白鬍子炸魚薯條

營業中

休息中

今日突然好想食炸野，理所當然咁霖到左呢間店了，下午茶時間到左，人流唔系好多，嗌左個招牌炸魚薯條，炸蝦炸魷魚圈，再加兩杯野飲hea下，薯條好脆，好香薯條味，炸皮唔會太厚，口感岩岩好，炸蝦裡面的蝦肉質好彈牙，魷魚圈最好食，魷魚感覺好新鮮，味道調得岩岩好，外層唔會令人覺得油膩。

會進來呢間店咧喺睇到呢度真嘅好特別，裝潢好睇，行進來門口仲有一個遊戲機，可以打以前個種懷舊遊戲，真系好耐沒打過。不過我都喺先醫肚，美食永遠都喺第一位。點咗一杯飲品pineapple-express同埋一份lemon-pepper-fish-chips。炸魚薯條嘅分量算多嘅，炸魚嘅炸皮好薄魚肉有汁水，加埋有檸檬汁變得好清爽，一D都唔油膩。薯條炸的好好，好金黃色。飲品咧喺鳳梨冰來嘅，鳳梨香喺真嘅好對我胃口，上邊仲有一大片冰凍鳳梨肉，整杯都好清爽。

薯條一黎到咬落口已經係淋，完全唔脆！！啲魚柳唔夠juicy, 亦都唔夠脆，唔知係咪佢將舊魚翻炸，所以咁整體黎講，唔覺得有咩好食，性價比亦都唔係好高，覺得有少少中伏既感覺！

突然想食炸魚薯條，搵下搵下就搵到呢間。叫咗炸魷魚圈, 炸蝦, 同炸魚薯條. 全部我都覺得好食, 除咗薯條個汁....可能純粹唔啱口味..不過呢個食評, 最想講嘅係位店員好細心. 朋友食食下突然係咁咳, 位店員主動送上一杯水俾我朋友。 窩心之舉，令人留低好正面嘅印象。

Fish & Chips 愛好者 呢間你應該會好中意😂鋪頭其實好細間但小編中意佢好有feel 有種好chill嘅感覺食fish & chips 叫多支啤酒🍻就perfect 😍望住師傅炸出黎 熱辣辣食好過癮炸粉唔多 薯仔粗身好好食

又係fish and chips嘅尋覓之旅，上網search過呢間 white beard 係香港數一數二嘅fish and chips 店，所以專誠黎朝聖~~Tea time 時分都無乜人，可以俾我哋舒舒服服慢慢食。慕名而黎當然要叫fish and chips，第一次黎食揀咗signature fish and chips。不枉我哋長途跋涉黎到食，亦都證明咗佢真係實至名歸，因為佢啲fish and chips 炸得恰到好處，而且一啲油溢味都無，熱辣辣非常好味，直頭係我喺香港食過最好食嘅fish and chips雖然佢以fish and chips 聞名，但係佢嘅其他炸物都好有水準，今次我哋就試埋個 garlic prawn boat，雖然係炸，但係啲蝦肉完全無偷工減料，新鮮又彈牙，熱辣辣無得頂~~Fish and chips 嘅最佳伴侶一定係非啤酒莫屬，所以呢度都有自家製嘅手工啤酒，仲改咗個好特別嘅名，叫做蝦餃，幾有麥味幾好飲，下次一定要試埋其他味道

今日放假無野做，一個人去左SOHO念住搵個地方relax下，行下行下結果就行左上罷花街，見到個門面幾有feel，於是就坐低左，然後叫個waitress 推介下我有咩好飲又relax ppl~ 我同個waitress講我平時可以話係滴酒不沾，因為我唔太鍾意酒精個種味，佢好搞笑好nice咁答我: 無酒精又點算relax drinks 呢？你試下先啦，可能你會因為呢杯野以後唔再怕酒精味呢。 就係咁，我聽佢講叫左杯White Beard signature cocktail. 杯野真係令我改變左對cocktail 一直以來既抗拒，除左甜度適中，我仲飲到淡淡的檸檬香味👍🏻Like真心推介！ (P.S. 今次係我第一次因爲真心覺得杯野好值得推介，第一次喺OpenRice 寫食評留言)

下就3點既時間，就只有我地兩位客人。可以任意影相😂唔怕騷擾其他食客Fish and chip 英國經典菜式，原來打算叫signature ，收銀姐姐推介泰式冬陰功 因為多$20就有一杯Stella，咁熱既天氣真係需要一杯冰凍啤酒既。再一客白啤酒炸豪同corn dog依到既炸粉調味唔錯，都唔會太厚身。不過食材就相對一般啦，魚柳同炸粉一切就會散開，仍然會有魚柳雪藏味。雖然無乾身但係就無咩味。炸蠔都係同樣情況，蠔好細粒，無咩味道。反而corn dog 係3樣菜式中最好既唔會得炸粉，又唔乾身係中環地段開餐廳除左食物出眾，餐廳環境擺設都需要心思，先可以吸引到食客，依到既環境有外國感覺，雖然只有幾個座位，但係唔會感覺迫促。

尋日去大館，順道起附近食個lunch，見openrice食評唔差就泥左呢到。嗰個時段冇人，我地包哂場，雖然佢個場都幾細下，全部高凳位。我地叫左個炸魷魚圈同炸魚薯條，每樣一個汁，我地揀左泰式酸辣汁同芥末汁。薯條即炸，幾好食，但兩個汁都唔係好夠味，連我唔食得辣都覺得爭啲，炸魷魚還可以，但個粉離肉，份量都略為少左啲，炸魚就認真麻麻，一篤就散哂，又冇魚味，應該係雪左勁耐。整體泥講，唔係泥飲野個性價比較低。

依間野係強烈推薦炸漿好出色 調味好出色佢個粉漿調得好香濃 入口鬆化香脆 即叫即炸 炸到熱辣辣非常非常好味佢有好似八隻sauce俾你揀 我揀左garlic味啲海鮮種類都好多 而且入面嘅肉都好新鮮本身係叫海鮮拼盤同埋美式熱狗點知比完錢佢話美式熱狗冇得整因為啲材料運晒去下面間舖（中環有兩間）咁所以就問我地不如轉其他嘢食但因為男朋友唔鍾意食芝士又唔鍾意洋蔥 結果Menu上面冇樣嘢啱😂😂就係咁我哋就發掘左佢地嘅secret menu！首先佢問我地食唔食炸雞？🍗（但係Menu上面冇樣item係有雞嘅元素）之後就話或者你哋想唔想食炸蘑菇？（同樣Menu上根本就冇item係有蘑菇）嗰刻我哋真係好好奇點解會有咁多secret menu😂最尾揀左炸蘑菇不得不提佢哋嘅服務態度好好，員工好nice我哋問佢下場如果想食甜品去邊好 佢都好有耐性推介俾我哋 笑容100分除咗環境狹窄啲真係冇咩野好彈 食物係值呢個價錢

Fish and Chips無論大人小朋友都一定會鐘意今日經過中環見到間裝修十分復古既小店‘白鬍子炸魚薯條’門口大大部遊戲機好多人排隊玩緊...機迷朋友不妨去玩下簡單的設計!!數張圓枱 令人以為身在外國有唔同既調味品可以自己選擇多款口味令我選擇困難症又發作了Fresh Pressed Lemonade($25)&V Energy N Honey Kush($45)Lemonade好fresh唔會過酸過甜而且食完炸野好解膩👍🏻👍🏻V Energy真係第一次聽,店員推介試試好似沙冰甘😍加上淡淡蜜糖味一啖接一啖好順口...金光閃閃的一桌口水都快滴了Lemon  Pepper  Fish  N  Chips($78)第一次聽呢款口味先講薯條🍟外脆內軟 一點都不油膩而且粗身食落好滿足喔魚肉偏實.亦比較吸油！加上醬食一流但口味偏淡...可以自行加調味Beer  Battered  Oysters($48)很出色的生蠔十分肥美而且唔腥!炸得剛好十分鮮美而且好乾淨好juicyGarlic  prawn  boat($42)超級蝦迷一定會點蝦...但蝦偏細 肉不多有點兒失望。但係肉質彈牙————————

仲好記得之前去紐西蘭交流嘅時候 每個禮拜肯定會食四五次炸魚薯條 因為喺嗰度食炸魚薯條係最平嘅食物 曾經嗰排都覺得食到好厭返到嚟香港見到炸嘢都驚但係之前聽朋友講過話中上環有一間食炸魚薯條都好出名嘅鋪頭 咁今日就同男朋友決定去試吓去到舖頭門口見到佢成個裝修都幾外國風🤤 想食煙嘅人就可以坐出邊 呢度嘅開放式廚房你可以睇到廚師做緊啲乜嘢 但係其實你唔會聞到浸油煙味 所以呢個係幾抵讚嘅地方🤭🤭🤭🤣問咗店員推薦我叫啲乜嘢食 佢叫我試下依個spicy golden garlic fish & chips~ 個皮炸得啱啱好炸皮都唔會太厚 薯條就唔係好粗身但係就覺得啱啱好 比起平時喺麥當勞食嗰啲就會再粗啲 另外店員係炸緊嘅時候都有問我薯條要唔要鹽同埋醋 我就淨係揀咗要鹽覺得都啱啱好🤣 開放式廚房嘅好處就係佢隨時都可以問我使唔使加啲乜嘢🤭🤭其實個魚入面呢就係有啲好似咁樣嘅醬 嗰張唔係好辣但係就好似啲泰式醬咁好香 調味都啱啱好雖然入邊有好多醬但係都冇令到個皮會好淋 而且與方面都好滑 係有咁多醬情況底下都仲keep到個魚味🐟🐟🐟店員話食呢個fish&chips 可以配依個garlic ailoi 食落去食到

今日同朋友路經中環當然要去蘇豪區感受下氣氛，每條街都佈滿BAR同小食店，真心揀到眼花瞭亂，毫無頭緒之下唯有OR下啦。但Chill drink又點可以無炸魚薯條，結果我地揀左呢間店名寫住炸魚薯條既小店店面唔係好大，得四張枱，但燈光同音樂都好有氣氛，岩哂老友圍威喂吹下水。價錢喺中環區黎講算幾平，炸魚薯條有唔同口味同醬料選擇，除左炸魚之外仲有青口、蠔、蟹鉗等～最後我地揀左：- Lemon Pepper Fish N Chips $78- Beer Battered Oysters $48@3- Garlic Prawn Boat $42- NZ Meat Pie(Chicken Mushroom) $45- Fresh Pressed Lemonade $25- V Energy N Honey Kush $45每款炸物可以揀一種醬，我地揀左Mustard、Tartar、Thai Chili。上菜速度幾快，落單後即炸大約十分鐘就有得食～Fresh Pressed Lemonade店員推薦之一，清涼解渴，味道偏酸，岩哂食熱氣野果陣飲V Energy N Honey Kush都係店員推薦，聽聞出

由中環向上山既方向行，會發現有好多橫街窄巷而係呢啲地方入面，其實有好多隱藏美食等住發掘另一半話想試下正統啲既炸魚薯條小弟當然立即行動搵餐廳啦呢間係條斜路既中間，小心行過一入去餐牌已經忘記哂啦有免費機打當然打左先啦雖然比人話左2句😰😰首先要個紐西蘭肉批黎當前菜批身鬆脆，一切開，好香既肉味飄出黎仲有蘑菇片增加口感雖然有跟到一細兜茄汁，但係已經夠哂味，一啲都唔需要再外加汁醬兩個人，雖然係打算一人一個主食，到最後都係小弟食得最多我揀左個紐西蘭羊肉芝士漢堡牛肉做既漢堡就食得多，羊肉就真係第一次羊肉入口時，香騷味即刻一湧而上用左少少黑胡椒碎同鹽，有少少果甜既藍莓醬新鮮既薄荷葉為成個包緩和多餘既羊腥味仲有塊半溶狀態既芝士，再放入去一個烘到外脆內軟既漢堡入面連微細位都做得好好另一半當然要履行佢既目的啦試下有少少辣既泰式冬陰功炸魚薯條一見到塊魚柳，嘩！仲大個過我隻手掌🙈🙈所謂冬蔭功係灑係面既調味粉，而唔係一碗湯雖然係粉狀，但仍然有好重冬蔭功既酸辣香味~炸魚就咁睇落好似好硬身，但係切落去已經感覺到佢既鬆脆，炸到咁脆，魚肉仍然保持鮮嫩，再加上調味粉既工用，又夠香又帶少少辣薯條選用超粗身，一咬落去，入面熱辣辣

what’s the best way to spend the weekend with friends? to me the ans is always stay home having snack and drink tgt wt a happy life🤣🤣found this fish n chips restaurant in SOHO! with simple decoration the shop seems clean and nice place to spend the afternoon. the menu is very clear. i ordered a signature fish and chips and a pack of oysters for take awaynicely packed and go home😍they smell so good! once i was home friends already ran over to me😂 very nice fish and taste so fresh. oyster is so go