影片
港鐵會展站A2出口, 步行約11分鐘; 集成中心旁邊
繼續閱讀
電話號碼
25710913
開飯介紹
曾於2011年獲米芝蓮一星殊榮。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
相關文章
好多年前曾經幫襯過留園廚房，當時覺得非常出色！時間幾年，發現原來佢嘅中午係有提供套餐的，咁性價比應該幾高！當日就試咗個二人套餐，大約二百幾蚊，係兩個人喎！裏面有點心同埋小菜選擇，嗰個套餐係包例湯，兩款點心兩款小菜，白飯同埋甜品！咁一場嚟到，當然叫返佢啲拿手小菜啦！最後嗌咗灌湯餃、半隻煙燻雞，仲加咗黑芝麻卷添！先講返個套餐，首先嚟係老火湯！個湯都幾濃，甜甜地幾好飲！呢個唔錯！點心方面我就嗌咗蝦餃，同蟲草花鮮竹卷。兩個點心都正正常常，都算唔錯！小菜方面我就嗌咗菠蘿咕嚕肉，同一個野生椒炆冬瓜！兩個都係佢嘅經典小菜，整體都OK，兩個都係平凡嘅菜式，但係都實踐到不平凡之處！我係收貨！講返佢嘅煙燻雞，呢個餸基本上係佢嘅招牌菜，食嘅時候已經充滿期望，到最後亦都覺得唔錯！係嫩滑嘅，而且亦都有濃濃嘅煙燻味！我自己就覺得幾好！另外叫咗個灌湯餃，可以用皮薄餡靚嚟形容！裏面嘅肉汁都好豐富，配埋啲醋更加出色！另外甜品嘅芝麻卷亦都幾好，整體上價錢好合理！佢係樓上舖，但係我午市去到嘅時候都見，基本上所有枱都坐晒！證明佢有一定號召力！如果喺灣仔嚟講，我覺得性價比極高！下次再嚟一定會再幫襯！
繼續閱讀
阿媽生日，專登成家人一齊去食鐵片仔灌湯餃，我地叫咗5隻，一人一隻，但其中一隻個皮邊好硬，明顯係擺最頂嗰隻蒸得唔夠透。灌湯餃都幾大隻，但隻鐵片仔就細咗少少，將隻餃移落碗想唔穿皮都真係有少少難度。豬潤燒賣及蝦餃好食，又其豬潤燒賣，擺涼咗件豬潤都唔會又硬又嚡口，另外好欣賞藍莓骨，酸酸甜甜好開胃。鐵片仔灌湯餃係我童年回憶，所以嚟嘅原因都係為咗想食灌湯餃。而餐廳都坐得舒服嘅，每張枱都唔會好近，所以唔會同其他食客背對背坐。
繼續閱讀
平日餐廳有提供午市套餐，$258兩位，可選點心和小菜各兩款，套餐包括老火湯、白飯和甜品。不過得留意套餐中小菜和點心的選擇不多。點心我們選了蝦餃和燒賣（點心的粒數以人頭計），小菜則是不少人推薦的咕嚕肉和魚湯什菜煲；另外加點了餐廳的招牌煙燻雞半隻。煙燻雞率先上枱，賣相紅潤油亮，非常吸引，雞也比想像中大隻。一入口，煙燻的香氣濃郁，雞肉滷得非常入味，滷水汁鹹鹹甜甜的，同時不會濃重到蓋過雞本身的肉味，非常好吃！雞肉較薄的部位會比雞胸/腿更入味，而且吃雞一定得吃精髓的雞皮，因為最濃的煙燻味都凝聚在雞皮之上。不過更令人驚豔的是竟然附上的幾件雞內臟！伴碟的內臟有腎、膶之類，精華的滷汁盡入其中，和內臟獨有的甘苦味融為一體，滋味無與倫比。我本來對內臟沒有偏好，但也忍不住搶著這幾件珍貴的內臟吃。另外，難得的是雞肉滷得全熟（雞骨沒有殘留的血紅色），但肉質仍能保持嫩滑，連雞胸都滑而不柴，真不愧是餐廳的招牌菜。加上碟子上枱時是溫熱的，令雞件的油脂不會吃到中途凝固，這種細心之處值得一讚。這天的老火湯是粉葛鯪魚赤小豆湯，用原個燉壺熱騰騰的上，所以能一直保持湯的熱度。湯頭濃郁鮮美，濃味得來又沒有把湯料滾得碎爛，所以入口順滑，粉感輕微，以粉葛湯來說偏清澈，不會喝完就飽了一半。咕嚕肉用上無骨的豬肉件，肥瘦相間，肉汁和油脂充沛。炸粉裹的輕薄，在沾滿甜酸汁之下仍保持微脆。甜酸汁雖不至於有拔絲的效果，但濃稠適度，份量剛好裹住肉塊；配上的青紅椒和菠蘿也能解膩。蝦餃個頭比很多酒樓的細一些，味道正常，可惜蒸過頭，餃皮有點太軟。燒賣較蝦餃出色，餡料是豬肉和冬菇，沒有蝦，用的是切肉而不是碎肉，令燒賣更有咬口。魚湯什菜煲最後上枱，面頭有不少蝦乾和冬菇片，魚湯浸著西蘭花、芥菜膽、菜芯和金菇，煲底有粉絲。魚湯鮮美雪白，雜菜煮得恰到好處，軟腍入味而保持翠綠；特別是芥菜，只用上最嫩的芥菜膽部分，最為入味好吃。甜品是海帶陳皮綠豆沙。沒有臭草的味道，反而用上了陳皮。綠豆、海帶和薏米也不少，糖水不會很甜。整體餐點都非常高質，特別是煙燻雞是必點的。侍應人手充足，服務也很親切。唯上菜的順序可以改善，因煙燻雞比老火湯更早上枱，而點心雖然明白是即點即蒸，但幾乎是最後才上。留意到另一枱沒有叫套餐而選擇散叫點心，雖然都是同一時間下單，但各款點心之間上枱的時間都相隔較長，要有等的心理準備。
繼續閱讀
相隔有兩年再次光顧，食物水準依然保持得好好，個蔥油伴竹昇麵外表平平無奇，但好食都震，麵質係我最鍾意既Q 彈感雲吞麵質地，個炸蔥絲完全將味道提升，因為太好食所以問部長，先得知原來個麵係從深水埗坤記拎貨。另外沖繩黑糖咕嚕肉個肉質亦非常鬆軟，調味亦非常到位。幾個朋友好鍾意個慢煮牛肋排，不過因為我係好怕食少過7成熟牛排既人，所以對我來說有點好似食緊生牛肉咁。杏汁菜膽白肺湯好好飲，夠濃味，冇俾杏仁搶晒個味。留家叉燒都係必食。唯一要彈係個冷氣唔夠，朋友係女仔，但都話好熱，唔知係壞左一個冷氣定係專登調到好似得25度，係呢方面要改善下。
繼續閱讀
同老豆食飯想食好D…醒起馬田推介過就book嚟試吓啦。點咗四道菜：1. 醉鮑魚 - 十分開胃，酒嘅味道好特別！😋😋2. 煙燻雞 - 味道同肉質真係冇得輸，煙燻味好有層次，啲肉滑到不得可了！😋😋😋3. 叉燒 - 其實味道不錯，甜甜地幾特別，但係肉質有啲嚡，唔夠雞咁滑！4. 梅菜蒸芥蘭 - 冇乜驚喜，覺得梅菜味唔係好夠濃。另外有點甜品1. 是日甜品係綠豆沙 - 好足料，而且味道唔係太甜2. 湯圓杏仁茶 - 個杏仁茶有杏仁肉好味，湯圓係芝麻就OK啦！
繼續閱讀