發記士多

營業中

休息中

讚1.環境實在舒服，呢類鄉村士多，好多時都係有啲污糟咁，呢暗絕對無，好企理乾淨，老闆種左好多花草，加埋邊仲有河景咁，幾好2.野食都係普通燒賣、公仔麵咁，但係都係即叫即整，同埋無諗過咁細間都有豬肉同魚肉燒賣揀，豬肉燒賣係幾好味，揀得幾好，有啲菜甫係入面咁，連啤酒杯都係雪凍埋先比客，係一間好仔細既士多彈無

星期五之前天氣還有20多度，星期六忽然轉涼，還要走去西貢北潭涌露營，預計晚上氣溫會比市區再低幾度；雖然未至於跌到10度以下，但帶着小公主去人生第一次 wild camp，總會有點擔心。去到北潭涌，進入郊野公園及海岸公園的禁區範圍，沿着大網仔路轉入北潭路行了10分鐘左右見到了幾個路牌，指引途人進入幾條鄕村的小路方向。旁邊竟然有一間小士多。既位於公路傍，附近又完全沒有其他店舖 ⋯⋯ 雖然欠缺停車位、亦沒有小型購物中心，但卻是遠足人士的最後補給站 …… 還不是「港版道の駅」？認真一點來說，「發記士多」只是一間簡陋的磚砌混凝土小屋，門外擺放了幾張膠枱，客人可以休息一下，順便食個餐蛋麵或者一份多士。典型一間郷郊士多，幾個塑膠架七零八落擺放了幾款小食，但每款小食又只得一兩件，相信應該甚少人購買。主力還是啤酒、汽水、餐蛋麵及多士。即使是周末，估計一般情況下也不會有太多客人。今日忽然多了幾個家庭帶着小朋友去露營，途經這裏，人人都要買多士，老闆夫婦一時間應付不來，有點混亂。買了熱奶茶（$15）及熱華田（$15），事前沒有講清楚要外賣，結果要自己加糖後倒入紙杯內。從兩個熱飲瓷杯已看得出「發記」的隨意；沒有

餐蛋札肉公仔麵! 厚切餐肉，即叫即煎，外脆內軟! 燒賣都有2款選擇1) 魚肉2) 豬肉，認真細心。 滷水鷄翼,好好味道!👍👍估唔到咁細間士多，食材用料都好靚! 飲品亦有好多選擇! 行完山,可以嘆個麺!

禮拜日，同老公一早起身為睇靚車,順便食餐蛋麵.早上黎呢度會見到好多愛車發燒友泊架車o係度食早餐，男多女少.除左靚車，呢度既環境好舒服.坐底左，我同老公都係叫左餐蛋麵.先講碗麵，呢度既餐肉唔似出面咁薄.餐肉有厚度，淡淡肉好味度！蛋唔會煎定，即叫即煎，香口又有蛋香碗麵仲有條菜，爽甜無渣.Overall,呢碗麵真係好好味.好耐都冇食過D咁有誠意既餐蛋麵，一家會再黎

這發記士多，是我第二次來的了﹗上次一行五六人，今次自己一個行山，回程都係忍不住要來坐一坐﹗平日原來無麵食，只有飲品供應，都無問佢一支啤酒幾多錢，行左成六個鐘，雙腿也酸了，回程有間士多，五十蚊支都要飲架啦﹗士多老闆很nice，同我講明幾點有車叫我不要錯過，飲完支酒即刻走，岩岩好﹗總之行親第一段，這發記士多，便是休息站﹗

相約友人行麥理浩徑，晨早由北潭涌出發，去到東壩再回程，用了六小時﹗身心俱疲雙腿又發軟，回到北潭涌的入口時俾我地見到呢間發記士多﹗士多老闆探頭張望，向我地招手，仲大叫有冰凍啤酒汽水，一班酒鬼梗係俾佢引左入去啦﹗士多用木搭成，後面是一條小河，風景還不錯，坐在露天的位置，叫了兩支啤酒爽爽先﹗身水身汗飲番杯真係心曠神怡，大家吹下水仲要多包花生同吃，明明話好今日要健健康康睇黎都係事與願違。友人肚餓要左個餐蛋麵，餐肉是煎過的夠哂香口，但個公仔麵既湯就比較淡一點，佢話最好落多包味粉先掂﹗休息了半個鐘再上路回家去，在回程時老早想著有這間士多，我估我地望梅上渴應會行快一點的﹗要提提呢度是沒有廁所的，要去就要入個布幕直射進河裡，覺得難受就忍忍吧﹗

十二月廿三‧晴 我喜歡美食，近年也愛上跑長跑。在這裡認識得到很多食友，但跑友卻甚少，始終「食」及「跑」，難共存。不過還好，也有一位同是跑全程馬拉松的食友，就是里奧。是日的賽程是萬宜水庫半馬，作為渣打馬拉松的最後備戰，除了比賽的廿一公里，還要走多十公里當長課。跑完之時，又累又餓，來了這裡吃碗麵。 這裡差不多所有座位都在外邊的，正值秋冬之時，風涼水冷，加上陽光普照，相當舒適。麵大大碗，用上出前一丁，麻油及湯粉下到足，際此體力已接近零之時，特別覺得滋味。蛋即煎，是溏心的。餐肉兩邊煎香，還帶微脆，有水準。 除了吃麵，還要了熱咖啡。是用一個小咖啡壺盛來的，幾特別。幾香幾濃，以一間鄉村小店來說，超水準了。 主理人服務很好，很有禮貌，值得一讚。 埋單33蚊，不算便宜，但在這個不毛之地，也算是合理價錢。 題外話：離去之時，也是走完長課的里奧兄拖著疲憊的身子來吃麵，吃的當然也是~~餐蛋麵。