百利冰室 (已結業)

久聞西灣河有一間出名的百利冰室，每次路過都人山人海，始終未有機會嘗試！最近知道上環開了分店，今晚的起心肝去試下先！先說室內裝修，懷舊氣氛濃烈，晚飯時段每枱也點起candle, 氣氛不錯!伙計熱情有禮, 樂意提點推介食物! 價錢與翠華/太興頗為接近.這晚試了招牌雞比煎旦飯, 招牌蕃茄濃湯肥牛烏冬, 熱奶茶及凍檸賓!1) 雞比煎旦飯好好味, 雞比煎得外脆內軟, 調味弄得好好, 最驚訝是伴菜竟然係西洋菜, 份量不少呀! 我同老公搶住食呀! Yummy!!2) 蕃茄肥牛烏冬, 這個實在下得太多太多香草, 完全蓋過蕃茄味, 難食!!!!!3) 熱奶茶, 之前見網評不俗, 就叫黎試下.... 飲左幾口, 再加了些熱水, 都係飲唔落.... 太濃茶味唔啱我胃口; 完全可以估計如果夾硬飲晒, 個胃一定會痛; 最後放棄冇再飲...4) 凍檸賓, 老公一路飲一路讚揚, 落足利X納, 好甜好好味!

上個月，返工經過上環地鐵站出口，有位 <百利冰室> 的店員派傳單！當然！我不忘拿張來看看！ 原來是金寶湯通粉配秘製豬頸肉跟飲品，早餐外賣自取特價 $20 (原價 $31)！  外賣早餐抵一截！真是不容錯過！ 只限逢星期一至六，上午 7:00 ~ 11:00 供應。 通粉可轉意粉 / 轉出前一丁 +$5，凍飲 +$3。走到去 <百利冰室>，向女店員落單付款，她提醒我下次可以預早好幾分鐘致電落單，到餐廳時直接取外賣，更節省時間！  相當細心！值得一讚！ 豬頸肉通粉 (早餐外賣自取特價 $20)雖然是早餐兼特價，但是依然份量十足！  即叫即煮熱辣辣！  通粉軟硬適中！豬頸肉有好幾片，香口又爽口！以金寶雞湯熬製的湯底，濃郁惹味！  抵食又暖胃！食完好飽足！ 熱好立克最緊要水夠熱，能帶出好立克獨特的麥芽香！淡奶落得夠多，兩者混合得宜！ 沙翁 $8之前，聽過老闆講，沙翁一日出3 次！我幫襯了好幾次也食不到招牌貨沙翁，竟然無心插柳見到！  當然機不可失！一於買一個試試！ 炸成球狀的沙翁，口感外脆內鬆軟！砂糖份量恰到好處！不會太甜膩！  $8 

就在喝過抵鬧的蛇竇奶茶 (詳見機利文新街樂香園咖啡室食評: 「只吃飯好了, $15奶茶可免」)的同一天晚上, 我又去了百利冰室一轉, 今次是有目的而來, 而目的就是一杯靚奶茶。上次在這裡食lunch趕頭趕命又人頭湧湧, 今次放工先去, 佢在晚市的氣氛超唔同! 又點蠟燭又擺花又剩, 好有mood!大約6點半去到, 完全唔使等位, 一坐低唔好講野第一件事就叫杯熱奶茶先由於我坐近水吧位置, 一路聞到茶香, 奶茶上枱時, 我笑了。茶色對辦然後喝一口, 呀~~~~~~ 呢D先係奶茶黎架嘛！茶味清而香, 恰當的淡奶分量撞起來令茶身好滑; 嚥下了一口, 再"dap"多兩野, 茶香仍然喺口內洋溢。呢杯奶茶真係cheer me up, (乙水) 返我。順手在百利食埋晚飯。叫了他們招牌的番茄湯肥牛烏冬。個湯真係好濃好濃, 烏冬又索左少少湯的味道, 肥牛片夠薄身而且色澤分明, 而且大大湯碗裡仲有好多種唔同的蔬菜配搭, 比起出面的茶餐廳hea住只有一兩條菜, 呢碗烏冬明顯望落營養均衡得多。好食到, 食完先記得拍張照。sorry題外話: 儘管個番茄湯超濃味, 但我成晚都無覺得口渴!!!有時呢, 人係好易(乙水)

本身之前呢個位係間以mini cooper做主題的餐廳我好鐘意佢架...點知有一日帶個fd來食的時候赫然發現佢已經執左....勁傷心 ToT然後過多排就見到裝修緊會做百利冰室我記得好似幾年前有山長水遠走過去西灣河定咩就係為左試呢間野果陣覺得冇乜特別..跟住呢日d fd話想試呢間所以lunch就來食lu格局其實同之前mini cooper間野差唔多係d decoration唔同左囉..都幾多人望下menu...其實我覺得真係好overpriced最後揀左算係比較抵食的7號餐熱狗幾好味正常的罐頭湯意粉囉用來裝糖的盒仔好搞笑熱奶茶, 好飲食完呢個餐勁飽 *v*

之前睇到百利冰室的食評話呢度食lunch好迫，其實在上環區有邊度食lunch係唔迫的?! 如果在peak hour都可以輕鬆搵到位的話，果間餐廳好食極有限啦………結果尋日自己一個人去食lunch，已經有心理準備會多人。一入去前面有幾個人等位，我仲以為要等好耐，原來前面d人未人齊，餐廳叫佢地等齊人先入座。但佢地係咁喺度嘈，話點解入面咁多枱都唔俾佢地入去，我心諗，人地餐廳寫到明話繁忙時間人齊入座，如果你一個人來霸住張大枱等足一個鐘，咁對餐廳好唔公平啫！我真係唔明佢地嘈乜！不過就係好在餐廳有呢個人齊入座的政策，所以我呢d一條友來吃飯的好快就有位。 坐低左喺角落頭一張細枱，隔離張大枱都有啲一、兩位搭枱。一坐低侍應就拎左杯暖水俾我。見到佢地有肉醬意粉，但天氣凍想食d飯，問佢可唔可以要肉醬焗飯，佢話ok。結果我個焗肉醬意粉轉飯大約15分鐘之後就到。一上枱，熱辣辣香噴噴！肉醬上面有d番茄碎粒，面層焗得乾身仲有少少脆，肉汁留左落去d飯度，口感與味道都好好。臨走時我一起身埋單，幾個侍應大大聲同我講「多謝晒！」唔講d人以為我幫襯左幾千蚊！其實只係70幾蚊！

早前，我要求一位好友幫忙做一件事，因此約他食飯是應該的！ 而我選了位於上環柏廷坊以非一般冰室格局，打破沉悶框框的 <百利冰室>，恰巧！他從未幫襯過！相信這裡以 60 年代的大劇院 (戲院) 為主題背景，必定給他驚喜！ 那天晚上，我帶他走到 <百利冰室>，他忍不住立刻拿起手機影過不停！ 踏入 12月，餐廳方面也添置聖誕裝飾，營造節日氣氛！ 親力親為的老闆站在門口招呼食客，晚上食客不及下午茶時段那麼多人，我們走勻全場，他特別選了以漫畫版梅艷芳為背景的二人卡位！ 大家看看餐牌，晚上也供應晚餐，以二人餐為例：由 $148 ~ $198 不等。 落單時，店員先告訴我們，為了保持食物質素與最佳口感，店方需要花上時間及用心弄好每款食物！即叫即煮！讓食客可品嚐箇中味道！  我們卻覺得上菜的速度比預期等得耐一點！  可說是慢工出細貨！我們選擇了二人晚餐 Set C $168包括：白汁魚柳及雜菜、百利粒粒焗番茄牛腩飯、白灼時蔬、飲品兩杯。  依上桌次序：白灼時蔬 - 我們選擇了芥蘭，芥蘭色澤翠綠又肥美！  我最怕食到苦味的芥蘭，店方貨色無苦味之餘，還

環境比一般茶餐廳更擠迫同嘈吵，細細的二人枱坐3個人，大枱坐到同後面枱的人背貼背人多本身已經嘈，仲要大大聲播歌，落單都有困難。個飯已經細碟，微形牛腩粒得5粒，汁偏貼。奶茶唔夠茶味。總括而言，不值一試

十月三十一日 (星期四)曾幾何時，冰室遍佈香港隨著社會進步，時代變遷，不少已被淘汰當中亦有不少進行翻新，重新裝修，希望吸納年輕的一群新客這家來自西灣河的老店，最近就在上環開了他的第一家分店看看他的英文名才知，原來早在1964年已開業我倆不是在港島區居住，所以以前也還拜訪過這家冰室是日急急腳走到上環，因為接著有事辦午餐時段，店子擠滿了白領，幸好仍找到兩個空位，不用等看看店內裝修，便知老闆是花過心思的當中不少香港明星的Q版肖像，真的畫得惟妙惟肖呢未知老闆是否特別鐘愛梅姐呢? 旁邊的一張二人卡位更畫有她的獨立肖像我倆坐在一張大圓桌，桌上放在轉盤，令侍者送菜時更加快捷方便，是不錯的設計也留意到所用的餐具和櫈也是熟口熟面的哈哈，準是宜家的出品呢看看午餐餐牌，有碟頭飯,焗飯及常餐等，與一般茶餐廳無異索價由四十至七十元不等，大概是中上環一帶的茶餐廳價錢吧咖喱不算辛辣，但挺惹味的牛腩入口煙韌，肉味香濃，質素不俗也點了一客常餐看湯底色水，還以為很濃郁飲落味道略淡，若濃一點會更好多數的茶餐廳只會供應多士或方包，這裡供應豬仔包，要加分呢至於質感，外層尚算香脆，但內裡的質地略嫌不夠鬆軟奄列的火腿份量挺多，也不

最近，我見到 Openrice 的餐廳最新消息得知 <百利冰室> 推出新口味下午茶！ 昨天去完永安買鞋後，不經不覺已經將近 3:00！ 反正未嚐午餐，正好食個下午茶餐！ 流心油菠蘿煎蛋包 (下午茶餐 $28)等上大約 5 分鐘！流心油菠蘿煎蛋包是菠蘿油變奏版！  把牛油換上荷包蛋，食起來起碼不會那麼膩，而且蛋黃漿可濕潤口感！  菠蘿包酥油皮外層脆口！包身鬆軟帶微甜，原來包身塗上糖漿，怪不知那麼甜美！ 巧妙地把兩樣簡單的美食配搭在一起，有出乎意料之外的效果！令人一試愛上！ 鮮茄雜菜雞蛋湯烏冬 (單叫$58)聽女店員說，以新鮮蕃茄熬製好幾小時！  相當天然！鮮茄加了糖，入口酸中帶甜！蕃茄湯則酸香醒胃！混合羅勒葉，完全提升味道！配料份量頗為慷慨！而且色彩繽紛！  用上烚蛋好健康！連意想不到的薯仔也有！不飽肚就奇嘞！！  烏冬軟硬適中！杏仁奶露 (跟餐)濃郁杏仁味飄香！ 很滑溜！是一杯不可多得的熱飲！

近期多本雜誌都介紹上環新店百利冰室, 今日特別去試吓!以往進駐栢庭坊均為中高價食肆, 一個SET LUNCH都要百五以上, 百利既出現可以話係突破, 因一個午餐都係五十幾蚊, 平過翠X多多聲。 百利冰室reception以大劇院作主題, 個個等位都响到喪拍, 所以都唔覺得悶。香港寸金尺土, 場內得意DECOR貨真價實, 好似上圖汽水櫃, 真係見到老闆响個櫃都攞凍汽水! (可惜係罐裝, 如果係"維他"支裝仲正)。秘製雞脾飯配雙蛋 ($58)賣相絕對懷舊, 令人想起中學年代碟頭飯。雙蛋指明要太陽蛋, 但煎出來的效果尤如八成熟, 蛋汁失去流心效果; 未有蛋汁配合, 令飯有點乾, 幸好枱面有一支豉油幫手調味, 未至太寡。雞脾用刀輕割一下, 立即標出一堆油 (食咗咁多次炸脾, 乾脾見好多, 標油脾都係第一次見), 有機會係廚房無做 "迫油" 動作。雞脾食得出有用南乳, 但可能醃製時間不足, 未太入味。茶走 (奶茶 + 煉奶) - 跟餐煉奶充足, 但所謂 "水滾茶靚", 百利的奶茶水温明顯不足, 上枱都唔使吹凍就飲得, 茶香未能發揮之餘, 煉奶攪好多吓先融。午餐一覽

挾著五十年老字號, 百利冰室首度開設分店, 加上精心設計的裝潢, 某程度上已經足夠引起大家的注意, 於是便襯這個週六晚上到訪。於餐牌上發現「無冰凍奶茶」這款有趣的飲品, 於是於點菜時詢問店員, 若要跟餐的話價錢會是多少, 這位戴眼鏡的女店員的答案竟然是：「唔知喎」 , 語氣還不太友善, 印象分大減。等候食品期間, 這裡的低劣服務水平繼續層出不窮, 所點選的焗飯, 於餐牌上已有「溫馨提示」註明「需等候約 12 分鐘」, 等候是預期中的事, 誰不知等了 25 分鐘也沒有任何起色 (當時店內只有三、四檯客), 於是便向該女店員查詢, 誰不知她竟然二話不說便以極速回答：「焗飯要等耐啲喎」這方面就算她不用說, 我也知道, 問題在於實際所等候的時間和所預期的差別, 當然這位態度非常「友善」的女店員並沒有認真處理這件事。又再多等 10 分鐘, 便向另一位女店員查詢, 最後都是三催四請下, 食物才能夠順利送到來, 前後足足 40 分鐘, 期間並沒有任何店員認真交待過究竟發生了甚麼事。粒粒番茄牛腩焗飯 ($75 連咖啡或茶), 賣相其實相當不俗, 至少牛腩和蕃茄也是大大粒, 份量也頗多, 看起來比餐牌顯

I went there for lunch today.  It's actually my 4th time there since it's opened.  I order the same set every time, i.e. macaroni in soup with luncheon meat + ham omlette + bread + iced lemon tea.  I still remember the first time I went there when it was first opened I was happy with the food quality but quality has deteriorated quickly since then.  Today, I ordered the same set, the macaroni seemed to have been soaked in water/soup for a long tim; the soup was very bland.  It tasted just like w

今天才在報紙看到新聞，有家位於西環的點心老店正面臨加租威脅，恐怕要被迫結業，眼看屹立多年的街坊小店一間接一間的消失，實在令人悕噓。不過亦有有心人在努力，把舊香港的傳統味道與人情味傳承下來，其中一家就是百利冰室。百利冰室開業近五十年，在筲箕灣幾乎無人不曉，甚至有不少外區人專程來吃。以往有聽過百利冰室這名字，但就沒有吃過，得知冰室在上環開了分店，是日就去試試幾款招牌美食。新店位於食肆林立的柏廷坊，裝潢非常有心思，一進門就好像回到三四十年代的戲院，牆上掛了多幅港產舊電影海報，全部都是原裝而非複製，還有一張古老戲院椅和古電影菲林放映機，我想他們應該花了很多時間去尋覓這些古董，來用餐的時候可以細心欣賞。沙翁。又稱為蛋球，是早年香港很流行的一種甜食，不過現在已經不多見，以前跟婆婆去酒樓的時候也常吃。冰室的主理人波哥對沙翁很有要求，在新店內特設兩個炸爐專注做沙翁，每次都要用30分鐘才完成。沙翁是混合雞蛋和麵粉做成粉糰，放入滾油中炸成金黃色，最後灑上砂糖，口感鬆化香軟有蛋香，不過砂糖可以再多一點就更好。蝦多士。這裡的蝦多士跟我平常吃到的不同，原來是舊式的做法，不是一片多士上面鋪一層蝦膠，而是一大件要用

小弟於社交網話的專頁中得知冰室於上環開設分店接受程度高及勇於嘗試的我當然想試，可惜時間未能配合而一直未有行動適逢昨天跟朋友見面，大家對吃都沒有太多要求在「甚麼地方都去」的情況下決定由旺角特地到上環試試到步後隨便的叫了兩個烔飯和兩杯凍奶茶不用等太久便上菜，未放下已聞到香味，急不及待的試，請見圖料足，材料入味，汁也香口，撈飯一流自從之前常去的冰室關門大吉後，已有6年沒有一個固地的飯堂了相信總店和上環分店都會成為我留下不少腳毛的地方

試業初期, 午市時間光顧過2次, 但係等待上菜時間勁耐~~今日再試, 明顯快左好多, 落完order無耐就到!上次見人地食個蕃茄焗牛腩飯好香噴噴, 今次決定一試!呢個係"迷你"size, 對女仔黎講, 份量已經好夠, 好飽!牛腩好"林"~好味~但係個蕃茄醬略嫌唔夠蕃茄味, 濃郁d好d....奶茶真係精髓! 因為本人比較喜歡重茶味的奶茶!~~~正!!