發記甜品 (已結業)

年初四拜年前行街，見好耐無食入黎食下糖水，點知貴左咁多，都唔緊要！最緊要值得。今日女生肚痛，問拎杯暖水，個店員好串咁話無提供，咁唯有等暖暖的糖水送上。我地叫左楊枝金露 、百合雪耳燉雪梨 同 糖不甩，味道是普通，可以接受的。但碗碟非常殘舊，沒有一隻碗碟是原整的，都是一條條裂痕同凹凸不平，感覺不衛生 很舊。服務真是大不如前，留比偉大國家的人吃吧，沒有再來的理由。價錢貴 但服務無水準。

第一次開 account 目的就係寫呢個劣評。榴槤心太軟 配 榴槤雪糕 = $63 + 15% = $73 = 垃圾 😒👎🏼👎🏼兩樣野都完全冇榴槤味：前者似椰絲味焗蛋糕、後者似普通雲尼拿味軟雪糕！仲要收咁既價錢，名不符實，勁失望，冇下次

同朋友諗住食個糖水,行到先知五代同糖變左發記,咁唔緊要,試下啦.....我頂....中哂伏朋友食左個叫香草綠豆沙, 唔好食, 冇味我叫個芒果紫米露,等到隔離檯叫既心太軟都到左,之後到既人客都食完,碗野我坐左半個鐘都未到..... 前後催單兩次,都同我講冇漏單真係唔明點解一碗芒果紫米露可以半個鐘都拎唔到出黎望到第二啲檯既人客都催單,都係催普通糖水, 但佢同檯叫既窩夫, 心太軟已經到左...服務冇問題但係廚房好有問題冇下次

是日同朋友行完街食完晚飯，諗住行過發記入去歎返個糖水，成日聽朋友講話好食諗住試下，但點知實在有d失望！ 完全估唔到。侍應態度一般，我地叫左紅豆西米露 & 芒果西米露， 紅豆西米露紅豆沙味道尚可以，但西米露唔夠爽口，好似有d煮過龍有d淋，麻麻地！ 芒果西米露，西米一樣過林，應該煮得太過熟，芒果仲有d酸唔係幾夠甜，芒果份量都幾少！ 總括下次都唔敢再試，一來上糖水時間有點耐，二來呢個價錢唔太值，下次都係返返屋企附近食好過！

叫了三個不同味道的凍西米露，品質跟飲芒果汁、西瓜汁... 還要稀...👎🏻。應該叫西米水，完全稱不上甜品。一大間店還只有兩名店員落單，根本稱得上有服務態度，連落order也要自己到櫃檯跟店員講。

焗榴槤酥皮卷（$59）👅有無人同我一樣大個先愛上榴槤呢？🙈不過我淨係中意食榴槤整成既甜品咋😆😆原隻榴槤就一般般啦～呢個榴槤甜品係我近來食過最一般🙁🙁榴槤蓉唔甜又一舊舊咁唔夠香滑👎🏼👎🏼唯一欣賞啲酥皮夠香脆🤔成個感覺好hea😅😅

以為新開嘅發記會有啲唔同 所以入咗去打算點單 其中一個店員有回應但佢叫咗另一個店員幫我地落單但兩個都冇咗回事 之後隔咗都有五分鐘左右再叫全部人都扮睇唔到隔咗勁耐先有人落單但整野食嘅速度係快嘅👍叫咗個綠茶綿綿冰 食落去真係勁似大陸怪味嘅綠茶有紅豆 小丸子但唔知點解小丸子係湯圓味紅豆好甜加落冰到好味點哈 唔係搵唔到其他糖水鋪都唔會再試感覺太伏了另一個朋友點咗芒果水晶粉芒果勁酸。。。希望發記可以請多啲員工啲質素可以提升下。。。

約左好耐既朋友終於抽到時間出黎食甜品了就腳既話 一定約出黎旺角就黎到姨間食我叫左足料既芒果西米露見到個樣咁傑就知係原個芒果拎住整啦其他姐妹就叫左雜果涼粉同蕃薯湯圓唔知點解我覺得我嗰個最抵食！

失望! 以後都吾再食！好幾年前食過，覺得Okay。今日再食榴連飄飄，D榴連少到呢，連西米都勁少，仲有pat 吾知咩。一杯榴連奶都多榴連過呢碗野，除左甜無其他味⋯⋯⋯

話說佢新鋪係朗豪坊KFC旁個個鋪位，裝修都好摩登，座位又寬敞，幾靚的。但d糖水真係0分，叫左最基本嘅楊枝甘露、熱腐竹蛋糖水、熱紫米露同抹茶心太軟配榴槤雪糕。結論係無樣好食。腐竹蛋稀過水、熱紫米露足足等左半個鐘話煮緊，但泥到竟然係唔熱嘅、楊枝甘露就正正常常，不過索價4x就唔值了、最係個抹茶心太軟($6x)係超甜……超超超超超甜…心太軟個皮又唔脆，但雪糕都可以的有榴槤味。

飯後甜品，因為時間較夜正係諗到發記收得晏d ～ 甜品質素下降，我地叫左4款甜品，其中有一款係有蚊既物體另一碗有洗碗個d鋼絲刷既絲🙄不過不失～ 榴連飄香， 榴連肉都吾錯， 個汁底記麻麻啦味道普通

今晚飯後兩位台灣朋友說很懷念上次澳門之旅我們去過的甜香園杏仁茶，既然身在旺角，就帶他們試試發記這個老字號的中式糖水，結果他們都說這個杏仁茶的落差太大了，我點的芝麻糊更離譜，賣相和味道跟本就是超市買來用粉開出來的貨色，比連鎖式酒樓飯後免費送的芝麻糊更差，老字號怎會弄到如此田地？可能今時今日他們目標客戶群是自由行（不熟悉正宗廣東糖水）或者年輕人（吃涼粉生果撈pancake新派甜品），不用招待街坊客人，把手工傳統糖水弄到三不像。旺角的石磨坊和北角書局街的王記糖水關門歇業後，有水準的傳統糖水店買少見少。Anyway, 佐敦的佳佳暫見保持水準，但係發記今日嘅出品做壞了招牌，無下次。

中伏……中式糖水唸起發記，叫左碗綠豆沙湯圓及红豆沙湯圓，綠豆沙勁杰，紅豆沙就勁稀，都可以算，但湯圓是酸的。同職員反映，她話可以轉第樣，唸住轉番薯糖水及木瓜雪耳糖水穩陣，怎料伏再中……番薯糖水超多薑超辣，木瓜雪耳糖水也是酸的……

收工想食甜品，特登走去發記食。之前已經食過榴蓮飄香，所以再嗌。但食個陣 成碗好似水甘，根本就唔同上次食既甘樣！西米好貴咩？得個幾粒！燉蛋白d味又淡，食落其實冇乜味！好失望！唔會再食！

與友人吃完晚餐後逛了一逛 消化了一會肚子騰出了一些空間大家就想吃吃甜品因不想走太遠所以路經些店就入內因為喉嚨不適 想吃熱的糖水於餐牌中尋覓了一會兒沒有什麼特別吸引我最後點了熱燉奶$32上來時奶味香濃入口時尚算滑 但奶味就欠奉以呢個價格 比呢個質素我有點失望其中友人的木瓜奶更加非常奇怪的味道相信此店的客源都是遊客吧我只能說 我不會再來