目黑壽司 (已結業)

平日想食日式火焰sushi，呢度好食過元氣同元六果d，反正呢度可以食足兩百有free parking，都ok架。最得意係佢locate響sars時候最出名既block e!!!!!!

上個星期四中午心血來潮想食壽司.Lunch果陣就同班同事就過o左去淘大間目黑度食.卡位未有.問我地坐唔坐Bar檯.但因為同行有一個係大肚婆唔係咁方便,交涉之後佢地都肯俾張6人卡位我地四個人坐.咁Order啦~軟殼蟹手卷-份量同味道都算係中上,絕對拍得住元氣.跟住有三文魚刺生(因為係見到師傅新鮮切完擺上條帶度先拎,有4件,好鮮甜呀~),其他叫o既壽司仲有辣三文魚沙律,北寄貝沙律,吞拿魚沙律,芒果三文魚等15-6碟,另外孕婦同事就食湯麵定食.都OK喎~咁埋單都係220蚊左右.都OK架喇~我覺得同D同類型O既食肆比較,如果佢平均水準都好似呢餐咁O既話,咁點都應該唔會差過元氣或者元祿囉~

唔知呢間野同周國賢首"目黑" 有冇關係既呢?我記得在奧海城有間野叫"stage", 食西餐既,後來就分左一邊出來食sushi, 就係叫"目黑"!之後在飲食男女都睇過介紹將軍澳間"目黑",叫而家在九龍灣咁近我公司又有間"目黑",咁放工咪同男友仔海盜兒去囉!!~呢度的環境唔錯丫, 樓底好高, 好舒服!~ 有迴轉同order位,order 位好似仲受歡迎!!~d 員工著晒全白色制服, 醒目又可顯示佢地的整潔度,聽聞呢度係食手握壽司既, 睇下同元氣用機啤的有咩分別先....d壽司味道唔錯, 好新鮮, 手握的壽司好似冇咁易散喎!呢度d款式好多!~ 仲有其他拉麵烏冬同鍋物食~我地叫左個牛肉烏冬share, 幾好味呀!~下次都會再黎, 預計呢類手握壽司店會愈開愈多!~

去九龍灣目黑已經唔係第一次,之前覺得佢\\\\\\\d三文魚好大塊好好味...但一次又一次失色...星期四果晚再去一次,希望佢\\\\\\\會回復水準...但....d三文魚壽司食落好似酸既咁,而且仲有d怪味,唔信邪再叫多碟...咦~~~~~~~~~~~~都係酸既, 男友話可能佢\\\\\\\地d飯落多左醋,但我唔覺...因為d味好怪...根住諗住叫碟小食炸生蠔啦...點知已經冇左炸生蠔生小食!! 換來既係貴左既餐\\\\\\\牌同小食,真係令人唔想再幫襯! 唔該佢\\\\\\\地d管理階層留意下啦! 以前我地食十幾碟壽司先夠,上次食左5碟就覺得唔掂,埋單走人! d人食得越來越少,佢\\\\\\\地唔覺得奇怪架咩! 真係離譜!再咁落去,佢\\\\\\\唔摺都唔得啦!

剩係見到個鼓油碟就唔開胃啦~ 碟角破損...入面有跡...好唔乾淨lor...個地下好稔...好唔舒服。食物一般。無下次。

新開張去左一次.....難食!有次行過入去食lunch..... 難食!琴日又行過.諗住比多次機會佢啦...結果都係兩個字.....難食!!!一定冇第4次

見佢lunch set 算平, 環境又唔錯就入左去試叫左兩個set, 一個滑蛋豬飯同雪國魚生飯滑蛋豬飯先黎, 都ok, d豬肉辣辣地咁不過男朋友就嫌佢\太甜個魚生飯..唔知做咩...等左好耐等到個滑蛋豬飯食完先黎魚生咋播!好喇, 黎到喇, 個賣相真係嚇親我地(最衰我唔睇menu張相就叫!!!!!)飯上面d魚生砍到變哂魚容成pat好似未蒸熟0既免治豬肉餅咁要好大勇氣先試到第一啖賣相差都唔係問題成個飯一d味都無!d\"魚生\"無口感之餘又無鮮味一向食野都唔算高要求不過依個飯真係入唔到口....食佢\d配菜仲好食~d汁酸酸地*滑蛋豬飯味道我會比四分,魚生飯唔想比分

有時放工同老婆來到九龍灣，我就常常去德福行街同食。原因因為貪佢靠近地鐵站，不用行很久就可以醫肚。但係今日星期六，所以就行遠一些到淘大花園淘大商場行同睇有食。呢度的確有好多餐廳選擇。原本想同老婆到之前來個越南餐廳食，點知原來已經closed down。現鋪已是目黑壽司。經過商量後，我們定入去試一試。入到去第一感覺係光線太暗，灰黑色牆身更加給顧客一個cold feeling。食物尚算ok,壽司都幾好，沒有好似其他食評話散晒gum，各類魚生都幾新鮮。不知是否師仔擺錯顏色碟，兩件碎帶子壽司竟放在$12碟上，本人當然不會放過。熱同麵食都幾好味，而Service都好好wor,唔刻前，唔刻後。不知是否佢地讀過食評而改善。我最欣想係佢地英文情歌。值得再去一試

記得飲食男女介紹過將軍澳分店，睇完即刻去食，試完覺得好正，帶子壽司$14 大大隻又新鮮，海膽壽司$25 蚊一碟，海膽又多又鮮味，貴得黎都覺得物有所值，連$9 蚊一碟既三文魚壽司都又大塊又新鮮，絕不欺場，可惜將軍澳唔多就腳，而且排隊條龍仲勁長，有日行過見到淘大商場竟然有分店，仲唔駛排隊咁筍，即刻衝入去試下，點知除左裝修同招牌外完全係兩回事，任何壽司Ｄ飯一夾就散，三文魚又細塊又唔新鮮，帶子乾爭爭，海膽有多少變左味，淨係舊飯就大大舊,慌死你食唔飽咁，簡單講就係元祿都不如,食完行出門口第一件事就係望下個招牌睇下係咪真係目黑壽司定係Ｄ冒牌野面黑壽司黎架？

去食0左6 碟壽司+2個小食+一個火鍋個牛肉鍋好唔得.冇味0既.難食小食個三文魚腩好肥,肥到食左一塊都唔想食第2塊壽司就ok幾好味,的種類幾特別兩人加埋$1790的service好唔掂.果然可以聽錯,落錯0左兩次單...你話死唔死,不過佢地本身都好有禮貌,係落錯單扣分囉

因為地點方便我同男友,所以枕住成日去! 一星期都去一次左右, 點知上星期去到...D整壽司既人有大部份唔同晒樣...好似轉左好多新人, 原本切得好厚既三文魚壽司竟然變到一張吹得起既魚皮..... ...D 劍魚又係..明明好厚的,但去到變到鬼咁薄...果個新黎切野既0靚仔,好似響度玩技術咁! 不段展示佢既刀功! 大佬呀,我地係黎食肥厚三文魚呀, 唔係睇你表演...希望今個星期去會換番人啦...

冇試過響度食Ｌｕｎｃｈ同晚餐，不過就成日食下午茶。因為一個字--"抵"！幾乎每次女友都食魚生飯既，２６蚊又真係好抵，份量又唔細喎，三文魚同吞拿魚魚生加塊芝士，夠撈晒成碗咁啦。而我就咩都會試下既，九洲拉麵好足料，下午荼２３蚊我覺得水準同別府差唔多嫁。豬頸肉飯呀，蝦天婦羅拉麵等等都唔過３０蚊，其實下午茶都幾多抵食既選擇咁。不過Ｄ服務真係要執執，Ｄ服務生好有笑容既，待客服務亦唔錯，係就爭在上菜次序超怪。上左飯先上湯屢見不鮮，十次有九次都係咁，真係要改善下咯。

2月14日因為近排聽過有間目黑壽司店係用手握的咁見幾特別咪試下囉......18:15去到拎o左張38號"飛"又話好快..等5-6張"飛"喎..咁我見到當時都算早..又有好多空位以為等幾分鐘就有啦~~!!(因為買o左19:20 UA戲票..食完就差唔多睇得)點知..佢o地要有4個人或以上先開o的卡位同大枱 .\ /.(咁情人節個個都2個人食o野o架啦...)>>都唔明點解唔開出來比人搭枱一齊坐<<終於等到18:45都只係叫到35號(其實已經等o左10張飛有多)就算到我o地都冇時間食啦...最後要睇完戲再去等過位(因為夜晚人多今次等得仲耐..等到成22:30 -_-|)o的壽司係就係手握o既..不過o的飯就整定哂囉..(都唔知係用"手整"定"機整">_<)o的料都幾多o架~~不過味道同元綠,元氣差唔多...o的侍應就態度麻麻..(冇咩笑容)因為我有位時已經將近收舖,廻轉壽司上已經冇咩壽司,要Order囉..要Order唔緊要,最重要係就係又要等好耐..最後食完都11點幾....>>總結! 裝修扮到好高級,但都係平民化水準!&

去開淘大,有朋友介紹去呢間野度食,有九折咭喎!初時都係覺得"元氣"好d架,因為又平又好味丫嘛。後來入到去,見到佢原來都有好多小食,叫左個炸三文魚腩!都幾好味呀,不過我就嫌佢肥左d,因為一咬落去,d魚既脂肪汁咇晒出黎...最鐘意都係佢既壽司,因為真係用手握出黎的,唔係用機整,最重要係食落暖暖地,唔會咬落口成口冰水! 二個人食左$170左右啦! 今日都打算去食, 所以咪上來睇下仲有邊度有呢間野囉!

之前已經去過呢度食午飯,其實冇想再幫襯既意慾,不過有朋友未食過,話想試下,咁就再去呢間野喇。一入到去,個男經理目無表情咁同我地講如果要坐卡位,就要等一陣,咁我地就坐o係度等啦,冇耐就有位喇。睇一睇個餐牌,o的野食選擇比午/夜市多,下午荼有麵/飯+湯+汽水+小食(餃子或者salad)around23至28,都ok啦,午/晚得野飲同湯ja,而且選擇少,價錢麻麻地合理。我地一行四人,叫左兩個魚生飯($28@),一個滑蛋牛肉飯($23),一個滑蛋墨魚飯($2x)後兩個友人都話ok,我覺得個魚生飯好怪,有塊cheese o係面。魚生都幾多,有三文魚同埋吞拿魚,講真,以28蚊黎講個quality就算ok既,不過o的飯唔好食既~~仲有呀,個餃子個皮好厚,口感麻麻。另外,o的職員冇笑容,好似唔想幫你落order咁,不過我地至在傾下計,咁既價錢同環境都可以接受既,不過如冇必要,我真係唔想再幫襯囉~~o的野食真係....麻麻地