，呢個價錢真心有誠意！然後我哋叫咗三文魚扒豬扒意粉同埋蟹肉黑松天使面平民價錢，餐廳水準水吧好似唔見有即磨咖啡或者伯爵茶所以我哋飲熱檸茶，穩陣啲豬扒一流，三文魚扒好大塊，蟹肉黑松露天使麵有質素，盡興再叫多個夏威夷pizza一定會再嚟幫襯！唔明點解香港人咁識得搵嘢食，有啲就排隊攞飛，竟然冇發現呢度咁好食得兩圍枱🥺所以我決定寫今次嘅食評

一家人嚟食個Sunday breakfast, 揭開Menu見到價錢貴已經有d叫唔落，好多野都要加錢食水深。野食嚟到份量少，質素又唔係好，服務態度又唔見友善，唔會有下次☹️

打完風 落街食早餐嘩 排哂隊 超多人 好彩前面個等位姐姐 叫我開門話比樓面知你幾位 等佢地安排入坐大約等左10分鐘左右 早餐歐陸40蚊包埋牛角包 魚柳 德國腸 炒旦一出魚柳好多驚喜 熱啦啦 超好食 唔怪之得甘多人等 真心好食

食物質素係點真係唔知，只係安排入座方面既服務態度已經即時走人唔會去試佢既食物，好似客人鍾意就食，唔鍾意你可以走既感覺真係好差，作為一間餐廳對客人既態度咁基本既野都做唔好，食物可以有幾好食？

叫咗個黑松露烤豬扒，首先嚟到塊豬扒都已經唔係烤係炸啦，仲有本身講好嘅薯菜係薯仔加沙律菜，點知變咗薯角。質素麻麻，態度麻麻，價錢算實惠，地點都方便，但以後唔會再去。

兩年前換咗老闆之後呢度已經成為我地幾個朋友既長期飯堂，轉手之後野食好味左好多、新鮮有誠意， 佈置簡約小品風亦都好啱我哋心水，好啱幾個朋友嚟㗎嘢食坐低舒舒服服傾吓計最近見到佢哋加咗幾個季節餐牌， 價錢抵食之餘有創意，份量啱啱好，如果細食嘅話當一餐都得。今次主要嗌新餐牌上面嘅嘢食， 味道、配搭、醬汁都再令我地好有驚喜由其是個嫩豬扒配黑松露醬同原隻上既燒春雞， 又點估到豬扒入口可以咁嫩同個汁咁配，出面未食過呢個配搭； 而成隻上既燒雞咁大份已經好驚喜， 仲要好入味同juicy更驚喜。 唯一係個焗薯皮個人略嫌乾咗少少唔夠多汁， 其他野食都一貫高分。

其實我真係好少去批評嗰啲餐廳，今次係我第一次成餐飯最值得可取嘅地方就係，日式咖喱牛柳粒飯，牛柳粒焗到啱啱好，雖然咖喱太少但係其餘都係惡夢夏威夷薄餅，餅皮不脆都算，仲要白雪雪，好懷疑佢焗咗幾耐。而且菠蘿好明顯係罐頭菠蘿，仲要切得勁大粒，平價火腿（勁似特惠牌），超級少芝士鋪底又不平均，咁就$93黑松露野菌飯，真係超級奇怪，好明顯直接將啲意粉醬同啲飯煮埋一齊，超級油膩，份量有小，$108最後去到，佢送嘅湯，好似紫薯湯，但係上面鋪咗一層油，所以飲落好油膩，所以最後我全家人都冇飲到

星期日，動盪不安的一天。晚上提早回家。想起田心附近有一新食肆，前身好像也頗有好評，不知換手後如何？營業時間至十點，但多次九點多已關門，今天有開。還是點了焗豬扒飯外賣。星期日來說，餐廳不算旺，食客幾枱。現點現做，要等十分鐘，最好。到了附近銀行，回來剛好，熱辣辣。回家就用餐，可惜是失望。芝士放的是馬蘇里拉，夠熱拉絲。鮮茄汁底，是中式勾芡做法，調味就是茄汁的味道，鮮茄牛肉之類味道。豬扒一般做法是撲麵粉，上蛋煎以保肉汁，欠奉，還好未算太靭。豬扒調味大路鹽糖黑椒。飯底失望。白飯底，雖然用的是珍珠米，但偏濕爛。也沒話可說，始終沒有寫明是炒底。焗是有焗的，但出來的感覺是鮮茄豬扒飯加芝士。而整體偏細份，外賣66元。整體而言，對上一次茶餐廳所食到的味道更好，而且更便宜。而以調味價錢平衡上，這個價錢，我更傾向於連鎖快餐店出品。有見到午餐便宜幾元跟湯和飲品，也許更合理。這店是小店型式，有禮貌，裝修也溫暖，但我也必須以焗豬，食物及價錢作評論。

見到田心換咗個新lunch餐牌，確實比佢吸引到，比起之前用手寫好好多😬今日同朋友叫咗咖哩牛肋條&焗咖喱牛脷飯，除咗賣相加分，份量又足都確實值得Like，而且個牛脷真係焗得啱啱好

The decor is nice and impressive. We had a peaceful night here. The staff was helpful and observant. We ordered grilled lamb and baked beef tongue with rice. The lamb was nice and the beef tongue was very tender with good seasoning. If only there were good music to boost the ambience!!!

平時lunch食開d餐廳豬扒飯，都係一塊又或者加條腸仔hea埋一齊，今日來到呢間田心風味，足料兩塊豬扒 再加送南瓜湯以價錢來講，呢個香煎豬扒性價比滿分，又有賣相，值得推薦

今日起身已經一點，喺附近搵午餐.之前聽人講過 榮耀𨍭左手，宜家叫田心風味 .所以想落去試一試. 落到去見到有人出面排隊，好彩問一問 有1 人座.✌️✌️✌️可以唔駛等 ✌️✌️ set lunch 都有十幾個餐選擇，最後叫咗一個忌廉蟹籽蟹肉意粉.過左一陣上餐湯，個湯係紫色既，我不禁咁問咗靚仔哥哥係咩湯，佢話 紫薯忌廉湯 ，佢仲補左一句 餐湯日日唔同，Li 個都幾受客歡迎 . 竟然真係有驚喜，仲可以食到啲紫薯蓉 .飲完餐湯 ，就上意粉 .好濃郁嘅白汁香味，同啲蟹子蟹肉好夾, 意粉硬度適中，食得出 廚師用心機煮.有質素.走既時候建議靚仔哥哥 如果可以做埋外賣送餐就好啦🤗佢話我安排緊（啱晒我呢啲宅女）