百好粥品

營業中

休息中

透過外賣平台買了一碗魚腩粥，一碗皮蛋瘦肉粥，額外加錢添加豬紅，最後買多碟鮮蝦腸粉。食物送到，發現沒有豬紅，立即致電店舖詢問解決方法，店舖老闆指導可在外賣平台相關地方說明事情，到時佢地會同平台講，並退回有關款項給我。立即跟了老闆方法做，遞交了去平台，點知第2朝日收到平台訊息話店舖拒絕退回有關款項。立即再致電店舖，店員說叫我留下聯絡資料，老闆將會回覆，但等了兩天，一個電話都無打比我，完全唔想提供解決方法。雖然添加豬紅只是港元4蚊，本人還能負擔，但這是否代表店舖可亂欺騙客人細額金錢？！這店舖還有誠信嗎？還可再幫襯嗎？質疑曾經有幾人客人遇上同樣對待？講真我們外賣的食品味道一般，沒有特色可言，價錢亦不是有什麼吸引。個魚腩粥啲魚是很草味，又唔彈口，成碗粥得個3舊魚腩，與價錢不成正比。皮蛋瘦粥味道一般，食完第二朝是感覺口渴的，可能是味精引起。鮮蝦腸都沒有什麼特別。食物質素都是其次，店舖之誠信才是最重要。沒有誠信之店舖，絕不會再幫襯。

今天感覺不太好, 所以決定去食粥！ 這間百好粥店, 身邊有很多朋友都稱讚好.. 但openrice的評語就麻麻地. 所以決定親身去試一試!舖頭裝修光猛非常乾淨, 店員親切有禮. 我叫了及第粥和叉燒腸堂食 另外叫了艇仔粥和炒麵外賣.及第粥的粥底非常棉滑 超多料, 35元的貨色差不多了..但豬潤可以有進步！ 叉燒腸非常滑而且叉燒好味 外賣的艇仔粥和炒麵也非常滿意！所以有陣時openrice的評語一定要自己親身去試一試, 才知好否. 但好開心筲箕灣終於有一間好味的粥舖了！😘

當日因為屋企人唔太舒服 所以就選擇呢間粥鋪 抱住見入面人流唔少既情況下款入去買嗌完外賣 就走去其他地方買其他野 番到黎既時候就已經有得拎 心諗：呢間外賣又幾快手 應該差極有個鋪 結果番到去 打開個豬膶粥就望到碗面d血漬 成個碗面都係 由於驚豬膶粥唔熟既關係 就直接放棄成碗野唔食咁就走去食果兩盒腸 一食就發現到 外賣快手既理由 成陣雪味講真 我最大意見唔係腸粉到 係d粥到好多人病既時候因為唔開胃都係買粥食而你呢碗豬膶粥係想點？送人一程？勸大家冇咩必要都唔好拎自己健康開玩笑

落單買個炸兩 炒麵 叉燒腸。炸兩，炒麵，一早到咗。等個叉燒腸等足半個鐘！早到嗰2樣嘢都一早等到凍晒！！如果店家一開頭係個叉燒腸冇貨或者要時間整應該落單嗰時同個客講清楚！而唔係要個客喺度等咗半個鐘！希望店家睇到會有改善。食物味道唔差既。

話說我買左40蚊嘅野 可以同公司cam錢 但係我買完唔記得拎單 跟住我行翻翻去問個收銀可唔可以印過張單比我 佢搵左幾下都無我個張 求其比左張20蚊嘅我 全程我好有耐心同禮貌等待佢 但係佢依然無理我 掛住做自己野 以後唔會再幫襯😅

嘢食係好食嘅！😋不論個粥底，腸粉，油炸物都好食！值得一讚👍🏻但。。。由一開張，有個後生體型小胖既男人開咗到依家依個中年女士，我食過五六次每次都會有錯單，落漏，誤會既情況😮‍💨😮‍💨😮‍💨😮‍💨一定有既，就係永遠無走青😂 咸蛋變咗皮蛋又有，落漏咗炸兩又有。。今日一早係電話落單，之後去到同佢講電話落咗單收錢呀，佢聽到重叫我對單，結果等左廿分鐘我忍不住入去問得未，佢重話返我，電話落早講呀嘛！！！ 🙄🙄🙄🙄🙄🙄🙄🙄🙄所以有機會大家就對多幾次單，講多十句，咁應該會好啲😁