百份百大師‧即造烘焙 (已結業)

我企左喺收銀機前面，等咗成10分鐘！個阿姐好似睇我唔到㗎，完全冇幫過我任何野！我行入去完全唔需要量體溫！其他人都係好隨意咁樣抽查！服務同安全完全冇！我其實都係呢間野嘅支持者！但經過今次嘅體驗，加上而家疫情咁嚴重，佢都冇作出任何改變！我仲要搵唔到任何佢哋嘅投訴電話，想俾啲意見嘅渠道根本都冇。呢間佢係一間連鎖集團，但一個俾食客發表意見嘅電話都冇。就淨係識壟斷附近啲食肆！反而價錢偷偷咁樣加咗價！如果唔作出任何改變！入去嘅食客都好危險⚠️

今朝經過附近工作，見到呢間麵包舖有座位坐的，有茶餐早餐和飲品供應，因為趕時間唔得閒坐低，買咗以下的麵包和西餅返屋企和下午到訪的鄰居一起吃：1. 厚切方包 - $8/袋，厚度啱啱好，做三文治一份就夠飽，質感和味道都唔錯，攞咗來做蛋治。2. 三重芝士包 - $13，呢個超好食，咬落去唔會扁，入面有個大窿，有三種芝士，麵包的底部也食到芝士味。3. 英式蛋撻 - $13，個皮不是香港的傳統酥皮，也不是聖安娜嗰啲曲奇皮，但係味道和質感都好，蛋饀好似均合左忌廉，好滑及creamy。4. 菠蘿包 - $14，味道唔錯！叫咗杯凍奶茶少甜外賣，$13，做到少甜！好好飲，可以媲美旺角金華冰室。

今晚和爸爸媽媽去大角咀探姨媽，姨媽帶我哋去到海富苑商埸內一間飯店食小菜，路經(Smile Bread)麵包店，就買了1袋方包及1個吞拿魚包，準備明天早上做早餐，但鐘意食包的我都忍不住口，已試左個吞拿魚包了，麵包好軟熟真想再食，但因為要食晚飯，就将麵包快快放回手袋了。麵包店名用了特色英文字設計。方包甜甜地好軟熟。原來麵包每晚八點鐘，麵包會做特價買一送一。

近來經常到澳海城附近，因為喜歡上那個大到不得了的公園，可以散步運動。如果有日可以搬到這裏，睡覺也會笑。今早運動前來吃早餐。又是麵包店又是食店，好有新鮮感。等食時看著店員包裝麵包，一點也不覺悶。早餐只有這些選擇，揀好要自己去收銀點餐結帳。這個是美式煙肉司華力腸配香煎太陽蛋。$32。看著得一塊煙肉、幾塊司華力腸，再看看哥哥家姐點的野菌沙爹牛肉公仔麵配牛奶炒蛋。感覺自己叫錯了。但當我吃了一囗司華力腸時，驚喜感就來了！因為是蜜糖司華力腸。好像燒烤時塗上厚厚蜜糖般。皮脆又充滿濃濃蜜糖味！每一塊都是！而太陽蛋邊是脆邊的，太陽蛋、蛋白又沒過份煮熟，還流得出蛋漿！煙肉算香囗，但得一小塊，嚐不真確，不要怪我對它有偏見。這是野菌沙爹牛肉公仔麵餐。$32。麵包要記得襯熱吃。家姐吃時熱辣辣，我吃時還是溫熱的。但還很鬆軟，很有芝麻香，吃得出剛出爐的新鮮感。哥哥留待到最後才吃，說麻麻地，當然遭到我和家姐的不同意。所以溫度上的差別影響這個麵包的味道很大啊。而牛奶炒蛋他們都贊不絕囗，好滑喎。看賣相就知道了。沙爹牛肉麵看來很清淡。他們説開頭有沙爹味，牛肉算入味，公仔麵也沒有煮得過腍。但吃到中段開始就吃不出沙爹味了，所以

今日下午我們去咗大角咀海富商場嘅「百份百大師·即造烘焙」食下午茶！我們叫咗野菌忌廉火腿鷄粒燴意粉嘅醬汁份量極之少，味道相當淡，意粉亦好腍身，唔係好彈牙，材料嘅份量亦唔算太多！叉燒濃湯意粉嘅所謂濃湯，都祇係味精湯，意粉都算彈牙，叉燒嘅肉質都算鬆軟，但唔係好蜜汁，鮮奶炒滑蛋嘅滑蛋炒得都幾滑，但份量就比較少，芝麻軟包新鮮出爐咗一陣，微微熱，而且都幾軟熟！

假日裡的早上，來到這個領匯商場，就在這間有新鮮出爐麵包賣的快餐店吃了一頓悠遊的早餐。 吃的是「野菌沙爹牛肉公仔麵 + 鮮奶炒蛋 + 自家製餐包 + 即磨咖啡」早餐（$30），才三十元的價錢，可以吃到一個普通得來又有點特色的港式早餐，都算抵食。「野菌沙爹牛肉公仔麵」是正常的港式公仔麵水準，唯一最大的分別是下了數小片冬菇片權充野菌。較好的反而是「鮮奶炒蛋 」和「自家製餐包」，蛋炒得都算滑，而且味道適中，不會太鹹或無味。長芝麻餐包應該出爐不久，夠熱度，也軟熟，都不錯。「即磨咖啡」味道幾好，香滑不嚡口，咖啡香教人心曠神怡。一邊喝著香噴噴的即磨咖啡，一邊看著麵包房中的麵包師傅捧著一盤盤的出爐麵包出來店面，並且一聲聲高喊著腸仔包出爐、叉燒包出爐……在這兒小休一會，都算是假期中的一點平凡小確幸吧！

幫人補完習，諗住再試茶餐，點知就出事。茶餐包括：吉列龍利柳美國有機鮮奶雞旦白法蘭克福腸英式鬆點茄油焗豆香脆著皇個茶餐一黎到，我呆左。隔離枱既茶餐有牛角包，我得提子酥。後面明明遲過我黎，但係有得食先仲大份同靚過我個份。我等左足足15分鐘先有以下呢份"即造烘焙"既茶餐。由左至右 （真心－黎列個PRESENTATION已經係咁，無後期加工）：香脆著皇 －唔熱，番炸到連廚房都唔願意再翻炸。超級多油。美國有機鮮奶蛋白 －凍既，我知蛋白無乜味，但無諗過原來美國有機係咁多油吉列龍利柳 － 都係凍既，好吉列，因為只有0.3-0.4MM係魚柳，魚柳同吉列既比例係 1:3，即係魚柳上下都有每邊0.4-0.5MM既吉列包住。英式鬆點 －提子酥 － 唔熱，唔暖，硬到咬唔到。法蘭克福腸 －全碟最熱既食物，但7仔關東煮好食D。茄油焗豆 －連翻熱都懶，好似係罐頭攞出黎。唔知係咪我得罪左個員工，因為佢將人地個小提琴跌落我隻腳，但我聽唔到佢道歉，所以我講左句"整到人唔識say sorry"。之後，我就有呢個『報應』－15分鐘且凍兼多油既茶餐。買個外賣雞批或者蛋撻好過。。。

我上門補習附近既鋪頭。位置唔多顯眼，係屋村商場面包鋪入面。坐位都幾少，枱貼枱，完全聽到隔離枱講乜。叫左我最愛忌廉鴨胸意大利飯賣相同味道都OK，但鴨胸麻麻地。同紅廚房我媽咪上次食個碟比，呢碟份量少D，無咁多sauce，D飯無咁"lim"一粒粒，鴨胸好少，無咩味。

其實屋企附近早餐可以選擇的餐廳唔太多, Smile Bread算係係同區內比較與別不同的一間 店面感覺有少少似外國的cafe吧. (當然仲差得好遠啦lol)入面都唔係太過大, 只係得大約十幾個位堂食.先黎睇一睇餐牌, 見佢E餐的description比較specify就點左佢, 下圖就係實物:個牛奶湯雞絲長通粉湯底唔錯, 唔濃唔淡恰到好處的奶味碰上少少雞肉散發的肉味, 作為一個通少既湯底其實偃落都幾新鮮同滿意; 至於個迷你蘇反而就一般般, 唔似得平時食開既danish咁鬆化, 可能因為太迷你, 好難做到太多層??? 點都好呢個價值$26蚊的早餐都算可以的, 以後可以再黎食下早餐下午茶!

雖然香港麵包店十分多，但麵包店除了賣麵包外，還有早午晚餐供應，還可以給顧客堂食的絕對不多。而這一間新近在大角咀開業的「百份百大師 即造烘焙」 Smile Bread 正是其中一間。其實早在數星期前，當屋苑商場內的舊麵包店結業後，這間新麵包店開始營業時，自己已經留意到它，不過直到個多星期前，才終於有機會獨個兒來這裡吃一頓街坊麵包店的西式晚餐。雖說這兒的晚餐只是出於麵包店之手，但選擇也不算少，主菜有四款選擇，長通粉、扁意粉、意大利飯、炒飯都有，顧客絕對可以各適其式，選擇到自己喜歡的主菜。不過這兒的主菜價錢不包括湯、沙律和飲品，要另加 $12才可以享用餐湯和熱飲，如果要喝凍飲、特飲或加「凱撒沙律」，亦要另外加錢。因為所加的錢並不多，所以自己還是要了餐湯和特飲，好試多點這間店子的食物水準，而在食後，幸運地證明了自己這個決定是對的。先上餐湯，是紅豔豔的「雜菜湯」，的水準比自己預期的好，微微的辣，多多的酸，大量的蔬菜，少許的肉，使這湯成了甚為刺激開胃的一道餐湯，帶來意外的驚喜。主菜吃的是「西班牙海鮮意大利飯」。這主菜可差多了，意大利飯給人感覺欠正宗，飯太濕，海鮮質素也欠佳，青口和蜆都太細隻，蝦肉偏