田浦食肉

營業中

休息中

Happy Friday🥳當然要食好西！Book咗期待已久嘅燒肉店🤤 環境同氛圍都好似去咗韓國咁，好熱鬧！好岩一路食燒肉一路同朋友啤一啤😂 最正係有韓仔Oppa專人服侍幫你燒埋啲肉☺️ 成件事快好多，只需要食食食😋Beef Set B ($730)🥩烤牛肋骨必選！ Oppa會幫你剪埋啲肉，比你一條條咁夾嚟食🥴 牛肋骨燒得岩岩好，肉質軟嫩，有嚼口，食落唔會柴，幾有口感 。我就習慣會用🥬生菜同薄荷葉🥬包埋啲肉一齊食，感覺上冇咁濟，我地都refill咗一次添。🥩烤牛五花肉油花分布均勻，但肉質嚟講，烤牛肋骨會好食啲 。好可惜只幫烤牛肋骨同牛五花肉拍片，冇近影一張，冇得cap圖上傳🥹 呢個set勁多配菜，泡菜、醃蘿蔔、醃菜等等，唔會食得晒😂🫓大蔥煎餅（$148）好足料！又厚實 。配汁幾開胃，所以食落唔會油膩 。🍶香蕉韓國米酒（$120）本身order完驚伏伏地，諗緊會唔會香蕉味好假果啲，點知有驚喜，飲落幾特別 。不過個人口味，未必個個like😂Overall 嚟講，個體驗幾正 。少少不足嘅可能就係得90mins用餐，有少少趕同未夠盡興，價錢方面就少貴嘅，性價比唔算高 ，不過值得一試 。

如果你想食韓式燒肉，但又怕啲油煙彈到塊面，就可以嚟試吓呢間韓式燒肉餐廳。佢嘅賣點就係服務員都係韓國oppa，而且仲會親自幫你燒肉，幫你切好一嚿嚿放到你隻碟上面。今次嚟呢間餐廳食飯，係專程想食佢嘅雞蛋羹，一個用韓式石鍋裝住嘅「炸蛋」，入面有少量海鮮作為配料，你可以當佢係韓國版嘅茶碗蒸或者係蒸水蛋。雞蛋味非常香，而且食落好有層次。今次兩個人嚟食，就點咗一個牛T骨加牛五花嘅套餐。雖然價錢都唔平，但係牛嘅份量已兩個人嚟講都算幾多，而且韓式配菜提供嘅種類好多，除咗有基本嘅芽菜泡菜之外，仲有韓式辣炒年糕魚餅，而且仲係無限量供應。淨係食配菜都足以食飽你！

我已經第四次幫趁！但食物、服務、環境依舊有出色水準！重記得初初係老婆叫我黎，初頭都有啲抗拒，但食過一次之後，的確係會有想再幫趁嘅想法！總括黎講，食燒肉，肉新鮮，有人服侍燒埋比你，選擇不多但並不需要，有牛、有豬、有冷麵、炒粉絲、韓式豆付湯飯等等，簡單而美好。鋪頭的裝修佈置及服務員，加上K-pop music, 韓國vibe就出哂黎。去唔到韓國，黎呢到就可以幫你頂一頂住。我嘅韓式燒肉no.1 , 就係田浦食肉（灣仔店）！

今晚同朋友去灣仔食韓燒，田浦肉食全店都係韓國人主理，落單有Oppa幫你整間餐廳氣氛好好，生日仲會好似韓國當地餐廳咁熄燈播生日歌，真係好好氣氛依家逢星期一仲全單有7折，低食又好氣氛我地叫左2人set，有專人幫你處理，牛肋骨好正，但佢地慣左煮全熟，要因應個人喜好叫佢夾起，另外條骨會剪側邊啲根再燒，超有咬口🤗五花腩加洋蔥好好味，見住啲油滴落嚟真係好自癒)正👍另外一檯都係配菜，加上韓國燒酒，一個開心的晚上

嗯……名字上有“食肉”的字樣，讓我們覺得有很多種的肉選擇（我們去餐廳之前忘了查看一下餐牌）但是……選擇不多……牛肉只有一大舊排骨（500克，我想是帶骨頭的重量，因切了出來也只有大約一小碟，我想200g至250g左右）和牛五花腩，沒有為大多數韓國烤肉餐廳都有的"bulgogi"（韓式醃製切片牛肉）或其他款式的牛肉😟。而豬肉也只有五花腩,頸及排骨。晚飯是沒有蓋飯和石鍋飯🫤。而那些小碟菜味道不太好，基本上沒什麼味道。還有點了個湯，滿是味精😵‍💫。總括，價錢過高，牛排骨HKD580, 肉質不那麼好，味道也差。超伏😓!

呢間韓式餐廳午市係超級多人排隊，佢嘅午市套餐都好多選擇，大部分都係$98起，但份量超級十足！！！店員大部分都係韓國人，所以都幾有去左韓國嘅感覺，不過位置比較迫，大部分嘅位都幾乎背貼背咁坐。今次揀左水冷麵+炒肉<$98>，水冷麵上枱前店員會剪一剪麵條，方便食用，非常貼心，佢嘅麵嘅份量亦都好多，感覺係可以兩個人食，面頭鋪滿碎冰，食落嘅時候透心涼，最岩夏天熱辣辣嘅時侯食，而佢嘅炒肉都好入味，肉量都適中。不得不提嘅係佢嘅前菜好豐富，泡菜好入味唔算太辣，容易入口，年糕都好好食，有部分前菜係可以refill嘅!!!記得要問問店員！！

今日happy Friday，諗住係office附近搵間餐廳，搵到間韓國人主理嘅餐廳，行到餐廳附近已經聞到香噴噴嘅燒肉味。🤤前菜非常豐富，泡菜，芽菜，薯仔沙律，韓式炒粉絲同青瓜等等。食完仲可以不停refill。首先介紹佢嘅招牌燒五花肉，呢度嘅燒肉係會有店員專人幫你剪同燒，仲有附送生菜包住嚟食冇咁滯。我哋就叫咗一份烤豬肉套餐，有豬頸肉、五花肉、豬皮。豬頸肉同五花肉做到入口即溶，油脂感豐富。😛燒豬皮好彈牙好多骨膠原，非常滿足！我哋仲叫咗個雞蛋羹同埋炒飯，雞蛋羹整得綿滑又有蛋味，熱辣辣。食完燒肉之後oppa就會幫手喺鐵板上面炒，仲會整成心形🧡。飲品我哋就次次都會叫韓式米酒，用傳統韓國的鐵壺裝住上，好似係韓國飲酒咁地道。🥰

朋友介紹呢間由韓國人主理既餐廳，食完一次真係念念不忘今次已經係第三次回訪，由於夜晚係好難book位，所以我地都係lunch time過黎同好多韓國餐廳一樣，上菜前都會送上前菜，有泡菜、火腿醃青瓜、炒粉絲、辣炒年糕、薯仔沙律，食完可以refill首先係呢個必食既水冷面一邊食烤肉一邊食呢個冰涼既水冷麵就係爽麵質彈牙，湯汁酸酸甜甜好開胃，每次都忍唔住飲埋d湯海鮮大醬湯，上檯仲滾住咁真係睇見都流口水湯料足，又夠辣，拌飯食真係大滿足醬油蟹配飯糰，呢度唔需要預訂就有得食比較以食過其他餐廳既醬油蟹，呢度整得冇咁咸，仲有小小甜味，將米飯加係蟹蓋上面，同蟹膏拌勻黎食真係冇得頂炸醬麵都非常出色，人多既話大家分黎食都幾滋味，麵身好有彈性，加上炸醬同芝士真係一流，但食多就會有少少膩烤肉方面，店家真係非常周到，佢地會幫客人燒埋先上檯，但如果喜歡打卡既朋友就睇唔到好吸精既生肉盤喇，燒豬皮食過咁多間，呢度燒得最好味，一般自己操作燒豬皮都比較靱同會孿埋一舊，但呢度既豬皮又厚又長，而且口感好腍身，好似果凍咁配上蒜片、韓國辣醬、柚子蒜蓉醬、等等配料，包住生菜食味道更加昇華，而呢度既生菜亦都係無限免費refill

之前路過見好多人排隊 但今日lunch time竟然無人排 即刻入去食lunch set都幾多選題價格又唔貴前菜竟然有泡菜年糕 仲要熱辣辣嘅雖則我唔食年糕😂但都覺得幾有誠意牛肉炸醬麵+炒肉 $98上次食完之後念念不忘濃郁嘅炸醬 撈埋芝士依個味道很可以 麵質又彈牙 唔錯唔錯除咗碗麵入面有肉之外 額外仲有一碟炒肉 開心耶豬肉泡菜湯 $98原味炸雞 $88好滑好juicy 幾有驚喜抵食得嚟又高質灣仔店無中環店咁大油煙 座位又闊落啲下次會再嚟灣仔店

田浦食肉係一間由韓國人主理嘅地道韓式燒肉就連大部份職員都是韓國人添（個重點係嗰個好似有少少溝通唔到，雞同鴨講嘅 feel ，非常正宗直頭有少少去咗旅行 feel lol) 但唔洗驚聽唔明，因為手勢就係王道 🫰🏻 同埋好開心係嚟到田浦可以解放雙手🙌 成餐飯都有Oppa 同 Onni 嚟幫你燒~真係可以繑埋雙手等食~我哋點咗招牌烤豬肉套餐，有五花肉，豬頸肉同埋豬扒。Oppa 會燒好剪埋啲豬肉。準備好一盆滿滿嘅肉之後仲會 demo 點樣包最正宗好食。豬肉一啖一塊，香口又有肉汁，肉質軟嫩，加埋泡菜食到停唔到口！燒嘅時候個鐵鍋有個去油位，多餘嘅油就會流落個紙杯度，咁就唔怕會油淋淋，感覺都健康啲（自欺欺人，嘻）另外仲特別叫咗個燒豬皮，唔知大家有無試過自己燒，係真係要耐時間嘅，依家有人幫手燒埋爽好多！唔好睇少塊豬皮，燒完之後帶點微微焦香，入口超級彈牙而且嚼感十足，軟滑香糯嘅質感係滿滿骨膠原嘅象徵，個人好鍾意食，但同行兩位男子好似就麻麻😂，曬料唔識食！燒肉之外仲追加咗啲小食，同樣好特別。雞蛋羹係類近韓燒的爐邊蛋，雞蛋加入紅蘿蔔、粟米粒、洋蔥等等一齊蒸到脹卜卜。蓬鬆嘅外型可愛不特止，食落好入味而且口感軟

韓國的烤肉絕對是一個令人驚艷的美食體驗。無論是牛肉、豬肉還是雞肉，韓國的烤肉都以它們的獨特調味料和烹飪方式而聞名。烤肉時，你可以自己動手，將肉片放在熱騰騰的烤架上，然後搭配新鮮的生菜和各種調味料，這種互動性和多樣性讓整個用餐過程更加有趣。韓國的熱石鍋飯是一道令人著迷的美食。這道菜由各種蔬菜、肉類和蛋組成，並在熱石鍋中煮熟。吃的時候，你可以將所有的成分攪拌在一起，以獲得一種豐富的口味和質感。這道菜不僅美味，而且營養豐富，絕對是一個令人滿意的選擇。韓國的食物給我留下了深刻的印象。無論是泡菜、烤肉、炸雞還是熱石鍋飯，它們都展示了韓國獨特的烹飪技術和豐富的口味。如果你對亞洲美食感興趣，我強烈推薦你嚐試一下韓國的美食。

📍田浦食肉 (灣仔)灣仔莊士敦道28-34號莊士頓大樓地下E號舖呢間餐廳應該係我喺香港食過最有氣氛 而且高質素嘅韓國餐廳一去到店員已經好熱情同我哋打招呼我哋影相佢仲一齊合照添全部都好有禮貌 見到佢哋不停咁客人烤肉 真係辛苦佢哋了🍻一餐晚飯總結 bu一定會再幫襯 翻食率💯而家諗起都肚餓🤤特選套餐：烤牛排骨+五花肉+牛五花肉+烤豬皮 •$1200黐線 烤豬皮好食到癲咗 其實講真佢樣樣嘢質素真係都唔差 只係我俾個豬皮震驚咗大嚿嘅肉 都係稍為喺廚房燒過再攞出嚟可以節省時間 快啲有得食 又唔使彈油又彈到周圍都係因為全部都係員工幫手燒 等佢哋都唔使咁辛苦大蔥煎餅🫓•$148好足料好厚實 調味係好食多人一齊share就好啲 因為都幾飽🤣雞蛋羹•$88脹卜卜勁實淨 食咗成餐飯佢都冇跌落嚟蛋味濃郁💯海鮮豆腐湯•$88海鮮有蟹,蝦,蜆肉 湯頭勁濃郁 但係唔會死鹹 唔配飯就咁飲都好OK水冷麵•$98上枱嘅時候見到好大嚿冰，就算食咗半餐飯，佢都依然keep到溫度配埋芥末汁 一齊食 簡直係絕配上菜時店員仲好細心 會幫忙剪幾下啲麵 容易啲夾同容易啲食*所有配菜都可以refill *生啤做緊優惠$48超抵飲*務必要

-{Oppa韓式燒肉😍}🤤烤排骨🤤 ($580)烤牛排骨好香口！剪到一細粒 四邊都係焦脆嘅味道🥳不過份量唔算多~👖褲評: 8/10🤤 五花肉 🤤 ($180)五花肉原塊煎😁之後剪出黎較幼身 比平時嘅冇咁肥膩 不過有啲唔夠喉嘅感覺🥹👖褲評: 7.8/10🤤 水冷麵 🤤 ($90)要落曬個醬汁😚酸酸地好解肉嘅油膩😍麵質較滑身😆最鐘意個麵😋👖褲評: 8.5/10整體食物好食 不過性價比唔高🥹同埋食得比較性價比: 6.5/10服務: 8/10環境: 8/10🚩 田浦食肉 🚩地址: 灣仔莊士敦道28-34號莊士頓大樓地下E號舖 #fuudjai #fuudjai韓國菜 #fuudjai灣仔

❣️建議一定要打電話預約！如果唔係就要喺門口呆等。店員回答唔到你幾時有枱？要等幾耐？只會同你講幫你排waiting list。❣️嘗試透過WhatsApp預約，店員問完資料之後，就沒有再回覆。到店時，店員表示因為沒有位置，所以自然就沒有回覆🙄，服務真係好需要加強一下。❣️你喺店內會感受到差別待遇，你會明顯感受到店員對韓國人或者自攜酒水嘅有錢人服務態度較親切。❣️枱與枱之間位置比較逼，坐得唔舒服，亦都好容易撞到人❣️音樂好大聲，你可以話佢好有氣氛同熱鬧，不過如果你想同朋友傾計，就絕對唔建議選擇呢度，因為真係好難聽到大家講的說話。❣️前菜好豐富，亦都可以不停咁refill❣️泡菜你會見到佢異常地大片，係因為唔係直接食，店員會幫你炒一炒，剪一剪先再放返係碟，所以唔好心急。❣️米酒好飲，亦都大壺，適合同朋友一齊分享❣️燒肉係有質素，而且你叫嘅食物如果需要燒，都會有店員喺旁邊幫你燒，你淨係負責食就可以😌❣️蒸蛋好好食，不過食嗰陣，個底已經有啲燶咗，建議一嚟到就即刻食！❣️如果你唔介意店員嘅服務態度，淨係想食有人服侍嘅燒肉，你可以選擇呢度，如果唔係相信會有更加好嘅選擇。

今日試左呢間好韓國的韓式燒烤店. 由怖置到員工都令你置身於韓國一樣. 不過唔識韓文唔緊要. 佢地係識英文, 另外落單係自己寫紙仔.先黎四個不同的配菜. 有辣有唔辣. 南瓜同魚糕係唔辣的, 跟住個菜同泡菜就係辣. 但同事話個泡菜都幾辣下.南瓜同魚糕就甜甜地, 好好味, 食完重可以refill. 豬肉炒粉絲蓋飯 $98完全睇漏字, 以為只係豬肉粉絲. 原來下面重有飯. 份量好夠. 豬肉係五花腩個隻一層層. 切到好薄. 調味都係好正統的韓式味道. 配料重有洋蔥同埋小量疏菜.  洋蔥係剛剛熟所以有少少硬. 牛肉石鍋拌飯 $98唔好睇少呢個飯. 份量都係超大. 佢一拎黎時就即刻拎埋枱上的辣椒醬比你. 喜愛辣的可以再落. 不過本身個飯都己經有少少辣的配菜. 唔太食得辣的可以先行拎開. 撈完後超大碗. 味道都係令到你覺得自己去左韓國一樣. 以上兩個飯都配有湯, 湯好似蛋花湯咁, 都幾好味. 牛肉炸醬麵+炒肉 $98要炒肉就$98. 唔要就平十蚊. 個炒肉同上面個豬肉粉絲有d似. 麵就好煙un. 好似韓國辛拉麵咁. 蛋上面係有辣粉. 同事話係個麵唔係好辣. 唔似平日食辛拉麵咁辣.   麵本身已經有配到