皇堡餐廳 (已結業)

見呢間有團購, 可以係南華打完保齡再醫肚,所以決定一試食物:有機蔬菜沙律有機蕃茄伴胡麻汁呢2個幾好,D菜同蕃茄唔算好新鮮,不過都唔差,味道亦較得幾好龍蝦湯:唔掂, 味精水不止, 仲要有幾舊完全冇味既蝦係底,好似食膠咁意式焗海鮮伴薯蓉 美國安格斯牛扒2個主菜可以一齊講,難食, 淨係食到味精味,但味精都遮唔到佢既海鮮/牛扒既唔新鮮香芒凍布甸X2本身落左甜品各一, 另一個係低脂乳酪,但佢黎錯左香芒凍布甸X2但食完之前果D菜式,覺得黎乜都冇分別,果然, 只可以用一個字黎形容:甜, 好似落左成斤糖咁甜,本身我都好食得甜...但真係太甜, 最終食左一啖算啦, 都估到平野冇好, 只係估唔到差成咁

叫左黑松露菌醬天使麵、奶油豬、芥末魷魚鬚、蒜香骨。 黑松露菌醬天使麵 - 天使麵炒得清爽 $58 奶油豬 (即係煉奶、牛油、豬仔包) - 好味, 最緊要個豬仔包焗得鬆脆, 要襯要熱, $12 芥末魷魚鬚 - 魷魚鬚入味有咬口, 唔會炸到食個陣成口都係食脆粉 $32 (大約, 唔記得) 蒜香骨 – 叫個陣以為係傳統食小菜叫個隻, 原來佢係用豬脾仔加蒜片爆香, 幾入味, 有心思 $38 (大約, 唔記得)起初冇抱任何期望, 都係諗住打完波, 拿拿淋搵d 野食, 醫左肚就走, 點知有意外驚喜bor。整體幾好, 廚師有心機整, d 食物有鑊氣。夠香口, 可以encore!