百匯軒

營業中

休息中

自問一向寫食評都首要持平,如實報導。今次不能不將經歷向大家揭示因為有親戚從內地來港所以訂檯一圍盡吓地主之誼。剛好先一晚飲完婚宴,所以在百匯軒就決定散叫地道小菜換吓口味。相信有留意Openrice食評嘅朋友都知依間野嘅往績麻麻哋,話佢開業以來經常混亂落單出錯菜,遲出菜,叫極都無伙記睬你.....也曾係開張初期幫襯過下午茶已經覺得麻麻,但基於老人家貪就腳唔鍾意落黃大仙,新蒲崗搵食;只有迫住要再去坦白講今次晚飯嘅食物有改善,味道一般可以接受。但最想大家朋友知道原來有其他食評傾過依個集團(刻意埋單收多錢),原來係真有其事一向都好少係一班親朋戚友飯局check單,好似唔係幾好咁,通常用心算略略圍圍個粗略大數唔太離譜就算。好衰唔衰自從開始咗寫食評之後就習慣咗攞返單據,方便貼出證明屬實(並無老作)細心睇返發覺第二款菜係原隻鮑魚灌湯餃(頂點)就好奇怪,明明無叫到㗎。即時打電話去酒樓問,證實晚飯時段根本唔會有點心供應(一定係攪錯)。再與朋友溝通後大家都發覺有被多收錢之可能。所以特別提醒各位朋友盡可能要求攞番"顧客單據",因為即場單據只可以用來check吓餸菜出得齊唔齊;唔可能查到佢有無(加多咗野嘅)。希

今晚一行九人到酒樓吃晚飯過冬，沒想到百好集團發生一件不快的事情。話說媽媽喜歡食珊瑚蚌西蘭花，就叫了一碟，來的時候是翠玉瓜珊瑚蚌，本想就此算數，不過媽媽喜歡吃西蘭花，就問問侍應這是什麼，沒想到她他的回覆是：「個餐牌右下角，寫住圖片只供參考」我心想：如果叫了龍躉，來了桂花魚，大家都是魚吧？換了經理過來解釋，沒想到語氣更差，話我地餐牌已提及圖片參考幾個字。結果要問他了不了解商品說明條例，他才取消這碟餸菜。本人亦已拍照作為參考，亦不排除將此事轉交傳媒處理。用餐日期為2017年12月12日，晚上七至八時，503號桌。希望管理層閱讀此文章後能知悉此事件，明白在香港辦飲食業需受有關法例約束。

一行六人食飯本身叫左-清蒸海石斑+鴻運乳豬拼盆-海皇炆豆腐-椒鹽鮮魷美果-濃湯花膠浸菜苖落單嗰陣冇錯 但上菜先發現入單混亂本來嗌左既海皇炆豆腐 黎到變左彩虹蝦球帶子 我地即刻問職員 先發現落單已經出錯 入單同隔離枱撈亂左佢地表示會改單並重新出菜不過一波未平 一波又起說時遲 那是快隔離枱已經食左上錯嘅菜苖當時部長問我地要隔離枱原本叫嘅雜菜煲我地拒絕 雜菜煲亦徹回隔幾分鐘後再上菜佢聲稱係濃湯花膠浸菜苖但事實係雜菜煲（如menu圖）上舖上花膠（顯然同隔離枱嗰碟唔同）再找部長詢問仍堅稱係菜苖最後要表示已錄影先改口冇哂菜苖如此“優質”嘅待客之道同“特別”嘅處理手法令人不敢恭為

這間百匯軒, 其實不應該這麼差, 由百好集團經營, 應該要有一定水準。可惜聘用了一批員工, 他們是前慈雲山兩間酒樓的舊員工, 他們的服務態度大多惡劣，尤其是一個身材矮, 瘦小的女員工, 綁著馬尾, 時常黑口黑面不願做, 又經常指罵客人, 很沒禮貌, 很不要得。其實酒樓的食品已經是一般水準. 不算好食, 但算入得口。但是, 有這樣的員工的服務態度, 難怪食客越來越少, 客人是來飲食的, 是要付款的, 為何還要受氣。建議酒樓首要的就是解僱為禍的員工, 以改善服務質素。

好唔容易先等到慈雲山中心兩間酒樓先後結業後嘅其中一間重開。原先以為會有新面貌新思維,因為七樓被新(百好集團)投得經營。開業幾日後去試一試下午茶,發覺(完全唔掂)。首先被輝煌光猛嘅裝修吸引,但坐落後便發覺差不多一個企堂要負責五六張檯。嚟完一壺茶後又嚟一壺,落單四樣點心(走單兩樣)。食物水準差勁,聽到同檯嘅茶客話蝦餃唔掂已經唔敢叫。叫咗雞包仔~濕立立,牛肉腸粉~唔滑溜又凍凍哋。潮州粉菓叫做交到貨,但家人覺得比平常食開嘅辣好多🙄。最後由部長親自追單嘅南乳豬手上檯,果個賣相叫人反胃。散修修又骨頭多過肉😤😤😤 。咁嘅水準,好難有下次🙅‍♂️🙅‍♂️🙅‍♂️

成個中心得返一間酒樓，早排見佢圍哂板以為又執埋，好彩只係裝修轉過另一間。早個星期見佢開返，仲有任飲任食火鍋都只係$98全包，所以同媽去左試下抵唔抵。6:00先準時開始，不過5:45到已經有唔少人，我地坐底之後都好快滿左要等位。除左湯底，其他都係自助形式去攞野食，肥牛都係排隊去攞的，不過佢係即切，所以都唔錯。$98係抵，出面都好少酒樓做到呢個價。入面都大執過，點都比之前好既。調味豉油吧，最基本都有齊。配料區，右邊仲有啲，普通食開既野都有。另外仲有啲配料要加錢續碟叫，不過都唔貴。飲品同雪糕，茶同汔水五五分。即切肥牛，唔錯。因為即切，所以色水好靚下。亦都因為即切既關，一開始都要排下隊先拎得，不過都好快有。雪糕都有幾隻味揀。