目黑壽司 (已結業)

見到openrice 咁多喊面都知唔會太好..不過見第一次同karen 出街..佢話食呢間...就唔好意思拒絕佢..>_<我地食下午茶..十分之唔得=.=雖然$18有雞翼烏冬+沙律+凍檸茶+麵鼓湯係好抵..不過樣樣野都唔係太好味-__-"麵鼓湯咸到想喊..叫waiter 來"針"多d水都要叫幾次..下次就算我至愛約我食呢間..我都會學識拒絕-_-

見到街派傳單，價錢都幾吸引，於是試下。兩個人叫o左四碟壽司，三個手卷，一碟五點魚生(即係有五樣不同種類的魚生，有三文、北寄貝、帶子、立魚、甘蝦，各三件，$98) 立魚，帶子非常唔得，好似雪o左好耐，食落口，無味又好林，唔好食。壽司D飯比較硬，雖然話係手握，但個飯唔得，都無意思啦！唯一覺得個手卷ok，紫菜新鮮，趣口。整體感覺：食物不夠水準，簡單如唔使煮的魚生都唔得，就真係好弊！！環境好黑，可能係怕我地睇到D食物唔新鮮o掛！waiter著到成個車房仔咁，好怪？！服務一般啦，要叫先有水飲，都可能係太黑，睇唔到D杯有無水！建議：快D裝多D燈！留意食物品質！唔會再食，老公話齋:派傳單，無好o野！

唔好食, 環景又唔好..........個天花..........又暗/////////FEELING 唔乾淨!叫O左個WAITER 10次....都唔裝水! 而唔抵食! 無SUPRISE! NOW好多類似的日本餐廳都好過佢! 佢咁都企得住???!!!!!!!

I went to try this sushi restaurant because of the interesting sushi featured in the magazines, however when I got there, there were only a few that were different from the plain sushi's.The best sushi, is the soft shell crab roll, and soft shell crab hand-roll which tastes nice with the japanese mayonnaise.Also their noodles are nice especially the "ramen from hell", which has a piece of fried salmon wing and spicy soup base. The kimchi beef rice is not bad either, very tasty and spicy.

今天同朋友去食目黑, 係睇見出面門口個餐"片卑"都幾吸引, 所以就入左去食。我地叫左３碟壽司, ３樣野食, ２個koo~ ,１個cream soda。３碟壽司黎左先＆３樣野食都黎得幾快, 但我地發現其中一個"朝鮮牛肉飯"好辣, 但見個cream soda都仲未黎, d 茶飲晒都無人add番, 想解0下d辣味都唔得, 已經好無奈。我地無諗過"朝鮮牛肉"個"朝鮮"係＝泡菜, 真係好辣, 諗住叫個經理換, 唔換都幫我地擰走d泡菜, 加d 汁上去, 本來個waiter好好諗住幫我地換另外一個野食, 開心之際, 個經理突然之間走過黎, 好串咁話我地已經食左好多, 唔可以換。我地haaa左好耐...。換唔到都算喇, 個經理態度好差就唔係幾好。食食0下, 仲發現隔離d裝修d hole有好多好多蜘蛛網(我們坐卡位), 見到都唔開胃。賣單個陣, 我地咪同個經理反映0下囉。我地投訴有好多蜘蛛網, 點知佢話呢d蜘蛛網係上年halloween既decorations, 佢地未清潔晒。咁既答案都答得出, 一睇都知係真既蜘蛛網啦, 我地問過個waiter, 佢都話係塵。之後同佢suggest下0係d menu到

食物同元祿QUALITY 差不多(即係好普通啦), 但SERVICE 就元祿好D, D WAITRESS 好似發緊夢甘...

今晚同朋友黎食我地叫咗個二人set同埋一個日式煱個set有:三文魚生>> 都幾得壽司>> ok la炒烏冬>> 好香鮭魚>> 有d肥但係都幾好味燒雞扒>> 一般喇仲有沙律>> 又幾得喎同兩杯特飲>> 好得呢一餐食得好飽服務又好得係一間唔錯既店^^

之前已經同過好多朋友黎過，每個朋友都話幾好，我自己都覺幾好，水準keep到，而且都有好多款，今日係我去咁多次以黎叫得最多款既，叫左成十幾款(全部係壽司)^^，不過今次個啲有三件的壽司就比前幾次黎食細件左囉....另外啲侍應都ok，次次黎都係幾有禮貌，但今日有個男侍應就傻吓傻吓咁囉...我地叫野的時候寫得好亂，所以今日有check單，平時唔會check架，原本叫'一客'的黎左'三客'；原本叫'兩客'的只黎左'一客'，但整體黎講係ok既。去呢間食係個唔錯的選擇，全程到食得好開心，好過個啲"和X"啦....少款得黎又貴，食到一半時又好似成日想趕人走咁....

同老伴兩個，行開淘大，夠鐘食午歺咪入去試試，叫咗個刺身定食($55)及月見牛肉烏冬鍋(40)及蟹子沙律寿司(9)連加一都係114.4。刺身定食都幾抵，有1湯1飯1汽水，刺身有三文鱼、北寄貝各三片，油甘鱼、吞拿鱼、元貝、甜蝦各二片及一小堆魷鱼，都幾新鮮架，但個牛肉烏冬鍋就一般啦。都叫食得過架啦！環境都OK，我地坐卡位都幾舒服。

我覺得呢間野d野食都幾好..不過d服務就麻麻啦...叫野食次次都等好耐先有人見到..落單果陣d態度有dd唔係幾耐煩咁....環境唔錯...暗暗地幾有氣氛...坐輪轉位...有得睇住個廚師整野食...地方都幾乾淨...是次食左個牛肉鍋..幾碟壽司...叫左杯野飲.(原宿)..幾好飲..有dd似益力多ge...

到了淘大，無乜心水吃甚麼，走來走去，到目黑一試。其實日本壽司店，大多大同小異，很多時抱個心態係：喂，你去過邊間邊間食未呀？跟住一窩峰的去試，之後都未必會再去。不過不打緊，香港七百萬人，逐個逐個去試，間食肆都有排撈。講返呢間，都係無乜突出之處。壽司轉來轉去幾款，新鮮又唔係特別新鮮，總之味道容易使人遺忘。點了個牛肉蕃薯飯定食，蕃薯糖水味汁，幾特別。不過牛肉麻麻，真想走過去吉野家換過個。有個ＢＢ瞓在咕臣上，個樣好得意，應該只係三四個月大。

這是我第一次來這間店店舖食野,但就唔多掂,首先, 椅與椅子間很迫,而張椅亦很難移開,其次食物唔得,d三文魚魚生係就係好大,但就唔多新鮮兼難食,叫仲之後我只敢食1件,其餘4件唔敢食,軟殼蟹手卷亦唔好食,元氣好食好多,其他就d一般啦,較為好食係炸蝦壽司,唯一讚係款式特別,不過始終我好選擇去元氣食

終於來試下呢道d野食.因為好趕時間,所以叫左午餐.環境裝修好有fusion味道.先來汽水,我地叫左一個忌廉,一個可樂,點知送來兩個忌廉,送錯重道歉都冇聲!跟住坐左成十幾二十分鐘都冇得食,於是催佢快d,個侍應重話分半鐘就得,但結果等多成八分鐘先送來!做唔到就唔好咁口響響話分半鐘送到!搞到我要五分鐘之內食晒所有野食,好似倒落個胃度!!!!講番個午餐,我叫左豚肉菠菜卷拉麵.成碗野都好鹹,豚肉菠菜卷重離奇,三件中有一件好鹹,兩件就完全冇味!我家姐叫左唔知乜野飯,其實係魚生飯.賣相都ok架.初初食都ok,海膽同三文魚都ok幾大片,不過食食下發覺好辣好wasabi.因為有塊生菜係底,而塊菜重好似撈左沙律醬同wasabi,搞到越食越辣又怪怪地味,而且八爪魚刺身好雪味添!我覺得set lunch都做唔好,壽司都唔慌好,因為見到迥轉壽司睇落又細又唔新鮮又整得唔靚,重差過元綠.搵苯都係一次過冇下次!!!!

成日夜間都見佢門口排長龍，所以無去試, 終於有次見下午茶無人所以試下囉, 環境幾好, 不過無咩服務, 食左個咖哩飯, 味道ok, 唔太貴, 不過我期待嘅寿司就唔係咁好食啫, 講新鮮又唔及元氣, 講味道連旺角近女人街個間只賣＄４件既你壽司舖都好過佢，真係唔明ｄ人點解要排隊！

四個月前試過唔掂，四個月後既今日俾多次機會佢睇下有冇改善過？今次買外賣返屋企食，結果仲衰多幾錢重！原來店入面大部份係「熟客」，佢地係寫紙仔Order 新鮮即制壽司，或者見到係新鮮貨擺落迴轉帶先要，否則係唔會欏帶上面既壽司，咁迴轉帶上面既壽司又點署理呢？唔通「劈」左佢咁大o徒？答案係執晒俾Ｄ買外賣既傻仔囉！我見佢o係條迴轉帶「揀」出黎俾我，因為餐廳環境比較暗，我淨係見到飯上面既魚生又乾又啞色，心諗，Order 左又話唔要好老土遮.......結果返到屋企一睇！全部都瘀瘀黑黑，中左毒咁既款，最後..........我請左屋企個垃圾桶食............