盈暉海鮮酒家

營業中

休息中

通常幾位同事一齊食lunch，我哋都會揀去茶樓飲啖茶，食吓一盅兩件，叫下小炒😀今次來到這間茶樓，地理環境10分方便盈暉酒家，位於長沙灣廣場2樓最方便之處，這個商場位於地鐵站上蓋A出口電梯一上，就已經可以踏入商場 👏👏這間酒樓的點心正正常常，幾好食鴛鴦炒飯好大碟，多汁，個炒飯底好香而且他們的價錢都比較親民，唔會太貴酒樓嘅範圍好大，等位唔算太難，如果人多的話，提議預先打電話去訂座😄📍盈暉海鮮酒家荔枝角長沙灣廣場2樓

昨晚14/3/2024同事搞升職宴， 响荔枝角道長沙灣廣場2樓 呢間盈暉海鮮酒家 攪左幾枱.地理環境間隔ok,餸菜其實某程度上都ok, 上菜飲食整體順利 ...但係望望個鐘....食到九點鐘左右,有老細想話食多個壽包,(因已上埋尾壽包) 當時只係九點15分 ,有關酒樓職工人士話廚房已收 ,冇其他食物可再提供, 你知啦…升職晏…同事可能大家同事都想/要盡興少少,攞住酒杯/碰碰杯... 九點半.....經理又已入嚟.. 有關人士及經理, 見我哋未離開好似好不滿咁/ 眼神睇得到(乜而家酒樓吃全包宴都係得兩小時🤔🤔🤔)大家同事都feel到咩一回事 . 經理入埋嚟…職員態度要執嘢., 要我哋走 就係…要/想(清場)..要我哋走大佬呀...😣😔嗰陣時只係九點半… 你話香港飲食業… -婚宴/ 喜慶/ 飲食- 大酒樓嚟㗎😔 自己搞死自己… 唔怪得啲香港人鍾意北上消費飲食( 毫無服務可言 …趕客之都) ~冇得救😣😔🙏🙏🙏 阿彌陀佛

電話查詢過：免開瓶費！環境光猛，裝修幾新淨企理，一晚大約坐半場客左右，唔算嘈食物質素一般，或者我叫嘅都未能反映廚房出品！？深海龍躉兩味 $ 188蒸頭腩魚肉變老，蒸過咗火，而且薑少淹蓋唔到魚腥味，豉油又偏淡，成碟菜式主角變成粉絲炒球呢個反而有質素，雖然鑊氣唔多足，但魚片肉質鮮嫩唔老，魚皮厚而煙韌，膠質濃厚總共 6 大片，而且油份唔多。$188嘅龍躉兩味應該好難搵到有地方做到呢個價錢，實在抵食盈暉小炒皇 $ 98足料，多腰果，但係現成冇再炸過。蝦乾非常香，但偏硬身。仲有啲菜莆爽爽嘅口感，算係合枱地點就腳，仲可以喺長沙灣廣場行下，買啲嘢先再入座，方便之選

今次去嗰家餐廳，真系大滿足我嘅食慾啊👍！第一啖咬落去嗰陣，醬爆帶子鮑螺粒嘅Q彈爽口，簡直係好過癮！跟住食嗰個黃金沙律海鮮卷，啖啖鮮味，咬落去個脆卜卜嘅口感，配上海鮮嘅鮮甜，真係岩曬我口味。瑤柱鮑參翅肚羹滑溜溜嘅質感，佢嗰個湯底做得啱啱好，非常暖胃。炸到唔油膩嘅脆皮燒雞，喺香脆外皮下面，肉質鮮嫩多汁，真系讓我一啖接一啖！飯後甜品，打個壽包來，個蓮蓉夠滑，吃落幸福滿滿！海鮮伊麵個湯底非常地惹味，不過個面量可能有啲細咗點喇。清蒸石斑個魚雖然有少少過熟咗，但鮮甜嘅味道都系出到嚟嘅，打飯時享受晒。總括嚟講，食物新鮮、味道地道，跟埋服務貼心，真系啱晒同三五知己一齊歡聚嘅好地方！👏🥢🍚

Lunch成班同事一齊去飲茶, 好彩唔使等好耐就入佐座, 嗌佐一壹普洱, 一壹壽眉. 鮑汁炆鳳爪: 鳳爪超大隻, 第一次見到咁大隻, 味道都唔差.脆香韭菜角: 呢個有驚喜, 好脆好好食紅燒皇子鴿: 比想像中再細啲, 同埋太深色, 肉質偏實.懷舊鵪鶉蛋燒賣: 味道反而比較普通蘿蔔糕: 都係比較普通的味道.懷舊廣式煎薄撑: 食佐幾次煎薄撑, 發覺唔係自已喜歡既味道.盈暉蝦餃皇: 唔係太鍾意蝦餃浸皮.蟹子燒賣皇: 都係普通正常味道蔥花炸兩腸: 够大份, 炸兩够脆.煎釀虎皮尖椒: 食尖椒辣唔辣係睇彩數, 今次好辣, 唔太敢食.焗叉燒餐包: 叉燒餡比較少, 麻麻地.蒜香鮮蝦春卷: 春卷一向都好好食.

早上約了舊同事聚會，飲早茶有優惠比中午茶飲平好多🎊。荔枝角店位置方便.相約了9點先到先取位。🙏朋友先到，但都不用等（有可能是平日關係）早上（7:00至11:00）孖寶$31.80🎊👏叫了2個孖寶點心：味道都唔錯😍我們坐到11點前才結賑離開。開心早晨🎊👬

收成100個餸碟頭細，一個餸入面兩樣嘢，基本5個人都無每人一件，真係離曬大普！怪不得港人北上消費啦，服務態度差！睇個價錢唔覺得貴，餸嚟到就覺得唔掂啦！一個態度衰都已經唔掂啦⋯⋯仲好幾個都係咁，最後連執枱差D飛個汔水罐埋嚟，根本無望住個收餐具車就向側邊飛，差D比佢掉中！咁嘅態度，頂！永不再去啦，所有酒樓唔開我都不會再去！有外勞睇你班人仲有無得咁巴閉，寸嘴行遠D啦⋯⋯到時做都無得你做添！請伙記請著哩D，真係倒米！

今日去左一間超級熱酒樓，大家怕熱既人最好唔好來飲茶，野食幾好未都無用，好熱，又打開後門走哂冷氣，絕對係趕客走既酒樓，大家怕熱既人最好唔好來飲茶，大家怕熱既人最好唔好來飲茶。

舊同事聚會揀了在長沙灣, 因為另一家酒樓已經執了, 就選了呢一間.地方算係闊絡, 枱與枱之間都唔會太近, 招呼方面, 兩小時內就只來過一次換碟, 茶壺打開蓋好耐都無待應睇到, 要叫先來加水.一行七人, 叫了個六人餐再加一個小菜.最快來到的係乳豬半隻, 話就係半隻, 實際三分一都無, 大約就係10-12塊左右, 平均每人分唔到兩塊.雞絲翅好稀, 可惜套餐又唔可以轉為燉湯 (都係另一家比較靈活)然後六隻釀蟹蓋, 呢個可以, 新鮮炸出來夠熱夠香脆.蜜豆帶子吊桶仔, 正正常常無特別.蒸魚大約一斤重左右, 蒸得剛好, 可惜打鱗一般, 魚背及腩位都有鱗.半隻燒雞最正常, 真係半隻無呃你. 雞件比乳豬仲要多, 每人最少分到兩件上湯菜苗份量正常, 七個人都夠分.然後就係炒飯, 紅豆沙, 豆沙包, 西瓜, 呢D無乜特別就唔講了.一份半圍的六人餐, 食了超過90分鐘, 因為上面的菜用了超過80分鐘先上齊, 每次係都幾圍枱的菜一起出的,而且我們額外點的咕嚕肉, 手寫單有寫, 但無入機, 結果我們最後取消了.個餐1180, 連多一位的茶錢加一, 平均每人171, 但真係唔多值.

有D唔係好明點解咁多人排隊春卷食到有石仔，好彩吐咗出來，（其實牙肉有啲痛）同埋好彩唔係小朋友食到！腸粉個皮厚同唔滑蝦餃個皮都係好厚，成塊皮冇食同埋好似好唔夠人手，好多枱叫好耐先有人幫手。大家食嘢時小心啲。

放假約埋三五知己飲茶✌🏻✌🏻✌🏻朋友住附近，所以嚟咗荔枝角酒樓環境都唔錯唔會太嘈 早上9:30前落單 會有優惠，朋友早到落咗單先 黎到發現佢叫咗足足差唔多30籠點心😂😂😂牛肉球好淋身，奶皇包餡有蛋黃好香👍🏻👍🏻👍🏻

防疫措施解除，三年後的今天終於可以一家人來個大團圓，年初二食一頓開年飯。選擇中午時段飲茶，訂好檯不用等。進入酒家一眼望去都是大圓檯為主，人人高高興興品嚐美點。我們也不例外，點了大堆美食。開年又怎少得吃雞，皮脆肉嫩，味道很好。素菜配搭好，不油不膩。新春來個橫財就手，豬手件頭大，肉質爽口，醬汁濃厚，惹味。飯質黏糯有口感腐皮煎得香口，餡料漲滿。面層佈滿蠔仔肉，但煎得不夠焦香。帶酒香，豬仔腳一開二，容易吃，又夠入味。懷舊點心，吃得滿滿油光卻不感膩。大大粒，口感結實鳳爪淋滑，汁液浸泡均衡，鹹甜適中。包身軟熟，內裏的香菰雞肉也充足。以半個椰穀盛載，內有粒粒西米，口感軟綿，帶著陣陣椰香，甜度適中。

是日與家人一起食晚飯，慶祝父親節！今年的父親節對我們來說別具意義！我地點咗八人套餐，餐單上有龍蝦伊麵、泰式烤乳豬全體、蒸沙巴龍躉、脆皮燒雞等。每款食物無論賣相與品質都色香味俱全，令人食指大動。酒樓的服務員殷勤有禮，幫忙換碟斟水。由於當日是星期日兼且是父親節的關係，酒樓內都幾乎坐滿食客，服務員都忙得不可開交。食物送上來的時候標住煙，熱氣騰騰。我們急不及待率先品嚐烤乳豬，皮脆肉嫰，令人不禁食完一件又一件。可惜Quota有限，只能淺嚐。能夠與家人一起分享美食，真的心滿意足了！

長沙灣嘅酒樓晚市唔算多人, 可以同三五知己歡度整晚, 唔會限時, 悠閒暢食, 今次食左呢個叫”乳豬全體海斑全包宴”半席 ($1080星期一至五)席內已經包咗茶芥加一及六罐啤酒汽水🥢泰式烤乳豬全體 (半席半隻)乳豬熱辣辣, 但係皮較硬, 肉嫩有汁, 不太鹹, 乳豬醬似普通嘅甜醬🥢上湯芹香生蝦伊麵蝦新鮮味質地爽彈, 伊麵嘅質地亦幾好咬口, 唔會太淋, 醬汁牛油味重🥢碧綠醬爆帶子墨筒😋炒得香口惹味, 帶子及墨魚筒新鮮, 配料有蜜糖豆及紅椒, 醬汁味道啱啱好🥢香草黃金釀蟹蓋😋睇落細細隻, 不過有驚喜, 蟹蓋大約七cm, 蟹蓋面沈左少少香草, 內裏有蝦, 蟹肉及墨魚膠, 彈牙有口感, 好味🥢蟹肉海皇花膠燴素翅湯比較清稀, 唔算太鮮甜, 味道屬正常一般, 湯內嘅料頭亦唔多, 裏面有蝦碎, 魚翅及蟹肉🥢清蒸大海石斑😋海斑仔好新鮮, 蒸得啱啱好, 豉油調味亦恰到好處, 讚🥢脆皮燒雞😋雞皮夠脆, 熱辣辣, 而且肉嫩有肉汁鮮竹雜菌浸時蔬腐皮太韌似橡筋, 雜菇菌夠多, 大大碟, 菜心嫩口🥢欖菜肉鬆炒飯 😋炒得乾身唔油膩, 調味適中, 肉碎嘅肥豬肉比例唔多, 健康嘅炒飯蓮蓉桃包壽包外皮鬆軟, 裏面蓮蓉軟滑合時

因為爸爸喺附近番工 所以間唔中都會嚟呢到陪佢飲茶🫖飲茶食嚟食去都係嗰啲 但係我每次嚟都一定係食佢地嘅咕嚕肉同流沙奶黃包咕嚕肉外皮炸得超級脆 肉質夠彈牙爽口 流沙奶黃包真係真愛 摵開超流心 而且鹹蛋黃醬沙沙地 鹹香十足