發記甜品 (已結業)

megabox內甜品都好多, 我同兩位朋友呢日就一次過掃幾間~ 朋友生日, 我地務求食得多款, 開開心心! 睇完ice-hockey之後就去左食mos burger, 之後就黎左發記食甜品!!因為得7點幾, 所以唔係好多人, 不過坐左o係近電梯o個邊, 唔係幾好!但係d甜品好好味! 同旺角, 銅鑼灣之類o既發記分店唔同, 呢間少人d, 所以個感覺無咁粗製濫造!楊枝甘露依舊好食! 芒果味一絕!酥皮焗香蕉係我o既至愛! 酥皮香脆, 香蕉加上朱古力蛋糕一齊焗, 真係好好味!(不過d 伴碟o既士多啤梨, 真係酸左d...)什果涼粉意大利粉... 已經唔係第一次食, 但係真係好特別, 涼粉已經好爽, 仲要變成一條條, 再加上什果, 口感一流!!!!!! 我地下一站係土耳其雪糕!!!

意外地睇咗套好搞笑嘅絕代雙嬌後, 心情好靚, 同老公去搵甜品食因為我未食過發記, 所以今次係我第一次食榴槤飄香因為唔多人, 服務都幾好, 落單後好快就送上榴槤飄香老公話榴槤飄香真係識飄香, 佢討厭榴槤味道, 所以好快咁推咗榴槤飄香係我面前我就真係聞唔到喎, 但係食落好好味呀 榴槤非常足料, 而且好甜, 仲有幾舊榴槤肉同少少柚子肉, 凍凍地, 好滋味 我食到唔停得口, 心諗如果以後想食榴槤, 都唔需要去超市買, 嚟呢度食咪得囉, 反正得我一個鍾意食 哈哈, 老公就慘啦, 全程忍受榴槤飄香的味道, 仲睇得出佢好想我快啲食完, 後來仲自動送上香口珠俾我, 有無咁誇張呀, 真係俾佢激死!!!

與友人晚飯後到此食甜品點了個凍芝麻糊加豆花, 豈料送來的是熱芝麻糊加豆花, 即時同女侍應講, 只換來一句我地呢間分店冇凍o個wor正想跟她理論為什麼下單時不說, 餐牌又沒寫時, 她已轉身離開了, 好似冇事發生過一樣, o個一刻真係不懂反應, 十足十呢個icon -- ,

8/11/2008星期六的下午, megabox 也沒甚人氣, 大概是經濟不如以往吧?! 我們駕車前來逛逛.是日中午沒甚麼下肚, 因此大約下午3 點3來到發記甜品tea一tea.我們點了清心丸紫米露($22), 還有芒果香蕉班戟($22)我最愛清心丸煙煙韌韌既感覺, 它口感較淡, 因此配上比較香濃既紫米露的確唔錯! 紫米露足料, 芋頭一粒粒頗大粒的, 正!芒果香蕉班戟既意思係兩舊芒果班戟, 一舊香蕉班戟甘解. 我比較喜歡芒果班戟, d芒果甜嘛. 她就喜歡香蕉班戟既實在口感.剛開張的megabox, 假日總是人山人海, 那時只要任何消費就可以免費泊車兩小時. 現在經濟較差, megabox卻取消了此優待. 現在megabox 停車場$8一小時, $8也是錢, 泊三小時豈不是要$24? 當然令不少駕駛者諗諗先. 經濟差想吸引人流, megabox應提供類似既優惠la, 例如任何消費就可以免費泊車一小時都好過無, 您話係咪先?

有日同媽行megabox想食甜品但得依間!咁都去食啦!媽叫左個芝麻糊+湯丸我就叫左個楊枝金露嘩...............sip牙la都唔夠好細碗!仲好似貴過滿記味道又冇嘜特別唔覺有咩勝人之處正好似樓下幾位食家咁講d waiter and waitress呆呆滯滯唔知想點如果megabox有許留山我實去許留山\___________/blacklist依間!一定唔會再係度食

坦白講, 我對這家甜品店非常失望, 應該不會再次光顧。跟朋友點了 紫米露 + 西米露 和 川貝蓮子海底椰。前者味好淡, 丁點兒甜味; 後者沒半點甜味和川貝味, 只吃到蓮子味, 感覺像熱水 + 海底椰 + 蓮子 放在容器裡, 然後送上。服務方面, 我覺得像和一個不會發聲的機械人溝通囉～我都從沒試過一碗甜品吃不過５啖就要停手！

我每次都會點清心丸紫米露. 就是喜歡紫米露不會太甜而且有煙韌的清心丸增加口感.也點了個芒果班戟. 一讚芒果很甜; 班戟皮雖然薄,但忌廉甜了點. 如果弄大個一點會更好,最少底部不用摺這麼多"層".其實已經吃過發記多次,不知何解總覺得發記甜品的選擇很少; 我來來去去也只是吃一兩款,不似其他甜品店有多款特色甜品選擇.

六月十四日(星期六)同老公仔食完dinna,例牌張食甜品,佢仲一早plan好食發記!今次佢唔係食榴槤飄香喇~食左榴槤大菜糕,佢話d大菜糕都有榴槤味!唔錯,不過都係榴槤飄香match d!好似分開食緊兩樣野咁!而我飲木瓜奶,一般唔夠冰同埋唔夠香!上次o係銅鑼灣食好味d咁wor!

行了兩個鐘都幾累, 找個地方坐坐抖一抖芒果班戟 - 餅皮唔厚仲好軟滑, 咬一啖好重蛋味, 而芒果肉幾甜唔太酸, 忌廉比例又剛好, 整體比滿記更出色楊枝金露 - 柚子肉夠多而芒果味都幾濃, 加上夠冰凍, 感覺唔錯

大伙兒去到Mega box其中一人話想吃甜品結果便到了發記望入去見到個店員有點呆，有點遊魂，就這樣站著到入內我們在選食物時，店員有點不耐煩般等我地落單.....我選了芝麻糊+清心丸芝麻糊幾香，但有點兒稀...清心丸同我之前在其它甜湯店吃的不同有少少薑味，可以接受的之後在這裡大家一齊傾計，坐了很久因為計埋我們，全店只有三檯客人環境十分清靜！所以店員沒有催我們走

飯後最好就係食甜品, 而咁好彩呢度就有一間食甜品都幾出名, 於是乎就決定入去甜一甜啦!坐底唔使睇即刻叫左個芒果班戟同埋楊枝金露!芒果班戟一盒有三隻, 芒果幾甜而忌廉份量唔算多, 不過個皮就硬左少少, 師傅就懷疑雪得太耐所以咁硬, 不過都尚算好味, 可以啦; 而楊枝金露就絕清甜, 不過d柚子肉就幾酸幾澀, 但芒果依然好甜, 都幾好味!總括黎講甜品嘅質素都頗好, 而服務員的態度不是差, 不過就笑容欠奉, 價錢都唔平, 兩客甜品加埋都接近五兜野, 坦白講如果有其他選擇, 師傅都未必會黎呢度, 皆因唔係話咁出色, 不過今次係志在食下甜品, 所以笑臉都仍可以比!

第一次食發記,是N年前去深井食法國餐時試,初次嚐到榴槤飄香,驚為天人. 慢慢在旺角也吃到,也不太差,水準可以. 昨晚晚飯後,也決來一食. 但服務麻麻,無人理,很多也很生手.榴槤飄香~最出名的,一吃期待是那香氣攻鼻,但香味沒有,榴槤帶點苦味.榴槤糯米慈卷~也是招牌貨,但一吃,外層該是煙煙un un,但卻是帶點硬,應該是隔夜吧. 伴碟的二片士多啤梨也帶爛,賣相已不討好,怎叫招牌.發記特飲~幾種生果加埋,不太冰凍,味道似酸非酸,該甜不甜. 芒果布甸~反而呢個出奇的好味,食過一啖,好香又滑. 睇怕以後都唔會再黎,質素差得太厲害. 價錢仲唔係平.

我本人唔食榴槤，一入到舖內，d味勁到我想掉頭走人，但無奈班fd想食....我點o左杏仁糊+湯丸，其實都幾好味，夠香濃，可惜四周圍d榴槤味實在太勁，蓋過哂其他一切味覺。咁細碗，廿幾蚊偏貴。

食完喊晒口的riso, 我極力提議佢食返次榴槤甜品, 原因係我相信佢將要去0既地方係唔會有佢喜愛0既榴槤食, 亦都當係將我寶貴0既第一次俾佢啦XD2個人share 4件榴槤糯米chi卷, 都咪話唔漏@_@大大件的durian被厚薄適中的糯米chi皮包著~~糯米chi皮做得幾好, 少少甜, 唔太煙韌地配埋腍bat bat的榴槤就剛剛好~d榴槤都幾新鮮呀~~!! 原來榴槤都真係幾香0架喎, 無平時聞到果陣味咁臭, 不過...食得多都唔好...這個第一次, 也是不錯的體驗~~ ^^

早前跟朋友駕車到深井發記吃已經覺得不錯﹗怎料在mega box10樓竟有發記，也來不及興奮就衝了上去10樓買外賣了。但出乎意料之外…點了一個芒果香蕉班戟和芒果布甸，班戟一盒只有3塊，真的不用1分鐘就可以把它消滅，布甸更不在話下，也是不消1分鐘就在我肚子裡了﹗言下之意當然是說食物的份量太小了，相對地價錢亦不是便宜的﹗這裡結帳都要$40，真的很昂貴﹗如果份量多一點，價錢也不是太大問題。服務員的態度不是惡劣，而是好像每個也處於未睡醒的狀態下工作，呆滯得很﹗而且欠缺笑容﹗我想我還是跟朋友駕車到深井吃會快樂一些﹗