影片
港鐵炮台山站 A 出口, 步行約5分鐘
繼續閱讀
電話號碼
23858255
開飯介紹
韓國燒烤專門店，燒烤種類多樣化，如五花肉、豬排骨、牛小排、牛小腸及鰻魚等。韓式小食、拌飯及湯類亦應有盡有。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
放工同朋友食韓國嘢，一入到餐廳就覺得超有置身韓國嘅感覺，即刻開返枝啤感受氣氛🍺本身仲諗緊燒唔燒肉好呢🤔但見到人頭$99就可以任食pork belly🐷抵到爆，見到枱枱都燒到好high，於是我同朋友就決定嚟個韓燒！Unlimited Pork Belly $99/per person————————————任食又質素高嘅豬腩肉！一開始已經比好大盤豬腩肉🐷完全唔會吝嗇呀！一片片豬腩肉厚薄度剛好，每件都肥瘦相間，邪惡又好食😆每份生菜+$38，包埋菜加啲配料，成個配搭更加豐富。店員們都非常貼心，耐心解釋點樣燒豬腩肉係確保熟同好味😋有時會走嚟睇吓我地燒成點同幫手燒，超好體驗🫶🏾Kimchi Pancake $118————————————超大份泡菜煎餅！超足料，好香酸酸辣辣嘅泡菜味，加上蔥同洋蔥就更加香，仲有粒粒海鮮！煎到有少少焦香，好香口。Kimchi Soup with Pork $118————————————又係大大鍋又超足料！有好多泡菜，仲有金菇、豆腐、蔥等等，配個白飯，好暖胃。係度聚會實在太正，下次要再Call friends一齊去燒肉！
繼續閱讀
昨晚去左北角韓店食燒肉，彷彿瞬間飛到了韓國。這家餐廳由韓國人主理，周圍的食客也大多是韓國人，真是相當地道。餐廳的裝潢簡約而具工業風，菜單上有各種韓燒、拌飯和湯品好多選擇。今期優惠 $99 任食五花腩，好抵。前菜五小碟小食非常正宗，有泡菜、酸蘿蔔、大豆芽菜、醃青瓜甘筍和薯仔等，讓人食指大動，而食完又可以再加。Pork belly五花肉 (任食) $99/ppl韓式五花肉風味十足，半肥瘦厚薄適中，燒至外焦內嫩，油香四溢。多餘的豬油會從盤邊流入油杯，這樣就不會感覺油膩。將肉片包在生菜中，配上大醬，簡單美味。Korean leek pancake蔥煎餅 $138煎餅大份，粉漿適中，裡面有大量的韭菜和香蔥，還夾雜著少量海鮮。雖然煎得還算不錯，但如果能煎得更脆點就更完美。搭配醋汁食，開胃又美味。Ginseng Chicken Soup人蔘雞湯 $188用上整隻雞釀入糯米，慢慢燉煮而成。湯底濃郁，雞肉軟嫩，人蔘味不太濃，但都幾滋補養生。
繼續閱讀
食一間韓國燒烤，好似去咗韓國咁。先講佢抵食到爛嘅pork belly豬五花腩任食套餐，只需$99/位，一碟碟豬五花腩任叫唔嬲。加多$38/枱，生菜都任叫。加埋佢本身包埋嘅前菜，其實真係可以其他嘢咩都唔叫😂。豬五花腩 (任食$99/位) - 在場韓國職員會教你點燒到”金黃”。五花腩肥而不膩，襯麻油加鹽已經非常香口。就算真係肥，亦可以襯生菜(+$38任食)加辣醬，再唔係襯水冷麵，甚至擺落口即刻灌啤酒，同樣地係上天堂嘅感覺。當然，我哋會試吓其他嘢。水冷麵($118) - 原本諗住用嚟做澱粉質，冷卻一下燒烤嘅肉，點知職員叫我哋連同燒烤肉一齊食，話呢個係當地食法。結果果然有奇效，一凍一熱擺入口，另類享受。CASS啤酒 ($38) - 韓國本土嘅啤酒，味道比香港嘅啤酒略為濃一啲，解膩效果唔錯。要注意唔好擺喺個爐隔離，會好快暖晒。樂天初飲初樂蜜桃味燒酎 ($68) - 聞落去嘅桃味好豐富，飲落去酒精感比啤酒重，但甜度充足，適合女士。咁樣叫法真係十足酒池肉林😂。Pork Belly同其他優惠當然抵食，但其實呢度最好嘅地方係接近韓國嘅環境同服務，服務員都係以英文溝通，佢哋示範點燒同解釋嗰陣，我真係覺得自己去咗韓國。
繼續閱讀
炮台山有間韓國餐廳，店長雖然係廣東話有限公司但都好盡力同食客講廣東話，respect，當然更令人respect嘅係嘢食啦7月過咗一半喇，入到嚟先知今個月有$99任食五花腩，唔嗌就真係對唔住荷包喇本以為咁平一定係平價凍肉質素，點知啲五花腩紋路勁靚，厚切一片片，好似一支粉紅肥壯軍隊排列出嚟！燒嘅時候唔使省油，五花腩本身會有豬油逼出好快就燒至金香脆口，夾落蔬菜捲加調味韓國韭菜，肉汁由菜罅流出，爽得無比食完，五花腩、蔬菜都係任添㗎連前菜都可以refill，除咗泡菜、芽菜，仲有黑豆、魚糕比較特別嘅菜式天口㷫加上燒肉，最啱就係食水冷麵沉澱吓個人，佢地嘅水冷麵好大兜啲麵食極都仲有咁，酸酸地又冰涼，簡直係夏日一樂也次次見到有煎餅，都好想嗌返碟，呢碟蔥煎餅，佢嘅厚度係超出大胃對煎餅嘅認知份量激大，而且好足料好厚，如果鍾意大蔥嘅人食，一定開心死韓燒又點可以唔飲返杯，就算胃民唔揸車都照嗌好乖嘅飲品而大胃當然飲啤酒啦，除咗Terra，原來Cass都唔錯㗎喎
繼續閱讀
今年個熱浪直頭係燒埋身！食食埋埋生冷嘢降溫對身體唔係咁good，諗起好耐無食夠火嘅韓燒，係時候嚟光顧間地道嘅韓式餐廳俾返啲溫度自己餐廳內籠裝修幾特別、冷色系增添未來感，配黃色工業地盤風格嘅裝置幾有味道，有種可以同朋友嚟暢飲飯聚嘅氣氛餐廳有韓藉manager，為人好nice幾健談，亦會幫手燒肉唔洗自己嚟Banchan中個人較喜歡煎蛋和魚糕味道不俗，佢哋嘅泡菜亦幾好食偏酸不太辣店長話係自家醃製、滿滿韓地道風味30幾度高溫飲支冰凍Cass beer暑氣全消，呢隻啤酒帶啤酒花香兼爽口、配烤肉食絕呀○Pork Belly/五花肉°韓式燒三層肉，肉部份都夠口感，偶然咬到細粒嘅骨可以包生菜和餐前小菜用蔬菜一起炒加辣醬夾蒜片食或用kimchi和豬五花一齊炒食落各有特色○Cold Buckwheat Noodle冷麵°好大碗淨食佢都飽！個湯底幾清甜有梨子味，撈勻黃芥末幾冰涼！麵條口感煙韌彈牙係我喜歡嘅質感，配埋梨子片漬青瓜等、喺熱辣辣嘅夏天嚟一碗感覺一流○Kimchi pancake/泡菜煎餅°餐廳食物份量非常慷慨、厚厚大大份料多多！煎得夠香泡菜落得足料唔會只食到麵粉呢樣好值得讚。味道幾ok就係有啲油
繼續閱讀