皇室1號東九龍

營業中

休息中

離晒譜，同朋友晚飯，以為放工安安樂樂食餐飯傾吓計，首先極度吾夠侍應生，落漏單不特止，每樣食物來到都要叫幾次先有人招呼，例如攞配料呀準備碗筷等啦～最離譜係來左個羊腩煲，又要叫幾次先攞個爐來熱個羊腩煲，精彩部份來，個爐熱左竟然有幾隻曱甴從爐底4散走出來，嚇死人，由於曱甴伏左响枱底，我哋要求換枱，但係我哋要自己搬所有餸菜同碗筷，侍應生冇幫我哋換過晒啲嘢以保衛生，再離譜換左第二個爐又有曱甴 走出來，最終我哋將個爐同羊腩煲放隔離枱，朋友就過隔離夾羊腩番自己位食，都吾明朋友點解可以忍耐，我又吾好意思嘈，怪不得香港人上晒大陸消費，真係嬲爆

經open rice 買左二張coupon, 上蟹速度紙上寫要20分鐘，但係我相信一round 與一round 之間肯定多過20分鐘。酒店都唔係爆滿，食蟹既人只有4~5 檯，上蟹速度真心慢，對比陶源慢好多。蟹質素唔錯，雖然唔算大隻，但係都尚算肥美。其他食物好一般。片皮鴨既皮好硬😞

點心算新鮮，味道都唔差。星期六日黎講價錢算係非常優惠，而且唔使等位呢點好好。但樓面好少，成個場負責落單開茶嘅好似得2個人（？）收銀個阿嬸態度仲奇差，問佢拎張單睇好似得罪佢咁🙃

因為看到報章上的優惠覺得吸引，所以剪下優惠劵前往，誰料優惠劵有隱藏條款最終令你用不到優惠：例如入座前已詢問職員，職員說2人可用一張優惠劵，但在埋單時收銀員卻表示優惠不能用，因為我在下單時沒有說要用優惠劵所以用了正價，而且聲稱已入機改不到，而且收銀員態度惡劣態度不佳，結果被迫要付正價，就算有優惠劵用不到。沒想到這麼大的連鎖式集團連幾十蚊都要用這種方法避，一肚火，想當初因為優惠特登黎，結果⋯⋯有種上當的感覺，琵琶鴨又鞋又乾又腥完全冇肉，其他負面感觀不逐一在此列舉了，總之冇嘢值得推介。將來會永久不會再光顧，第一次打食評就送咗俾呢間

自選優惠孖寶 任選兩款 每份$30.8 另收加一茶芥$13 一位🍴蟹籽燒賣 (0/10)燒賣肉好鬆散，冇鮮味可言，似係急凍貨，不了。🍴魚肚棉花雞 (3/10)魚肚都腍，個雞唔滑比較難口，個調味一般。🍴蔥花炸兩腸 (3/10)一上枱已經凍咗，個腸粉皮係薄嘅，好彩個油炸鬼係脆嘅，熱食會好好多囉😂😂🍴醬皇蒸鳳爪 (2/10)鳳爪有炸過，都幾油膩，鹹鹹哋咁，好麻麻….🍴潮洲粉果 (2/10)個皮勁厚，入面有粉葛，幾爽口但都唔好食…🍴椰香黃金糕 (5/10)好硬好煙韌，勁難咬，有椰汁嘅香味😂🍴沙田燒乳鴿 $29.8 (7/10)即叫即炸，食落有肉汁，鹹香啱啱好！幾好食😋推薦指數: 3/10不可一不可再，好難食😂

約朋友食晚飯，喺佢公司附近的酒樓，雖然之前都來食過，記得質素好似唔錯。6:30左右去到，酒樓冇咩人，環境闊落。晚飯餐單，圖文並茂，孖寶都算抵食，仲有$28特價的走地雞或者 冬瓜盅。未齊人，點個小食先。沙薑豬手$68 沙薑味濃郁，香而不鹹，豬手厚實，好似食緊骨膠原。孖寶套餐$398 ：上湯龍蝦，& 脆皮童子雞。上湯龍蝦🦞：比想像中多肉，以為一斤左右的龍蝦應該細細隻，原來份量都唔少。龍蝦肉新鮮緊實，伊麵沾滿滿龍蝦汁，唔錯。脆皮童子雞：雞皮脆口，雞肉嫩滑，點上甜甜地的黑豉油，口感唔錯。特價冬瓜盅$28 ，原來都好大一個。材料豐富，味道有少少偏鹹。三個人連加一茶錢，買單$600。晚餐環境坐得舒服，侍應也非常勤力，食物質素唔錯，可能在工業區，所以晚上比較少客人，但如果想慢慢傾偈，坐得舒舒服服，的而且確是不錯的選擇。

上堂前當然要填飽個肚，趁仲有好少的時間，去左位於企業廣場一樓茶樓到飲茶，只有半小時的時間所以我叫左湛江沙薑雞，清炒菜心。⭕湛江沙薑雞入口即融，非常滑，不鞋，配上自家制沙薑汁非常惹味，簡直同白飯非常夾。⭕清炒菜心口感清甜香脆，軟腍適中，菜心非常新鮮，爽甜。個人感覺：環境乾淨，服務良好，坐位寬敞。

天下無不散之筵席。以前成日話逗完雙糧之後就是跳槽離開公司的季節，不過現在一年365日都有同事人來人往，或許已不再是因為轉工，而是 - 移民，雙糧都未必等。這頓告別宴，是歡送下屬 C 小姐，她將會舉家移民英國。回想過去在工作上並肩作戰，眨吓眼就要離別。大伙兒去了飲茶，食物水準好壞參半，這不就是人生的寫照嗎？先講做得好，再講做得比較遜的部份。好吃代表有「鮑魚燒賣」$45 / 4 件，新鮮出爐煙霧離漫：「金箔鮮蝦餃」$42 / 4 件「秘製沙薑豬手」$68冷盤來的。豬皮彈牙，骨膠原滿滿，豬手完全吸收惹味的沙蓋汁：吃下去味道多了層次，咬下咬下又一件送到嘴裏，對我來說是完全沒有抵抗之力 XD「山竹牛肉球」$24，肉腍滑，燙嘴：「鬼馬帶子腸粉」$58，其實就是炸兩，切件垂直放再面放帶子片。炸兩新鮮夠脆，是好吃的重點：要了兩項賀年點心，給 C 小姐回味。「香煎芋頭糕」$24「南瓜煎堆仔」$24，賣相有點意想不到，有被 surprised 到：煎堆仔剪成三角錐體，外皮香糯脆口，內裡南瓜餡不太甜，比奶黃或芝麻餡更健康：再來是煎炸系列，「七味豆腐粒」$58將切粒的百福嫩豆腐上粉炸至金黃，再灑上七味粉，不錯

平時飲茶飲黎飲去都係個間，今日終於去間新ge試下，撞正午飯時間，超級多人，侍應超忙，做到冇停手，但都好有禮貌，唔錯抵讚。🎃南瓜煎堆🎃冇得輸，好軟熟，但又香脆，芝麻味好香，又唔會過甜，高質高質。🦐金泊蝦餃🦐呢個就差d，d蝦餃皮痴埋一齊，好濕，而且偏厚，但勝在蝦肉夠多，但整體失色。🐥有雞先定有蛋先🐥見佢咁可愛先叫，其實係鹹水角配芒果布甸。鹹水角皮超厚！超厚！超厚！好似食緊麵粉咁，唔得唔得👎。布甸味道偏假。評語服務唔錯，點心名稱用心特別餐牌煎炸點心較多，價格中等位置偏遠，唔就腳

老友請食晚飯，大家都住東九龍，於是相約去呢間喺九龍灣工業區嘅酒樓，諗住比較清靜，方便傾計同可以坐得耐啲吹下水，果然6點半去到真係冇乜人。在報紙剪低咗張優惠券，可以用38元食個羊腩煲兼每人送一碗臘味糯米飯，另外再叫多個398元嘅晚飯三寶。首先上檯嘅羊腩煲，羊腩份量都唔少，唔會淨係得啲骨，羊腩都大大嚿，夠淋又入味，另外配料有支竹、馬蹄、冬菇，但係就冇冬荀，除而代之嘅係粉葛，比較特別。碗臘味糯米飯就較黐立立，口感同味道都好一般。晚飯三寶就有燒腩仔、西芹蝦球炒雞柳同埋清蒸石班。燒腩仔賣相都唔錯，係五層肉但唔會話好肥，皮十分脆口。至於碟西芹蝦球炒雞柳就一般般，蝦炒得過熟，唔夠爽口，西芹咬落去有渣。最特出嘅都係清蒸石班，師傅蒸功一流，時間掌握得好好，條魚都算唔細，肉質好嫩滑。

放假同屋企人去遠少少飲茶因為掛住佢地的南瓜煎堆黎到大把位都吾洗點等好耐無黎點知令人好失望😢下吾茶超少點心共人選擇免強下都選左5款點心極品燒鵝瀨粉個碗靚左但分量少左豉汁蒸鳳爪臘味糯米包蜜汁叉燒腸有點太甜紅燒乳鴿（1隻）仲要懶得切🤦🏼‍♀️

這一間酒樓在九龍灣企業廣場已經很久了，在工業區入邊，集團式的酒樓算比較便宜。晚上來食飯，由於這裏比較近工業區，附近又有MegaBox，所以很容易找到位，加上價錢又比得附近德福廣場，或者MegaBox的酒樓平好多。跳舞雞，即係脆皮燒雞，但以一個特別的形象出現，一定係相機📷先食。雞比較細隻，但係皮燒得脆，肉嫩多汁。燒鵝上來的時候已經凍了，皮已經唔脆，但味道是可以的龍蝦伊麵，龍蝦肉都頗多，伊麵底，除咗芡汁比較濃，龍蝦肉質也比較新鮮菠蘿生炒骨，比想像中好食，酸酸甜甜，生炒骨經過炸，入口時外皮還是脆的。野菌炒飯，料頗多，飯炒得比較乾身，唔會太油總括來說，食物質素還是不錯的，比較遺憾的是，侍應生非常少，服務一定有不周到之處，出去收銀處埋單的時候，收銀姐姐態度頗差，黑口黑面。

訂了一席蛇宴，真令人失望！食材非常不新鮮，蛇羹放了大量胡椒以辟去肉類的不新鮮，事實上蛇肉也不多，混集了很多其他不知名肉類。炸蛇丸有酸味，更換後更惡劣，竟有宿臭味，真不怕會食壞人嗎？炸子雞不知是那時的倉底貨，肉質是梅的。 服務員難以召喚, 亦無心工作。玻璃杯很多都有污漬。又沒有事先擺好餐具位數，要逐樣吩咐添加！富臨集團的食肆真的是無言，以上的食質與服務問題存在已久，多年來一直沒有改善，到底係無心改善還是有心無力管理？機會一次又一次的給了，但仍令人失望！請問富臨，人生有幾多次機會？貴公司真是飲食業的恥辱！

呢個場夠大，禮拜怕等位，純粹貪方便。十點幾到，就嗌住啲十一點前叫得嘅嘢先。同巨盒有一定距離，所以呢間酒樓反而少細路，成人長者居多，相對冇咁吵耳，係啲椅背起哂漬，天花燈黐哂塵，布簾都披哂口......唔想盤算咁多，嗌咗個組合四$208，唔明中華沙律面頭無啦啦有幾粒花生，再襯分蹄係咩玩法。其他諸如春卷、蝦餃都係普通酒樓質素，海蝦伊麵算係多蝦，有8隻，冇乜雪味，汁底啱啱好夠成碟伊麵撈勻。到十一點後，陸陸續續有客叫嘅乳鴿被推車仔而出，原來$38兩隻，叫左一籃子，真材實料原隻上，附上較剪自己拆骨，肉唔多，唔駛點淮鹽都夠味。

中午去開Mega Box，就同老人家過來飲茶，lunch time都好滿座。一入到去就見到乳鴿同煎堆一車車咁推出來， 差不多枱枱都有叫。好明顯係一個重要的signal → 必食😆原來午市做緊買一送一，我地當然不能錯過。 乳鴿上枱熱辣辣，皮脆肉嫩，咬落多汁， 絕對抵食！👍煎堆仔的賣相同顏色都相當吸引，四個大大粒都係$20。火喉炸得啱啱好，外面脆 內裏煙韌，甘香可口， 果然值得叫。😋其他點心就不過不失，可能我地食完乳鴿 同煎堆已經好飽，無法再細味😆估唔到呢個午餐有驚喜😋