百味堂 (已結業)

之前見到呢間鋪，再加上上網睇到，就心裡有問號，乜韓國雪糕有咁耐歷史？於是乎帶着懷疑嘅心情嚟到「百味堂」試下d歷史雪糕。原味牛奶雪糕（$48）食落口其實喺有驚喜嘅，因為明明係雪糕嚟，但有種雪粑嘅口感😲。有雪糕嘅綿身，但又有雪粑果種好細緻同好細小嘅顆粒感，又可以話充滿氣泡咁👍👍。不過當雪糕融咗小小呢種雪粑嘅口感就慢慢消失，各位相機食先嘅朋友，小心掛住影相會錯過呢種口感😉。米糖薑末牛奶雪糕（$58）呢款雪糕其實係個薑粉加上糖水再淋係原味嘅牛奶雪糕上面。建議由下向上剷上去，咁就確保每一啖都有薑味同糖水味。不過我就覺得薑味唔太夾🤔🤔純粹係個人口味問題。

呢間野之前見佢排長龍，好似幾出味咁就去試下，叫左個朱古力雪糕，上面就灑左d朱古力碎，但我就覺得正常喇唔算好好食，可能我中意實在d既口感，佢係入口即溶，食完好似冇乜食過咁好唔真實😂仲要都幾貴下，有多餘錢我都係去食gelato

韓國大熱雪糕店「百味堂」係香港愈開愈多分店，主打100%有機奶製成的牛奶雪糕。雖然價位偏高，但食落會感覺到真材實料。雪糕非常滑溜，入口即溶，牛奶味極濃，原味的話味道會更突出，配上脆米，口感更豐富。

冒住會咳死嘅風險走去試百味堂雪糕，以為好好食，因為一年落嚟見好多人都會去朝聖打卡，但係sorry，一啲都唔食，勝價比其低。佢主打係韓國直送牛奶嚟整雪糕，牛奶味雪糕係濃奶味，不過係奶粉味，texture 係刨冰感覺而我真係到冰粒，咁就盛惠$48。試多個係咩人手tiramisu牛奶雪糕，係有pat好薄嘅tiramisu-like cream 喺底加兩條手指餅on top加埋佢嚿牛奶雪糕再加朱古力粉而成，咁就收你$75，嚿tiramisu完全唔係tiramisu，失望到不堪。#好彩係出公數

百味堂除左三間分店外，都不時搞期間限定店，留意到佢地不時襯有有新店就推出新口味或者限定雪糕，我地襯收工喺附近就過黎試新品K11店有少量位置可以堂食，又近電梯口，來來回回都有唔少人經過，生意唔錯。朱古力牛奶雪糕 $58分杯裝、筒裝，揀左後者，唧起之後仲會加入黑朱古力碎，提升層次。同餐牌上另一款淋醬朱古力雪糕唔同，呢個濃度高好多，味道甘醇。雖然都加左有機牛奶，但唔會蓋過朱古力，甜度唔高。雪糕厚身，質地帶冰感，連埋好香脆嘅威化筒一齊食，唔會膩口

好耐之前已經好想試百味堂！聽講d牛奶雪糕好好食！叫咗朱古力同埋抹茶牛奶雪糕。d醬份量好足夠，每一啖牛奶雪糕都可以配一大羹醬。幸好唔會太甜，好食好食！反而之後食翻原味牛奶雪糕，覺得牛奶味唔夠重。下次都係試咗原味先！

百味堂雪糕真係好好食🍦 牛奶味好重好滑🥛😋 加埋個脆筒就Perfect Match🤩🤩之前因為join左New World CLUB既會員 所以先可以免費試食雪糕❤️ 所以快啲登記做會員 一齊嘆盡好食 好玩嘅會員禮遇啦🙆🏼‍♀️ 依家登記唔會有雪糕食架 不過之後可以享有其他既禮遇🤪

百味堂最出名一定係佢個便便形狀雪糕  之前黎食過原味牛奶雪糕 牛奶味夠濃夠香 質地亦都好滑身  今次就試新野 叫左阿薩姆奶茶雪糕  雪糕依舊係牛奶味 所以唔洗多講  奶茶味夠濃 配合雪糕 味道好夾  加上雪糕面加左啲檸檬皮 令成個雪糕好清新 加分  

見到上網話百味堂出咗新口味，第一時間去試一試💃🏻!朱古力牛奶雪糕 （$58 ）韓國造型💩💩雪糕，朱古力用了比利時Callebaut朱古力🍫，雪糕香滑，唔太甜，較冰感唔會膩。威化筒薄脆輕盈🍦，雪糕上再灑d黑朱古力碎，水準一如既往，不錯！濟州抹茶紅豆牛奶雪糕 （$82）個賣相好吸引🤤!!牛奶雪糕淋上抹茶醬🌿，下面仲有極大量紅豆蓉，見到已經大滿足💚❤️。但食落抹茶缺乏甘香🍵，如果係為咗抹茶而食會有d失望，不過牛奶雪糕一如以往奶味突出🍼，口感細滑！底層配上煮至軟綿嘅紅豆，甜而不膩！整體成杯都係好好食嘅👌🏻，不過價錢都幾貴。草根提提大家3/3-10/3太古城pop up store會率先推出朱古力牛奶雪糕🍫，11/3就會全線推出。而抹茶紅豆牛奶雪糕🍦係太古城店限定品，其他地方冇嫁😉!

行行下K11想搵d小食食下，雖然K11有甜品選擇，但係全部份量都較大，見到百味堂有雪糕同小蛋糕，就試一試。雪糕外表好特別，圓碌碌，同平時雪糕唔同。本身諗住雪糕唔好食都有限，但係哩個雪糕真係...首先味道方面，係一d奶味都冇...我唔知係咪冇加到奶味定點...豆漿味都可以勉強講到有，但一定唔係牛奶。第二係質地，一d都唔軟滑...同賣相完全不乎...有種幼沙冰嘅質地，再加上可能冇奶...口感更加差... 真係第一次食雪糕會覺得唔好食 至於蛋糕，不過不失，味道頗甜，都唔係話好好.....如果以咁嘅價錢，對唔住，我係唔會比多次機會的...

百味堂係香港都開咗一段時間，個原味牛奶雪糕真係好香，陣奶香味係好出好出！而且啲雪糕嘅質感係好細滑，我覺得呢一支充滿奶香味嘅雪糕一流！可以用出色你形容☺️原來間野除咗有雪糕🍦賣之外，仲有忌廉蛋糕🍰賣。因為好多人都堂食，所以呢就決定咗外賣返屋企先慢慢嘆。先講下佢個包裝，我覺得佢好精美，設計幾好。打開來睇，發現有一支膠叉，都幾細心架喎！食落口又唔係話好甜，但又唔係話好好食😂不過不失啦！但幾十蚊一件就唔係話好抵食啦！

之前喺韓國食過一次所以對佢嘅期望都係幾大嘅平時禮拜六日去到人流都算幾多下，所以平日去嘅話就應該唔使排隊，雪糕嘅味道方面依然係好濃郁嘅牛奶味不過今次我去買嘅時候雪糕嘅質地就偏軟好易溶食落去嘅味道就同韓國差唔多，對比其他雪糕唔同嘅就係佢啲奶味係有一種特別嘅味道，所以十分之期待可以係香港食到呢款韓國過江龍而且地點都好就腳係尖沙咀平時行下街都可以去食下次經過都一定會再幫襯👍🏻如果未試過嘅推介大家去試一次價錢又唔算特別貴絕對可以一試

星期六係k11附近食完晚飯後 諗住食埋飯後甜品點之好多甜品店都開始關門好彩百味堂仲營業中 我地就即刻睇下有咩食睇到好多人都食佢既牛奶雪糕🍦但我地唔想得牛奶雪糕咁簡單 就叫左個tiramisu 牛奶雪糕呢間店既雪糕外型全部都好靚打卡一流而且都好好味！佢有一大份牛奶雪糕 加 tiramisu 同埋2塊咖啡餅牛奶味好濃 好夾tiramisu 值得推介！！！

試過最original既原味牛奶雪糕，價錢雖然睇上去比較貴，但食後會覺得值回票價。原味牛奶雪糕軟滑，牛奶味濃厚，吃下去雪糕中間似冰棍，完全是透心涼!Original Milk Ice-cream from Baekmidang. The iced milky soft texture is glorious to come through. •💰Price: $48🍦Food: 9/10☕️Ambience: 6/10📍Location: 9/10

I always wanted to try the Baekmidang ice cream, as I have seen many good reviews. So as I passed by the store when I was shopping in K11, I ordered the original milk flavour ice cream. My first impression is that - the ice cream is freezing cold! It is colder than normal ice cream! It also doesn’t help that I came during the winter.The milk flavor is very intense. No wonder many people love it. I also love the taste of the milk.However, I think the cone can be further improved.Overall, I think