盛八日式火鍋放題店 (已結業)

這天我和幾個好友第一次到旺角"盛八日式火鍋放題店"食日式火鍋放題~踏入餐廳給我第一個感覺是空間感好大,而且坐位之間也不算迫;加上充滿和風氣氛的環境,感覺都幾舒服!這裡的日式火鍋放題有幾款套餐選擇,而我地就揀了HK$388(一人前)日本飛驒和牛放題~可以在90分鐘任食日本飛驒和牛, 澳洲貴族和牛, 特上美國牛肉和特選豚肉;以及自助bar的火鍋配料, 刺身, 甜品和飲品任飲!為確保新鮮,所有放題的和牛和豚肉都要向侍應落單;而火鍋的配料就以自助形式任取!估不到自助bar又幾乾淨企理, 加分!至於火鍋配料的選擇都算多,有齊一般打邊爐必食的,而且大部份都好新鮮乾淨!更有冷麵/冷烏冬/喬麥麵和中華沙律/螺肉/粟米粒等冷盤;亦有多款刺身任點任食~雖然件頭較細, 但都好滿足!仲有炸餃子, 炸三文魚扒和細心到連日式咖喱牛腩都有,白飯更是任添!最估不到是火鍋放題竟然有甜品專區,而且更有十多款甜品選擇~有綠茶布甸, 焦糖燉蛋, 粟子蛋糕, 芒果慕絲杯, 曲奇, 啫喱糖, 雪糕,甚至連朱古力噴泉和綠茶噴泉都有, 勁!聽講這裡的甜品是由前酒店師傅主理的,怪不得我還以為自己去了酒店食甜品buffet!還有汽水,

對於產後修身一事已經放棄了(苦笑)，和老公去盛八吃一頓和牛壽喜燒！九十分鐘任食任飲，主角當然是飛襌和牛。湯底有好幾款，有些比較重口味，亦有清淡的昆布，不過講明吃壽喜燒，那當然是選擇壽喜湯啦！其實這一類主打牛肉的日式涮涮鍋不是什麼新鮮事，而我覺得盛八最stand out的是它比較寬闊的環境，私隱度高。我和老公兩個人可以有一張打橫的枱，面壁食總好過撘枱食！日本極上飛驒和牛嚴選豚肉主角飛襌和牛片和豚肉片。吃得出比一般任食質素高一班！而這裡除了肉，還有不少火鍋料，都是一般吃到的種類，不過幾新鮮，比出面任飲任食的打邊爐好好多。但仍然有其驚喜的地方：其一是它的秘制醬汁，這個可不容易找到，當中已黑胡麻醬我最欣賞，沾牛肉吃，無敵正！還有就是這裡的甜品站，多到再多幾個胃也吃不下那麼多！尤其是如果你是綠茶控！飲品選擇亦不少，除了碳酸飲料外還有紙包飲品，也有茶包熱水，最適合我不喝汽水的人。肉類下單不久就呈上，所以九十分鐘夠我吃個飽。老老實實，有和牛任食，我亦沒特別去吃外面的打邊爐料，甜品或刺身了。眼闊肚窄，其實我內心是十分之想吃盡所有綠茶的甜品呢… 

朋友約去打邊爐，而為去邊度食咁神秘，原來黎盛八食和牛，正呀，和牛火鍋放題，今晚要豪食啦。上到黎，環境乾淨濶落，抽風做得唔錯，無乜味，唔怕搞到一身係。落完order即刻出去睇下有咩攞先，有火鍋料，甜品櫃，咖喱飯同刺身！！好多野食呀！醬油同酸汁，隔離仲有各種調味料。汽水機，果汁機，飲品櫃，可以自己搞fruit punch哈哈。擺得好靚各種蔬菜，丸類，麵食，仲有最愛嘅年糕，年糕打邊爐真係好正架！冷麵corner，自己揀配料，好味。其待嘅和牛黎啦，一種係澳洲和牛，一種係日本飛蟬和牛，脂肪分布平衡，一睇就知正野。叫左蕃茄湯底，甜甜酸酸嘅湯底同和牛勁夾，入口即滆，齒甲留香。食完牛，用充滿牛油嘅湯底黎淥菜同烏冬，真係又滑又嫩，好味好味。食完咸又係甜品時間，有朱古力噴泉，桂花糕，啫喱糖，雪糕等，食完放鍋要食雪糕是常識吧，哈哈！

近年香港飲食界放題化，加上和牛被譽為高貴食材之一。在超市買一小盒都要百幾二百元。所以我就寧願光顧和牛放題，今人和朋友在旺角睇完戲，到了一間樓上舖，叫盛八的日式火鍋放題店。上到樓，門面裝修極具日式風格。火鍋有3種收費選擇，有美相伴就更係(陳豪)D，選了$378，叫日本極上飛驒和牛放題，時間為90分鐘，肉類放題包括日本極上飛驒和牛、澳洲貴族和牛、美國特選牛肩、美國進口牛肉和嚴選豚肉。湯底選了黑蒜豚骨濃湯。既然放題，集中食前3款。美國特選牛肩，肉質實肉味濃，極有口感。澳州貴族和牛，脂肪少肉質鮮嫩，牛肉味濃郁，彈牙可口。好味！日本極上飛驒和牛就無得彈，脂肪分佈均勻，有如雪花，放入口即溶(脂肪)，牛味無澳牛咁重，但個種油而不膩感覺，久久在口腔中盪漾，百感一絕。叫多一轉已值回票價。加上有刺身和多款小食，打邊爐必配料。小食就螺仔肉是我鍾愛，重有甜品和雪糕，我個人就推介木糠布甸。臨走時店員通知我遲有款新湯底，食日本極上驒和牛時，配合得天衣無縫。食多D都唔怕膩，下次一定要試。 

不用多說，旺角這地區，就是雲集各方美食的盛地，但是，要在此地尋找美食，可說是「易」、亦可說是「難」... 說其「易」，的確食店在旺角可謂無處不在，而且形形色色，比比皆是；說其「難」，因為選擇太多了，要尋找一間真正的美食，可謂難，尤其要尋找平、靚、正的，更是難上加難！當然，旺角吸引的地方，不單單在美食上，而是充滿著娛樂性，上星期五，放工後，約了朋友行街、食飯，友人一出現，便遞上一張傳單給我看，是「盛八」的單張，盛八的燒烤一向有名，當時，不以為然，只聽到友人說已訂位，於是一口答應便隨他往食店去。來到店前，始發現這店是日式火鍋放題店... Haha，原來是我烏龍呢！不過，試試新嘢也不錯喔！店子位於通菜街威達Deli 2商業大廈的3樓，通菜街是有名的女人街，地方便利，樓上舖地方寬敞，門前的吉祥物，非常可愛！大家知不知道這個是什麼湯底呢? 其實係黑蒜豚骨濃湯；而另一主角方面，我們點了「日本極上飛驒和牛放題」，當中包括了：日本極上飛驒和牛、澳洲貴族和牛、美國特選牛肩、美國進口牛肉及嚴選豚肉。坦白說，雖然我平時打邊爐時都必備牛肉，但不算講究，一般只懂選雪花肥牛... (真失禮呢 -_-#) ，今次是

想打邊爐、又想食刺身、又想食甜品…點選好呢?!最後我一次過滿足晒所有願望…來到盛八日式火鍋放題店~一提起盛八 , 就會想起燒肉…原來已開了火鍋放題!!!哈哈..我一來到已好興奮, 看到多款食物,滿足晒所有願望!開動!!!!有幾款牛肉放題供選擇, 可依自己喜歡哪種肉類~我就點了飛驒和牛放題 ($388) ,這個除了日本飛驒和牛,還可任點澳洲貴族和牛、特上美國牛肉、美國牛肉、特選豚肉 , 實在是牛魔王既天地!湯底方面都有6款選擇: 昆布海鹽清湯、黑蒜豬骨湯、蕃茄濃湯、辛口韓風泡菜湯、日式咖哩湯、甜醬油湯~額外加錢就可改為鴛鴦湯底 , 就來個昆布海鹽清湯、黑蒜豬骨湯、蕃茄濃湯、甜醬油湯~我每款湯底都嚐了一小口..XD昆布海鹽清湯確可飲到清清的昆布味道, 涮肉類能帶出原始味道, 而我就喜歡用來涮蔬菜~蕃茄濃湯的確很濃..就像是蕃茄老火湯水..XD 酸酸甜甜, 令人開胃~黑蒜豬骨湯...我稱為重口味之作...XD 因為真係好有蒜味 , 涮完的牛肉佈著蒜香~四款當中我最愛還是甜醬油湯 , 用來涮牛肉增添美味度~除了湯底，醬汁同樣多款，就隨自己喜歡混醬吧～來啦..來啦.. 飛驒和牛~油花密而細緻,

雖然天氣已經慢慢回暖，但好似我呢D鐘意打邊邊既小朋友，係咩時候都可以烚下烚下的：）講到烚下烚下，一定不能少既就係肥牛啦!!!但今次食得更豪，我地用和牛打邊邊!!!當堂個氣勢都出哂黎呀>v<記得門口隻牛牛，好搶眼XD坐既位好似一個個浴缸咁，情侶一齊食成件事就變得好Sweet >////<雖然都幾搞笑，但其實幾有私人空間，成班朋友細聲講，大聲笑都沒問題。我地今次一大班決定豪食最最最頂級既日本飛驒和牛放題。人多我地揀足4個湯底黎試XD蕃茄濃湯：香濃好味，但碌牛就無乜牛味，妹仔大過主人婆XD但碌其他配料就冇得頂!甜醬油湯：食牛必備的完美組合，用黎碌粉絲都好正架，但都幾濃味，粉絲食唔到太多。昆布海鹽清湯：清清地，嗒落昆布味慢慢滲出黎，唔太搶食到個牛牛既鮮味。黑蒜豬骨湯：重口味之選，頭一啖湯真係濃味到有少少苦，但食多幾轉之後，其實又幾有性格，不過真係唔好淨揀呢個湯底，唔係變哂蒜味牛架啦XD等緊個湯底滾既時候就緊係去混定醬，拇定配料啦：）醬料都幾多選擇，個醬油又真係唔錯，淡淡適中，加返少少蒜同辣椒，正!就咁點七味粉都幾好架。配料都幾多款兼吸引，麵都過埋冷河等你拎走，滾

話說我和母親大人都好喜歡吃放題，可以放肆大吃特吃！這次我們來到了盛八日式火鍋放題店，試試非常高級的和牛火鍋任食！食火鍋除了材料重要之外，當然湯底也是關鍵！它有基本6款的湯底可以選擇，還有兩款特別一點的湯底，我經常手腳冰冷，就試試這個藥膳長壽豬骨湯。藥味不會太濃，不喜歡藥材味的朋友也不用怕，這個絕對可以接受！豬骨味很清甜！這款日本和牛肉很軟很滑，一吃就知和普通肥牛是有差別的！很有牛味，我和媽媽吃了兩大碟！雖然盛八的和牛是皇牌，豚肉也不可以小看！肉質嫩而不膩，又encore了一碟！還有各款刺身~火鍋例牌的丸都有齊，其他火鍋材料和粉麵都有，水準也是不錯的！蔬菜也有很多款，也頗新鮮的！飲品有各式汽水，果汁，還有茶和啤酒，全部都是任飲的！第一次看見吃火鍋的地方有這麼多款的甜點，我會推薦木布丁和芒果布丁，雖然好飽，但也真的要吃這兩個，木布丁甜度適中！最厲害的是我發現有朱古力噴泉，還有綠茶味的，小朋友看到真的開心死了！

我非常喜歡吃火鍋，無論冬天夏天都不減我對火鍋的熱愛上星期就去到試試新開的盛八日式火鍋放題店舖位於女人街裡面側邊的小巷上，位置不太好找店門口設有一大個可愛的牛公仔店佈以簡約的全磨以深色楓木為主，環境舒適猶如高級日式料理店酒店式的自助餐吧提供火鍋配菜，種類都非常多喜歡吃什麼自己吃多少拿多少，大胃王的最愛而且還備有小量熟食，更有刺身吧，提供新鮮的日式魚生醬料種類也特別多，一定找到啱你口味的醬料甜品選擇也非常多，不論你是否甜點殺手也忍不住把它全部KO掉飲品同樣選擇多，同樣是任飲的哦湯底共有6款口味選擇，包括辛辣韓風泡菜湯、和風咖哩湯黑蒜豚骨濃湯和麥茶壽喜燒等，每款各有特色，比其他的火鍋店湯底選擇特別多我們就選了辛辣韓風泡菜湯+黑蒜豚骨濃湯我們今次選擇了最貴的日本飛驒和牛放題每位成人HK$388，90分鐘任食任飲包括任食日本飛驒和牛、澳洲貴族和牛、特上美國牛肉、美國牛肉、特選豚肉飛驒牛曾連續三屆獲得全國和牛能力共進會最優秀食用牛肉獎地位比神戶牛、松本牛更高口感充滿肉汁、肉味豐富的油脂帶甘甜，肉質幼嫩腍滑不靭不柴，不油不膩其他的火鍋配菜同樣選擇多又美味新鮮甜品同樣非常有驚喜，這個法式焦糖燉蛋超好味

 同朋友行完一日街，好肚餓，同朋友決定去食放題醫醫肚！最後決定試下新開的盛八日式火鍋放題店環境幾闊落，坐得舒服我們選了日本黑毛和牛任食，有五款肉可以揀環境衛生都幾好，食物不會放太多出來，以防唔新鮮，侍應會定時拿去廚房補充食物！刺身質素都唔錯，幾新鮮，如果每次可以拿多兩片就好！不同特色前菜，我比較鍾意茄子！啤酒、果汁、汽水是可以任飲的，正！火鍋湯底有6款可以揀，我揀佢地新出的藥膳湯底，有淮山紅棗杞子，可以補補身！牛肉有口感，不會un，軟稔度適中，因為是和牛的關係，牛肉味特別濃！平時出街打邊爐牛肉任食好少會有和牛任食，可以一次過吃個飽！豚肉肉質都好彈牙，唔會有「騷」味。火鍋配料都好夠，各種丸類、蔬菜都有，生菜好爽甜！最欣賞是麵類都有很多款，火鍋竟然有我最愛的拉麵，真係估唔到！甜品種類都唔少，有雪糕、cheese cake，仲有朱古力噴泉，不得了！如果你係牛魔王，一定非常鍾意呢個火鍋火題，值得再去！

上網見到依間開左冇耐嘅日式火鍋，就決定去試下！因為佢新開不久有做團購所以都唔少人去食！整體裝修都唔錯，只係佢二人卡位比較迫少少！我今次係多$258，可享用90分鐘澳洲貴族和牛放題，我總共叫左五轉，質量口感肉味算係唔錯，但都有啲參差！佢同其他唔同嘅，係佢有魚生吧，有几種唔同嘅刺身可選擇！佢除左包裝嘢飲之外，仲有果汁機同沙冰機，但聽說佢哋食物同飲品共一百種，每日都唔一樣，所以你次次去都有唔同嘢食同飲！我鐘意佢個午餐肉品質唔錯，油炸鬼吸左佢個黑蒜豬骨湯底好好味，佢個特選豚肉都唔錯，有啲彈牙感覺！仲有佢醬汁都有好多種，芝麻醬都有三四種，溝埋曬都幾惹味！甜品亦有紅豆沙、蛋糕仔、雪榚同朱古力噴泉，我就聽經理教拿個雪糕球去個噴泉整脆皮雪榚，不過佢朱古力硬左啲，同味道一般，不過都幾好玩！整體嚟講值得試下，服務亦相當唔錯，唯一不足係菜類選擇少左啲！

今天下午在銅鑼湾渣甸街茶餐廳叫了一碟頭飯＋杯飲料，埋單77蚊，晚上跟朋友去試新開火鍋放題，任食任飲埋單每人吾洗二百，比起中午餐茶記真係大快人心！我諗年青人食日本菜，放題巳經成為主流，去到呢間店大多數係後生仔，可能旺角區吧。食品質料，牛肉吾錯另外有幾款魚生，因要主攻肉類所以冇食甜品區好豐富，有酒店自助餐甜品水準食了一個多小時巳經飽到砌不下去，因為飲了很多任飲啤酒，今晚用餐經歷告訴我現在放題比以前平靚正了很多！