百樂門宴會廳 (已結業)

星期六與友人唸住搵個地方下午茶傾吓偈，就唸住MegaBox人少d, 點知去到2:30都係要等左一陣位。坐低咗，本來都正常，點知唔夠20mins佢播歌，初時以為有情調，點知越開越大聲，嘈到完全聽唔到朋友講嘢。問個侍應可否減低聲浪，佢答我唔得喔，我地有嘢要試機同減暗燈光。我話: 試嘢都可以細聲少少啩，宜家開到咁大聲，耳都嗡。總之，服務態度差，下午茶款色不多，食物唔熱。4點未到就吹客埋單，話過咗4點計正價嚟嚇你，根本係趕客。一句:不知所謂。

今日放假去mega box 揾食順便逛逛，差不多下午茶時間見百樂門門口有poster 寫住下午茶半價就入去試下啦，坐下見到乳鴿二十八元一隻二話不說我們四個人就先叫了四隻乳鴿，點心種類唔算多可能小食比較多些，我第一次來這間之前多數去觀塘apm好似apm點心種類比較多，流沙包雖然唔係好流心不過都好食，炒粉麵都好平一般三十八元就有交易~不過味道就好似偏鹹少少，地方好大侍應生真的唔夠好難先揾到人落單，所以我地又漏單都唔追怕有排等

啱啱發生嘅事！星期日一家大細飲茶，本身開開心心，坐低左，叫極都冇人嚟， 啲夥計望到我哋之後扮望唔到調頭走！ 出邊d水壺都冇晒水我先逼住叫咗成10分鐘，先有一個人應我哋，如果唔係我自己都加咗水。諗住問拎點心紙，又係冇人，明顯地見到我哋舉手之後掉頭走。佢兩點下午茶，我1:25入座已經即刻Order點心， 等到兩點先黎得兩樣，之後我仲要直接自己出去落單！等到兩點先都未有嘢食不如我食下午茶？！！最後食左500蚊，呢啲咪服務質素，食物又唔算好好食，炒飯同鍋米偏鹹，食到背脊骨落。冇諗過有間咁垃圾嘅酒樓，係我食過最差嘅嗰間，沒有之一。

疫症期間，入去要量體溫同埋送咗一支搓手液，叫咗茶好耐都未嚟，一隻手摸上門全部碗碟肥淋淋好污糟邋遢，仲有啲食物殘渣。咁啲衛生問題所以一定唔會再理，服務態度欠佳。九龍灣有其他選擇。到啲嘢食一般，叫咗幾個點心，有蝦餃燒賣、鳳爪排骨都要真係好一般。仲要碟前菜嗰啲蠶豆，我根本唔得食蠶豆，唔食都要焗住俾錢。幾個職員態度十分之惡劣，即係冇嗌嗰樣嘢一定要你食，唔俾錢唔得，我去其他地方飲茶都唔會咁樣。。衛生態度都十分之差。之前有朋友擺酒都好一般，但疫症期間係冇選擇。

今日來九龍灣換回鄉証，順便去magebox行吓街✌️跟住就去14樓的百樂門飲下午茶😋疫症下的洒樓做緊下午茶大、中、小點半價，仲有些是有下午茶優惠價的，不過茶錢就要$12/位😂，見咁抵就見左好多，結果食唔晒要打埋包帶走👍

食品一般本來已經開了枱，坐下在洗茶杯之際。女部長放下茶壺及一碟花生。我們在進來時看見這碟花生已放在一個沒有遮蓋的櫃上，不知有多長的時間。我們要求不要花生，部長竟然回答：「無得唔要㗎，要唔要我都要收你錢㗎啦！」我們說：在今天疫情下，食物沒有遮蓋，已經很不合衛生。部長再回：「就算你去消委會投訴都係咁話㗎啦，做左咁多年，都無得唔收啦！」心想，哪有這樣無理的惡劣態度？隔鄰枱的伯伯，一邊吃一邊咳嗽，所以最後決定走。

臨時臨急book咗晚飯，見到好多負評有啲驚可能要求唔高啦，服務態度又唔算話好差啫⋯⋯有人斟水收碟咁已經算係咁啦⋯⋯過時過節多人，更差都遇過芝士野菌蝦球伊麵，份量十足，味道適中蝦球爽口！金裝拼盤，燒味都幾靚仲有素鵝唔記得影湯，影咗湯渣幾足料姬松茸螺頭燉雞湯，個湯幾清甜西蘭花炒龍躉球，魚肉好大塊好鮮果皮蒸龍躉球腩，諗住會係腩骨，點知都係啖啖肉翠芹彩鳳蚌片，啲蚌就有少少靭，但整體個餸都ok發財金錢玉掌，啲鴨掌同菇都好大隻，夠淋一品當紅燒雞，皮脆肉嫩咸淡適中拳頭咁大個桃包好咗餡唔太多無咁甜咁漏紅豆沙湯圓，呢個就太過甜

這裏的服務一向不是特別好，但今次來到，已不能說服務差，而是極之惡劣！由經理到傳菜服務都不好，尤其是四眼經理先生，行嚟行去，但唔做嘢，無論是我哋或隔離枱問他嘢、追點心，都是敷衍了事！開咗蓋嘅茶壺放在枱面超過十分鐘，叫左兩次，都冇人加水。食物質素一般， 但要等好耐， 最少要等20分鐘，先至有第一籠點心！而家經濟不景，D員工仲咁嘅態度，實難理解！也許九龍灣百樂門的員工都無心戀戰，總之建議家千萬不要來 😡

嚟咗MegaBox飲茶，呢度選擇好多，咁岩依度有派傳單有優惠就嚟左依間酒樓。嗌嘅都係普通點心，但係偏偏見唔見到有一個比較少見嘅點心，就係川芎白芷蒸魚頭，咁當然要試下啦。係有少少湯嘅點心，飲一啖湯，藥材味都幾出，魚頭就大概三四件咁樣啦，都見到有一啲川芎白芷嘅藥材喺度，如果唔鍾意食藥材味嘅人，就未必接受到啦。當然如果係中意嘅朋友，可以試下。食咗少少，個人好似即刻熱左，味道唔錯，但我就唔敢食得太多，怕會太過補。呢間酒樓算比較進取，有時都會有傳單做優惠，大家去到MegaBox嘅時候可以攞傳單上嚟食，咁就可能會有嘢送(例如bb乳鴿)，就比較抵啲。如果唔係，佢價錢都係唔係十分平，但可能因為質素唔錯啦，佢成日都幾多人。

侍應態度極差，收起點心紙唔想提供，不停要求我哋淨叫粉麵飯，酒樓唔叫得點心咁我去茶餐廳食碟頭飯啦最後多番要求下終於拎返啲點心紙出嚟，到點心嚟到真係嚇死，一放低有2-3隻體型夠細嘅小小強走出嚟，個侍應即刻用手執走扮冇嘢，因為佢太快手影唔切 已經報咗食環，以後唔會再嚟

剛於9月8日到MEGABOX百樂門下午茶，大約四點左右已有人要求我們先「埋單找數」，在收錢後已無人添加熱水、無人收拾碗碟、怎至關掉部份冷氣及較大了音樂聲浪。由於我和家人坐的位置在舞台走道旁，在場的職員在亳無通知或提醒下進行清潔，因而導至我兩位家人滑倒（幸好滑倒在地的家人並不是老人或孕婦，否則後果嚴重），但在場竟無任何一位職員前來幫忙或慰問，還冷冷的說已在走道放上坐椅以資識別之後再沒有理睬我們。我們曾要求找經理或主任，但根本無人理會，直至我們離開酒樓哪些所謂「經理、主任」的人都沒有出現過，原來這就是　大集團的待客之道。原來門面不俗，收費不廉的集團酒樓，其實也不外如是，服務態度也不如一般小店，一間如是，難保其他的也是這樣對待客人。其實我們亦只想找一間坐得舒適點的酒樓和家人聚會，但還上這權的服務態度已算了，就連點心食物的種類也真的不多也算了，最難得連甜品也可以這麼難吃。我和家人都決定不會再光顧百樂門，亦不會推薦其他親朋戚友光顧百樂門，除非有人喜歡付出不算廉宜的金錢但換來一肚子氣。

食物已經唔好食，份量又少，點知服務態度仲差。佢一開始俾壺茶個陣俾埋花生。我話唔要，佢話唔要都要收錢。之後睇番消委會個網，確認唔可以強逼消費。之後上點心，問佢攞辣椒講，佢唔理，我起身想自己睇下佢個trade有無，佢先覆‘等陣俾你’。原來佢係聽到但唔覆你。

食物少，一 籠叉 燒包得兩個，入單慢，等去好 耐先有野食，叫人幫手 斟水都唔理， 服務態度好差，冇人serve都要比加一服務費,吃完野冇人執野，未飲完茶已經開始熄燈，侍應唔應你。

去飲餐茶仲要俾員工話反轉頭，極無禮貌，話說坐底叫完野食，首先一開始已經黎錯其他枱既野食，唔緊要，其二等左成個鐘，我地2個人只係點左4樣野食，其他3樣野都食哂，個棉花雞都仲未黎，有位有禮貌既員工幫我地跟，話漏左單，再等25分都未黎，其實當日已經唔多客，我地同員工講我地拎走，佢話順便幫我地賣單，將單黎到收2蚊飯盒，ok 你話一定要收都無問題，跟著我地走，已經聽到門口有2個員工講緊我地，跟著我行埋去，同佢講你講緊我，個位女員工仲要用極差既態度話反我轉頭，跟著我同副店長講反件事，副店長口頭話會覆反我，但係連我電話都無記得，真係唔知點覆，根本就係敷衍緊個客人。

飲開呢間下午茶都唔覺原來咁計，一飲早茶就發現帶位坐BB櫈已收茶錢，因為有帶小朋友就多碟花生架啦！茶錢都$15個，花生唔要照收錢！所有都係要自己問先知！當比貼士啦