百芳池上便當 (Mikiki)

營業中

休息中

去左朋友屋企打機，到左晚飯時段，個個都唔想落街買，又到左叫外賣嘅時候包裝可愛漂亮嘅 便當便當我地另外都有叫左個小食，鹽酥雞（香香脆脆的，味道都足夠）朋友們都叫左麵，賣相都吸引而我就叫左個雞扒便當（幾有去台灣搭火車果陣must買嘅便當）如圖：-份量都足夠，成個底都有飯-包左熊熊封面嘅一人泡菜，唔太咸同辣-仲有各式各樣嘅配菜（菜脯/粉絲/粟米/娃娃菜…）-一大塊雞扒（濃濃嘅滷水香味）價錢叫正常啦，唔算太平亦唔算好貴，都物有所值嘅

不能去旅遊，只好吃一個充滿旅行感覺的便當。這裡的便當絕對是豪華的。每款飯盒都配了肉食、三款配菜及半隻滷水蛋，感覺營養很均衡。當日我品嚐的是百芳滷雞扒便當，配菜有粟米肉末、菜圃及炒米粉。雞扒雞肉挺細嫩，味道很濃郁，但不會過鹹，有很豐富的香料味道。雞扒整體挺清爽，一點都不油膩。便當附送一款飲品，可以價錢換其他台式飲品。我當日選了黑糖珍珠鮮奶。我覺得包裝非常可愛，我非常喜歡。而味道方面，整體挺不錯，屬中尚。

放工跟咗住在新蒲崗的同事返屋企，幫手整電腦，因為趕時間，所以冇去餐廳食飯，同事話Mikiki 有間百芳池上便當，d便當好好食，我們每人買一份外賣上同事家食。餐牌便當都有多款選擇，除了飯之外，還有麵食、小食和飲品。室內地方整潔，燈光明亮，有時間也可以堂食啊！我最喜歡吃炸雞翼腿，所以要了香酥炸雞腿便當，收錢職員提醒，由於雞腿是生炸的，要等20分鐘。準時20分鐘後就拎到包裝好的外賣便當。即炸的雞腿是用紙袋分開放，拎到返屋企食都重熱，外層極酥脆，肉質也很嫩。至於個飯都鋪滿豐富的配菜，我特別喜歡粉絲夠味又爽口，飲軟熟，撈勻d配菜食，有口感又好味！黑糖布丁鮮奶，黑糖與鮮奶的搭配實在是太迷人，整體口味不會甜膩，乳香中帶有微微的黑糖香氣，很好喝，. 接著會吸到一塊塊的布丁，口感很特別！

今日放假，又懶得不想自己煮飯。就決定到新蒲崗mikiki買一些日用品再看看有什麼好吃的！ 經過這間台灣便當看到價格便宜又有我想吃的炸雞，就決定外賣回家慢慢吃。選擇都不少，最後我就點了香酥腿便當($63)另加一杯芝士奶蓋金萱青茶二重奏(加配$26) 一拿到上手已經聞到好香，而且雞脾另外以透氣的紙袋放置，這樣就不怕回家的路程令雞脾香脆的外皮變軟了。回家一打開就看到炸雞脾大得驚人，比飯盒更大。而且炸得香脆，咬下去肉汁滿滿。而便當的材料亦非常豐富，有炒粉絲、粟米肉碎粒、炒菜、榨菜及半隻滷水蛋。炒粉絲炒得惹味，各配料用來送飯都是一流的!芝士奶蓋金萱青茶二重奏味道正合我心意，芝士奶蓋的芝士味好香濃，但金萱青茶清爽解膩，而且味道帶甘，令到味道更有層次。

今日放工和同事去新蒲崗Mikiki 內的一田超市買嘢，買完野同事過去百芳池上便當買晚餐，本來可以堂食，但因買左急凍食品要趕回家，只好買外賣，見到餐牌都啱食，我也買咗一份。便當陪有：白飯、配菜三款、滷蛋半隻、飲品三選一。百芳滷雞扒便當：雞扒大塊又厚肉，滷得好入味，肉質鮮嫩，配菜有粟米粒、滷蛋半隻和粉絲等，粉絲好入味又爽口，伴飯食好好味，再加埋醬汁更惹味！飲品想改飲其他可以加錢，芝士奶蓋阿薩姆紅茶，香濃的芝士奶蓋帶少許鹹味口感滑溜，配濃郁的阿薩姆紅茶，味道都好夾。

便當沿於台灣定日本，說法不一。但鐵路賣便當的歷史就相當久遠，今時今日，屯馬線啟德站開通，在鄰近的旗幟商場MIKIKI就有一間台式便當，這兒裝潢雅緻，可堂食又可外賣。今日經過，就還擇了外賣打包，一嘗便當帶走的滋味。香酥炸雞腿便當這兒的飯類便當有8選擇，我點了一客香酥炸雞腿便當，大大隻雞腿新鮮炸，所以要有耐性等一陣，外賣分開紙袋另上，衛生又不會讓熱飯焗淋。而便當用上圓形盛器，好有特色，內含米飯之外，還有鋪滿整個的粉絲、粟米、滷蛋、炸菜…講返主角香酥雞腿，體積比便當盒還要大，外皮金黃香脆，即使回到家約半小時仍然一樣，難得的雞腿還肉嫩熱辣，用手拿著吃啖啖肉好「掂當」。芝士奶蓋玫瑰鐵觀音份量十足，奶蓋足有2寸厚，芝士味好出，鹹鹹的奶香綴以玫瑰花味烏龍茶代表鐵觀音，創意創新，雖則玫瑰味不濃，但茶味適中不太甜膩易入口 (注意：我選的是正常甜度，你還可以揀少甜)，幾種配搭很清新，我慢慢飲、慢慢歎…一個鐘後仍然不走樣，抵讚！

夜晚放工買外賣鹽酥雞同豬扒便當，本身有食開，味道算唔錯。返到屋企先發覺無俾我鹽酥雞🤯 又要由啟德行10幾分鐘返轉頭，攰L死🥵 可惜店員只係講唔好意思，一啲表示都無🤷🏻‍♂️ 再返到屋企已經10點，肚已凹咗，嘥晒啲時間🤦🏻‍♂️一肚氣，啲雞店員又話重新炸，但望落似番炸🤢 跟住啲飯又凍哂，要用微波爐叮熱。你話味道可以點評價？依家外賣自取都做成咁，個餐又唔係平，希望可檢討作業流程！早知成份拎返去退錢無咁嬲。

今晚放工搭車去咗新蒲崗嘅Mikiki ,因為係屋企附近，所以就買個外賣返屋企慢慢食。發掘左一個新地方，就係Mikiki地牢嗰一層嘅一間台灣野。呢一間百芳池係賣台式便當嘅，我就叫咗一個香酥炸雞腿便當，再加一杯珍珠奶茶。等左一陣就有，都算幾快。香酥炸雞腿好有台灣風味，即使係外賣拎到返屋企，都仲係好香脆。成個便當套餐除咗雞腿之外，仲有飯菜，粟米，半隻滷水蛋，仲有我最鍾意嘅粉絲，好開心。我都好鍾意佢哋嘅珍珠奶茶，超大杯，啲珍珠好chewy. 雖然啲飯唔算好多，但都食到好飽，好滿足。

自從帶飯返公司食之後已經很少外出午膳，今日因為要嚟「一田」入貨，所以決定去商場買外賣。揀咗地庫呢間「百芳池上便當」，其實呢間餐廳都開咗有大半年，但一直未幫襯過。餐廳主打台式便當，另外亦有紅燒湯麵、肉燥乾拌麵、台式小吃和一系列百芳飲料等供應；而價錢方面亦頗實惠，啱曬附近嘅上班族。點咗一個便當套餐，等候其間，入內看看四周環境，原來入面都幾大，地方寬敞闊落，而且還有不少座位。百芳滷雞扒便當 ($63)：個便當包一杯飲品，有阿薩姆紅茶、茉香綠茶、碳焙烏龍可供選擇，另外亦可以加錢轉其他台式飲品，揀咗杯珍珠奶茶 (+$12)。個便當好足料，除咗飯面的雞扒之外，另外仲有粉絲、肉碎粟米、椰菜、紅蘿蔔絲同半隻滷水蛋。塊雞扒有成大半隻手掌咁大，非常厚身，滷到入曬味但又不會腍爛，肉嫩又鮮甜，入口啖啖肉。至於杯珍珠奶茶味道亦不俗，喝起來順滑圓渾，茶味清香，甜度適中，茶奶融合。另外珍珠的份量亦下得好慷慨，夠大粒，分明不黏糯，嚼感突出。見到店舖有台灣粽賣，月尾可以落嚟買番啲返屋企應節。

今日黎mikiki夾公仔，臨走就去最底嗰層揀野食～最後揀咗呢間台式餐廳買外賣拎返屋企食除咗便當仲有唔少小食同飲品～ 全部都好吸引😍～揀咗好耐，最後我嗌咗香酥炸雞腿便當同杯野飲等咗一陣就有啦～ 雖然係外賣但包裝絕不馬虎～ 便當好靚仔翻到去即刻開餐😍主角雞髀勁大隻！拎到翻黎仲好脆～ 真係好脆！雞髀肉都嫩便當好多餸～ 有粟米 菜 榨菜 肉粒粉絲 滷水蛋同飯好豐富～啖啖飯都有餸～好味道👍🏻加錢轉咗呢杯芝士奶蓋荔枝紅茶，大大杯～嗌咗少甜～甜道適中，荔枝味好香芝士奶蓋帶鹹香，唔錯

踩完單車辛苦咗一天,梗係要搵啲嘢食下啦, 但踩住架單車唯有買外賣, 經過新蒲崗回家途中突然想起,很久沒食台灣小食, 便走咗去MIKIKI地庫「百芳池上便當」 買個外賣返屋企慢慢食門口很開揚可以畀我擺架單車喺度, 不過成身汗都係買返屋企會好啲 嘩見到裏面其實都好闊落喎 鋪頭細細都好多食物畀我揀見到餐牌上介紹大大隻炸雞腿,便叫這邪惡「香酥炸雞腿便當」 賣相真的不錯也大碗, 熱辣辣香脆的大雞髀, 肉質好嫩滑同juicy, 還有喜愛的滷水蛋咬落也不會很硬及鹹飲品就叫了一杯「芝士奶蓋紅莓果茶」 芝士味很濃再配上紅莓汁很鮮甜, 兩種配搭下飲落使人很開胃

好耐冇食台灣菜，見mikiki 開左間食台式便當好似唔錯，就過黎食下。外賣都幾方便，而家可以網上外賣平台 落單添。Menu選擇唔少，叫左我鐘意食既鹽酥雞便當 $59佢用台灣木盒裝都幾得意，比起發泡膠較健康。鹽酥雞較乾身，但能鎖住肉汁，外脆內軟，唔膩之餘重食到鬆化既感覺，重帶點芫茜既香氣添。配料一啲都唔惹少，有粟米、粉絲、炸菜粒、鹵水蛋、黃牙白、蘿蔔絲等，味道豐富之餘配搭唔錯。加左19蚊叫杯黑糖珍珠鮮奶，珍珠頗煙韌，糖粉唔高👍🏻

行完MIKIKI, 見到附近有間百芳池上便當。記得早前見過同事食過話好味, 就買返個做晚餐先, 餐廳防疫措施做得足, 未入去睇外賣時已經為你探熱, 亦有提供搓手液使用。餐廳好光鮮, 清潔。雖然可以堂食, 但為左返去煲劇, 都係外賣了。睇下餐牌: 有湯麵, 伴麵, 便當, 茶餐, 台灣小食餐。而飲品種類亦好多。最後揀左 : 台灣焢肉便當 $59 + 凍黑糖布丁鮮奶 $20本身便當已包3款飲品, 不過想飲布丁鮮奶, 仲有得平8蚊便當除了有焢肉及白飯外, 仲有粟米粒,粉絲,鹵水蛋半隻,菜。滿滿勁豐富。而且處理得好快, 不用等太耐就已經有得拎啦!便當賣相好吸引, 而且圓形紙盒好特別。焢肉好淋身, 肥瘦適宜, 而且份量都好大份, 粉絲好惹味, 佐飯一流, 而且有少少汁令到整個LEVELUP左! 凍黑糖布丁鮮奶, 飲前將黑糖伴均, 鮮奶好滑好重奶味, 仲有滑嘟嘟既布丁, 每一啖都好正 ! 一邊煲劇, 一邊享受便當加黑糖布丁鮮奶,真係一大樂事 !!原來百芳池上便當有幾間分店, 下次可以買份當LUNCH都好喎

今日見自己一個食晏，就決定買個飯番屋企做宅女☺️ 去一田買野見到旁邊有間食台灣既便當，仲有得外賣，一於買番屋企歎下～ 店面都幾靚便當都好多選擇，揀左香酥炸雞腿便當 ($63) 雞腿超級大隻，炸到金黃，十分吸引！味道都唔錯～之後便當材料都豐富，首先有一隻滷水蛋，之後仲有炒粉絲，粟米肉碎同炸菜，都係好送到飯既小食🤪 雞腿加飯個份量係有啲大，細食既女仔可以share 黎食都夠！加 ($19)有黑糖珍珠鮮奶，朋友話買過呢度既飲品唔錯，所以叫左個特飲試下，飲落唔算甜，但黑糖味可以重少少，另外珍珠都多煙韌有咬口。

原本同朋友約好今年要去台灣黎個美食之旅可惜啊...唯有係香港食下台灣野頂下癮去到Mikiki見到間台灣野 啲相都好似唔錯Ok~~一於試下餐廳名打正旗號有便當兩個字應該唔會差得去邊要左排骨便當，鹽酥雞便當同小食拼盤便當餐跟三樣小食同野飲要左珍珠奶茶同碳燒烏龍茶當個排骨便當一到就已經覺得唔係好啱心水😅因為我食親台灣菜都係香酥排骨一係就滷排骨我食左一件已經唔想再食, 我對面個位話佢個件有一半以上都係脂肪旁邊個小菜亦都唔係好啱口味台式粟米肉粒, 炒粉絲, 鹹到爆嘅炒菜同榨菜小食拼盤.. 鹽酥雞第一啖係幾唔錯..但食食下有陣蘇味台灣腸正正常常..個炸花枝丸有啲油又係每件食左一嚿就放棄烏龍茶同珍珠奶茶甜到封喉整體黎講真係好唔啱我口味...