盛八日式火鍋放題店 (已結業)

盛八日式燒肉就食過好多次對佢d野幾有信心今次就試下盛八既shabu shabu兩個人食既關係我地被安排左坐係一格格既卡位私隱度高傾計大聲d都唔怕騷擾到其他食客我地揀左我最鐘意既喜壽燒sukiyaki湯底掛住食 , 已經唔記得左影相呢回事喇嘻嘻等湯底既期間出去攞野食先原來依度有刺身可以任食有三文魚 , 八爪魚 , 鯛魚 , 玉子正 !我淨係要左港人至愛唔使排隊 , 即叫即攞仲有冷盤小食中華沙律日式凍螺肉串燒其他丸類 , 菇類 , 菜類 , 麵類選擇唔算特別多不過都算好齊全~~ 牛肉出場 ~~今次我地小試牛刀試左個最平既套餐$198既美國特選牛肩放題牛肉切得好薄放入滾湯煮10秒即刻可以食肉質軟熟又無根配埋我最鐘意既sukiyaki湯底好食見到人地d飛禪和牛好正打算下次再黎一定要試下佢！豚肉一樣切得好薄但味道就不及牛肩肉咁出色有小小豬肉既騷味食左一碟我地就無再叫lu雞肉係我最食唔慣既佢係經醃製既味道似係日本食到既炸雞佢完全就係果種味道而且雞肉過份地冧對我黎講灼黎食既感覺怪怪地平時打邊爐我地習慣要加湯或者加水係依度可以選擇加佢地自家製既麥茶有助消滯飲品選擇多除左上面依d果茶 , 啤酒仲有汽水機

今日想打邊爐，所以就同老公來試下盛八打邊爐，我們都好鐘意食盛八燒肉個個和牛，所以就對呢間野有d期望，來到系門口就要選擇湯底，我們選擇左最貴個個，食d令d的牛肉，因為我同老公都好小留意餐牌，所以食左2.3碟肉，先知原來有飛彈牛肉，勁耐先來😂當發現左原來呢個牛肉後，就不停食，因為好好味，有d d入口溶的感覺，另外一提就系個雞肉，雞肉好滑好彈，我煮左好耐都無un同(鞋)的感覺，其他的都無乜特別好食，個芝士腸都ok的，甜品我覺得5好食，連雪糕都系普通雪糕，好快溶，如果對牛肉有要求，又想食夠本，呢到系1個不錯的選擇，我會因為個飛彈牛肉再來😂

味道一般，ok，但真係唔抵食唔值。種類超少，連最基本嘅金菇都無(金菇緊係配肥牛)，淨係得啲奇怪嘢食，正常打邊爐嘅食物通常都無得食。雞軟骨好似無調味就放係到比客自己用火波爐番熱。限時，太短，食得唔盡興，唔掛得唔洗book台。啲牛無咩特別，食完成個感覺係“自己去街市買超多肥牛返屋企打邊爐好過，至少種類多好多，又抵又好食，而且食得盡興。”

好友見到呢間做團購優惠, 每人三百蚊唔洗就可以任食和牛, 我地兩個都超愛食牛, 所以一於黎食過夠預先book了位, 所以等左幾分鐘就入得喇~入到去, 店內面積都幾大，以木色為主裝潢, 配合燈光感覺都好有日本風格, 唔錯~野飲任飲，選擇都多，有紙包飲品同汽水，仲有特飲教學。醬油配料自己調配，最正係有炸蒜 and 生蒜泥仲有魚生提供，每次每人只限取4片。都算新鮮~湯底有六款可選，包括：自家辛口韓風泡菜湯、日本和風咖哩湯、特選甜蕃茄濃湯、日本昆布海鹽清湯、黑蒜豚骨濃湯，以及麥茶壽喜燒，雙併 +$18。我地揀o左日本昆布海鹽清湯。呢個湯底清清地，可以食番牛肉原味，鮮味。配料都好多！各樣丸、瓜菜及腸，連油炸鬼都有, 不過個人覺得油炸鬼Shabu Shabu黎講怪怪地 。肉質也算嫩,口感煙韌飛驒和牛花紋賣相很漂亮,雪花分佈平均，油脂豐富最後食甜品~試o左木糠布甸and 雪糕綠茶雪糕無乜味，朱古力雪糕內有朱古力粒,好味~總结今次d都算唔錯,又和牛又刺身。抵食!

見到盛八咁多好評就嚟試試，叫咗個298嘅澳洲和牛，d牛第一碟嚟都免強叫可以，點知越叫越差，真係唔食好過食，d芝麻醬又勁甜，完全唔好食，甜品一般，下次真係有人請都唔會再嚟

第一次幫襯, 特登來試飛驒牛, 叫待應推介湯底, 佢話鹽味/喜壽, 睇過之前食評話喜壽正, 叫左先知懶野, 勁甜, 蓋過晒所有味道, 好在檯面有麥茶湯底溝淡, 叫做食得冇咁幸苦, 再講飛驒牛, 好軟淋(應該係脂肪平均的關係, 如果食牛油都鞋口就大濟啦), 但冇牛味, 而澳洲和牛就有牛味但鞋口, 真係針冇2 頭利. 黑豚肉好食, 外面的甜品就一般, 總的來說, 5 會有下次

前陣子走去想食豪少少當然就係選擇放題啦，黎到見到門口都重未有人排，因為當時係５點幾咋嘛，心諗如果要排咁一定好味到飛起，店員哥哥帶我地入去坐低，問我地係咪全部黎一碟先，咁我地乜都食就諗住試下啦，係等既途中我影下附近環境先～內裹裝潢簡約，甚有日本風格，1-2人吃可選擇右邊私隱度較高。店內餐紙有教壽喜燒食法Step1-4 逐步跟著做，右下角有意見表可寫回你的意見在上面換領50現金卷下次使用，真的不錯呢。甜品櫃種類繁多應有盡有，有各類cake、芝痳糊、各款雪糕等等。醬油配料自己調配，各樣丸類、瓜菜類及腸料都有，連油炸鬼也有得吃。飲品也有6,7款選擇，也有魚生等等可提供，但每次每人只限取4片。飛驒和牛花紋很漂亮，光看外型賣相已較我想入飛飛，也急不及待放入壽喜燒品嘗一番.加入了牛的壽喜鍋味道非常香濃，放入了少量瓜及栗米等等吸味。豚肉當然沒牛那樣極品，但口感也非常煙韌。熟了的飛驆牛色澤與花紋很晶瑩剔透，肥廋均勻入口即溶而且爽口，不消兩三分鐘已將整碟牛清掉再來一轉。真係估唔到呢碟牛居然嫩成咁，一啖咬落去完全無根，而已非常嫩口，加埋Ｄ醬汁可說係無敵阿，３百幾蚊食到真係好抵！朱古力雪糕中間夾雜朱古力碎，味

剛去完日本、希臘，返香港後好想打邊爐、食茶餐廳、打冷、韓燒同繼續食日本食物，由於仍放假中，所以蕃茄醬於閒日下午帶我去一次滿足兩個願望，日式打邊爐，蕃茄醬帶我行女人街(即通菜街)，近登打士街與豉油街一段，心諗女人街會有好餐廳？行到一座剛翻新之大廈 Deli2，就跟了蕃茄醬去了三樓的 盛八日式火鍋放題店。由於已過了午市時段，所以不太多人，只見到十多位學生，而午市套餐可選擇60分鐘(由$58-$148)或90分鐘(由$108-$298)放題，當然不同價錢提供的肉類質素相對不同，但相同的是可任取自助食物檯上的蔬菜、丸類、麵類、熟食、飲料、甜品、雪糕..........等，基本上每款食物試一件，已經飽到不能動，而是次行動是為了飛驒牛，當然點了$298 - 日本極上飛驒和牛任點任食，之後就返唔到轉頭了。既然點了最貴的極上飛驒和牛，當然要點個配合的湯底，壽喜燒湯底就最好不過了，更特別是加入麥茶，無咁油膩，另外最好加入洋蔥及大蔥，令湯底味道更出，不過雙蔥要向服務員要求才會提供，由於不同價錢的放題都一定會有嚴選豚肉，所以服務員二話不說就放低兩盤豚肉，之後就上了一板極上飛驒和牛。嚴選豚肉，肉質也算嫩，其實

是日放工約埋三五知己一齊去食火鍋放題，今次就大家近屋企，可以傾耐D，決定試下旺角這間：盛八日式火鍋放題店朋友們今餐話要豪一次！所以我地要左頂級日本飛驒和牛放題~我地仲叫左4個湯底，包括：蕃茄濃湯、甜醬油湯、昆布海鹽清湯、黑蒜豬骨湯貪心可以一次過試多幾個味XD，趁湯底未到，當然出去睇下有什麼食物和飲品可以拿~一入去就比個朱力噴泉吸引！旁邊綠色的是抹茶朱力啊！我知是不合符前後次序，不過我見到這些甜品又忍唔住多幾眼。混醬區醬料都算多選擇：而且喜歡佢地方闊落,不會擠滿人混亂地混醬。野飲任飲，選擇都多，除左一般紙包飲品同汽水，仲有特別地教你自己溝特飲。配料也好多！喜歡食乜就拎乜，我一定拎粟米！這個心形魚蛋係咪好特別呢？麵條裝到好靚~仲有—些已熟的食物，都是放題任食~首先刺身係必食之最！之後係飯，炸物, 前菜，冷麵等。不知不覺, 全張枱都係食物Xd~食物質素是不錯的,刺身ok新鮮。試下店中推介:就是油炸鬼醸了不同的肉,感覺不如分開返佢地更好....因為餡熟既時候，油炸鬼就太淋..講返四個湯底：我最鐘意甜醬油湯，始終覺得佢同牛肉最夾！第二最愛: 蕃茄濃湯十分香濃的蕃茄味,酸甜味可令人更開胃！昆布海鹽

好友知道我是食肉獸，又是牛魔王，推介我來這餐廳吃放題，因有極品的日本飛驒和牛供應，而且價錢相宜，我又怎能不動心呢?也許是平日的下午，又是考試季節，而午市也過了一大半，我們來到時，餐廳只剩兩、三檯客，與日常看慣的旺角不一樣，細看日式的裝修佈局，恬靜無華，彷彿去了東瀛某角落。日式火鍋放題，肉類只有豬、牛兩種，而級數又分美國進口牛肉，美國特選牛肩，澳洲貴族和牛，日本極上飛驒和牛及嚴選豚肉，而最貴的都是$298一位，已有齊上述所有肉類，任吃90分鐘，此外，自助食物檯上還有其他東西，各種丸子，蔬菜，粉麵，甜品，飲品，種類和款式都很豐富。開餐前，先來調較自己喜愛的醬汁，有芝麻醬，沙爹醬，黑胡麻醬等，又可放蔥，蒜，辣椒等，悉隨尊便，而湯底選擇了鴛鴦鍋，麥茶壽喜燒和黑蒜豚骨濃湯，加了大蒜的麥茶壽喜燒散發著芳香的氣味。先取了些墨魚丸，牛丸之類，又吃了些木耳，粟米等，令口腔做些熱身運動，不一會，主角登場。飛驒和牛，日本三大和牛之一，顔色白裏透紅，紅裏透白，紋理清晰，看得令人心醉，揮指在熱湯中輕灼數秒，已可享用，因已吸收了湯底的味道，故不需點任何醬料也很好吃，入口即溶，無渣，軟滑，牛味濃郁，牛脂豐腴，確是牛

繼續旺角 Deli2 的介紹：位於三樓的 盛八日式火鍋放題店，是非常值得牛魔專程拜訪的店子，因為裡面供應日本極上飛驒和牛任點任食！！！ 這裡60分鐘午市放題由 $58 起（一碟豚肉，選吃牛肉就貴些），最貴的一碟豚肉+一碟飛驒牛，就是 $148。也有90分鐘的肉類任點任食放題，只由 $108 起，不過要吃一定推介吃最貴的 $298 的日本極上飛驒和牛放題！ 　說起日式火鍋放題，不少人會馬上想起開了不少分店的 牛涮鍋，又或是旺角人氣紅店 牛気。論環境，其實幾家店子都舒適好坐，而盛八新店還有巨大牛公仔像，特別過癮。店內佔地挺大，以木色為主的裝修清麗舒適，特別我們挑了日間來，自然光投射之下更加悠閒寫意了。　未開始 Shabu Shabu 前，先看看自助項目。這裡的選擇及味道絕對比不上 牛気，那邊真是單吃 buffet 都飽了！　這裡的選擇款式與 牛涮鍋 較近，也是基本蔬菜、丸子、澱粉質類都有一些，較特別是加上串燒。店內也有設有刺生櫃，但午市沒有開，估計晚市會較多選擇。除了串燒，店內也提供咖哩角、炸三文魚餃、白飯及日式咖哩牛，成了當日打底之選。店內有雪糕供應，吃下去似是牛記，還是另外兩家的軟雪

前陣子走去想食豪少少當然就係選擇放題啦，黎到見到門口都重未有人排，因為當時係５點幾炸嘛，心諗如果要排咁一定好味到飛起，店員哥哥帶我地入去坐低，問我地係咪全部黎一碟先，咁我地乜都食就諗住試下啦，係等既途中我影下附近環境先～內裹裝潢簡約，甚有日本風格，1-2人吃可選擇右邊私隱度較高。店內餐紙有教壽喜燒食法Step1-4 逐步跟著做，右下角有意見表可寫回你的意見在上面換領50現金卷下次使用，真的不錯呢。甜品櫃種類繁多應有盡有，有各類cake、芝痳糊、各款雪糕等等。醬油配料自己調配，各樣丸類、瓜菜類及腸料都有，連油炸鬼也有得吃。飲品也有6,7款選擇，也有魚生等等可提供，但每次每人只限取4片。飛驒牛飛驒和牛花紋很漂亮，光看外型賣相已較我想入飛飛，也急不及待放入壽喜燒品嘗一番。壽喜燒加入了牛的壽喜鍋味道非常香濃，放入了少量瓜及栗米等等吸味。飛驒牛熟了的飛驆牛色澤與花紋很晶瑩剔透，肥廋均勻入口即溶而且爽口，不消兩三分鐘已將整碟牛清掉再來一轉。真係估唔到呢碟牛居然嫩成咁，一啖咬落去完全無根，而已非常嫩口，加埋Ｄ醬汁可說係無敵阿，３百幾蚊食到真係好抵！豚肉豚肉當然沒牛那樣極品，但口感也非常煙韌。朱古力雪

早前都有食過盛八日式燒肉店,印象不錯的,早前在附近用餐時又開了一間盛八日式火鍋放題店,當然要回味一下啦。一入門口就有一大隻牛朋友黎歡迎(我心諗:我係黎食你架)用膳環境簡樸舒適,而且十分乾淨衛生。選擇左韓風泡菜湯同日式咖哩湯底。個人比較鍾意泡菜湯底,辛辣之餘還帶點甜味,不錯。咖哩的味道太濃,食牛時搶走哂啲牛味(過左一陣子,牛肉已經同咖哩湯絕緣了)是次選擇了($298)的日本極上飛驒和牛放題, 而且在自助吧的地方有大量自選火鍋配料任君選擇但本人只試了一個咖哩角味道正正常常,没有什麼特別。這款賣相不太給力,沒有食。醬油多款任君選擇,強烈推介胡麻醬同配牛肉一流。日本飛驒牛,肉質非常滑口,幾乎入口即溶,大家將牛淥至七成熟就要上碟,其實不用點醬先慢慢品嚐飛驒牛的原汁原味,食兩三碟絕對回本。日本貴族和牛完全被飛驒牛比下去,坦白講其實是ok的,而且牛肉都明顯的,不過舌頭被飛驒牛的嫩滑程度寵壞了。汽水或者紙包飲品都是無限量供 (值得一讚)

I bought a Groupon deal where you paid $138 instead of $298 for all you can eat shabu shabu for 90 miniutes.The restaurant is located in Ladies Market in a totally new building I had never noticed before. It seemed everyone waiting for a table was holding a Groupon voucher!The layout of the restaurant is .... well ... interesting. At least for two people. As I was there with boyfriend, they sat us at one of the two people tables which was a bit annoying. As you can see from the photo, the table

是日放工約埋三五知己一齊去食火鍋放題，今次就大家近屋企，可以傾耐D，決定試下旺角這間：盛八日式火鍋放題店朋友們今餐話要豪一次！所以我地要左頂級日本飛驒和牛放題~我地仲叫左4個湯底，包括：蕃茄濃湯、甜醬油湯、昆布海鹽清湯、黑蒜豬骨湯貪心可以一次過試多幾個味XD，趁湯底未到，當然出去睇下有什麼食物和飲品可以拿~一入去就比個朱力噴泉吸引！旁邊綠色的是抹茶朱力啊！我知是不合符前後次序，不過我見到這些甜品又忍唔住多幾眼。混醬區醬料都算多選擇：而且喜歡佢地方闊落,不會擠滿人混亂地混醬。 野飲任飲，選擇都多，除左一般紙包飲品同汽水，仲有特別地教你自己溝特飲。配料也好多！喜歡食乜就拎乜，我一定拎粟米！這個心形魚蛋係咪好特別呢？麵條裝到好靚~仲有—些已熟的食物，都是放題任食~首先刺身係必食之最！之後係飯，炸物, 前菜，冷麵等。不知不覺, 全張枱都係食物Xd~食物質素是不錯的, 刺身ok新鮮。試下店中推介:就是油炸鬼醸了不同的肉,感覺不如分開返佢地更好....因為餡熟既時候，油炸鬼就太淋..講返四個湯底：我最鐘意甜醬油湯，始終覺得佢同牛肉最夾！第二最愛: 蕃茄濃湯十分香濃的蕃茄味,酸甜味可令人更開胃！昆布