百斗記鷄煲小廚 (泰祥街) (已結業)

❣️位於元朗一間雞煲 好好食 汁好濃郁 拍得住一品雞煲呀兩個人叫了一隻雞 揀左小辣小麻 $118雞肉唔錯 嫩滑🐓🐓加餸加左四川番薯粉 $28本來想叫豆苗 應該唔係當季 所以無得食

一黎到 落左湯底 到俾啲火鍋醬料嘅時候淨係俾咗一碗入邊得少量蒜蔥辣椒 同碟豉油正常火鍋店應該會比一兜兜嘅醬料 比客人揀無！都算 諗住夜媽媽凌晨12點幾 可能所剩無幾問佢有冇芫荽 樓面姨姨話無 好！唔緊要（有時唔係間間都有）啲火鍋食物普通 不過價錢都算合理但係湯底真係真係好難食 清到好似用一煲煲湯嘅水 加得一包公仔面味粉甘 無咩味（各位睇下個所謂嘅麻辣湯底）食食下 有枱新客入咗嚟 姨姨照俾醬料 當隔籬枱問有冇芫荽 姨姨即刻入左去攞見到佢攞住一碗芫茜碎出黎咁我心諗人地又有嘅 明明啱啱話冇㗎我咪同個姨姨講我都要芫茜 佢話好跟住走去幫我落單 比左一籃芫荽我 下？ 我話要醬料嗰啲喎 佢收走左我籃芫荽跟住我見佢行嚟行去 完全無理我 又無答我要加錢定點我米講多次 點知佢完全扮聽唔到！！！乜嘢服務態度？唔想做生意就閂咗佢啦 嬲到野都唔想食就打包走難食又冇招呼 以後都唔會再食

12/6 2022 2大人下午7:15坐低，只有2個服務員，態度算好！落左8碟上左6碟，分量少少每人1⃣️粒，肉每人2片，OK嘅！試左再order.但唔明稍為貴少少嘅脆骨腩，一坐低已order前後叫左三次，最終係7:48分再問服務員點解都冇嘅，佢竟然答：賣晒！吓7:48已賣哂之後d人食乜！總之冇下次囉！連加一180/人，冇野食!

冬天除咗打邊爐就係打雞煲🥰雞煲最正就係先食晒啲雞再落湯做埋打邊爐，一舉兩得。👍🏻👍🏻👍🏻兩個人食都係叫番半隻雞已經好足夠，落枱面個姐姐就會教你要煲幾耐～幾時打開蓋～幾時食得咁～冇乜客人仲會一手一腳幫埋你👍🏻👍🏻👍🏻一打開蓋已經好香，啲雞好有肉又唔細舊🤤最緊要係肉質又滑，啲雞煲醬又好味。肥牛千祈唔好叫最平嗰一隻，質素同貴嗰啲真係好大分別🙈寧願貴少少但起碼食落去重牛味同好味先。另外加啲餃同埋碌多個烏冬都已經飽到上心口🤤

呢度任食價錢抵，雞牛羊都好食，但最大問題係每次落單都唔會黎齊啲食物，嗌10碟牛，最後只會嚟兩碟，一直同侍應反映，佢哋都只會話係廚房決定，淨係叫我哋再落單，然後又一直等，惡性循環......

喺元朗住咗廿幾年，第一次嚟百斗記食雞煲！🤤如果住喺屯天元而又想食雞煲，呢間絕對值得你試😜.睇到OpenRice 啲comments 話要等好耐，服務態度好差，一開波都有啲淆🙈 所以諗住避開食飯時間，大概夜晚9點幾先去到排隊。點知去到都係勁多人，排咗成粒鐘，最後都係10點先入位😩😩 建議大家真係提早打電話去book檯🤦🏽‍♀️🤦🏽‍♀️.入到去就明點解會有comments 話服務態度差，因為成晚樓面得2個staff，佢地自己都做到滾水淥腳咁款。但可能因為太晚，啲客都食得七七八八，佢地冇咁忙就自然好好服務態度🤤。本身佢地安排我坐門口位，都幾多人、幾逼，問一問老闆娘可唔可以調位，佢又好快安排到我地坐卡位，服務方面即刻加曬分✌🏼.野食方面喇，嚟到呢到一定要食雞煲！嗌左半隻雞，少麻微辣😻😻 ✅雞煲（半隻雞） $118 💛💛💛💛咁個爐會幫你自動計時，夠鐘自動熄，咁個時就可以開蓋食👻！個人覺得佢個雞煲非常足味，但花椒味重，如果唔鐘意花椒味嘅可能會覺得麻麻地。雞嘅肉質鮮嫩，非常入味😽 所以overall 嚟講，對個雞煲十分滿意，對比元朗區其他雞煲嚟講，呢個算喺高質之款。但如果真係要比較的話，當然一品雞煲仍

食物質素一般，叫雞煲要小麻小辣… 食落唔麻又唔辣，但都叫夠味嘅… 其他邊爐食物按人數配給唔緊要亦都正常，我哋一行二人啫，都唔想浪費，每次食完先再入紙加嘢! 問亞姐有啲嘢無嚟… 佢: 無嚟就無㗎喇，唔會唔比你嘅! 我哋總數入咗3次… 第3次嚟錯咗，唔緊要，我哋照要照食…而且有我哋第一次叫但無嚟嘅(🤔又話無嘅) 無耐嚟多次… 明顯食唔哂，咪話已經到咗喇! 點知亞姐返去攞返張order紙(3張)過嚟… 大大聲話! 你哋都未食完又入紙… 已經寫咗3張喇… 我話我哋每次食完先加㗎，而且我一睇，當中一張明顯唔係我哋嘅(我習慣寫數字再圈住，嗰張係✔…) 但我哋唔同佢嘈，因為我哋仲食緊!! 但就算係我未食完再入紙又點呢? 我食得哂咪得囉！ 而且我哋入咗3張order咋… 碎料嚟啫臨尾叫佢加湯，佢仲走去櫃台，睇單話你哋仲有20分鐘咋，食快啲! 😒😒 就算食物質素再好，服務態度差都一定無下次!!

已經係第四次食，揀左微辣小麻雞煲，兩小時任食。閒日食六點到八點$118，再加一。野飲既話，推薦竹蔗茂根水，有紅蘿蔔粟米係入邊，一壺壺應該係自己煲既，配雞煲比較清熱下火。另外有追加鮮炸響鈴，$10有五條，好脆好香。食完有少少喉嚨微微熱痛，我估可能係響鈴都幾熱氣下，即刻「黎了」。其他丸、肉既配料都一般、不過不失，係個雞既湯底甜甜辣辣好香。芝士豆腐，響鈴，鯇魚腩片，係好食既，會有下次。夜晚三個人食左$134，好飽。

一行8人的朋友聚餐，今次去左元朗揾食，就返啲朋友住屯門、元朗，所以今次黎呢間百斗記試下。叫左雞煲要一隻雞，手切肥牛，手打蝦丸、墨魚丸同其他配料。肥牛入口即溶，手打丸夠爽，都可以。整體正正常常，無咩太大特別，但有個麻辣汁都唔錯。

生酮飲食是不可以食糖分及澱粉質，但呢間任食裏面竟然連最普通嘅一支支道地茶都冇，食雞煲我都唔知可以飲乜，算係今餐飯嘅一個缺陷但估唔到連水都無，要等佢煲好嘅滾水我先有熱水飲......

哩間鋪唔係第一次黎係因為佢個雞煲袐製醬汁真係好食但食雞煲打邊爐都會淡味左 無咁好食所以通常黎食都會額外比錢叫多兩個汁(因為總會有人食微辣 / 大辣)但今日4個人去食，我地叫左1隻雞個職員突然話我地只可以比錢叫1個汁又話如果好似對面咁有8個人咁多先會比叫多個汁但個問題係 根本唔係汁既份量 而係兩個汁既辣度都唔一樣仲話每賣一個汁我地鋪頭都係蝕住錢其實個職員/鋪頭 知唔知自己講緊咩？百斗記係唔會免費比醬汁，每一碗都係收費咁既然係收費，邊有得同客人講蝕？你大可提高醬汁既定價客人係因為你個汁好食先黎依家話每枱只可以買一碗 咁同趕客有咩分別？

其實幫襯過百斗記多次，係時候比返個食評支持下，雞煲: 個麻辣汁有得要求辣度，個人習慣會先叫小麻小辣雞煲，再另叫一碗中麻中辣汁當醬點。個汁味道一流，很惹味，配合埋冰凍啤酒绝對是perfect match，無得輸。。。手切牛: 水準以上，雖不致入口即溶但in un 度適中其它食材配料: 味道正常，需未致一試難忘但起碼未遇過難食case至於店舖環境及衛生，目測正正常常，明顯不是sell裝修及走上等路線。服務普遍亦問題不大。

元朗任食既邊爐選擇唔少，富盈/稻香/新明苑 等等都係好去處，今日就黎到既有單點亦都有放題邊爐既百斗記！＄128（九時後入座）＋＄10 （星期五六日）＋＄8 （醬料費用）＋10% 服務費價錢：唔係話超平，但以佢既質素而言，亦都唔貴，中規中矩，可以接受。湯底：由於屋企人唔想食禁濃味，所以無揀雞煲，反而揀左最簡單既芫荽皮蛋湯。佢個湯底落足芫荽同埋皮蛋，仲有唔少馬蹄，誠意十足。食物選擇：食物有肉類，唔同內臟，各式丸類，菜，任食黎講唔係話超級多選擇，但個人覺得係足夠既！飲品方面有汽水同埋啤酒，王老吉，竹蔗矛根等等，相對較少選擇。食物質素：大部分既食物都好高質素，尤其係內臟類，包括鵝腸同埋五香牛肚，鍾意食呢兩樣既話一定要試下！佢既蔬菜好新鮮，丸類雲吞亦都唔係一般貨色！另外，要提下佢既脆肉骨腩，超級多肉多汁新鮮，但再加單佢已經話賣曬！要彈下既食物有水魷魚，味道怪怪地，同平時食開既唔似，魚頭亦都比較細，相對失色！服務：有少少漏單既情況，但店員都好願意去幫手！環境： 座位都算闊落，有電視睇，無咩特別！

今晚同一大班同事食雞煲，百斗記係我地第一次黎，環境都幾闊落，我地一行8個都可以容納到，嘈喧巴閉都冇人話，又有冷氣，坐得好舒服。雞煲係任飲任食，有分時段收費。每節為2小時，約$130一人，幾抵食。有唔同嘅湯底揀， 番茄薯仔鍋，皮蛋芫荽鍋，澳門豬骨鍋，藥膳醉雞鍋等，我地一心食雞煲，所以招牌雞煲走唔甩😋點左個微辣，因為辣🔥對我地黎講真係BB班，唔敢叫咁辣。一開蓋已經聞到濃烈嘅麻香味同好香嘅葱味。個醬汁真係香味濃郁，個汁會愈煮愈濃，勁惹味。雞肉嫩滑，不過份量唔太多，但可以添嘅。芫茜好多又新鮮，將成個雞煲帶上另一個層次，不過有朋友唔鍾意食，開左另外一個鍋😏食完雞就加湯打邊爐，豬覺得湯底較淡，雖然可以中和返雞煲本身嘅濃味，但加多左水，打邊爐時變左冇乜味。食材都幾新鮮，粟米超甜，大大塊午餐肉，黑椒味香濃嘅牛丸，魚皮餃同烏冬吸晒湯入面嘅味道，香濃而不鹹，都係豬今晚最愛食。其他都唔錯，不過有d order左都冇到。姐姐成日擔心我地8個女仔食唔晒，所以都唔太敢俾咁多我地，真係惜食。雖然味道唔算100分，不過作為茶餐廳嘅姐姐，都算幾好服務，成日幫我地炒雞雞，所以豬俾💯你地。

呢一間雞煲係元朗都算出名，即使平日都會坐滿人，因為佢既價錢都唔算太貴，又有得任食。我地叫左一隻雞四個人食，店員細心教我地幾時要揭蓋、炒、甚至自己落手幫我地炒。炒好之後我地即刻好快就係哂啲雞件，雞件都算新鮮，無雪藏味道。食哂之後就叫打邊爐既配料，種類一般，應有既佢都有。佢同出面一般既雞煲差不多，亦沒有什麼特別的味道或印象。