番茄師兄

營業中

休息中

年廿九去深水埗有好多小店都已經收爐原本想食個間食左閉門羹行過見到蕃茄師兄有開呢間一直都想試直入有位未諗到食咩餸但先揀左湯底同麵底最後要豚豚圓圓蕃茄湯烏冬 $62有三片豬腩肉同4-5片豬頸肉算大塊 有煎香過 好食！蕃茄湯先係靈魂精粹佢係蕃茄濃湯，係見到有好多蕃茄蓉係到，個湯唔係水，係杰身好似開罐頭湯個種飲落去蕃茄味夠，夠酸帶點甜，好開胃，又有茄蓉呢個口感同味道，可以單叫個湯烏冬係偏身稻庭烏冬成個麵得3樣野，餸+濃湯+麵鍾意飲西式濃湯，呢個會係值得推介黎食最出色係個湯，其他野係你預期到嘅味道最後我飲哂成個湯到見底，唔會太咸，隔左陣都唔會好口渴唔係QR code 落單 又無加一可以encore *題外話有好多ivy so 同edan 應援物

午餐經常會食蕃茄師兄，每一次都忍唔住驚歎個蕃茄湯點解可以咁好味😋真係推介大家去食。响屋企突然想食火鍋，屋企乜都無，點算呢？原來蕃茄師兄有火鍋套餐，肉、丸、菜、麵都已經包哂，個牛肉重要幾好味，自己加隻蛋，撈一撈再淥，好正。套餐跟兩大碗蕃茄湯（可選擇其他湯底），真係一次過滿足哂2個希望😝順帶一提，佢哋包裝超用心，全部乾乾（真係乾，一啲水、汁都無漏）淨淨，絕對要加分。

在北河街體育館做完運動，咁順路冇理由唔食蕃茄師兄。好在趕得切 Last order前落單，因為餐廳收21：30。餐枱紙上宣傳在荔枝角D2 Place 12月開了米青蛋包飯公司，下次可以過去試下～♡♡滑一滑（騸牯鮮滑牛+炒滑蛋）上海麵牛肉嫩口，雞蛋滑滑的，的確是滑一滑，湯底濃厚蕃茄湯味，味道依然沒有改變！！蕃茄湯依舊好美味呢，值得一讚♡♡台式雞皮卷♡♡腐皮墨魚蝦條兩款小食都好好味外皮夠香脆～♡♡豚豚圓圓烏冬希望師兄飲食集團可以一直保持水準！！

本人因為特別鍾意蕃茄湯慕名而來 結果蕃茄湯冇乜蕃茄味，反而蘿蔔味好突出 如果淨係鍾意蕃茄味嘅人可以唔使試🥲 似雜菜濃湯多啲 桑寄生蛋茶特登叫晒熱同凍 但係都同普通茶冇乜分別 反而咖喱蕃茄湯同埋雞皮卷有啲驚喜🙌🏻 Overall 性價比唔高 食一次試吓都可以嘅🫡喂

🍅 帶子牛郎 HK$72＞刺身線帶子＋香煎牛脷 (泰黄咖哩番茄湯麵)・味道：冇諗過椰香咖喱同蕃茄都幾夾🥘，兩者唔會互相搶大家，既有喺濃郁咖喱香，又帶點酸甜蕃茄味🍅，中和油膩感，微辣惹味😋，同時少咗負擔感。帶子嫩滑，牛脷煎得香口，keep到水準👍🏻・口感：湯底濃郁但唔會厚身，食曬麵冇負擔感/油膩，係份量有啲細～・・・・・・・・・・・・・・・・・・・・🤰性價比：高～🤰9衝度：9衝～🤰結論：成年冇食蕃茄師兄，但都keep到水準，掂！・・・・・・・・・・・・・・・・・・・・

放工約了友人到深水埗買野順便食飯，見到呢區有番茄師兄即去幫襯，大約7:30前去到唔太多人，之後就越來越多人，店子面積中等，灰色牆身及色彩繽紛的椅子搭配營造鮮明的對比效果，牆上除了餐牌外，還有貼人同路人的餐廳介紹。餐牌，一場來到就試下出名的番茄蛋湯麵。滑一滑(騸牯鮮滑牛+炒滑蛋)，$59。番茄湯底配大光麵，賣相整齊，份量適中，番茄湯底酸酸甜甜，係比較偏甜的味道，蛋多滑，味道似番茄炒蛋，有家的味道，牛肉份量，肉質鮮嫩腍滑，不俗。友人要的。檸檬雪梨露(凍)，$18，夏日炎炎見到檸檬雪梨露即想飲，味道酸甜清爽，消暑佳品。食物味道不俗，支持小店。

首先，講講呢碗烏冬，麵條煮得剛好，彈牙又滑順，嚼落去有一種滿足感。再加上番茄醬汁，味道酸酸甜甜，清新又唔會過於濃烈，正好襯托出食材嘅鮮味。我成碗都飲晒。😂😂牛舌切得厚實，咬落去有嚼勁，肉質嫩滑，味道好豐富，搭配番茄醬汁更添風味。至於帶子，鮮味十足，口感滑嫩，簡直係為呢碗飯增添咗奢華感。整碗菜色色彩豐富，番茄紅、帶子白、牛舌棕色，視覺上已經令人開心。食完之後，整體感覺唔會太油膩，反而令人感到輕盈。總結來講，呢碗牛舌帶子番茄烏冬真係值得一試，無論係味道、口感或者擺盤都好出色，真係好滿足！下次再來，我一定會再食！

在香港深水埗，有一家小店雖然周邊都是菜市場，未必有什麼特別好逛的，但卻藏著不少美味的食物。我在隨意行的時候，被這家店的名字吸引，因為我本身就很喜歡番茄，所以決定進去試試！🤣我點了它的番茄牛肉麵，湯底的番茄味道非常濃郁，讓愛番茄的我心情大好，牛肉的份量也相當足夠。 此外，炸腐皮墨魚虾卷也非常好吃，搭配的醬料酸酸辣辣的，十分開胃!!😍如果你也是喜歡番茄味的小夥伴，不妨來試試這家店！自費的！真的挺不錯👍🏻

🍜粉麵 🚹1-4人 🐻‍❄️#箍牙妹 💛——————夏天有時唔想食飯，所以🐻🐻‍❄️又去食湯麵啦😆每碗麵🍜都有得揀湯底、麵條、仲有各式配菜，🐻🐻‍❄️陷入咗選擇困難症一段時間先揀到想食咩🤣🤣🍜犇犇有禮牛面頰+牛坑腩+崩沙腩$88上海麵，蕃茄湯底崩沙腩軟滑，另外牛面頰同牛坑腩咬落都軟冧度適中👍🏽蕃茄湯底好濃，係用茄蓉製成，上海麵都幾掛湯😬溏心蛋味道淡，食到蛋味🥚，入面好流心🤤不過因為茄蓉湯底都唔係濃味，兩者夾埋就無咩火花啦～🍜帶子牛郎帶子+牛脷👅$72大光麵，泰皇咖喱蕃茄湯，侍應會特登換鐵湯匙🥄同鐵筷子🥢俾大家泰皇咖喱湯飲落係甜甜哋嘅咖喱，唔會好咸好濃，🐻‍❄️第一次忍唔住飲晒啲湯，真係好好味🤤🐻‍❄️第一次食大光麵，其實同公仔麵類似🤣但都掛湯架🤤帶子係靚帶子，食落彈牙、啲肉一梳梳😆👍🏽👍🏽牛舌👅有咬口，但又唔會韌👍🏽👍🏽結論：食材靚、煮得好，值得encore，下次想試埋撈麵😆

番茄師兄 (深水埗)鍾意食蕃茄湯麵/通粉的我一早已經Bookmark了蕃茄師兄最近終於有機會去到了蕃茄師兄除了始祖深水埗店外於荔枝角及灣仔都有分店難得不用排隊就可以直入小小店鋪平日夜晚人不多所以相對寬敞滑一滑 $59配蕃茄湯底+通粉-騸牯鮮滑牛+炒滑蛋 騸牯鮮滑牛食落口感嫩滑肥美 炒滑蛋跟通粉一起上 我們打卡後才食 仍然非常香滑 蕃茄湯底為竭身那款 味道其實似蕃茄炒蛋加湯嘅味道滑一滑 $59配蕃茄湯底+大光麵-朋友點的檸檬雪梨露 跟餐+$18 淨飲 $24-檸檬跟雪梨味都明顯 飲得出的足料番茄師兄 (深水埗)深水埗基隆街255號地舖

呢間最出名嘅番茄湯底，非常濃郁，滿滿嘅番茄融入口中，最岩番茄控。滑一滑係由滑蛋同牛肉再夾埋烏冬，除咗烏冬可以揀其他面/菜底。首推烏冬，扁身烏冬帶d甜味又滑溜，同番茄湯好夾。另外芝士姑牛，芝士加番茄都非常夾，芝士味好出，連埋姑一齊食，有口感之餘又食到濃濃嘅芝士味。環境都算闊落，午飯時間好彩唔駛等位，不過平時見到都full full地，間唔中都要等位。冷氣充足，店員都幾helpful.

終於黎到呢家番茄王子了！深水埗a出口出口過嚟唔係好遠。招牌好醒目都有英文菜單！服務几好！嗯番茄湯底好正。好濃郁，真材食料！果然名不虛傳！尤其鐘意佢啲滑蛋。推薦香煎牛利都ok咖喱度偏淡。我覺得一般！佢個辣椒醬好驚艷！感覺係鮮花椒D麻辣口味，好鮮香好特別！唯一缺陷沒有蔥，我食湯面好中意有蔥！仲有環境好幹淨企理。有好多網紅元素喺度。夠噻9張相出街哈

「番茄師兄」真係一間好有特色嘅小店。一入到去就感受到濃厚嘅懷舊氛圍，裝修簡單但又唔失時尚。雖然間鋪細細，但係座位安排得好合理，唔會覺得擁擠。今次我點咗下午茶套餐，真係平靚正！首先講下佢哋嘅招牌蕃茄湯底，真係一絕。湯底用大量蕃茄熬製，濃稠又鮮甜，飲落去好有層次感。整體嚟講，「番茄師兄」真係一間值得一試嘅小店。無論係環境、食物質素定係員工態度，都係一流。下午茶套餐性價比高，絕對係灣仔嘅平民美食之選。下次一定會再嚟幫襯，推薦畀所有番茄控！🍅

天氣熱辣辣，個人冇咩胃口，想食啲酸酸地嘅嘢食，就黎左位於深水埗嘅番茄師兄。佢嘅麵底都有好多選擇可以揀，有大光麵，上海麵，拉麵，烏冬，通粉，生菜底。豚豚圓圓$59係有香煎豬腩肉，香煎豬頸肉，我揀左配烏冬，湯底好濃郁嘅蕃茄味，酸酸地好開胃👍👍滑一滑$54入面有滑牛，同炒滑蛋，特別係個炒滑蛋，炒得真係好滑，整體都係好食。跟餐每個麵食加$18 ，加左枝港式奶茶，同檸檬雪梨露，檸檬雪梨露好呃呢個天氣飲，覺得好潤🥰🥰

茶記的價錢 但食物質素絕對上乘!服務人員極為友善,主動為我介紹牆上老闆親手拍攝的美食照片,令人賓至如歸。📸📷 想必老闆也是一個有人情味、有趣的人。🍅濃郁的番茄湯底實在令人驚艷,作為會下廚的我都知道優質番茄的成本並不低廉,能夠煮出如此濃稠醇厚的湯底,實在是一絕。🧀另外我們還點了芝士通心粉,味道雖稍遜於番茄湯,但同樣美味飽滿。牛舌和嫩牛更是新鮮可口,充滿牛肉鮮香。份量極為豐富,連晚餐時段的價格都與午餐相同,性價比卓越,‼️