百份百餐廳 (寶林邨)

營業中

休息中

叫左個番茄「濃湯」雞扒意粉，令我好懷疑佢對濃湯既定義！碗野上到檯已經已經心感不妙，個湯嘅顏色就係普通清湯，上面加咗幾滴紅色嘅油，喺度扮蕃茄湯底,我飲一飲啖湯，嘩！真係想喊，完全冇番茄味。好彩塊雞扒都算可以，塊皮有煎香，算係挽回小小分數。另外叫了一個咖喱炸魚柳飯，佢係得獎嘅咖喱，食落都幾香，但係10分辣下，辣到等於譚仔四小辣，但愈食愈辣，建議叫解辣飲料，魚柳炸得幾脆，加分。飲品冇乜特別。總括來說，將軍澳這個無茶記的地獄，開一間咁既野都可以理解，無必要不用幫襯。

一入去比我感覺同普通茶餐廳好不同，裝修幾有特式☺️另外價錢相對都合利不算太貴，但我今次試了他們的下午茶😋本身以為咁細碟會唔飽，但點知都食淨小小😂白汁之士焗雞扒😋

同朋友遲左食晏，剛好下午茶時間，近近地就去百份百醫肚，貪佢坐得舒服，唔多人，裝修都OK。我點左至愛o既揚州炒飯同熱奶茶，朋友點左新出o既焗墨西哥瘋狂辣肉醬意粉同熱鴛鴦。揚州炒飯炒得都唔錯，如果炒多少少會更香，同更有鑊氣，咸左少少，配料有叉燒、蛋、火腿、蝦同葱。以茶記黎講，都算OK，唔可以同酒樓水準相比。奶茶香滑，冇苦澀味。焗墨西哥瘋狂辣肉醬意粉，辣肉醬同意粉分量較少，焗得亦較為乾，辣肉醬唔算好辣，只係將肉醬意粉攞去焗而已，賣相都唔吸引，味道麻麻地。以屋邨茶記而言，尚可接受，可以係快餐連鎖店o既另一選擇。

這間食店被我喻為是街坊餐廳，因為分店多數開在屋邨，主打平靚正食物，不論是價錢或食物質素，對我來說很有親切感。今早我就過來幫襯早餐，我叫了這個經典早餐系列，有濃湯火腿絲通粉，一份蒜香多士，以及一杯飲品。濃湯火腿絲通粉的份量尚算OK，味道不道，不會有太重的雞粉味，通粉不會煮得“淋”，是合格的標準格式，最欣賞還是蒜香多士，充滿濃厚蒜香味，香口鬆脆，似是剛烘出來的感覺，再加上飲品，整體是不俗的早餐，給我能量的一天。

🌿食店近期更換餐牌，價錢升level，皇牌經典早餐升$3，之前是$26，現在一跳去到$29。🌿菜單唔覺有什麼新款式加入，反而是多了半焗流心蛋，標榜外脆內嫩，少油健康。🌿我不是講杯凍檸檬茶的味道，而是杯底不夠闊，點篤檸檬都篤不到落杯底，所以沒有檸檬味，浪費了檸檬。🌞港式早餐~五香肉丁公仔麵+半焗流心蛋 包飲品 $30五香肉丁及公仔麵是標準味道格式，不錯。半焗流心蛋浸在湯中，未覺得有食店所說的黄香脆邊，反而是不油膩，有少許蛋䊢流出，口感夠滑，比煎蛋好食。

百分百餐廳近年在屋邨掘起，專攻大眾化路線，價錢及質素有一定保證，甚受歡迎，我食過好幾次，主要是星期六及日食早餐，每次都要拿籌等一陣才入得去。🍞漢堡炒蛋茄汁豆配多士🍞早餐保持標準水平，漢堡及炒蛋味道不錯，不會太咸或太淡，反而我想講是那塊多士是用蒜蓉烘的，有別其他餐廳以牛油烘製，所以特別的香口及惹味，另外，如果嫌未夠喉，加$5可配一碗火腿通粉，火腿通粉的湯底稍為咸了點，食到口中會 feel 到少少味精，減淡些會更好。

又約齊一家人星期日黎食個靚早餐😋😋今日黎到餐牌轉左，原來加左價，每份餐大約加左1-2蚊左右，想試下新野蕃茄餐肉腸仔米粉超驚喜，$29蚊既麵餐蕃茄湯底係用蕃茄膏整，湯底無味精湯感覺，食完唔會好口喝，米粉軟硬適中，餐肉微微煎燶但有點乾，但條腸仔最令我歡喜，廚師腸竟然係脆皮咖！超好味不過得1條咋👉🏻👈🏻（加錢可否食多條😝）仲想講依個雞扒蛋米粉，港式親子早餐😂🐔🍳好喜歡佢既雞扒，雞皮煎到脆卜卜，雞扒嫩滑配合半熟蛋，滿足！每個麵餐附送1杯冷/熱飲品

又要假日必黎指定早餐地點訓醒超肚餓，就叫左個雞扒餐：蒜蓉牛油多士，再多點蒜蓉就好了，炒蛋好滑永無失望，雞扒外皮煎到脆卜卜，好入味；廚師腸，茄汁豆正常沒什麼特別加$5叫多個火腿通心粉，其實每次食麵覺得個湯有點淡；火腿都幾多朋友叫左雪菜肉絲米，佢話超鐘意特別多雪菜，肉絲都好味，米粉唔會太硬太淋，湯都唔會好咸；可以再選多款蛋/腸/餐肉佢就叫左全熟蛋仲有每次必叫既蘑菇炒蛋+蒜蓉牛油多士，依個有2塊就超多蒜蓉啦

其實差不多每個星期日朝早都會黎食早餐，不過有時都比較多人難搵位，今日屋企齊人6個就正正搵唔到位，要4個坐卡位2個分開坐，坐底叫餐好快就有野食黎全家人多數都叫依個餐（唔記得左個餐叫咩名）會有蘑菇炒蛋、香蒜多士、火腿通粉，仲有野飲好鐘意食個蘑菇炒蛋，雖然有d油，但蘑菇好香好大粒，加多小小胡椒超好食香蒜多士蒜味就唔會太濃，但多士有烘底，的確好香脆，同埋佢係原塊麵包上，唔係半塊麵包都算不錯掛住食唔記得影個火腿通，係正常野，好鐘意無味精味，下星期再黎食第二個餐再寫啦記得黎睇同讚好呀

Went here randomly and as there were not much options on the menu I decided to go for the Sichuan fish poached in Chili oil.I wanted to get the fried rice with Sichuan beef but it was risky because fried rices in HK have this weird oily smell. Started with a Chinese soup which was really good because the pork that they put in was really fresh.Next came the nightmare, it didn't even look like Sichuan fish and the fish they used is not the typical fish that they use which is silky and smooth.Secon

商場無咩好食，走去屋邨商場睇睇。雖然屋邨商場被領匯搞衰曬，都希望有啲驚喜。行過見好多人食，又見出品賣相熱辣辣，幾吸引，就試下。呢個阿囡的，我無試，佢話好味咖哩味濃，幾辣，唔會好咸，仲有好多蝦茄味夠，喺鮮茄的，但個人覺得汁太多。最怕豬扒一浸梳打粉 or 鬆肉粉味，呢度無而且夠厚，好味老公話呢間茶記方便泊車，渣車黎食都👌🏻

呢間快餐店睇黎就同平時差唔多但啲野食就真係中上級水準今次去食下午茶 叫左個雞翼酸辣米線佢個湯好好味 有少少麻麻地既感但唔會太辣 如果唔係太食得辣既朋友會好鍾意個雞翼都唔錯 可惜有啲鹹但佢會吸左少少湯味 值得一試

話說夜晚落街食飯，又唔知食咩好，醒起有間未食過嘅餐廳，最後就去左啲間百份百食，亦成為左我今日最後悔嘅選擇。1)首先去到，員工完全冇打招呼，用啲好唔情願嘅語氣去問幾多位，問完之後只係用手指指住張枱，示意我同家人坐落去。之後我示意想坐入面嘅卡位，因為卡位完全冇人坐，誰不知店員只係不停同我講唔得，問點解又唔解釋，淨係同我講只可以坐佢指示嘅位置，完全不明所以。2)我地其中兩人點了兩份鐵板牛排，點嘅時候已經事先向幫我地落單嘅女店員查詢，牛扒可否選擇要幾成熟。我亦清楚聽到佢同我地講可以，於是我地分別點了一份五成熟和一份三成熟嘅牛排。之後該名女店員同廚房入面嘅伙計嘅對話令我十分憤怒，因為我坐張枱就係出菜位對面，所以我完全聽到佢地嘅對話。廚房同該女店員講，你點解咁落單，我地啲牛扒好薄，冇可能煎到五成熟，更何況係三成，點知女店員用不滿加帶有譏諷嘅語講，我點知姐，人地話要五成，咁生都唔知點食，問佢佢話食慣喎關我咩事。之後其中一個男店員行黎同我地解釋點解冇得揀，我心諗，吓，鐵板餐牛扒好薄冇得揀。。？3)食物質素不能接受，牛扒薄到完全係薄牛扒餐嘅級數，薯條又幼又乾，M記啲都好食過佢仲要配薯菜嘅菜竟然係節瓜，仲

從未光顧過這間餐廳，最近在家附近開了一家，經常見有人在餐廳外面排隊等位，食物應唔錯吧，於是昨晚決定和太太去光顧。大約晚上7:15pm到了餐廳，由於未光顧過，我們進入餐廳看看餐牌，諗住看是否合口味才決定是在那裏用餐。當時沒有人在餐廳外面排隊等位，我們進入餐廳後，我去按輪候牌，太太則去看餐牌。突然聽到有人大聲么喝:"欏左籌的出出面等！"抬頭一看，原來是一位穿著制服的女士在大叫。當時除在收銀位前只有一對男女在等入座外，只有我和太太二人，而鋪內又不是爆滿。我心諗，鋪內又不是多人，天寒地凍(昨晚將軍澳氣溫大約只在10度左右)趕客出去門口吹風，唔係嘛????我還未諗完，前面等入座的一對男女已入座，己有一位女士指(不是帶)我們去坐中間一張4人檯。行到檯旁，太太發現其中一張椅全是水。於是，我和太太坐了兩張椅，把我的公事包和一袋水果放在第三張椅上。正當我們在低頭看餐牌挑選食物時，突然又傳來一把么喝聲音:"你果d野執開佢！"原來有職員帶了一對男女已入來，叫我們把公事包和水果拿開，把椅子讓給那對男女坐。我吃了一驚，我攬住這麼多東，怎吃飯？我只好抱住公事包，把水果放在地上。我告訴那位男士，那張椅全是水。於是那

由於從未食過這集團旗下餐廳, 剛剛又開在屋企附近, 當然想試一下.餐廳內設計得有點"時尚的懷舊"感覺. 環境氣氛不錯.先點了2人套餐. 選土魷馬蹄肉餅(指定)+咕嚕肉(自選),之後再點了鐵板牛柳粒.1.土魷馬蹄肉餅賣相不錯,用一隻巨型長碟剩著的肉餅, 看起來好有份量. 試了幾口發現完全沒有土魷味,更找不到馬蹄.而肉餅本身又太淡. 結果成碟土魷馬蹄肉餅..冇土魷味..冇馬蹄口感..實在失望.2.咕嚕肉相比肉餅,咕嚕肉份量少了許多. 試了一塊咕嚕肉, 又一次失望. 肉質太硬, 太乾. 好像炸了很長時間.3.鐵板牛柳粒份量少, 牛柳粒切得細細粒, 當中有3份1的牛柳粒有筋. 牛柳粒完全唔入味.由於食物質數一般, 份又量少, 本想給劣批, 但環境/服務/衛生都不錯. 希望食物質數能有所改善.