百份百餐廳 (大興商場)

營業中

休息中

羊肉煲有三四條卷毛，諗住攞出嚟就都冇事啦繼續食，然後又發現咗幾條就叫服務員過嚟換一份（只吃左兩塊肉）服務員就攞咗俾廚房睇，我哋就叫佢呢一份羊肉保擺住喺度先換咗一份在收走，佢唔制一定要攞走攞咗就算啦之後就同我哋重新上左一份羊肉煲，羊肉煲唔知係新嘅定舊嘅又有幾條頭髮見到見到都冇心情食飯，就叫佢哋退單。但係服務員嘅眼神好似係我哋專登去擺條頭髮入去去玩佢。或者心念只係一兩條頭髮啫使唔使呀？唉，唔會在去。好核突🤮個盤有幾條頭髮，煲卑佢哋收走。

服務態度差到一個點！每次叫完餸都要等大半個鐘！要吹三四次先會有人去跟！次次都正係做外賣先！堂食嘅客就唔駛理04分落單到30分都仲未出餐坐低連一杯水都冇、要自己去攞水！唔該改善下呢間分店啦！

見到依度都坐得幾多人, 就揀左佢, 望到餐牌太多選擇, 最後揀左薑蔥魚腩🐟煲配🍚白飯, 包一杯熱飲品我要左熱杏霜, 等左一陣飲品先送來, 之後送來魚腩煲🐟同白飯🍚, 食啖飯先, 好熱辣辣, 有d辣口添🥵估唔到, 不過熱飯係特別好食👍再食件魚, 食到都係新鮮😚但外面脆漿炸得有d地方硬左d, 有d外層係食唔到🤣但煮的味道好舊鑊氣, 佢入面有d蔥有d薑有d蒜, 加埋好好食😋😋 不過可能自己狀態問題又或者係d脆漿令我食落有d滞😆😆最後全部只食到一半就要拿走😄😅連杏霜都飲唔晒, 下次試下其他小菜先

今天係百份百叫咗個”豬扒炒公仔麵”，之前冇食過呢樣野，今次第一次食，啲麵黎到好有鑊氣，係太有鑊氣，雖然係好熱，但碗麵好深色，似係炒燶咗！！ 仲好多油喺底添⋯⋯之前食過”乾炒牛河”，又係黎到嘅樣係：豉油多過油，唔知係咪油多嘅話，又比人話油太多唔健康⋯⋯百份百用了 “檸檬汁” 代替”鮮檸檬”, 啲檸檬茶、檸檬水沒有以前咁好飲，咁有檸味⋯⋯所以我的係屋企嘅「專業食評家s」，都不去用了 “檸檬汁” 代替”鮮檸檬” 嘅餐廳s⋯⋯

百分百餐廳 相信大家都唔會陌生開到成行成市啦，邊度都有一間？今次嚟到屯門大興呢一間食🤗叫咗個蕃茄炒蛋牛肉飯比想像中預期好意想不到 所以決定要寫一篇文嚟讚賞一下😅我爸爸叫咗常餐嘅餐蛋出前一丁佢都食晒成碗，所以我好多係唔錯嘅平時嘅佢好細食咁我諗佢食得晒應該都唔太差啦🤣

咖哩牛腩湯伊麵咖哩味幾香唔係好辣，而且唔會食到好重椰奶味，牛腩好食，唔會炆到好（淋）食落有口感而且有牛味，薯仔就普普通通啦，不過本人覺得配上伊麵就一般般，如果可配米粉或米線更佳。街邊乾炒牛河乾炒牛河炒得都夠乾身，不過味道就一般般，而牛肉黎講大細塊加埋都起碼有十幾塊，食落唔（鞋），配料有洋蔥芽菜蔥段加少量芝麻，不過如果整個炒河再炒香啲應該會更好味。檸檬茶無檸檬嘅凍檸檬茶而家係香港餐廳都好常見，檸檬汁加茶底，不過尚算夠濃，天氣咁熱，飲返杯真係好透心涼。

夜晚叫個飯自取攞走，樓面全部垃圾，叫個外賣飯加野飲顯示98蚊，本身有熱飲都係75，我說不要飲品，佢話正常顯示98，自己錯講到我錯咁，夜晚8點50分電話響大聲話吾聽，吾聽電話咁你裝個外賣電話咩意思，收銀個4眼婆正垃圾，吾想做就快執，吾好以為大集團玩哂，以家無呢支歌仔唱

🍽蠔油菜遠炒牛肉🐮☘️unexpected 有些鑊氣、唔油膩、牛肉惹味、菜芯嫩口。🍽皇牌鮮茄焗雞扒🐔★腸仔★半焗流心蛋🍳好足料👏🏻，雞扒🐔厚肉、juicy，芝士🧀又多🍫熱朱古力：正常味道👌🏼職員有禮、勤快

高質午餐之選價錢實惠又多款選擇 今次食印尼炒飯 同焗豬扒飯飯睇啲相就知精神啦炒飯超級有鑊氣焗豬扒飯 重芝士重蕃茄飲品揀左凍啡走甜咖啡味 濃郁精明抵食之選 連鎖餐廳黎講 水準保持得好女木

放假諗住食個早餐，入到去坐低，餐牌都冇一個，諗住叫個意大利濃蕃茄麵早餐配午餐肉半熟蛋加個凍奶茶，舉極手都冇人理，d 阿姐顧住傾偈，之後終於有個阿姐見到我啦🤷🏻‍♂️落咗單事後先知個早餐要加$3先有多士，發覺個餐牌同其他百分百又有啲分別，算啦，自己睇漏咗，之後嚟嗰個麵先搞笑，明明叫意大利濃番茄麵，黎左個清湯麵，跟住見到個阿姐行過即刻叫住佢問，佢嘅答案係d番茄汁餐肉遮住咗,可能我孤陋寡聞，第一次叫蕃茄麵個湯係白色，好似屋企自己煮嘅即食麵咁😅

今日同老公嚟咗哩度嘆下午茶，我叫咗貢丸麻酸辣湯米線配冰檸茶，老公就叫咗霸王雞飯配足料碗仔翅配凍齋啡。霸王雞飯唔使講，一直都係我同老公嘅至愛，佢個甜豉油香蔥真係無得彈！雞肉即使係雞胸位都唔會榎歰歰，雞皮彈牙，飯軟硬度適中。碗仔翅都好食，堅係足料，加咗麻油同紅醋真係畫龍點睛反而今日嘅米線就差少少，米線其實煮得剛剛好，貢丸都香口，但成碗米線嘅精髓——湯底，就唔夠味，辣味唔夠香濃，而豆卜就好硬唔入味，以致整體感覺麻麻。百份百嘅檸檬茶一向新鮮，檸檬連皮攪碎，唔使自己篤檸檬。老公話杯齋啡麻麻哋，太甜。

今日返工之前去咗大興嗰邊嘅百份百餐廳買個午餐食。去到嘅時候都唔算多人排隊，排咗兩三個就到我嗌外賣，我嗌咗穀飼牛肉炒讚岐手打烏冬，加多杯立頓奶茶。出餐速度都算快，唔夠十分鐘左右就可以攞得喇。嗰碗烏冬唔算大份，一個男人午餐正常嚟講可能食到六成飽。不過裏面嘅牛肉嘅比例都算多，肉質煙韌，有咬口。成碗味道唔會太濃或過咸，味道適中。烏冬都唔會炒到一pat pat，仲有啲彈牙。立頓奶茶正正常常，冇咩特別。成個午餐六十五蚊左右，都算一個正常價錢，但因為份量唔大冇話特別抵食，可以接受。

香煎豬扒餐已包有茄汁焗豆及蒜香牛油多士，另外可以從腸仔/餐肉/火腿/半熟流心蛋內選兩款。如果驚唔夠飽嘅話仲可以加$6加配輕量火腿絲濃湯通粉，或者輕量麥皮。今次叫左餐肉同埋半熟流心蛋。嘢飲叫咗檸檬茶🍋🧃豬扒都算大，但又唔會太薄，或者太過肥👍🏻肉質唔會鞋口👌🏻其他啲餐肉同埋半熟流心蛋就正正常常。鐘意佢個蒜香牛油多士，好少地方會加粒粒蒜蓉落去多士，好邪惡😆另外都鍾意喺杯檸檬茶係用咗鮮檸檬搾，而唔係就咁抌兩片檸檬落去，咁樣唔使自己吉咁麻煩🙈

百分百的常客因為客飯套餐便宜多選擇味道也不錯不過份量略少兩個人要叫三個餐先夠飽是日點了蠔皇菜遠炒牛肉 $54鑊氣夠菜心苗軟同嫩可口牛肉有牛味唔靭蠔油略多，對我而言鹹了一點京都焗肉排 $68醬汁酸酸甜甜很開胃豬扒軟嫩不柴肥肉不算太多配搭菠蘿洋蔥蜜桃挺豐富的感覺豉汁涼瓜炒豬頸肉 $52鑊氣夠熱辣辣有煙出涼瓜爽脆但略油膩豬頸肉挺大塊彈牙的另加$6點了芒椰蜜桃冰椰奶味重混合左蜜桃乳酸味道不錯不過蜜桃很碎是最平的罐頭蜜桃碎無咩口感$6 牛乳台茶涼粉冰台式奶茶配搭涼粉挺好飲消暑$3 港式凍奶茶茶味濃香醇的感覺整體來講，服務一般，衛生一般，但座位（尤其係卡位）舒服好坐，所以我常常光顧。

今日lunch唔知食咩咁啱見到foodpanda有推廣優惠咁就揀咗依間餐廳12:29完成訂單諗住係工作之後1:45去攞但係miss左餐廳1:05打黎嘅電話之後1:20又打嚟..原來打黎話我未拎個餐咁就同佢講set咗1:45拎餐不過餐廳就講foodpanda張單上面冇工作嘅關係真係行唔開而食物喺夏日炎炎底下容易滋生細菌咁就唯有請餐廳重新製作或者取消張單啦但係餐廳就唔肯認錯仲要屈1:00打黎嗰個Miss call係想check我係咪落咗單其實咁樣客人又會唔會信呢?結果我攞到返屋企就唔使諗係凍哂㗎啦食咗一啖真係凍左..費事食左唔舒服加上望住張單咁大隻字寫住提取時間而餐廳唔肯認亦唔願意重新製作雖然係俾咗錢但咁就梗係唔食啦