發記甜品 (已結業)

昨晚食完雞煲跟住去了附近的發记甜品食店地方不算大和位子不是十分寬敞坐了不久員工巳問我們食什麼我們其中一個叫了楊枝甘露 唉⋯ 試食了小小覺得 無乜芒果味道 吾甜和西柚太澀總之不能食下去⋯即時同店員説 他們説不可能 但最後都給我取消了和點了其他食物還有我們叫了一份芒果和一份榴蓮斑㦸但竟然來了兩份都是芒果的總之這次的經驗 下次不會再來

旺角有多糖水舖，今次去左食發記甜品。$56，朱古力心太軟+一球曲奇雪糕。係旺角加上係心太軟，$56都可以接受架啦。照片如下。有流心效果，微熱。雪糕正常，度度甜品舖都差唔多，除非去專食雪糕嘅甜品舖。

一輪無嚟幫襯 發記甜品 點解佢啲生意差咗咁多嘅？我哋今晚大概8:30坐抵，旺角成間鋪都只係坐得三枱人（包括我哋）... 可能時間尚早啦🤔嚟得 #發記，#小秘書 都只會獨沽一味食 #榴槤飄香 ，師傅一般會拆哂啲榴槤肉出嚟放入冰格待用。等人客嚟到嘅時候，再加入花奶、果肉... 如果遇正榴槤當做嘅季節，味道就會更濃郁！咁啱我朋友同我一樣又係勁鍾意食榴槤嘅，一於嚟個 #榴槤飄香 x2 滿足吓個胃啦！可惜今日師傳嘅手勢令我哋好失望呀😑 喺我哋落單唔夠2分鐘兩碗甜品已經擺咗喺我哋面前，好明顯係一早整好放入雪櫃待用👉🏻👈🏻 呢樣都唔重要，最慘食落口啲榴槤肉感覺勁唔新鮮、仲有啲酸酸地☹️ 呢兩碗嘢要比$110埋單... 勁肉痛🤨

同朋友食完晚飯但係仲未傾夠，所以決定食個甜品繼續傾。我地去左附近既發記甜品，發記甜品分店越開越多，但係品質開始有點參差。今次分別點左燉雪梨雪耳、楊枝甘露、芒果蛋白燉奶。最好食係芒果蛋白燉奶，蛋白燉得好滑唔會過火，蛋白本身無咩色，但係加左花奶同芒果之後就好加分。燉雪梨雪耳都既足料，有好多就雪梨同雪耳，夠晒潤喉，不過略嫌糖水有點兒過甜，飲到後期就唔想飲。最失望竟然係以為好安全嘅楊枝甘露，柚子太老所以有d澀嘅口感，芒果份量都幾多，但係食到好多都有根，呢點有d扣分～

不知所謂 難食中 西式甜品太多糖 中式如水 無味道 西式糖太多服務態度正常 但百無 要乜無乜 有啲仲要冬天先有 好奇怪 六人進入 一人叫一碗 有三碗都無貨 賣相正常 無驚喜 太多糖 甜太多 爛食

食飽飯之後，去食糖水係件賞心樂事！點知⋯⋯呢間唔知乜鬼糖水舖，攪到個人心情極差！同埋千祈唔好比佢個餐牌欺騙到，唉！總之就中。伏。鳥！玫瑰百合燉海底椰（熱）見餐牌入面呢個糖水，心諗有玫瑰嘅香，又有海底椰清熱，加埋百合嘅潤，係個唔錯嘅選擇！但事實笨唔係如此⋯⋯入面只有三片超薄嘅海底椰、兩粒玫瑰、少少百合加一大碗超甜糖水，果種死甜，飲完即刻要用水洗口。楊枝甘露老實講，之前果個糖水都係50/50搏一鋪，點知輸曬！諗住叫個穩穩陣陣嘅楊枝甘露，點知⋯⋯一樣大鑊！柚子乾澀冇味，芒果雖然大舊，豪無芒果味，我覺得似舊蕃薯，因為佢竟然老到好似蕃薯咁有根。唉！

突然友人想食甜品，近近地走去雅蘭旁邊地鋪的發記甜品，勝在出名，深井店。星期五晚都不full. 叫左個大蝦意粉，可以送埋甜品，心諗幾抵食，上菜好快，意粉預左一般，勝在食飽。個燉奶麻麻地，味道一般。可能送的甜品係咁。仲叫左個朱古力醬窩夫。張相明明是配朱古力雪糕，點知似來到係雲呢拿雪糕，個窩夫出來不熱也不跪，似番熱。問侍應佢話係俾這款，雪糕食一口發覺有怪味，叫友人試下都同樣發現，問個侍應。話不會換，俾dreyers ，問佢為乜有怪味，佢話Dreyer 轉左配方。真是不敢再來食。

垃圾榴槤飄香完全係用水溝咁🤦🏻‍♀️🤦🏻‍♀️💩又貴 完全吾值。首先係咁催人落單，起碼3次，食緊野啲店員不斷睥人趕客食快啲🙄🙄攞紙巾仲要比錢....唉曬錢!!!!!!!!!!!!!!!!!!!!!!!!!!!!!!

大陸嘅親戚朋友每年都會來香港一次，每次都會嚟食榴槤飄香。今年較為特別嘅係隔離開咗一間大有名氣嘅甜品店。有競爭才有進步見到發記甜品換左大部分餐具，而且餐牌都重新整理過。賣相黎講更加精美。榴連飄香（$46）作為內地親戚忠實的意見：榴連味道比以前淡，而且榴連肉少左勁多。以前會會到1大舊榴連肉，依家只有水和細細舊榴連肉碎。失望。雪耳杞子燉圓肉足料，有兩粒龍眼肉，味道偏淡。咁大的競爭之下，希望貴公司除了在餐具上增加競爭力之外，在甜品本質上可以保留合理水準，始終一份甜品都要接近50個大洋。

同朋友食完飯後去食甜品第一時間諗先去發記我叫咗個心太軟黎食，因為心太軟要焗既關係其實都等咗幾耐但好在冇令我失望因為我次次都係食心太軟一切關既時候即有流心朱古力原全冇焗過龍所以等既時候真係值得雪糕叫咗石板街襯埋一齊真係一流仲有最後我想講員工好有禮貌招呼好好一入到黎就同我地打招呼好熱情值得加分

5 mins walk from exit E2, you will find many many dessert place but lucky dessert got to be the best among all! The restaurant although small but many customers kept coming in and out - something you wouldn’t see in desert place nearby. You would have to wait for around 5-10mins for them to arrange the seat. My friend and I order 2 desserts: sweet mango soup and glass jelly with coconut milk. Not too sweet and refreshing is exactly what it tastes like! So for what it costs, it’s totally worth it

出開旺角食飯都會嚟發記食甜品，平時都覺得發記啲嘢食ok好味，但今日試左呢個窩夫真係中哂伏！！一啲都唔香脆，仲要勁粉，好似食麵包咁，一啲口感都冇，食左一啖已經唔想食！！下次嚟唔會再試呢個！！

食完正餐，帶左台灣朋友食完妹記大排檔，再行完女人街，睇埋就快要消失嘅街頭表演，我地就出發去左食甜品。九點鬆少少，時間尚早，所以一入去就有位。牆上面有d 舊香港嘅壁畫，台灣朋友就開始啓動影相mode，狂影相留影。台灣朋友知道芝麻非常養生，同有烏髮作用，即刻叫左好地道嘅芝麻糊（$26）嚟試，芝麻都幾滑，唔會過份甜，味道不過不失。夏日炎炎，消涼最緊要，所以姐我叫左碗香草綠豆沙（$25），一嚟俾朋友試下另一碗地道甜品，一嚟幫自己清下熱氣。唔知係咪同媽媽煲嘅糖水有對比，食落味道雖然不過不失，唔會死甜，但就厭無咩綠豆無咩口感。另一位朋友叫左養顏蛋白燉鮮奶（$32），第一啖食落係有鮮奶味，再食多啖就已經食唔到奶香，滑係滑，但就無咩驚喜。我地食嘅野嘅時間，有位比較年長嘅店員係度大大聲教d暑期工（maybe)，心諗：家醜不出外傳，好心咪鬼企正鋪正中間教，一嚟嘈到客，二來俾人知你地嘅職員唔到位，又有咩謂呢，三來教人唔洗呼呼喝喝，罵得多我都唔聽你講啦。 位年長嘅店員罵緊嘅同事，我地一路食野一路有d蚊滋仔陪我地食野，而成間鋪都好似唔多清潔企理嘅感覺，如非必要，我應該唔會再黎lo。

如題目所講，我好多年冇去發記，因為出面有好多選擇。。尋晚見順路同見佢裝修左再返去試下，點之我覺得有被騙成份。。。入面冇位，安坐近門口位，仲好熱。。之後ˊ楊枝金露涼粉要$51ㄧ碗仲要好細好細。。楊枝金露又好"希"。。冇乜口感。。。加埋涼粉係個碗入面，楊枝金露唔係得好多啖。。服務就都可以，起碼佢唔趕你走，不過可能只係冇客等位先唔趕你。。。地方算ok clean。。不過啲碗碟就有啲舊舊比。。我覺得$51ㄧ碗就超唔抵。。

食完午餐去對面食甜品，本來想食較細間嗰間糖水舖，不過長期爆滿，佢本身都冇乜位，只好行過隔離發記。其實發記都好出名，細細個跟屋企人去深井食燒鵝啦，都會去發記食甜品。後來要開越多，旺角就好多間分店。不過次次行到嚟食甜品，可能間鋪太大啦，成日都覺得冇乜人。所以因為依個原因，一定會有位，唔使擔心無位。我叫左佢哋出名嘅楊枝甘露，水準依然，不過食咗太多次吧，都冇乜新意。但係對佢哋嘅新創作又冇乜興趣，下次試吓佢哋個廁所雪糕啦，都幾得意架。再有芒果糯米卷，通常都超甜，不過今次就爭啲啦，可能唔係當造啦。不過可能嗰個時間人流都係少嘅，所以老闆都冇安排太多員工，成間鋪都係見到一個樓面，整甜品嘅都有幾個後生仔，所以可提供嘅服務都有限，例如等好耐先至可以幫你落單啦，想要多隻叉都好難。呢個時候有得食甜品都唔錯㗎啦，只好自我滿足而歸。