百味川 (已結業)

原本朋友推介係麻辣湯底，但我食唔到太辣，酸辣又成日食，所以今次揀咗蕃茄湯底。自選餸…有魚皮餃，豆卜…吸蕃茄湯底😁，豬大腸…勁入味😋，蕃茄湯底有濃厚鮮蕃茄味洋蔥唔會太咸，正👍朋友食酸辣湯底，試咗一啖，應該接受到，下次試，朋友推介肉醬（分開上），我覺得比較咸咗d, 如果撈上應該合適d服務態度都ok,唔太差喎！

酸菜魚用龍利柳，酸菜冇酸味，湯底好淡要自己加醋加辣，龍利柳味道太咸，整體好難食食完之後你會對酸菜魚完全改觀店員服務態度又唔好，叫下午茶落左正價單叫佢改又話整左正價分量俾我吔，話下午茶分量小 啲！唔怪之得會冇人黎食，完來係咁唔惦

如果去到葵涌廣場想食正餐又唔想食得太貴，我都會嚟呢度食淮山麵😆實在太肚餓叫左四個餸+蕃茄湯底 ⭐️木耳絲、牛肉、辣牛筋、滷水蛋淮山麵⭐️呢碗麵真係超抵食！因為佢真係好滿、中間個麵底實的的～～而且每一樣餸嘅份量都幾多，份木耳絲好似食極都唔完，每一啖都食到佢😂佢非常之爽口配埋個淮山麵一齊食，不錯～佢個湯底因為有辣牛筋嘅關係，所以變咗做《少少辣嘅蕃茄湯底》，淮山麵吸收晒啲湯底😋啱晒我唔可以食太辣湯底嘅人😄

見佢有個外賣36蚊，見平平地就走去試下。🤮我行到過去同佢講：「唔該，我要呢個餐，飲熱0茶」。🧠之後佢同我講：39蚊。🤮我就問翻佢，：「唔係36蚊咩？🤔」🧠佢話：唔係野飲要加3蚊！（我睇真啲，原來佢寫住凍熱飲都要同樣加3蚊）🤮之後我就同佢講：「咁轉凍飲，唔該～」 🧠佢就同我講翻：「冇啦，落左單 改唔到！」重點以上既對話10秒都唔洗！！！而且唔識入去話張單改凍飲？ 我見住佢落左單5秒都冇，就同我講冇得改。🤷🏻‍♂️🧠👈🏻仲要啲野食又難食！！！鬼唔望間垃圾店快啲執笠🧠👈🏻

支竹火腩得塊燒肉皮，生炒骨得兩舊骨，唔好話兩餸飯係咁？大靚兩餸飯足料好食，價錢都係差唔多！之前覺得間野既米線幾好食，食物質素應該唔差，點知！！！ 搵食都唔係咁既！呢間野既兩餸飯不了

叫左碗腩肉蘿蔔米 蘿蔔又硬 腩肉又老 又難食 肥肉多過瘦肉 係咩玩法湯底又怪味 又冇沙嗲味 啲員工又講粗口 又講野大聲 環境啲冷氣又大聲 就快連同朋友傾計都傾唔到 杯檸茶又難飲 茶底又唔好 唔知飲緊乜野完全係一間奇怪既食肆 成碗野不知所謂 唔明點樣可以有2百幾個like 買like黎講呢間都算叻👍🏻👍🏻絕對唔建議各位黎食 啲侍應態度又差 叫左杯小冰檸茶 同一杯走甜小冰檸茶 就咁放低講小冰就走 心諗咩料 啲態度唔憂做 不如唔好做呀 希望大家諗清楚先食

1️⃣酸菜魚米線米線同魚份量都超多,好抵食.魚好滑,湯都夠味,唔算好濃,不太辣🤩💰HKD$60 包野飲2️⃣蒜泥白肉好香好夠味,肉質都淋💰HKD$334️⃣無骨鳳爪完全得個辣字,咩味都食唔到,超級辣,頂唔順🥴

米線🍜豬大腸、貢丸配辣米線 （本身湯底已經搭配了炸醬、芽菜、酸菜、香蔥、花生、莞茜）百味小鍋酸辣米線 （配料：雞肉、牛丸、麻辣豬肚、豆卜）湯底酸辣只有一個辣度, 適合微辣或小辣, 湯底很濃、酸菜不會過份酸, 食落很開胃, 一碗份量對我來説有點多🤣小食：麻辣豬耳、炸韮菜餃去到那裹我都喜歡Order豬耳, 是必食的小食, 韮菜餃是即叫即炸, 小店質素高呢間餐廳有多款湯底及配料選擇, 只要點了兩餸還有熱飲送, 抵食之選👍🏻

「一日之計在于早餐」系列之大大塊鷄扒食唔唒… 我相信早上食好+食飽全日都會心情好既，所以又試新野啦。食過百味川既魚，今次就試下佢既早餐。一打開個盒，哇，鷄扒勁大塊，好香，好入味，唔會太咸，味精應該唔重，有驚喜，值得讚。個米粉同湯分開裝，好貼心，到食時唔會淋唒，個湯好好飲，有好濃既蘿蔔味。烘底牛油多士就基本野啦，呢方面要求就好簡單，夠脆就得。咁佢都做到。炒滑蛋永遠係一份早餐成功失敗既關鍵，咁佢都算夠滑，但份量可以大份啲就更好了。熱茶走就偏甜，下次可以叫佢少甜，香濃滑，正！外賣要加$2 ，埋單$42

放假過黎葵廣掃街未夠喉，人山人海，最後去咗食個酸菜魚淮山麵同蕃茄魚淮山麵醫醫肚，湯底濃麵夠滑夠爽，魚勁多。後尾先知原來喺葵廣都幾出名，唔怪得咁多人，$60一碗麵，但係唔包嘢飲，凍檸茶加幾蚊，熱菜蜜唔使加錢，質素都不過不失價錢亦算OK。平平哋仲有好多小食揀，例如蒜香皮蛋，少少蒜香辣辣地但不失皮蛋味；醋香雲耳醋香味剛好，雲耳夠爽口。呢度適合快食醫肚，落order唔夠3分鐘就有個熱辣辣嘅麵食，快平靚正！

係葵芳梗係要試下出名既百味川啦！午餐時段12 點提早入去，唔使等位。第一次試呢間小店，令人非常滿意同有驚喜。先講個蕃茄湯魚薯粉，個湯好味道我全部飲唒，酸甜度剛剛好，味精唔重，再配冇骨魚片，無論味道、口感、配搭、份量都令人非常大滿足！再配我既飛佛茶走，真係無得頂！眼闊肚窄，本來想叫小食，但店員好心提點可以到左面先決定，以免食唔晒。其實食完碗面真係好飽，個店員好老實有禮，仲話外賣午餐9折。早餐仲開好早5:30 就有早餐食。睇黎我既御用飯堂又多一間了。

早幾日喺葵廣行完街 濕完平肚餓又唔想掃街立食咁鬼攰見到 < 百味川 > 就食吓川菜粉麵先.佢係幾個鋪位打通嘅晚飯時間都幾full.自選米線 : 好多配菜選擇，叫咗魚皮餃 ($8) 肥牛 ($9) 沙嗲湯底小辣 ($30)，可以揀生菜底，正啊 唔係間間有，啱晒我減肥。沙嗲湯底夠哂濃味，推薦~ 仲有餐飲送，熱奶茶好飲喎！..蒜泥白肉($33) : 豬肉半肥瘦，唔乾唔柴，蒜泥份量啱啱好..炸韭菜餃 (三隻 $18) : 細細隻，可以一啖一隻，香口惹味.

收工同朋友去葵芳行街，諗住是旦食啲野就算，點知發現呢間又平，又好食嘅川辣野👍🏻鋪面唔喺好大，但都算整齊同乾淨，兩個人加埋叫多一個麵同大量小食，分享下先🤣🤣🤣麻辣手撕雞，推薦👍🏻好香，但比想像中辣，唔食得辣嘅朋友，記得叫佢小啲辣。川辣無骨鳳爪+手拍青瓜，呢兩款個辣味是一樣的，同出面食開嘅辣味有啲唔同，不過都唔差，青瓜可以fresh 下tim 🤗炸白菜雲吞，推介👍🏻朋友叫果時仲驚好油膩，點知勁好食。麻辣魚米線，推介👍🏻魚肉好食，應該有走過油，唔係就甘焯熟，湯底好味，一D都唔油，味道岩岩好😊😊大合照，每人$100都唔洗，真心抵👍🏻

今日去咗葵芳同朋友行街 眾所周知葵芳有葵涌廣場 係好多年青人嘅聚腳地 我呢個年青人又點可以唔去朝下聖呢 但都咁上下大家都覺得好肚餓所以就決定周圍搵嘢食咁啱又見到呢間百味村感覺好似唔太熟所以就決定入去食飯酸菜魚泡飯 酸菜魚估計用上頂級嘅越南鯰魚 食落口感非常粉嫩而且入口即溶 岩哂老人家食 如果朋友鍾意有口感嘅魚就唔太啱喇滷水雞髀 炆得十分入味 而且雞髀亦都幾煙韌 同酸菜魚形成強烈對比手撕雞同出面食到嘅差唔多 幾香麻辣味 冇乜特別

葵廣出名食酸菜魚米線嘅百味川😗今次去都冇食到酸菜魚😆同朋友食咗麻辣同埋酸辣嘅自選米線😗朋友食麻辣豬潤生炸豬扒同埋木耳絲米線🍜我就食咗酸辣招牌紅燒肉同埋辣牛筋米線🍜另外叫咗手拍青瓜🥒同埋蒜泥白肉🧄酸辣米線唔會話好過份酸同埋啲酸菜都幾好食🤪特別想講佢個招牌紅燒肉其實係好似糖醋排骨嘅味🤣辣牛筋就冇乜特別😗朋友表示個麻辣米線都幾好食😗生炸豬扒都唔錯不過都食到係有落粉炸😗唔係我哋預期嘅炸豬扒🤣手拍青瓜就完全唔係想像中咁🥲覺得係啲青瓜有少少醋然後上面加咗啲辣椒醬🥲蒜泥白肉又係唔係平時食嗰啲樣🥲係一堆肥腩肉加蒜泥🥲雖然唔難食不過唔係想像中嘅味道同口感🥲