百里居 (已結業)

週六，日係中區最頭痕有咩係經濟又好食。今日中午行經九如坊，見到係街有一塊寫滿餐的牌。咁啱我地又係想食日式午餐，所以就直接入去一試。星期日，中環好多餐廳都係較靜，所以齋睇門面和入面有無客人， 不能作準。入去睇完餐牌，老闆又講解詳細。原來一個餐跟兩種飲品。仲有啲清補涼，龍眼杞子水，薏米水。真係估佢唔到。飲呢啲仲好過飲汽水。我地每一叫一份。味道，熱度都係上佳之作。我肯定平日佢一定爆滿得好緊要。反而星期六日，仲可以比我地係呢區住嘅，有多一處好地方食美食。

If you come here on the weekdays, this place should be packed with people working in the area.So went during the weekend when it was nice and quiet.I was really impressed with the Western choices as they had ravioli and the Chefs there look like they know their stuff.Previously tried Thyme which was a smaller joint selling juices.Now they are a full scale restaurant that does outside catering as well.As a fan of ravioli, I ordered the truffle ravioli and my friend had the Japanese Beef.The porti

同事成日叫呢度做飯堂，有時又話係呢度食晏好得意，一人會有兩款飲品咁，今日終於帶我地去試下。.午飯同事間不例外的又是打機，今天加插的是吵鬧環節，很有生氣。🙄.燒汁🐥球 - 先不說別的，飯一到，以紙盒上的🐥球賣相和香味已十分吸引。🐥球肉嫩並不乾，加上燒汁和沙律醬十分搭，配菜亦能減少吃炸物的油膩感。龍👀杞子水 - 微甜剛好，就是行健康路線的飲品。另外，這裡午餐的規矩是可選兩款飲品的，飲品都是走健康路線，亦有無味精老火湯和甜品供選擇。Office人可堂食一支，再帶一支回公司以熬過下午的辦公時間。.HAHAHA,, 報告完畢。只能說，終於明白這裡能成為同事飯堂的原因，高質素價格合宜，老闆態度也親和有禮。

每次約呢個朋友食飯 次次都落大雨（仲要係黃雨個種）做左佢個「貴人」今次 終於唔落大雨但係...酷熱警告⚠️😣仲要lunch time由中環暴走黎呢度- 百里居入番正題去九如坊呢個地方食野我通常都係直行直過去北越河粉唔係朋友介紹真係會miss左呢間餐廳餐廳唔算大都坐得有少許迫但勝在裝修又幾靚服務又唔錯佢個set menu 跟埋兩樣飲料我同朋友就揀左 無味精既是日例湯同洛神花茶是日例湯- 我地兩個係度爭論係黃瓜定木瓜湯無味精 但有火喉又入味 加上我個人最鐘意飲瓜類既湯個洛神花茶好濃 唔怕溝左好多水推介！到主食啦！我就叫左蔥油雞扒煎蛋 $65面頭淋左熟油 所以好香好滑煎蛋都唔怕老主角雞扒外脆內juicy 加埋蕃茄仔同椰菜做沙律 好豐盛！朋友就叫左日式咖哩吉列豬 $65個日式咖哩汁香而不辣感覺係平時超市買到個種日式咖哩食落冇雞扒個個咁突出但吉列豬扒唔怕炸到濕林林（諗起某台灣個個吉列豬就嬲嬲地） 總括黎講 唔洗加一 又湯又飲品（都幾大枝）又有埋少少沙律加主食 抵！所以第日經過九如坊唔好miss左呢間餐廳！

呢間餐廳嘅位置一啲都唔顯眼🔎 唔係同事介紹完全唔會留意得到 店內環境唔算好大 亦係open kitchen 點都會沾染到啲油煙味<<燒汁雞球飯 $65>>無論係堂食定係外賣都係用即棄餐盒 食物一送上已經心心眼賣相非常吸引 淨係睇賣相已經超出預期雞球炸得恰到好處，外脆內軟，雞肉仍然keep到d肉汁，非常出色另外再加上即磨檸檬皮，提升咗味道層次另外值得一讚嘅係d飯因為係用咗日本米 配埋燒汁 特別滋味套餐會奉送兩款飲品或湯 揀咗洛神花同龍眼杞子水 帶比我一種家的味道🧡

一個禮拜要食兩次既超正午餐！！ 一次外賣+一次堂食，質素不變米飯粒粒分明，軟硬適中，配上一啲都唔油膩既煎炸雞扒，少飯都可以食飽～配上既蔬菜係新鮮沙律菜，好green煎雙蛋邊好脆，中間蛋汁撈飯一流最有誠意就係買set lunch配送兩款飲品！龍眼杞子，五花茶都真材實料冇花冇假，龍眼杞子有曬材料入樽，五花茶就隔曬渣，味道唔會過甜，非常抵飲！！強烈推介中上環番工人士來一試究竟～ 同事試過雞球飯，泡菜豬都覺得絕對對得住個價錢！

上次食完燒汁炸雞之後非常回味今次要去堂食下佢其他飯先得!店舖環境空間唔太多, 有少少逼同埋因為係open kitchen既關係有少少熱午餐Menu應該日日都係一樣既menu上次食過炸雞今日就揀左5號餐試試佢午餐附送既飲品可以揀一個湯一支飲品或者兩支飲品都得因為佢都係用外賣樽入住飲唔晒可以拎走主食出場喇!泡菜豬肉飯好味! 泡菜酸酸辣辣好開胃雖然話係豬腩肉不過食落都唔係好肥切得薄薄地好入味不過食食下都真係幾辣如果不嬲唔太食得辣既朋友就要留意返今日叫左龍眼杞子+洛神花龍眼杞子足料洛神花酸酸地, 有D似酸梅湯一眾同事都好欣賞呢間小店話要每星期食一次😂😂

係公司樓下隱世小店買咗外賣返公司食其實有得堂食 而且一樣價錢不過見位置唔多都係外賣啦最平嘅餐$65有一盒飯一個湯一支嘢飲炸雞飯賣相好好嗰幾行沙律醬簡直係畫龍點睛食落舊炸雞好脆 但一啲都唔油膩而且雞肉有清新檸檬味應該係用檸檬汁醃雞再炸不過略嫌鹹咗少少但對整體味道唔大影響送飯食就啱啱好飲品係龍眼杞子水唔係凍檸茶呢啲普通野好有誠意味道唔會太甜好味！個湯飲落清清地標榜冇味精整體評價不錯以外賣來講$65有少少貴不過堂食都係同價 都算抵食喺中上環地區係個唔錯嘅選擇

成日行過見到都想試，次次都見店內外好多人，今日終於的起心肝去試，事日餐單，我㨂左三文魚，以為唔多再加多個溫泉蛋，點次一黎到甘多既？又可以㨂湯或水果，同埋加杯野飲，呢個杞子龍眼好正呀！成枝上！夠豪氣，我諗食完呢餐可以頂好耐，味道好正，見佢全是即叫即做，用鐵板炒，送上台時熱拿拿，真係好好味哦，$78 唔加一又有野飲又有水果，請問中環邊度搵？仲要足料好味，唔寫食評對唔住自己，真正又平又好味，唯一要彈就係地方窄得幾張台，裝修一般啦，食味道唔食裝修的朋友可以一試，味精唔覺有落/落好多，因我食到味精會好口渴，依家都唔覺有口渴情況，所以又多一間中要飯堂in my list la。食完個開心飯繼續工作，仲有龍眼杞子水同水果未食，下午茶繼續，正。

呢間位於中環九如坊嘅健康小店價錢超貼地！一個套餐有果杯或足料老火湯揀、個飯跟左D蔬菜、仲有餐飲！都係由＄55-88！好欣賞老闆同伙記嘅熱誠！要多D支持小店！叫左個原條蒲燒鰻魚配溫泉蛋飯，好味！