百份百餐廳 (鴨脷洲村)

營業中

休息中

門面就透出一陣懷舊風情，入到去，水泥天花板襯埋木質裝飾，型格中又帶啲復古。叫咗個雲耳蒸雞，呢味餸真係有驚喜。雞肉嘅質素好高，蒸得火候啱啱好，嫩滑得嚟又唔會腍到冇口感，而且超級入味。雲耳爽口彈牙，吸滿咗雞汁嘅精華，同雞肉嘅嫩滑形成咗好正嘅口感對比。呢個雲耳蒸雞嘅味道，同我喺韓國食過嘅烤雞相比，一個係清淡鮮美，突出食材本味，一個係濃郁香辣，充滿異國風情。再講埋嗰碗白飯，米質唔錯，粒粒分明，用嚟撈雲耳蒸雞嘅汁一流。搭配嘅凍飲都好解膩，同成個餐好夾。不過呢，都有少少唔足。雲耳蒸雞嘅份量如果可以再多啲就好喇，對於大胃人士嚟講，可能唔太夠喉。而且價錢方面，成個餐大概56蚊，喺同類餐廳入面算係中等偏上。講到雲耳蒸雞呢味餸，真係好有感情。以前細個喺屋企，屋企人成日會蒸雞，雲耳吸滿雞汁嘅香味，食落去好有家嘅味道。而家喺餐廳食到，雖然唔同屋企嘅味道有啲差異，但都勾起好多童年回憶，喺呢個繁華嘅城市入面，搵到呢種熟悉嘅味道，真係好難得，好似畀咗自己一個溫暖嘅慰藉。

百分百～地址喺鴨脷洲村多層停車場地下5號舖。一入到去，装修都幾新潮，啲枱凳擺放得幾舒服，冇乜逼夾嘅感覺。講講我嗰餐啦，叫咗個 鮮茄巨人雞扒蛋蓋飯，同埋一杯熱立頓奶茶，埋單總共$60，價錢都算合理啦。先講嗰個雞扒蛋蓋飯，雞扒炸得金黃酥脆，咬落去“咔嚓”一聲，外層好似披住件脆卜卜嘅戰袍，裏面嘅雞肉仲好嫩滑，多汁到好似喺口腔裏面開咗個小瀑布咁。不過呢，雞扒嘅調味就有少少單調，感覺差啲火候，如果可以多啲香料嘅層次，就好似泰國嘅香茅雞扒咁，帶出多啲異國風情，就更加正啦。蛋就煎得唔錯，滑潺潺嘅，同雞扒一齊食，口感幾豐富。下面嘅飯吸咗鮮茄汁，酸酸甜甜幾開胃，但係番茄汁有少少偏稀，唔夠濃郁，如果可以好似意大利嘅番茄燴飯咁，番茄味再濃啲，就perfect啦。至於嗰杯熱立頓奶茶，茶味都幾香濃，奶同茶嘅比例調得唔錯，入口順滑。不過同茶餐廳嘅奶茶比，就好似差咁啲火候，茶餐廳嘅奶茶沖泡嘅時候“拉茶”嘅動作，令到茶同奶充分融合，香氣更加四溢，呢杯奶茶就冇咁強烈嘅香氣衝擊啦。但係呢，呢個雞扒蛋蓋飯又真係有種神奇嘅魅力，好似喺忙碌嘅生活中，畀你一個簡單又實在嘅慰藉。好似細個嘅時候，放學返屋企，阿媽煮嘅家常菜咁，雖然冇

呢一間係百米飛人員工嘅餐廳，點解會咁講？因為餐廳嘅員工好少，喺夜晚旺市嘅時候所有嘅員工都係好快😹😹😹。不過絲毫冇減少到佢哋嘅效率。呢個真係幾犀利！雖然佢哋係冰室類型嘅餐廳，但係煎出嚟嘅牛扒同樣都幾有水準！就好似我今次食嘅呢個牛扒晚餐咁樣，剪出嚟嘅感覺啱啱好冇話太熟食唔到，切落去嘅時候亦都有啲肉汁，呢個價錢食到呢種嘅牛扒的確唔錯！此外呢個餐仲配埋飯同埋薯條仲有嘢飲，性價比嚟講相當之高👍🏻👍🏻👍🏻！如果想食性價比高嘅牛扒都可以嚟試吓，不過就唔好期望牛扒會有好高嘅水準。

早餐求其食快快手搵左間茶記，味道份量都Ok wor朝早人手唔系好夠，叫左一陣先有阿姐黎落單，不過服務唔算差的五香肉丁公仔麵$36另選一款配料，叫左午餐肉，唔算好孤寒公仔麵正常發揮，無咩特別跟餐熱奶茶幾大杯，比平時增量三分一野菌鮮奶炒蛋$36個炒蛋幾出色，野菌增加左口感，又炒得夠滑跟左個火腿通，細細碗唔會太飽肚，淺嘗都ok

以為去咗機埸，個個都揮手！晚晚都八成滿，樓面連收銀得三個，真係識飛咩！希望集團高層睇到啦！外賣有多！見到D員工盡晒力，幫吓佢哋啦！淨係識開舖，夠人手咩！我諗人工中下，屋邨餐廳，大部份都係街坊，盡量都唔投訴，第一次見冼碗姐姐都要出樓面幫手！

過海來到鴨脷洲 時間剛好下午茶魚蛋牛腩粉麵舖 執笠變陣我的媽惟有幫襯百份百 忘記雲吞有鮮蝦叫咗一客奶醬多 加杯凍啡別無他幾分鐘後茶點到 套餐果然甜甩牙奶醬份量確適中 吃完肚皮重量加解決麵包一大片 填肚小食並不差凍啡啱飲奶味夠 解渴消暑直堪誇大店搬細合划算 味道鄰里第一家

難得現今世代還有絕對堅持回饋社會的企業 願意清一色只僱用扶康會/智力低下員工 背後故事 令人心暖雖然結果令到食物偏咸 可能有關弱勢群體人士廚師落鹽時剛巧不幸癲癇發作 但還可接受雖然表面上全部弱勢社群樓面全部看到客人揮手示意落單後會轉移視線 裝作看不到 但本人清楚了解到真相是他們都在對自己弱小心靈打氣：「加…加…加油！！… 要…要…要幫客人落…..落….落….落….單…….」 雖然最後失敗 但他們最少已勇於站在場上 我們要多加支持 我們的一小步；弱能人士們的一大步！ 共勉之！

我家附近百分百的下午茶一向抵食的，焗豬排飯味道又不過不失，所以我都經常去買外賣，今日照平時一樣去百分百買下午茶，平時外賣我都是不用餐具和糖的，今日阿姐聽了我話走餐具和糖，D語氣好似質疑我咁，問真係唔要呀，我答是，她又話糖都唔要呀！我話係呀！跟著她包外賣，我只order一個飯和一杯奶茶，但她要分開2袋包装，我同她講杯飲品不用額外多個袋了，包在一起就得，她居然話【不可以】，我即刻問點解唔得，她話經理話一定飲品要另一個袋包，我相信經理是無錯的，如果外賣是比送貨員送，多一個袋入會安全些，但我已經話了不用，她都依然堅持，點解呢!希望百分百集團睇到這篇文章，要多加同員工溝通清楚。

超超咸劣食下午茶餐！ 雪菜肉絲炆米，肉又咸，個米粉係用生抽去撈，完全做唔到炆米的品質，係求其炒下個米，跟住就撈啲雪菜咸肉，勁加生抽，真係咸到爆，完全食唔到。炸魚薯條，個買相可以，但一食到有味粉既魚或薯條就出事，係超級咸，好地地一個炸魚薯條，無啦啦加埋啲超咸又辣既粉，重要係勁多咸辣粉。又食咸到食唔到，簡直係對腎臟的大挑戰。真係劣食中的劣食。真係差差差差差差差差差差差差差差差差差差差差差差差差差差差差差差......

行行下去到鴨脷洲村，發覺附近真係無野食，唯有揀咗呢間百份百餐廳食個lunch叉燒芙蓉蛋飯值得一讚係上菜時間好快，唔洗3分鐘就已經有。蛋入面有唔少叉燒同蝦仁，都算幾足料㗎，但隻蛋就真係鞋咗少少，同埋豉油落得太多，太鹹啦

上次係屯門食過早餐，覺得好平，$27 有一份早餐連熱飲，今次見到鴨脷洲又有百份百，一於去食下下午茶先。叫咗個酸辣貢丸米線，味道普普通通，唔夠酸，不過好大碗。朋友叫左個迷你焗豬扒飯，啲飯有啲硬左，應該番焗，麻麻。另外朋友叫咗個無骨霸王鷄飯跟碗仔翅，跟熱飲，都係$34 ，食物就普通，不過就真係大大份，抵食。整體食物價格都好抵，不過鴨脷洲既質素就一般般，服務態度都麻麻，屯門大興好好多。

其他外賣自取真係覺得好方便，仲可以選定時間叫餐，但係今日俾人退單三次，第四次我再次落單，佢同我講話我選自取時間係1:45分所以唔接單，落佢接左擺底左唔記得，一係一早出左餐會凍晒，佢叫我1:15分先好落單喎，咁其他我覺得如果你地做唔到，係唔係可以在這平台選擇接單時間呢.....我見有部分餐廳有分早市午市同晚市咁落單架，咁我係顧客於購買時可以選擇下取餐時間，咁咪落單囉.....點知會咁.....失望....希望你地能改善一下啦⋯⋯就算堂食你地已經出名出餐慢架喇！