百味閣餐廳

營業中

休息中

星期五晚上6點50左右到達，已經要等位😯，望店內雖然有吉枱，但其實已經比人預約左。好彩等左大概半個鐘入得。當日晚餐餐牌只有羊仔髀啱心水，另外單點叫左個封門柳。羊仔髀 $195 呢個價錢包埋餐湯、蒜蓉多士、冷/熱飲、甜品。餐湯揀左羅宋湯，內有好多料，牛肉、薯仔、雜菜，味道偏酸，唔辣。蒜蓉多士好脆、蒜香味濃。羊仔髀都係叫左5成熟，上枱果陣個樣唔算好靚，不過份量算唔少，有三件。可惜，肉雖然好淋，但味道真係唔OK，完全無羊味之餘，肉質似係用粉拿到完全無左肉嘅纖維同口感，好似食緊茶記質素拿得好犀利嘅肉FEEL😣。封門柳11oz $209餐牌唔會有封門柳，只可以問職員先知價錢。原來段斤稱，$19/安士。當晚剩底8安士同11安士，我地揀左後者，要左5成熟。單點封門柳跟薯菜，炸薯件好粉好好味!! 菜有茄子、西蘭花。由於封門柳用鐵鍋上枱，一路熱住嘅關係，所以已經過左5成熟。不過，肉質依然軟淋、多汁、牛味濃，點少少鹽已經非常好味🤤。職員另外拎左款芥苿豉油汁比我地試，佢話好多客人大讚同牛好夾。個汁質地好稀，所以唔駛怕好濃味。入口牛肉帶有微微嘅芥苿香，又係另一種風味。最後甜品係咖啡味嘅布甸， 本身仲諗住呢個配

今次再嚟多篇懷舊餐廳報道依兩日到浸會辦點事，看見這懷舊餐廳，一於試吓。12:30pm中午繁忙時段，很多食客，由於一支公，幸好不用等位⋯⋯一坐低，店員送上熱水一杯已覺溫暖，因為大部分食店已很少送上熱騰騰的水，一讚⋯⋯每張枱也放了小花，雖然是假花，但也很乾淨，驟眼也似真花。餐湯:有兩款選擇:是日餐湯-西洋菜羅漢果煲生魚(中)和羅宋湯(西)由於筆者選擇牛扒餐，所以選西湯。暖暖的麵包配上羅宋湯，羅宋湯未算濃厚，但肚餓的時候，包與湯很快食晒。澳洲肉眼牛扒$115~店員問幾成，筆者答: 三成，端上枱時，驟眼看以為很熟⋯⋯切開就知㕑子有功力，一讚👍🏼伴薯角最恰當明顯地㕑子在這塊扒下過功夫，肉味又夠腍，而且在筋的部位處理過。第一次到訪很有驚喜，於是很快就來第二次了⋯⋯第二次到訪，是下午茶時段:下午茶平日至6:30pm , 假日至6:00pm 都算彈性，而且免加一。煙三文魚絲番茄矮瓜意粉$42~迷你健怡版本正合心意，但唯一美中不足嘅是煙三文魚絲仍有冰的感覺。今次肚子未有位置，下次想再試吓甜點，眼見鄰枱點甜點頗吸引。第三次是帶朋友到訪午膳，原先點了:香橙燒豬仔排骨$80~端上來，單是外表已覺吸引，可恨嘅是

今日同朋友嚟咗一間舊式扒房食晚餐，餐廳喺BU附近，我都係睇咗其他人推介就想過嚟試試～ 百味閣餐廳係一間老式扒房，氣氛懷舊，播住輕柔嘅音樂。店員同客人關係都非常好，服務態度都好好，會不時過嚟問吓客人食物味道如何、質素如何，推薦唔同嘅食法等等，非常有人情味。今次我哋就嗌咗兩款扒試試。封門牛柳 $140封門牛柳係是日精選，餐牌上邊冇嘅。客人可以喺餐廳門口附近嘅雪櫃睇吓今日有幾多安士供應，每安士$20。我就order咗條七安士嘅，三成熟。店員都有建議我哋食三成熟或者五成熟，因為封門牛柳係鐵板上的。一嚟到鐵板渣渣聲，好香噴噴。除咗牛柳外，配菜仲有蕃茄、翠玉瓜、炸薯仔、茄子等等。封門牛柳食落好軟腍腍，而且肉味好香。本身鐵板上就有少許醬汁，已經好夠味。店員再推薦我哋可以點芥末醬～法國鵝肝併肉眼牛扒套餐 $230另外，我哋再叫咗個晚市套餐。套餐已經包含餐湯、主菜、甜品、飲品。餐湯可以揀是日餐湯同羅宋湯。我哋揀咗羅宋湯，湯頭甜甜地，充滿蕃茄味，內裏食到洋蔥、牛肉粒等配料，好足料，美味。蒜蓉包餐包係法式蒜蓉包。蒜蓉包烘得好香脆，充滿牛油同蒜蓉嘅香味。法國鵝肝併肉眼牛扒伴炸薯、青菜及蘑菇汁 主菜方面就係肉眼

早幾日上返廣播道返工， 食18：30。點知飯堂又要裝修。 無得咁， 仲以為繼續有平餐食。 又要落金記 睇下餐牌，嘩又78蚊上落。 喂喂人工50～跟住 去百味閣。58 蚊炒烏冬 。唉， 慘 隻腳痛 頂埋佢啦。 當自己同自己紀念日。 色水岩， 但服務就無喇 不像樣啲。如果有笑容， 客先會笑 再見

真心好喜愛哩間餐廳Keep住都有嚟食環境好有90年代香港味🇭🇰好多好特別又好味嘅美食（例如：鮮奶豆苗、安娜薯條、鮮蠔湯…）仲會有採用新鮮食材嘅hidden menu曲奇都好好食架😋😋哩度充滿人情、成個vibes都好正👍🏻所以係我私心喜愛嘅餐廳！早幾日出完story就引到幾位網友去食好開心大家都覺得好味❇️🔸鮮奶煮豆苗（$78）係西式嘅做法，類似忌廉白汁咁，超香！豆曲好新鮮好甜，成量好多，由於好受歡迎，所以好快賣哂架！.🔸鮮蠔湯（$45）入面有4-5粒好肥美嘅鮮蠔！好正！個湯用咗鮮蘑菇去煮，香濃幼滑，每次必食！🔸羅宋湯（跟餐）十分足料，滿滿蔬菜！酸酸甜甜，好開胃，配埋蒜蓉多士，一流！🔸焗紐西蘭羊架（$210晚餐set）睇相就知幾嫩，咬落鬆軟又有肉香，外層焗得好香，加埋薄荷醬一齊仲好食。伴碟有大量焗蔬菜，好味天健康！🔸鐵板美國封門柳（$140）係店主推介，真心正，熱辣辣香噴噴！肉質有咬口但又鬆軟，牛味頗濃，冇介紹錯呀！沾上特製黃芥末汁，令肉味更提升，食得出廚師嘅用心。🔸咖啡燉蛋（跟餐）一入口就食到好香嘅啡味、蛋味，質地滑唔會好水，仲有一條朱古力蛋捲，好好味呀！❤️當日叫咗枝酒，所以就冇叫到餐飲

見9bothew推薦，就去試吓位於九龍塘嘅30年傳統港式扒房~真係好有驚喜 性價比極高🥲🤍 本身佢哋介紹嘅時候話呢間嘢真係好好食，但係因為地點唔方便嘅關係所以唔多人流餐廳都話未必做到第31年，因為好想支持佢哋繼續做落去，所以專登去。點知可能有好多人都係睇完呢條片去，今日星期三但我去到嘅時候全院滿座，門口仲有人要等位🤣🤣💸💸蘑菇焗田螺 $95薄荷醬配香草焗羊扒(套餐) $195鵝肝配肉眼扒(套餐) $220焗牛脷配菠菜麵 $9513安士封門牛柳 $247雪糕伴心太軟 $55芒果班戟 $504個人~Total $1053HKD，佢嘅風門牛柳牛扒牛脷同羊扒都係驚喜地出色(係醬汁比較唔太合我嘅口味)但係就咁配鹽同黑椒已經非常好👍🏻👍🏻 原本嘅評語係 係好好味性價比好高，但係地方真係唔方便，試一次或者經開附近嘅話會幫襯。但係佢哋嘅員工每一位嘅服務態度都係非常非常非常出色，喺香港好難遇到，因為呢一點我一定會再返去幫襯的。🥹🥹🥹📍 百味閣餐廳 地址：九龍塘聯合道320號建新中心地下2-4號舖

每次去浸會都會黎呢間餐廳，今次留意到0係餐廳嘅門口附近有個雪櫃，上面寫住明碼實價嘅封門柳。我點餐嘅時候講話我想要五成熟，但落單的四眼哥哥推薦三成熟。我選擇相信佢！結果真係冇令我失望，好好食！每一啖入邊都保持豐富肉汁，肉質鮮嫩，而且四眼哥哥好熱心！佢除咗俾我跟餐既汁，仲另外調配左一碟汁俾我試，話係平時佢自己食牛嘅時候用嘅汁。佢覺得好食 佢都推介埋比我地 佢私人食法！真係好好食！ 今時今日仲有人做食肆做到甘有heart ! 重點係價錢唔貴

餐廳位置浸會大學旁邊既建新中心地下，環境充滿舊式懷舊西餐廳風味，有仿效教堂色彩窗戶設計，店員注重餐具既擺放，都幾有趣既體驗。我和朋友各叫左一個晚餐套餐。套餐包括一個餐湯、自選主菜、甜品和飲品。羅宋湯附有每人兩片蒜香多士，羅宋湯材料足料，食到各種雜菜和牛肉。脆皮雞脾併帶子串燒（$135）
伴天使幼麵加上獵人茄汁，天使幼麵特意同醬汁分開，食落爽口有口感，獵人茄汁主要有惹味肉醬，配搭天使麵和雞脾肉都唔錯既選擇，雞脾內裏肉質鮮嫩多汁，但外皮炸得香脆可口，層次感十足。鐵鍋爆帶子牛扒粒（$160）伴菠菜麵同埋青胡椒汁，菠菜麵麵扁平但有一定厚度，其設計可以容易掛汁，青胡椒汁相當特別，有少許辣度並帶有淡淡既胡椒香味，牛扒以鐵板方式處理，一來可以保持牛扒熱辣辣的溫度，二來食落有鐵板嘅焦香味。咖啡燉蛋杯有士多啤梨、香蕉片、菠蘿粒和藍莓作點綴，底下以咖啡為主調既燉蛋，味道有濃郁既咖啡香味，不會太甜，配搭新鮮水果食落有清新感覺。

呢間餐廳歷史悠久，好姊妹讀浸會大學時期成日幫襯，同好姊妹好耐冇見，於是放工同佢嚟懷緬一下😀餐廳位於九龍塘站附近，鄰近浸會大學，交通方便，餐廳地方闊落，裝修懷舊，牆上充滿香港的老照片，啱晒我哋慢慢食吓嘢傾吓偈👍🏻餐廳侍應態度殷勤，為我們推介菜式，我哋點咗兩個晚餐😀首先送上熱辣辣嘅蒜蓉包，蒜蓉蒜蓉包外脆內軟、上面仲鋪滿蒜蓉醬、用嚟送餐湯一流👍🏻之後送上兩款餐湯、分別是南瓜豆角湯同埋羅宋湯，南瓜湯好甜、而且好香南瓜味，配埋豆角同麵包粒一齊食好好味👍🏻羅宋湯好足料，好多牛肉，仲有好多洋蔥同蕃茄酸酸甜甜好正👍🏻之後到主菜鐵鍋爆帶子牛扒粒跟菠菜面、青胡椒汁，牛扒粒肉質好嫩滑而且充滿肉汁，勁香牛味同蒜香味，帶子肥大肉厚，而且好鮮甜😊配菜質素都好好，有翠玉瓜、西蘭花同埋車厘茄，清甜爽脆、配埋肉類一齊食可解油膩👍🏻波菜麵彈牙有蛋香，配埋青胡椒汁一齊食幾好味😀之後到另一主菜龍蝦汁燴蝦球青衣魚，蝦球大大粒，而且爽滑彈牙，青衣魚柳爽口鮮味，配上濃郁嘅龍蝦汁好正，薯蓉軟滑或而且充滿牛油香味配埋龍蝦汁一齊食仲正，仲有好多配菜，有蘑菇、粟米芯、西蘭花、車厘茄，好豐富👍🏻之後上餐飲，朋友叫咗凍檸茶走甜，朋友話味道唔錯

這店一直也是我心目中的must visit餐廳之一，餐廳保持懷舊風味，更是我父母那年代的裝修，在外邊很難尋找到侍應很熱情招待我們入座，更介紹我今天的特別推介菜色，很快就決定了周打蜆湯很濃的白湯， 蜆肉多得很，而且最重點的是有梳打餅配香煎鱸魚檸檬牛油白汁配意粉鱸魚煎得外脆而魚肉很嫩滑，檸檬牛油醬汁分開上，可以蘸著魚來吃，十分香嫩香草簿荷醬焗羊仔排羊仔排就以五成烹調，是我最愛的肉質，羊騷味不足可能羊脂少了，但還是要大力推薦甜點有咖啡奶凍，咖啡味濃不會過份甜，很滿足另一款甜點就是經典的焗西米布甸，很少餐廳還有在餐牌上，所以不得不點來吃。熱乎乎的布甸，軟棉棉帶上粒粒西米十分香滑無論食物質上跟侍應服務態度也令人十分滿意，期待下次到來

係醫院探完病，去左呢間餐廳食下午茶，估唔到有驚喜。首先店舖原來係行懷舊風，入面既裝修好似番左五六十年代咁，但係都好乾淨！食左佢個炸魚柳tea set，塊魚柳炸得好脆！好香口！食完勁滿足！

依間餐廳喺九龍塘已經好耐～經常都好多人幫襯有午餐、下午茶、晚餐都幾多選擇鋪面唔大～但係好舒服、好安靜傾偈一流太陽蛋肉醬意粉下午茶跟熱飲～可以要求全熟嘅煎蛋～下午茶份量比較細份～賣相吸引～肉醬汁都好多～肉醬意粉食落好惹味唔會太鹹芝士焗鮮蝦雞扒意粉～白汁上面有少許焗芝士～有2大隻鮮蝦、3條雞扒肉～再配一棵新鮮水煮西蘭花～整體味道都幾好又新鮮熱咖啡、鮮奶分開上～要幾多鮮奶自己加員工好有禮貌～服務好好～一坐低就俾杯水～餐枱有餐紙、餐具～下午茶免加一

小有仍然健在嘅舊式香港style 高質西餐廳平日晚上都full house 晚餐百零蚊紅酒燴牛臉肉及牛脷 伴波菜麵 份量非常多牛臉肉 非常淋， 而且非常入味 牛脷厚身 juicy 波菜麵軟滑晚餐 配有 飲品餐湯羅宋湯非常足料 ， 味道濃郁， 好👌🏻仲有 足料蒜蓉包， 熱辣辣脆卜卜另外叫咗 煙三文魚Caesar salad 份量都係非常大，絕對可以當主菜食。 沙律菜，爽脆新鮮，醬汁濃郁，擺盤又靚 見到隔籬枱order off menu 的 原條燒魚同埋蘋果豬安 非常吸引，下次都要試吓

朋友話想食好嘢，我就推薦佢去百味閣，口水已經系咁預備好嚟一個驚喜晚餐。一落座，先嚟咗個熱辣辣嘅羅宋湯，湯底勁夠味，蕃茄同西芹嘅鮮味揸實個舌頭，嗌～真系正到喊出嚟！湯邊嘅蒜蓉包博得我心，外皮香脆得黎唔會好硬，正到冇得輸！主菜點咗五成熟嘅法式鵝肝牛柳，切開嚟個汁香噴噴，喺咀裡面嘅鵝肝軟滑到化，真系令人嘆為觀止。牛柳嘅熟度啱啱好，嚼勁適中，外皮微焦又香，真系食得出廚師嘅心思。🤤再講下芝士焗松露餡豬柳扒，讚得我無言以對！豬柳肉質濃郁，俾個松露味扮靚咗成件事，一啖一啖嘅幸福感爆燈。個配角意大利飯都唔遜色，火腿嘅香氣加上米飯嘅彈牙，好味到停唔到口！ 最後，咖啡燉蛋以一個溫柔嘅收尾。細細杯裡頭藏住濃郁但唔會太甜嘅滋味，啖啖都系賞心悅目。百味閣，真系有夠掂，食得開心又滿足！🥰😋💯

幫襯咗你20年，食品質素每況愈下。羊扒可以幾乎全生上菜，所有配菜都係凍嘅。甜品製作隨便，屋企人叫咗焗意粉，連焗盆都完全冇焗過嘅痕跡。同佢講上菜太慢投訴，態度非常差劣，經理大聲同我屋企人講嘢，而且睇到員工用手指👆🏻插入食客嘅餐盤中試味。喺上菜口見到後廚環境混亂，隨時有火警危機。男女經理敷衍，對客戶態度完全不合格。而且收費極不合理，以上服務居然需要收$399。作為老客戶，令人非常失望。請管理層嚴格處理。