登打士茶餐廳

營業中

休息中

今日行經旺角，想食茶記下午茶，就入去食！入咗去揀咗卡位坐低，冷氣十足好舒服，望咗下午茶餐牌，就叫咗一個西多士加凍檸茶。我個人喜歡此懷舊味道，雞蛋加花生醬啱我口味！間唔中有貓貓經過好乖，唔會阻住你食嘢，佢哋懶洋洋喺店內行來行去及睡覺💤，好得意😊有隻貓店長叫糖糖，盡忠職守看舖頭招呼客人並無偷懶，討人歡心！ 我會再次光顧，試吓其它東西！就這樣過了一個悶熱的下午！還有雞髀沙律可以推介，見到大大份！下個星期再去幫襯吓先😋

食物質素差，衛生麻麻就咁放貓貓行黎行去吸客，完全無理會食物同環境質素，加上放貓係鋪內完全不理會貓貓安全，去到見到貓可走出馬路邊行來行去，只不過用動物招生意，差評。

茶餐廳比較舊式，門口有戶外座位，啲佬坐喺度邊食邊🚬，入面左右2邊有卡位座位，中間就方枱圓櫈，多人嘅時候要搭枱喔！🐓🥗 鹽酥雞配雜果沙律 (HK$48）．口感非常酥脆，有啲似炸芋角咁．雞肉口感軟滑，不油膩，味道幾好喎．配份量勁多嘅雜果沙律，有不同水果粒之外，仲有薯仔粒同椰果㗎！🍋☕️ 熱檸茶．正常的濃郁紅茶底配幾片檸檬當斜對面的一枱客走咗之後，俾我見到貓店長之一嘅牛牛瞓喺嗰度。我見佢啱啱瞓醒，就行過去坐低，佢俾我摸吓佢一陣間，伸個懶腰之後又瞓番嚕。

有一次睇J2台的一個節目介紹過呢間有貓貓嘅舊式茶餐廳，星期日放假就同朋友來試試！🐱😎這裏的貓貓都曾經是流浪貓，店長把牠們暫時收留在這間茶記。有興趣領養的朋友可以問問店長的！🤗😬食物方面真的很便宜，我們點了兩個下午茶餐！芫荽滑蛋三文治份量十足，餡料很多，好濃的新鮮芫荽味，十分好味！😋😍炸雞髀也炸得夠熱，十分脆皮。由於是即叫即炸的關係，大約要等15-20分鐘！🙈😆😬如果好似我咁鍾意貓，但又不能養貓的人，值得一去呀！🐱😛😆

如果真的喜歡貓我覺得不要去覺得只是利用貓增加生意餐廳衛生環境十分差 地下立黐黐 雜物十分多很多紙箱 還有烏蠅飛來飛去 看到收銀櫃位置地下一堆垃圾檯面拿餐具的櫃桶十分污糟貓咪在這樣的環境下來行去😅如果愛錫貓應該不會這樣吧 😅服務 可以說是零 等餐時間十分耐食物方面超難食 你們可以看看圖片 揚州炒飯沒味加炒燶乾炒牛河 沒味道牛肉乾身韌 河粉斷開還有貓咪身體腳板十分污糟我真的覺得只是利用貓咪去圖利本人有養兩隻貓貓絕對不會這樣對待貓貓真的十分差

這是一間可以與貓同坐之舊式旺角茶餐廳！這間茶餐廳位置不起眼的登打士街附近，所以店名也是以登打士街命名，已經在旺角多年，內𥚃的環境和裝潢都保留了上世紀80至90年代的款式！在這兒食野的最大特點，不是他好好食，而是你可以與貓兒同坐一起用餐。這兒的貓兒已習慣與客人一坐和用餐。 這兒是街坊茶餐廳，所以下午茶連凍飲都是四十餘元，以旺角來說算是唔貴！要味道比多十至廿元去其他地方可能有更好的選擇，要玩貓就唔錯，值唔值得來就見仁見智！

身為貓奴嘅你，有無試過抱住種”隔離飯香”嘅心態，走去啲喵Cafe撚其他貓😽？嘻嘻😁總係覺得似去咗😺💖貓版怡紅院搵喵姑娘呢(邪念起🥴)今次我哩位奴才無去到Cafe, 反而去左間位於砵蘭街嘅喵喵茶餐廳——登打士茶餐廳，當日坐館嘅有兩隻喵喵❤️分別有白色貓(棉花糖，半歲), 同埋豹色貓(?，3個月)，真係好嫩口架姐😋餐廳裡面大多數都係熟客仔，佢地甚至乎會帶埋玩具同坐館嘅喵喵玩😂。聽老闆娘講，屋企一共有十幾隻喵，全部都係無家可歸嘅浪浪🐱，而老闆仲話好開心d喵喵咁痴人，唔會擔心被人領養咗之後就唔理人🥰要撚貓，當然都要幫襯下人地，蓬勃一下人哋個浪浪基金！由於我地下午茶時間去到嘅關係，所以就叫咗個🥞招牌西多士($36)同埋🌱🥪芫荽滑蛋三文治($35)。🥞西多士大件，香脆！但係更值得一題係芫荽蛋三文治🥪，餡料夠多之餘仲有新鮮嘅淡淡芫荽味🌱，十分好味😋各位喵奴如果你都想好似我咁紅杏出牆，都可以考慮下哩到喎😂登打士茶餐廳 (油麻地)📍油麻地砵蘭街105號地舖

朋友介紹呢間貓貓茶記，咁啱到咗下午茶時間就入嚟試吓。點了一個咸魚雞粒炒飯$45，一份雞髀配西多$40，餐飲凍檸茶同凍奶茶。先講個炒飯，材料有生菜絲同咸肉，蔥，蛋炒得夠咸香有鑊氣， 味道中上，份量算大碟。炸雞髀夠脆皮，炸得夠熱，味道就好好唔太咸。至於半份西多士，真係好正，多士夠厚身，食到滿滿蛋漿味，多士中間仲有花生醬餡，配埋糖漿食一流，雞髀餐都只是$40，真心好抵食！2杯凍飲味道正常，如果可以走塑，轉做紙飲筒/可重用飲筒就更好更愛地球了。而呢度最特別的是環境呢！今日就見到3隻貓貓追逐大戰，玩得好開心，而全場觀眾食客亦看得好刺激，是一次很特別的用餐體驗。

位於旺角登打士街嘅登打士茶餐廳💰下午茶沙嗲肥牛金菰米線 加一杯茶走☕️不收加一 承為$48 💰加小小辣油更好食～～～任坐唔嬲 係旺角區下午茶同朋友吹下水嘅選擇😁😁

好難得的良心小店，抵食夾大份之餘，仲會免費安排領養流浪貓！！！睇openrice見到好耐，今次終於有機會去，因為係自己去所以只係買咗外賣。但係超級抵食，個炒飯多到個外賣盒合唔埋咁滯 連熱飲外賣都只係$59係一般茶餐廳嘅裝修 但都好多貓貓畫裝飾 貓奴必去！

下午茶時段人不多食物即叫即整，熱辣辣炸髀香脆又入味，Lam Lam 脷西多都很好，不過我顧住食炸髀，只咬咗兩啖下次可能揀配薯條加上侍應哥哥有禮，又有貓貓觀賞非常好👍🏻

頭先叫左一個窩蛋免治牛肉飯一個乾炒叉燒可一個常餐奄列多士加沙嗲牛肉麵免治牛飯根本唔係免治牛飯又稀，而且又有蘑菇似係滷肉飯多啲杯奶茶好苦杯檸水好甜啲火腿奄列有蛋殼好失望

朋友住油麻地，偶然發現了一間茶餐廳內有貓星人，於是立即報料俾愛貓既我。我係某日既早上到達，見到舖內有3隻大貓及一些貓BB，原來就係常駐店內既金經理同白經理，佢地都好平易近人。而當日見到既貓bb，原來係老闆娘親自拯救返黎的流浪貓，同老闆娘閒談下先知道原來佢會不定期拯救附近既流浪貓，不但會照顧佢地，仲會幫佢地搵個新屋企，實在係超級有愛！！講咗咁耐貓，講返啲野食先，當日叫咗個白經理推介既歐陸早餐，只需$42就可以成個all day breakfast咁既早餐，真係超值！總括而言，從店內佈置以及閒談中都感受到老闆娘對貓既熱愛及付出，當日店內唔算太多人，所以老闆娘都俾我同貓玩咗一陣，當然啦，如果有人等位我都只好下次再黎見貓星人啦，畢竟人地都係良心小店，應該要我地既大力支持！我對呢餐非常滿意，畢竟茶餐廳收費但有貓café既體驗真係令人好驚喜！未來我都會繼續支持，要試埋佢地其他菜式先！唔知下次黎又會唔會再有貓bb呢？

又係時候嘆個下午茶，一定要食金金代言既雞脾配西多啦，抵食夾大件，食一次真係愛一次，由其係金經理咁可愛既樣，仲有神龍見首不見尾既白經理，呢两個店長打理得舖頭頭是道🤭

每次外賣自取非常混亂，問啲職員阿姐，佢竟好似你煩親佢咁，話做咩要問佢，佢唔負責呢啲，叫我搵返負責嗰個。最離譜一次係唔記得煮，一早落order訂咗12:15去攞， 12:15準時去到門口冇得攞，原來佢哋漏咗做，足足等咗半個鐘頭先攞得到，叫咗京都肉排是小菜加白飯例湯及檸檬茶，佢竟然將啲白飯撈埋放係京都肉排一齊，同佢講番，廚房做出嚟係咁就咁，平時根本就唔係咁㗎 ！決定以後絕不幫襯！