百份百餐廳 (元州街) (已結業)

野菌白汁焗雞扒 ($50)上枱熱辣辣，無論飯定雞扒份量都非常多，雞扒食到好飽都仲有🤣至少六件，肉質嫩滑，配埋白汁食好香味道唔錯。值得一讚係雖然係午市，但岀餐速度好快，焗野都只係需要10分鐘，趕時間食就啱哂☺️

在「百份百」門外看見足料豬骨粥餐牌很吸引我，二話不說便推門入內安座，可惜豬骨粥售罄，但既來之則安之，退而求次，選擇$35野菌鮮奶炒滑蛋早餐。 輕量火腿通粉份量啱啱好，沒有重味精，味道尚好。 野菌鮮奶炒滑蛋，很討好的賣相，野菌增加口感是好的，加埋鮮奶炒滑蛋，營養豐富，但要用不少油來炒滑蛋才有滑溜溜口感，所以人生就像炒滑蛋一樣，不能兩全其美。很香蒜蓉牛油味道的多士，美味！茶味濃，奶味較淡所以滑溜感略微，但不失是杯好奶茶。這份早餐份量足夠充作我的午餐，蠻不錯！

今日去咗長沙灣睇戲，睇戲之前要食啲嘢唔知長沙灣有咩嘢食，search咗一陣，見到呢間茶記有蕃茄湯底，突然間想食酸野就去咗試雖然係下午茶時段，但係啲餐唔係好啱食，最後都叫咗午餐，佢d 午餐可以叫到六點<香煎豬扒腸仔蕃茄濃湯意粉$47>個蕃茄湯底酸酸甜甜都幾好食，不過應該有少少味精，食完之後都飲咗一輪水蕃茄餐可以揀火腿或腸仔，揀咗最鍾意嘅廚師腸，好味個豬扒明顯係冰鮮豬扒，不過夠鬆軟，都OK嘅意粉份量都幾多，食唔晒

先來個總結： 平靚正一講起吃烤魚， 動不動也要一二百元， 但這間可以在100 元就內吃到。 而且份量不少， 質素不差，配料也豐富。 先講主角，烤魚雖然不知道是甚麼魚， 但炸得香脆，而魚肉肉質很滑， 沒有腥味， 多肉，少骨。一口一口吃， 很痛快再來是配料， 有青瓜，木耳， 芽菜， ，香菇和薯粉， 種類比較多， 雖然每樣數量不多。 但今天星期五來， 所以比上兩次來吃等得較長時間， 而且味道上也較淡， 雖要店員額外加一碟麻辣醬才可調和。 但上兩次來吃， 鹹辣度恰度好處，非常野味。

早餐叫左魚柳炒蛋配蒜蓉多士，茄汁豆， 奶茶炒魚柳好鞋，冇魚味，仲要酸酸地， 食左兩啖食唔落蒜蓉多士勁厚牛油 ，係平時啲牛油多士既幾倍油，好油， 望落去個面反晒光，要切走個面食個底炒蛋炒得好老炸魚柳同炒蛋都好油，碟底成層油奶茶好稀成碟得茄汁豆係正常， 不過係開罐頭既份早餐40幾蚊，呢個份量黎講一啲都唔平，仲要啖啖油， 又酸又怪味，食左幾啖，真係食唔落， 餓住走之前去過都冇咁差， 今朝都係得兩三枱， 都差成咁，一定唔會再去！

今日早收工五點就趕尾班去咗百分百買下午茶外賣，叫咗一個鮮茄焗豬扒飯，一個炸雞脾薯條配火腿絲湯米粉。鮮茄焗豬扒飯上面有一層好香嘅焗芝士，入邊有蕃茄粒粒同洋蔥粒粒，豬扒亦都有成個飯盒咁大塊，厚度適中，又唔會肥，配上粒粒分明的炒飯底，又幾好味。而炸雞髀亦都外皮炸得香脆，入邊嘅肉亦都不會太乾身，薯條數量亦都好多，而且仲係好有質感嘅粗薯條。至於個加配嘅火腿絲米粉就冇咩特別。另外，跟餐仲有嘢飲，叫咗熱奶茶同熱檸水，飲品嘅size比一般快餐店大杯，味道正常。以呢個價錢同食物質素來講，性價比都算高。

經過大角咀見到有百分百餐廳， 前排睇youtube蘇施黃介紹過深水埗分店， 暫時未去到深水埗分店，今次就試一試大角咀這間。 第四波疫情開始， 餐廳座位比較狹窄， 人同人之間貼得太近吧！ 幸好上菜速度好快， 食完可以立即走人。 當日點咖哩牛坑腩飯$55、 鮮茄滑蛋牛肉飯$51、 熱咖啡、熱茶走， 臨走的時候見到門口有百分百的麵包店， 順便買了英式蛋撻$6（ 買三送一）和 叉燒菠蘿包$8.5。鮮茄滑蛋牛肉飯～ 鮮茄滑蛋炒得香滑， 鮮茄味道酸酸甜甜的， 飯裏面加了藜麥， 整體唔錯。咖哩牛坑腩飯～ 咖哩味香濃帶點辣， 牛坑腩份量少又細粒， 完全唔夠喉。熱咖啡～ 即磨咖啡欠缺咖啡味， 比較淡。熱茶走～ 茶走太少煉奶， 茶味比較濃。英式蛋撻～蛋撻外皮太腍， 太散。叉燒菠蘿包～鹹甜滋味，好味。百分百餐廳有好幾間分店， 今次試了鮮茄滑蛋牛肉飯和咖哩牛坑腩飯， 唔知其他幾間質素又如何呢？

點了咖哩牛腩湯米(餐牌原是麵，我改了米粉底），唔知係咪米粉吸味d , 嘗了幾口已開始度橋減辣，於是下了少少砂糖，好似好一些，但再吃幾口已禁不住開始飲凍飲，叫了仙草涼粉台式奶茶真係救命之作，於是邊吃辣，邊啜涼粉，此一涼一熱，有心跳手震的刺激感，也不斷用紙巾擤鼻抹眼水，足足用了三大張紙巾。最後仍無法完成把辣米吃盡。到付款時，問店長可否減辣，原來是可以叫米粉另上的。下次啦…不過，如果真的可以減辣，應可更親民吧！

百分百餐廳,長沙灣元州街416-418號興華樓地舖 好抵食呀, 2個人ORDER 了2個送, 金銀蛋時菜(菜心), 好多蛋白, 個湯都幾好飲架, 仲加了半肥瘦豬肉碎一個DINNER SET 椒鹽豬扒都好多架, 堅正, 可怕就用了SODA 鬆肉粉啦, 跟飯同飲品。跟餐$15 加了個木瓜排骨湯, 唔錯哦!!!!堅抵食 同埋用木色系 裝修簡約舒服，食完野同朋友傾左一陣姐姐都無趕我地走架 同埋見到8點幾多人入去買麵包，8到原來有買一送一！！！！

今日係星期日一起身我都未諗住食咩女朋友就已經有心水今日個早午餐係eat什麼啦佢帶咗我兜黎兜去 兜咗個大灣先黎到呢到原因係佢唔係好記得個位置係邊喎好啦 最終黎到呢到就揀咗呢間叫百份百嘅茶餐廳入去食餐牌幾精美我地叫咗兩個午餐先上枱係啲餐飲黎我加咗五蚊要罐可樂嘅紅白鴛鴦焗炒飯 $54落單個陣佢問我要白飯炒飯定意粉我揀咗炒飯嘅佢個芝士白汁冇乜問題嘅但係個紅汁 好酸呀 似係pizza上面啲蕃茄醬咁嘅不過太酸啦女朋友評論係實物同圖片一樣鮮茄滑蛋牛肉飯 $51呢個比個焗飯好味但呢個鮮茄汁同焗飯唔同嘅呢個係甜甜酸酸咁啦 不過不失啦每位$55 除返開不過味道麻麻地

午餐時段一入去坐爆人😂😂兩個人嗌咗至尊海南雞飯、咖喱牛腩湯伊面、薑母桂圓茶，同埋金棗茶至尊海南雞飯作為海南愛好者，好少遇到難食嘅海南雞飯，但呢個飯啲雞有啲「鞋」👎🏻咬好耐都未咬完，不過啲薑黃飯同埋醬汁不錯咖喱牛腩湯伊面辣辣地，不過幾好食，果然係鋪頭皇牌👍薑母桂圓茶，同埋金棗茶，都係冬天特飲金棗茶幾好味，好特別又補身👍但薑母桂圓茶過甜，男仔可能唔太鐘意👎🏻有機會會再嚟食佢晚餐嘅邊爐👍👍

今日天氣凍凍地，我同個朋友約咗食晚飯，揀咗好耐最後我哋決定去百分百試佢嘅一人火鍋。我呢入到去坐低之後覺得都幾闊落，然後嗌咗個一人火鍋我嗌咗雞火鍋。 價錢都係七十幾蚊包一大碟嘅雞同埋一啲配料。 送到嚟我面前我都有啲驚喜，因為碟雞真係好大碟起碼有半隻。 而且仲要好新鮮好嫩滑添。我仲好邪惡咁樣揀咗一個醉雞湯底醉雞湯配滑或雞真係絕配啊。配料方面佢有粉絲啦冬菇嗰啲雜菜金菇等等，唔需要擔心唔夠食因為我揀咗粉絲，個粉絲都好大份好夠飽。而且當你見到個半碟解你會覺得非常之回本。 正 。

近期天氣熱又唔想整野食，娘家附件有間餐廳，跟爸爸一齊撐枱腳。我們叫了兩個套餐，飯以健康為主，藜麥飯，大大碗，飯亦好軟熟。爸爸覺得中式牛柳好吸引，微酸，牛柳粒很大粒，份量又唔算少，但食落有揸，難嚼口，薯角這個配搭有新意，但配飯就多左的我叫了馬蹄粒煎肉餅，很香口，每塊肉餅很大件，基本上食一件就好夠，好在唔太咸，送飯或者就甘食都唔差。香口野係唔同的，肉餅夠juicy我們叫了兩杯奶茶，我們覺得很香滑，嘆埋杯茶又真係好滿足。。。。。。

其實我覺得百份百這間餐茶集團好聰明，分店主要集中各區多個屋苑。因為不在一線的區域，不用與貴價餐廳直接競爭，但因為檔次又比一般茶記為高，成功打敗區域內的小店，導致集團近年不斷擴張。元洲街這間百份百餐廳食過幾次，食物質素算不錯，連鎖店黎講算keep到正常水準，但價錢就比一般茶餐廳高。漁香茄子飯的醬料肉碎都好足料，而且茄子都好多，醬打得幾好，有少少微辣提一提個味，係一個合格嘅漁香茄子飯。方魚肉碎海鮮泡飯製作需時，大約等咗5-7分鐘左右，湯底幾惹味，唔會太鹹。材料都幾多，但略嫌方魚粒好少，無咗整個飯嘅精髓。

今日返工去到長沙灣夠鐘食飯所以去左長沙灣元州街百份百餐廳食午飯今日叫左墨西哥瘋狂辣肉醬焗豬扒炒飯底再加熱奶茶墨西哥瘋狂辣肉醬焗豬扒-焗得係幾香口,不過豬扒太林,飯炒得都唔錯奶茶就一般了,茶唔夠茶味而滑都OK的