留白居酒屋 (已結業)

今日同朋友黎到兆康景峰呢間留白居酒屋，去到門口已經見到佈置非常精緻，內籠充滿日式休閒愜意風格。係呢個冬天寒冷既季節，坐係BAR枱近門口既位置，感受住涼風以及日曬既餘暉，非常寫意、舒服。我地分別點左份和風牛肉飯同埋日式滑蛋吉列豬扒飯，隨飯伴上沙律與味增湯，味增湯非常足料，唔會太鹹，新鮮味美，呢一點有驚喜！到主菜，牛肉飯方面，肥牛好新鮮，肉質好香，咬入口唔會太硬，用料睇得出係有心思揀過，烹調手法有下過功夫；吉列豬扒外皮異常爽脆，少量燒汁既點綴恰到好處，出奇地夾，意想不到地揉合出豐富既化學反應！埋單八十蚊以內，性價比頗高，好快會再番黎再食過！

Lunch同同事去左紅橋食飯附近都好多野食今次就去左呢間留白居酒屋開係樓梯口格離店面細細間留白係指希望你係一張白紙寫住自己既故事地毯幾特意店主被迫營業餐廳都幾的色得一排bar檯頭頂掛左唔少杯既裝飾午市就有六種定食提供晚市就係串燒單點菜式每一份定食都有跟前菜有味噌湯同沙律同事點既吉列海老定食擺盤都幾靚仔一共有五條炸蝦係幾豐富我就係和風牛肉飯而家吉野家唔食得都算係個幾好既替代品而且牛肉仲幾厚身最後係追加既炸魚手指呢份炸得幾靚又唔係會油淋淋午市無加一三樣加埋188七八十蚊個定食都唔算話太貴合理價錢小店bar檯亦都有居酒屋氣氛值得再戰

疫情期間冇得去旅行， 又思鄉病發作， 忽發奇想不如嚟一轉本地日本遊。 先去有日本城之稱嘅屯門市廣場， 逛逛Donki, 又再逛逛新開嘅 GU, 視覺滿足了就去滿足吓味蕾，屯門要找一間十分日本餐廳不容易，上網找找發現景峰輕鐵站有間居酒屋， 正合我心意可以飲飲啤酒食下串燒， 和朋友傾下計放鬆一下心情。來到發現舖頭門口嘅佈置十分日式， 好可惜門口已有客人，有機會一定再嚟坐門口， 一邊呼吸新鮮空氣一邊食串燒和飲啤酒。嚟到居酒屋梗係要飲啤酒啦，我和朋友都叫了生啤， 生啤的而且確比罐裝啤酒好飲，尤其Premium Suntory 有啲蜜糖味，比較適合女性飲。串燒我們叫了幾款，有煙肉卷車厘茄，燒火鷄腎鹽燒翠肉瓜，汁燒鷄肉鹽燒五花腩，醬燒豬舌再叫了炸魚手指及送酒一流的味碄魚乾坐坐下見到有個牌寫着餐廳選用新瀉米，咁就要叫個和風牛肉飯，試下啦。

屯門有一間好可愛嘅居酒屋💕真係日式風格，細細間，有吧枱，木製傢俬，日式手寫餐牌，真係好家庭式經營😂😂😂座位不太多，不過有室內及室外選擇，按個人喜好😂另一個居酒屋嘅特色，就係服務員好親切，都會介紹一下食物同介紹😂😂😂因為係午餐，所以主要係定食⭐️夜晚有串燒及海鮮菜式都好期待🤣🤣🤣和風牛肉飯及吉列豬扒定食每個定食都有麵豉湯及沙律品質都滿意，麵豉湯夠晒熱同埋沙律都新鮮即整👏🏻👏🏻👏🏻牛肉及豬扒份量都適中牛肉軟身，豬扒炸得都香脆特別鍾意醬汁，真係成碗飯都食得查得到😂可以追加小食叫咗炸魷魚鬚同埋一口芝士雞塊當然配埋啤酒一齊食🍻🍻🍻咁先最正🤗炸物都香口，即製👍🏻

今天放假入屯門市走走，經過這間留白居酒屋，門口見到個牌面幾靚，寫了「希望你是一張白紙寫着自己的故事希望你的故事也有人能明白你」我們就入去試一試午餐。我們分別叫了兩個定食，分別是和風炭燒雞扒飯和吉列海老定食，再追加一碟炸魚手指。先來的是湯，沙律和炸魚手指。炸魚手指一共有五條。炸得幾香脆。點埋個醬都唔錯。好開胃。接下來的是和風炭燒雞扒飯。驚喜的是有日本木魚擺動。雞扒就不錯，正常發揮。最後來的是吉列海老定食。我本身都鐘意食蝦。這個是我的最愛。炸蝦非常香脆入軟。如果再光臨會再食這個。

夜晚突然想同朋友吹吹水我地兩隻屯門牛去左虹橋小店搵食虹橋出名小店多，質素又好👍🏻👍🏻留白居酒屋嘅門面好吸引😍居酒屋啱晒同朋友吹下水☺️除左有串燒，仲有主食可以揀架‼️最貼心嘅係可以配合唔同客人嘅口味串燒可以自己揀大/中/小或唔辣❤️———————————————我地點左主食碳燒雞扒飯串燒👉🏻燒火雞腎、汁燒雞肉、鹽燒一口牛、煙肉卷車厘茄、鹽燒翠玉瓜、燒蘆筍🤤🤤仲有磯燒日本元貝同埋松葉蟹甲羅燒主食嘅雞扒肉質嫩滑👍🏻串燒都好惹味，唔會燒到乾噌噌我好鍾意鹽燒翠玉瓜同一口牛翠玉瓜咬落去好juicy😋一口牛唔靭好香口簡單落少少鹽已帶出食物嘅鮮味💕不得不提嘅係松葉蟹甲羅燒超香濃嘅蟹膏味口感好滑好香🤩撈飯一齊食真係好滋味一級棒呀‼️‼️

朋友介紹屯門有間年青人 用心經營居酒居，食物和環境不錯，於是放假嚟朝聖一下，居酒屋設有戶外4人座位， 好啱鐘意 吹水既朋友😆💫 味噌湯我哋一坐低，先送上濃濃味道既味噌渇。味噌湯在日本料理中算不上主角，但是卻有著獨特的風味。💫 沙律飯前 先吃點沙律開胃，識食應該係咁食😋💫 日式親子丼雞蛋有點甜而且好滑，雞肉保持肉汁唔會乾身，配上特製醬汁，使蛋和雞肉味道 更加夾，層次提升，值得推介👍💫 和風牛肉飯大大塊薄切牛肉 配上 洋蔥和醬汁，滋味十足💫 吉列海佬定食炸粉適中，唔會好厚，新鮮炸起，食落口 卜卜脆正👍💫 唐揚墨魚咀墨魚咀勁大粒，酥炸得好香脆又唔會油膩，入口肉質彈牙，絕對係佐酒之選小食😋

留白居酒屋屯門呢排好hit既居酒屋，朋友推介我去試試，今日先黎食個午餐試試佢味道，下次先再黎食佢個晚市！🤤🤤佢既午餐set都係一d好平常既日式定食，我口痕想食下炸野就試試佢個吉列海老定食🦐🦐（80$）佢d炸蝦外層炸得非常鬆脆，份量仲十分足夠，足足有六隻，酸甜既醬汁非常開胃，令唔太食飯既我都食晒成碗飯！😋😋😋此外佢既其他配菜味道亦都不錯，簡單既野整得好食真係唔容易既。我認為佢配得上呢個偏貴既價錢既～

屯門虹橋新開了一間裝修很是日系的居酒屋。以木色為主調，給人一種溫馨的感覺，坐在吧檯能清楚看到料理過程，即叫即整，很有風味。點了🐱串燒鹽燒一口牛、豬頸肉串、日本走地雞皮、汁燒雞肉、燒蘆筍和鹽燒翠玉瓜。串燒用木盤盛載著，在木盤側邊輕輕一拉，肉就簡單掉到盤中，吃起來很方便。串燒味道偏濃，鹹鹹辣辣，啖啖肉，配啤酒剛好！🐱松葉蟹甲羅燒松葉蟹膏釀蟹蓋，蟹膏上面加咗些少蟹肉！滿滿的蟹膏配麵豉，很是鮮味！🐱酥炸魷魚鬚很香脆！一流的送酒小食！🐱留白海鮮炒飯晚飯總得吃點澱粉質，海鮮炒飯飯粒分明。有魷魚、櫻花蝦、雞蛋、紫菜等口感豐富。雖然不算很大碗，但女孩子吃剛剛好。🐱330ml日本啤酒只是$58杯。有Suntory premium和Kirin一番搾兩款。在居酒屋喝啤酒，當然就要點杯「生啤酒」喝個暢快！店員現壓的生啤酒，覆滿細緻泡泡，爽口甜潤，帶醇厚麥香。爽！

居酒屋🏮風格裝修既餐廳🍽座位唔多，𝐁𝐚𝐫枱位為主🪑🪑門口仲有張👨‍👩‍👧‍👦𝟒人枱，依家涼涼地🌬，岩晒😌餐廳午市主要提供定食🍱夜晚有🍢串燒食，係到飲酒一定勁好𝐅𝐞𝐞𝐥🍻~•~•~•~•~•~•~•~•~•~•~•~•~•~•~•~•~•~•~•▪️午市定食☀️ (供應時間 12:00 – 15:00)▪️包左💁🏻‍♀️🔸胡麻沙律🥗 ：有菜 蕃茄仔，加左勁多日式胡麻醬🔸主食🥢 : 選擇幾多，豬🐷 • 牛🐃 • 雞🐔 • 海鮮🌊都有 ($70 - $88)🔸味噌湯🥣 : 勁足料呀，有菇菇🍄 • 海帶，最重要係飲落唔會好鹹，唔係開粉湯🙆🏻‍♀️🔸熱茶🍵 : 或 可加$8升級其他野飲🥤.▫️吉列豬扒定食 ($80)吉列豬扒🐷大大塊， 炸到脆卜卜💥炸粉薄薄🤏🏻，肉冇炸到乾晒💦表面唧上左日式豬扒醬汁🤎酸酸甜甜，唔會好油😛旁邊仲有紫菜絲。.▫️和風牛肉丼 ($70)長長既牛肉片🐃唔係🙅🏻‍♀️薄薄既，唔會🙅🏻‍♀️透光。醬汁加左洋蔥絲🧅調味，面頭亦左蔥花💚.餐廳🍽用既米係日本🇯🇵新潟米🍚，米飯本身夠米香💕所以唔洗加好多汁都可以清晒🥄~•~•~•~•~•~•~•~•~•~•~•~•~•~•~•~•~•~•~•🔺免收加𝟏

又到了景峰呢邊搵食，見有間幾型嘅日本野喎，午餐七十至八十左右都ok吖，試下先。小店留白居酒屋，舖面係咪幾型先？！小店真係小店，店內十個位左右，bar枱模式。叫左份午餐，有玄米茶，沙律，同麵豉湯。沙律菜爽脆，多麻醬正呀。麵豉湯熱辣辣，有啲雜菇幾香菌味。午餐點了呢個吉列豬扒丼，賣相幾靚。Top shot睇落好細碗咁，其實唔係㗎，有一大塊豬扒，飯都唔少。除左豬扒，仲有紫菜絲同青蔥點綴，當然唔少得吉豬嘅醬汁啦，酸酸甜甜，有左個醬啲吉列豬扒好食好多。講番塊豬，外層炸得香脆，內裏仲好有肉汁唔會乾爭爭，有著少少豬油流出，十分甘香，再配埋個軟綿綿嘅日本米飯，好滿足呢。午餐無加一，都ok吖唔算貴，可能附近都係較相宜嘅食店，相比起黎留白午市好靜，計埋自己都係得兩枱客，唔唔～多多支持下小店啦。

留白是一種選擇，而如果沒有足夠的信心，這個決定也不容易。夜長夢多，深宵特別惹人愁，小酌總不能不照顧胃口。來到這家那麼有意境的居酒屋，總要點上些吃的。清酒煮蜆，簡單而純粹，蜆要新鮮，碰上清雅的酒香，加上淡淡的昆布，一字記之曰：鮮！串燒總要點上幾串，熱騰騰的惹味。雞脾菇厚厚的一塊，燒得剛好又juicy，微辣的調味，像極一口肉，對那麼吃夜宵又怕胖的來説，簡直恩物。煙肉卷車厘茄也是很難令人抗拒。燒香了煙肉加上微溫的車厘茄，與煙肉的鹹香剛配。喝上一會有點餓，不妨點碗碳燒雞扒飯。粒粒飽滿的珍珠米飯，加上隨風搖曳的木魚花，真是踏實。一夜下來，故事又繼續......

放假當然係做吃貨啦，吃貨日嘅上半場😂 我哋就揀左「留白居酒屋」，去到見到啲佈置都非常日式，仲播緊日文歌，好似去左日本旅行咁😬 我地點好嘢食，師父就即刻入廚房煮我哋order左嘅嘢食，即叫即煮👍留白海鮮炒飯$88熱辣辣炒好出黎，材料好豐富，味道亦都好好味😋唔會好咸 或 太重味，味道控制得岩岩好👍和風牛肉丼$70牛肉煮得岩岩好👍一路食一路仲有牛肉嘅精華滲透緊出黎😋成碗飯都充滿牛肉嘅香味，完全唔覺得係白飯😂

餐廳🍴吸引我哋眼球的，是餐牌上寫的這兩句：「電影裡的英雄都有壞人討厭，更何況是現實生活中的我們。不要奢望所有人都喜歡你，因為你無法承受那個所有人都喜歡的樣子。」隱隱感受到餐廳老闆的處事作風：「不需要討好所有人，只要做自己喜歡的事就好了‼️‼️‼️」所以餐廳亦不奢求有人在此大排筵席，畢竟「千金易得、知音難求」🥺🥺🥺小店以「深宵食堂」格局，款待知音人😍😍今次，我哋點了燒生蠔、魚手指、雞腎、雞心、豬舌、翠肉瓜、及炭燒雞扒飯😋😋

好耐無寫過食評，如果唔係太伏都唔想再寫，因為好忙…不知哪裡來的好評首先場內座位唔多(估計大約十個左右)，環境及裝修一般(未覺舒適)，我地3個人被安排坐吧枱位置，共點了3杯500ml生啤及5串串燒，生啤$78一杯，價錢還可接受(但6點幾那個時間大部分食店都有happy hour)，而且這環境及格局賣呢個價錢有點…至於串燒就真的有點不知所謂，價錢貴，賣相差，size極細，味道真的好普通，最離譜的韮菜雞皮卷$36串/3條，雞皮幼到幾乎斷開-和牛串$46，牛肉鞋口兼有根，燒五花腩$38-偏咸的兩片腩肉，仲有雞肉串及大腸……一般貨色飲完杯生啤，食完5串串燒，即閃，前後唔使30分鐘，一句講晒【唔會有下次】