田浦食肉

營業中

休息中

晚上6點多已經很多人，晚一點有機會要排隊，每一桌都有店員幫忙烤肉，不怕會烤過火～～我們點了烤牛肉套餐，價錢不算特別平，但肉質量確實不錯，烤一下已經聞到牛肉濃香，三個人吃的肉量剛剛好，店員還會把前菜放上去燒，讓菜式的變化更大～另外追加了烤肉必吃的雞蛋羹，他們家的也太澎拜了😂雞蛋都要掉下來，不過雞蛋味濃郁，而且口感很滑，吃得很滿足😌唯一可惜就是座位都比較靠近，以及吃完烤肉味蠻強的😂

於2024年12月30日 ，繼續慶祝我的生日之旅。在這個特別的日子，我告訴朋友我想享用燒肉，他立刻傳來了田浦食肉的預訂信息，心中不禁暗自喜悅。雖然我之前已經品嚐過幾次田浦的燒肉，但都滿期待。這次我來到了油麻地分店，與我之前造訪的荔枝角店相比，這裏的肉不是oppa在面前燒肉，是他們先燒好再端上桌。五花肉 🐷 每一片五花肉都擁有焦脆的金黃色外表，脆如燒味，包裹著香濃的脂肪。肥瘦相間的肉質，讓人一口咬下去，滿嘴的香氣無法抗拒。烤排骨 🐄 每件牛肉都飽滿多汁，外脆內軟，甜美的口感讓人回味無窮。搭配他們提供的配菜，不僅能解膩，還能讓人盡情享用更多美味。特別是最後的牛骨邊肉，再次烤制後，更是香脆可口，牛肉的鮮香愈加濃郁。泡菜煎餅 🫓 即使我平時不太愛煎餅，這次的泡菜煎餅也讓我驚喜。外脆內軟，泡菜的份量剛好，為整頓餐點增添了豐富的層次感。水冷麵 🍜上次去韓國時竟然忘記品嚐水冷麵，這次終於得以補上。搭配黃芥辣與醋，酸甜的滋味讓人開胃，為整餐畫上完美的句號。總體而言，田浦食肉的用餐體驗再次令我滿意，期待下次再來品嚐更多美味！

係順豐站隔離有間睇落都幾地道既韓國野餐廳擺設都仿傚韓國燒肉D餐廳而且全部 staff都係oppa🤩每張枱本身都擺定幾碟前菜係到不過份量一般 而且無論幾多個人去食都係只得呢幾碟前菜 食完可以免費fill一次味道我覺得一般 但都好過冇既🤣✨豬肉泡菜湯$98✨湯既味道偏酸個人覺得麻麻而且肉既份量非常少！！同埋個湯一D都唔辣整體都幾失望…✨水冷面$98✨之前去韓國食過一次水冷面好難食但呢間冷面超級好食啲面煙煙韌韌 味道酸酸甜甜 非常開胃而且會配埋一大碟燒肉😍如果夏天嚟食真係超正非常推薦呀🖖🏻成間野主要食韓式燒肉為主Open kitchen會令到成身都係燒肉味個人覺得service一般般而且價錢都唔算平下次再嚟應該都係夏天去食水冷面🙂

💬由於唔太過吃辣🌶️，所以韓國🇰🇷食物都唔係首選之列。不過，間中都會食返一餐，除咗韓燒係之外，都仲有其他嘅韓式食物可以揀。呢間人氣韓國🇰🇷燒肉店，就係夠地道，難怪午巿晚巿都座無虛席 。午巿提供嘅各款午餐都有好多選擇，天氣轉冷需要暖入心嘅食物，韓鍋都係相當不錯🍲.———————————————————————————🥢泡菜肉套餐💬一個套餐包括一碗石鍋牛骨湯、一碗米飯🍚、一份厚切五花肉、辣泡菜，仲有一碟蒜頭🧄同辣醬，加埋枱面上嘅前菜小碟，認為係最豐富最抵食嘅午餐首選😎

冇影到個Menu,但可以揀嘅燒肉唔算多，仲要剩係得set 要$580起！咁我哋見到隔籬枱有Oppa喺你張枱度幫你燒，以為冇人幫你燒，都會係要自己燒，點知我哋碟肉一上枱竟然係已經煮熟咗，仲要好似炒埋一碟咁，心諗咩事呀？😨$580係尼碟咁嘅嘢？就算你喺另外一張枱幫我哋煮好再上枱，都要事先通知聲啦！仲要一碟雜肉咁上，完全唔熱，冇辦法我哋一定要同佢講，之後佢就話幫我哋再煮。同埋唔收我哋嘢飲錢。起碼我哋講完佢都嘗試做啲嘢，所以服務係有嘅👍🏻等到佢哋重新上一碟，個擺盤係好咗，但都係唔熱嘅，見到隔籬枱都仲係逐款肉去燒，可以熱住咁食，我哋嗰啲只係暖嘅，仲要啲肉勁乾，仲衰過屋企啲煲湯豬肉😫尼個價錢我哋會期待質素好少少嘅肉囉！另外叫咗個豬肉湯，味道亦非常普通😣。服務都算有，但真係唔建議嘥錢去食呢間嘢！

Happy Friday🥳當然要食好西！Book咗期待已久嘅燒肉店🤤 環境同氛圍都好似去咗韓國咁，好熱鬧！好岩一路食燒肉一路同朋友啤一啤😂 最正係有韓仔Oppa專人服侍幫你燒埋啲肉☺️ 成件事快好多，只需要食食食😋Beef Set B ($730)🥩烤牛肋骨必選！ Oppa會幫你剪埋啲肉，比你一條條咁夾嚟食🥴 牛肋骨燒得岩岩好，肉質軟嫩，有嚼口，食落唔會柴，幾有口感 。我就習慣會用🥬生菜同薄荷葉🥬包埋啲肉一齊食，感覺上冇咁濟，我地都refill咗一次添。🥩烤牛五花肉油花分布均勻，但肉質嚟講，烤牛肋骨會好食啲 。好可惜只幫烤牛肋骨同牛五花肉拍片，冇近影一張，冇得cap圖上傳🥹 呢個set勁多配菜，泡菜、醃蘿蔔、醃菜等等，唔會食得晒😂🫓大蔥煎餅（$148）好足料！又厚實 。配汁幾開胃，所以食落唔會油膩 。🍶香蕉韓國米酒（$120）本身order完驚伏伏地，諗緊會唔會香蕉味好假果啲，點知有驚喜，飲落幾特別 。不過個人口味，未必個個like😂Overall 嚟講，個體驗幾正 。少少不足嘅可能就係得90mins用餐，有少少趕同未夠盡興，價錢方面就少貴嘅，性價比唔算高 ，不過值得一試 。

如果你想食韓式燒肉，但又怕啲油煙彈到塊面，就可以嚟試吓呢間韓式燒肉餐廳。佢嘅賣點就係服務員都係韓國oppa，而且仲會親自幫你燒肉，幫你切好一嚿嚿放到你隻碟上面。今次嚟呢間餐廳食飯，係專程想食佢嘅雞蛋羹，一個用韓式石鍋裝住嘅「炸蛋」，入面有少量海鮮作為配料，你可以當佢係韓國版嘅茶碗蒸或者係蒸水蛋。雞蛋味非常香，而且食落好有層次。今次兩個人嚟食，就點咗一個牛T骨加牛五花嘅套餐。雖然價錢都唔平，但係牛嘅份量已兩個人嚟講都算幾多，而且韓式配菜提供嘅種類好多，除咗有基本嘅芽菜泡菜之外，仲有韓式辣炒年糕魚餅，而且仲係無限量供應。淨係食配菜都足以食飽你！

我已經第四次幫趁！但食物、服務、環境依舊有出色水準！重記得初初係老婆叫我黎，初頭都有啲抗拒，但食過一次之後，的確係會有想再幫趁嘅想法！總括黎講，食燒肉，肉新鮮，有人服侍燒埋比你，選擇不多但並不需要，有牛、有豬、有冷麵、炒粉絲、韓式豆付湯飯等等，簡單而美好。鋪頭的裝修佈置及服務員，加上K-pop music, 韓國vibe就出哂黎。去唔到韓國，黎呢到就可以幫你頂一頂住。我嘅韓式燒肉no.1 , 就係田浦食肉（灣仔店）！

今晚同朋友去灣仔食韓燒，田浦肉食全店都係韓國人主理，落單有Oppa幫你整間餐廳氣氛好好，生日仲會好似韓國當地餐廳咁熄燈播生日歌，真係好好氣氛依家逢星期一仲全單有7折，低食又好氣氛我地叫左2人set，有專人幫你處理，牛肋骨好正，但佢地慣左煮全熟，要因應個人喜好叫佢夾起，另外條骨會剪側邊啲根再燒，超有咬口🤗五花腩加洋蔥好好味，見住啲油滴落嚟真係好自癒)正👍另外一檯都係配菜，加上韓國燒酒，一個開心的晚上

嗯……名字上有“食肉”的字樣，讓我們覺得有很多種的肉選擇（我們去餐廳之前忘了查看一下餐牌）但是……選擇不多……牛肉只有一大舊排骨（500克，我想是帶骨頭的重量，因切了出來也只有大約一小碟，我想200g至250g左右）和牛五花腩，沒有為大多數韓國烤肉餐廳都有的"bulgogi"（韓式醃製切片牛肉）或其他款式的牛肉😟。而豬肉也只有五花腩,頸及排骨。晚飯是沒有蓋飯和石鍋飯🫤。而那些小碟菜味道不太好，基本上沒什麼味道。還有點了個湯，滿是味精😵‍💫。總括，價錢過高，牛排骨HKD580, 肉質不那麼好，味道也差。超伏😓!

呢間韓式餐廳午市係超級多人排隊，佢嘅午市套餐都好多選擇，大部分都係$98起，但份量超級十足！！！店員大部分都係韓國人，所以都幾有去左韓國嘅感覺，不過位置比較迫，大部分嘅位都幾乎背貼背咁坐。今次揀左水冷麵+炒肉<$98>，水冷麵上枱前店員會剪一剪麵條，方便食用，非常貼心，佢嘅麵嘅份量亦都好多，感覺係可以兩個人食，面頭鋪滿碎冰，食落嘅時候透心涼，最岩夏天熱辣辣嘅時侯食，而佢嘅炒肉都好入味，肉量都適中。不得不提嘅係佢嘅前菜好豐富，泡菜好入味唔算太辣，容易入口，年糕都好好食，有部分前菜係可以refill嘅!!!記得要問問店員！！

今日happy Friday，諗住係office附近搵間餐廳，搵到間韓國人主理嘅餐廳，行到餐廳附近已經聞到香噴噴嘅燒肉味。🤤前菜非常豐富，泡菜，芽菜，薯仔沙律，韓式炒粉絲同青瓜等等。食完仲可以不停refill。首先介紹佢嘅招牌燒五花肉，呢度嘅燒肉係會有店員專人幫你剪同燒，仲有附送生菜包住嚟食冇咁滯。我哋就叫咗一份烤豬肉套餐，有豬頸肉、五花肉、豬皮。豬頸肉同五花肉做到入口即溶，油脂感豐富。😛燒豬皮好彈牙好多骨膠原，非常滿足！我哋仲叫咗個雞蛋羹同埋炒飯，雞蛋羹整得綿滑又有蛋味，熱辣辣。食完燒肉之後oppa就會幫手喺鐵板上面炒，仲會整成心形🧡。飲品我哋就次次都會叫韓式米酒，用傳統韓國的鐵壺裝住上，好似係韓國飲酒咁地道。🥰

朋友介紹呢間由韓國人主理既餐廳，食完一次真係念念不忘今次已經係第三次回訪，由於夜晚係好難book位，所以我地都係lunch time過黎同好多韓國餐廳一樣，上菜前都會送上前菜，有泡菜、火腿醃青瓜、炒粉絲、辣炒年糕、薯仔沙律，食完可以refill首先係呢個必食既水冷面一邊食烤肉一邊食呢個冰涼既水冷麵就係爽麵質彈牙，湯汁酸酸甜甜好開胃，每次都忍唔住飲埋d湯海鮮大醬湯，上檯仲滾住咁真係睇見都流口水湯料足，又夠辣，拌飯食真係大滿足醬油蟹配飯糰，呢度唔需要預訂就有得食比較以食過其他餐廳既醬油蟹，呢度整得冇咁咸，仲有小小甜味，將米飯加係蟹蓋上面，同蟹膏拌勻黎食真係冇得頂炸醬麵都非常出色，人多既話大家分黎食都幾滋味，麵身好有彈性，加上炸醬同芝士真係一流，但食多就會有少少膩烤肉方面，店家真係非常周到，佢地會幫客人燒埋先上檯，但如果喜歡打卡既朋友就睇唔到好吸精既生肉盤喇，燒豬皮食過咁多間，呢度燒得最好味，一般自己操作燒豬皮都比較靱同會孿埋一舊，但呢度既豬皮又厚又長，而且口感好腍身，好似果凍咁配上蒜片、韓國辣醬、柚子蒜蓉醬、等等配料，包住生菜食味道更加昇華，而呢度既生菜亦都係無限免費refill

之前路過見好多人排隊 但今日lunch time竟然無人排 即刻入去食lunch set都幾多選題價格又唔貴前菜竟然有泡菜年糕 仲要熱辣辣嘅雖則我唔食年糕😂但都覺得幾有誠意牛肉炸醬麵+炒肉 $98上次食完之後念念不忘濃郁嘅炸醬 撈埋芝士依個味道很可以 麵質又彈牙 唔錯唔錯除咗碗麵入面有肉之外 額外仲有一碟炒肉 開心耶豬肉泡菜湯 $98原味炸雞 $88好滑好juicy 幾有驚喜抵食得嚟又高質灣仔店無中環店咁大油煙 座位又闊落啲下次會再嚟灣仔店

田浦食肉係一間由韓國人主理嘅地道韓式燒肉就連大部份職員都是韓國人添（個重點係嗰個好似有少少溝通唔到，雞同鴨講嘅 feel ，非常正宗直頭有少少去咗旅行 feel lol) 但唔洗驚聽唔明，因為手勢就係王道 🫰🏻 同埋好開心係嚟到田浦可以解放雙手🙌 成餐飯都有Oppa 同 Onni 嚟幫你燒~真係可以繑埋雙手等食~我哋點咗招牌烤豬肉套餐，有五花肉，豬頸肉同埋豬扒。Oppa 會燒好剪埋啲豬肉。準備好一盆滿滿嘅肉之後仲會 demo 點樣包最正宗好食。豬肉一啖一塊，香口又有肉汁，肉質軟嫩，加埋泡菜食到停唔到口！燒嘅時候個鐵鍋有個去油位，多餘嘅油就會流落個紙杯度，咁就唔怕會油淋淋，感覺都健康啲（自欺欺人，嘻）另外仲特別叫咗個燒豬皮，唔知大家有無試過自己燒，係真係要耐時間嘅，依家有人幫手燒埋爽好多！唔好睇少塊豬皮，燒完之後帶點微微焦香，入口超級彈牙而且嚼感十足，軟滑香糯嘅質感係滿滿骨膠原嘅象徵，個人好鍾意食，但同行兩位男子好似就麻麻😂，曬料唔識食！燒肉之外仲追加咗啲小食，同樣好特別。雞蛋羹係類近韓燒的爐邊蛋，雞蛋加入紅蘿蔔、粟米粒、洋蔥等等一齊蒸到脹卜卜。蓬鬆嘅外型可愛不特止，食落好入味而且口感軟