皇室盛宴 (已結業)

標題: 龍蝦盛宴 – 煎西瓜出色！之前係外國生活，一餐簡簡單單既晚餐可以食兩三小時，慢慢品嚐食物之餘又可以同朋友飲下酒傾下，番左黎香港工作之後好似冇乜地方有咁既機會，平時番工食晏已經趕頭趕命，幸好經朋友介紹下得識呢個royal feast正正就係行慢版，襯好友生日就book左張檯。Book檯前一日要confirm個menu，而之前係透過whatsapp傾個menu。煎西瓜拚龍蝦肉黑魚子醬多士 – 煎西瓜出色，好味，龍蝦肉黑魚子醬多士夠脆，咬落黑魚子醬到會慢慢滲出黎，龍蝦肉加左黑魚子醬既鮮味都好味。香芒龍蝦沙律 – 芒果好甜，原來係有機芒果。龍蝦鉗有2只，好鮮但唔夠喉。沙律菜都好食，個汁唔錯。龍蝦湯 – 個湯反而一般，有龍蝦味但味道不是太突出。 龍蝦肉帶子蒸蛋 – 分子料理，一開蓋會有泡泡走出黎，有少少煙燻味，個蛋唔會過熟岩岩好，賣相都幾精緻。龍蝦意大利飯 – 出色既唔係個龍蝦，反而係個意大利飯，用左招牌既腐乳加龍蝦汁去煮，一個意大利飯有2種味道走左出黎，食得出總廚係味道設計上有花過心思。芝士蛋糕 – 甜品份量有點多，有芝士蛋糕、馬卡龍同紫薯雪糕，芝士蛋糕連埋個雪糕食正，馬卡龍係綠菜味，

今日又自己一個黎呢到食晏，貪呢到環境舒服可以慢慢食，唔會趕頭趕命。依間餐廳既人已經熟到認得我，仲叫得出我個名，幾有親切感，仲有D自豪TIM。今日叫左份海虎蝦湯，同個招牌黑松露野菌湯唔同既係今次用左高貴少少既湯碗上 (可能係熟客既關係)，份量比平時多左少少，亦都好飲左少少。今日好快就上主菜，唔駛十分鐘。隻蝦好香，好大陣紅椒味，望落都好似好好味，蝦肉爽口之餘仲有脆脆地，有點似食緊天婦羅，幾好食。煎左既冬菇香口，加左D紅粉，有少少辣辣既冬菇都係第一次食，唔錯。個飯都好正，既有隻蝦流落黎既燒汁，仲食到有腐乳味，份量剛剛好，唔會太飽。食埋個甜品士多啤梨雪糕就埋單番公司繼續做野。

是晚預先book了同朋友慶生，約左七點半，分別order左royal supreme同royal deluxe呢兩個套餐。坐低左個waiter行埋黎第一句就對我朋友講左聲happy birthday，之後就同我地講今晚有乜食。第一次去餐廳食飯會有人同你講happy birthday，雖然係一個小小既舉動，好有一種親切感，會令你覺得好窩心。先上飲料，餐廳送左兩杯白酒比我地。頭盤係煎西瓜拼煙燻海鮮，好精緻好靚，聽介紹時分別係有兩粒煎西瓜同煙燻蠔，黑魚子醬多士，吞拿魚刺身。煙燻蠔配草食清新，再食西瓜粒西瓜會變得有點刺激，唔似食緊西瓜幾得意。黑魚子醬都幾好唔錯。食完西瓜食牡丹蝦刺身，特別鐘意中間隻牡丹蝦，好似開口同你講野同你交流緊，有點唔捨得食。食埋沙律就到店員大力推介的黑松露野菌湯，心諗呢款湯坊間大把啦有幾特別，但一試後我想錯了，呢個湯係我飲咁多野菌湯中最出色，啖啖菇落足料，好香好好味。食完主菜會收灑你所有刀叉，然後會派番隻新叉比你食甜品。係呢個時候驚喜黎啦，終於明白點解我地被安排坐係白色牆隔離，牆上既掛燈突然間熄左，waiter就拎住碟插有枝蠟燭既甜品出黎比我朋友，個一刻真係好surpri

前幾日隔離department 同事帶我黎呢到樓上餐廳食lunch ，真心覺得唔錯，所以寫篇食評鼓勵下。 十二點三黎到到唔需要等位 湯係紫薯湯 甜甜地亦都食到陣薑味 主食係Hokkaido 直送帶子楊洲炒飯，日式mix港式呢個配搭幾特別，味道都唔錯。帶子大大粒煎到半生熟 外熱內冷都唔錯，楊洲炒飯應該加左腐乳去炒，因為食到有少少腐乳，令個炒飯更香更添層次。最後有份柚子雪葩做甜品。呢個價錢試到咁fusion既lunch算係咁手係幾值得去試。

見到呢間皇室盛宴整既野食幾精緻應該都唔差得去邊 星期一諗住黎食lunch 但門口有塊牌寫住 HSBC包場 見入面未有人就問下係咪唔入得 有個男仔就覆今日比匯豐包左場 直接幫我訂左今日 終於試到啦 叫左份安格斯肉眼扒 5成熟 幫你切埋 見到肉質中間粉紅色心想應承好好味 一入口肉質流灑出黎好食 好有牛味 名副其實係安格斯 配菜有牛油薯仔同大大粒冬菇同瓜 牛油薯仔食落脆身都幾好味 等既時間會比較耐 由坐低到食主菜個過程大約20分鐘 以lunch黎講算慢 以食物質素黎講就絕對值得等 建議先打電話預約

即興同朋友約左去左呢到食lunch 打電話約十二點半但建議十二點九入座 因為朋友係vegetarian所以已經預先order左沙律食物方面係唔錯 特別要講下朋友份沙律 絕對係喜出望外 睇得出有心機去整 顏色豐富有紅色有藍色有綠色 配搭方而有兩三款蔬菜水果 有西瓜有藍莓有車厘茄 粒菇都好大粒 食落有牛油香 唔錯 沙律菜份量反而太多 食唔灑 撈左餐廳自己整既黑醋好味 食物環境都值個價錢 待應招呼都好好 見到bb會主動問你需唔需要兒童餐具同bb椅 係繁忙時間仲會花時間去照顧你實在難得

約佐四個好耐冇見既朋友仔，諗住今日食晏食好d，聽朋友介紹去左呢間私房菜，環境好舒服有自然光射入，可以慢慢傾計。主菜叫左紅粉燒海虎蝦，有賣相，感覺高檔，隻蝦都好香，味道比想像中好食。紅粉有少少辣但接受到，配菜既薯仔好食，好香牛油味。不過等既時間比較耐，等左約廿分鐘先上菜，餐湯同主菜一齊上，餐湯係黑松露野菌湯，落足料好味，夠creamy，份量唔多。食完主菜會有份甜品，今日係檸檬味雪葩，食完感覺好清。價錢合理，環境舒適，一個幾好既地方比你慢慢食，慢慢傾。

同男朋友拍拖4年，想搵間可以浪漫下而食物質素高的fine dining 餐廳。早前係呢間食過lunch覺得okay有心機整，最後就打電話訂左呢到。呢到夜晚淨係做訂位，而且冇a la carte menu，所以黎之前已經同餐廳夾左。我問餐廳有冇龍蝦食因為男朋友好鐘意食龍蝦，然後佢地就推介左呢份龍蝦餐。8點黎到，坐低無耐，就有人行埋黎講下今日既菜式。但我叫個waiter唔好講，想比suprise比男友heehee。煎西瓜拼龍蝦肉黑魚子醬多士最先個道菜係煎西瓜拼龍蝦肉黑魚子醬多士，黑魚子味道偏濃而厚，混埋龍蝦肉令塊多士有2種層次。煎西瓜都唔簡單，第一次食，燒左既西瓜有少少焦糖味，入口爽爽爽爽爽聲，喚醒左味蕾。芒果龍蝦沙律接著係芒果龍蝦沙律，賣相幾靚有心機之作。芒果有點兒酸，幸好不太影響沙律菜既味道，沙律菜撈左自家制既黑醋好味。龍蝦肉蒸蛋第三道菜係龍蝦肉蒸蛋，呢道菜看似簡單卻充滿心思，整得好精緻。蒸蛋半生熟好味，連龍蝦肉食更正，不過應該加左小小清酒，我覺得更加似日式既風格。龍蝦湯就沒有什麼太特別，跟出面西式或法國餐廳整既味道差唔多。龍蝦肉意大利飯主菜係龍蝦肉意大利飯，賣相一般般但好好味，個飯應

包場$550一位，但係食吾飽，仲要大部分都係女士，食物出得很慢，8.30叫起，9.30先出到歺湯，個個餓到飛起，連歺飽都無.食到主菜已經11pm...但係食物吾夠熱...之後我地要去食翠華

今日約咗媽咪去中環行街，見有啲肚餓，就去皇后大道中附近食個晏先。喺openrice見到呢間餐廳幾抵食，於是就帶左媽咪上去試下。望落個餐牌幾吸引，見到其他人都係食緊帶子飯，但我又想食牡丹蝦刺身，就叫左份牡丹蝦刺身意大利飯。等左約15分鐘主菜就送到啦，牡丹蝦刺身有2隻，望落新鮮有光澤，食落肉質都彈牙爽身，好味。更想唔到意大利飯反而比牡丹蝦出色，第一次食有叉燒既意大利飯，仲食到有少少腐乳味，唔落芝士落腐乳去煮個意大利飯又幾得意幾特別，真係幾好味，值得一試。食完主菜有份甜品，係檸檬味雪葩，感覺好清，食完飲埋杯野就同媽咪去行街街。

 係中環要搵間坐得舒服又寧靜既地方食晏係一件好難得既事，所以今日再同同事黎呢到食晏。上星期黎左次食左個鵝肝炒麵，本身以為係鵝肝醬 但原來係原舊鵝肝，好抵食！今日個menu同上星期一樣，叫左份北海道帶子炒意大利飯試試。一開始杯野菌湯好好飲，野菌味好濃好豐富，但略為有dd咸。碟飯反而不錯，意大利飯硬到適中，跟我係意大利食既差唔多，好食，lunch黎講賣相算係不俗。甜品係紫薯雪糕，還可以。埋單$90有找，認為物超所值，值得推介！

今日同朋友去左試私房菜，話呢到最出名係玩出面食唔到既菜式，我地都早幾日book左位，透過whatsapp傾menu。我地坐底無耐就有人幫我地鋪餐巾，之後就對今日份menu，比drink list你睇想飲咩，坐多陣就上菜啦！第一道菜黎嘅係三色蕃茄芝士呢個starter賣相精緻，好考手功，味道酸酸甜甜甘幾開胃，佢仲有兩粒正方cheese 伴碟又幾好食，好fresh 唔會話好溜。之後仲黎左個紅莓煙鴨胸沙律配雲呢拿佢呢個沙律都有成六七塊煙鴨胸，比想像中多，幾厚肉，紅莓味既煙鴨胸又幾好味，另外個沙律菜係用黑醋做sauce，醒胃一流。黑松露野菌湯呢個湯真係無得頂，個湯好足料，佢好rich同creamy，松露味好出。另外佢仲有塊魷魚絲俾我地點黎食，麵包點湯就食得多，魷魚絲就真係第一次，估唔到又幾夾，幾過癮。白松露天使麵呢個意粉軟硬岩岩好，個白松露都好香，佢個意粉唔會話好油，味道okay 分子泡茉煎雞佢個名好得意，泡茉，食落真係有食到茉利香嘅味道，個雞都幾嫩滑，唔會好肥膩，每道菜嘅擺位都有心機，賣相又幾得。鵝肝牛柳我至愛嘅牛，個牛柳我地要五成熟，切落都okay，食落好juicy，個鵝肝都好大塊，佢個味

今日同事帶左我黎呢到食午餐，呢幢大廈位置其實都幾隱閉，唔係同事帶我黎都未必知道呢到有間私房菜。搭lift個陣見到呢間野既食物相片幾靚都算吸引，心諗食物都應該有番咁上下質素。坐低店員就比餐牌我地睇啦，要讚一讚個店員好細心，因為我叫左個帶子炒飯，個店員會預先同你講粒帶子係北海道刺身級，全熟既話會唔好食，會問下你o唔ok。帶子半生熟既口感果然不錯，粒帶子本身亦好大粒，而個炒飯估唔到係用意大利飯去炒，creamy之餘比較硬身，當中亦加左叉燒粒去炒，雖然係食緊意大利飯，但又帶點中式既穫氣，呢款fusion做得不錯。甜品係紫薯味雪糕，紫薯味唔太重，雪糕亦唔太甜，中規中距。有杯飲品比你，有幾樣茶比你叫，不過都係熱既。會來再。

情人節就咁去普通西餐廳冇乜特別咁，就同女朋友去左食廚師發板。平時日本omakase就食得多，西餐咁樣倒是第一次啊。先吃上藍鰭吞拿魚沙律藍鰭吞拿魚上面還配有魚子醬。一口就食到兩種鮮味。微鹹的魚子正好帶回吞拿魚嘅微甜。女朋友吃的是白松露醬北海道帶子刺身。而我就吃了北海道牡丹蝦刺身，因為佢唔想剝殼！牡丹蝦也砌成了心形，都叫做幾鮮甜嘅。跟住就到黑松露野菌湯。上面有塊意大利黑松露片。而個湯係24-5 種菇菌blend出泥。一上枱就聞到香味，不過鹹左啲啦就真係。好彩有個柚子味雪葩，比女朋友清一清味蕾咋。佢話全晚呢個自家製雪葩最正，女人都係鍾意甜品㗎啦。又真係幾清新幾refreshing嘅。到main啦。佢就食左香煎深海鱸魚。個外皮煎到幾香脆嘅，而且比較大份，佢都share左比我食，因為我大食驚我唔飽哈哈。燒越南海虎蝦，好明顯我食蝦嘅，有殼嘛。皇室甜品，有自家製紫薯雪糕啊

今日去食西式廚師發板喎，平時我同佢食得好野多啦，睇下佢今次又點先。藍鰭吞拿魚沙律，上面仲有魚子醬。兩者配搭嘅理念都係以鮮為主。-白松露醬北海道帶子刺身。意大利白松露醬味道濃郁，吃罷只有松露餘香。-北海道牡丹蝦刺身個蝦砌左心形幾sweet，蝦本身都甜嘅黑松露野菌湯。以為頭先松露已經濃？依家上面仲有塊意大利黑松露片。湯係25 種菇blend出泥㗎喎。聞就幾香啊。有柚子味雪葩。係自家製雪葩泥，味道幾清新，唔artificial嘅，我都幾鍾意呢個。到main course 香煎深海鱸魚。外皮幾香脆嘅，size都大份燒越南海虎蝦，火侯尚算適中，肉質亦算帶點爽口吧皇室甜品，重點好似係自家製紫薯雪糕啊，不太甜，還是可以的，但總覺剛才的雪葩更好twinings啲茶不嬲好飲唔洗多講