相聚一刻 (已結業)

住左TKO四年啦, 成日一想食D 有鑊氣又好味GE 野都要去KT ...今日估唔到比我係TKO搵到D大排檔咁口感GE干炒牛河........難得GE今次唔使走去KT 就食到彈口炒牛河...值得一讚..

A nice restaurant hidden on a corner of some mall in TKO, there were not alot of people dining there.The menu was printed on Nissin instant noodle stationary, and some of the dishes were quite impressive and interesting, this was my impression before ordering, such as the butter and cheese prawns with stir-fried noodles.The drink were interesting too, Hami-melon juice as it says on the menu.The hami-juice turned out to be melon flavoured syrup diluted with water, the colour was mint green!My fir

真係驚喜! 四個人叫三個小菜,乾扁四季豆夠哂乾身,蔥爆牛柳絲勁香,糖醋排骨唔肥,每人食左兩碗飯,好食左好多,午餐時間都有咁既水準,晚飯咪仲好食?搵日要約人來食晚飯

有位疑似話事阿姐, 送飲品時永遠倒瀉起碼1/3 ; 十次order油醬多, 九次會送上奶醬多, 仲要完全無歉意, 勁無禮貌! 餐廳明明無人, 鷄翼酸辣米線浸到漲先送客, 不知所謂!

前後係呢度食過三次, 三次都係食2人晚餐, 食物正常, 不過不失. 唯獨是情況有點怪, 個餐寫明有甜品的, 但..........第一次, 甜品影都無埋, 無人拎黎, 算數, 埋單走人.第二次, 情況同上.第三次, 即係今次, 又係死都唔係拎甜品比我, 今次終於覺得佢地係專登唔比既, 所以我食埋曬野就問佢要甜品, 個waiter"哦"左一聲, 走埋個電腦度press左幾下, 之後等左成10分鐘都無甜品, 好似同他玩鬥拖, 拖到你走為止, 我繼續等, 終於有個類似manager既人走埋黎問: "係咪差兩個甜品?", 我話係, and then佢先去整左兩碗綠豆沙黎..............大佬, 唔係真係貪你兩碗綠豆沙, 但你唔比人既就唔好係個set上面寫明有啦. 好似人地同佢乞咁...............

昨天9點去食晚飯, 點左2個餐, 1 火鴨絲炆米, 1 干抄牛河。 干抄牛河好快到, 但d油勁多, 一放入口而成口油, 食左2啖咩胃口都無...而火鴨絲炆米, 足足等左30分鐘都未有, 其實當時店內都無嘜客, 只有一枱同我地一樣等到火滾, 都唔知有幾難煮? 我見隔離個枱都只不過是叫粟米肉粒飯(黎個陣我見到只不過有碗粟米溶及一碟白飯, 都可以咁耐~~勁) 我決定以後都唔再去呢間鬼地方食嘢...又油又難食又不知所謂 (以前都唔係咁, 愈來愈差)

日期：2008年2月10日人物：楊氏伉儷，Steven, Maggie, Tigger and I香橙骨：太大舊骨，味道都OKEY.五柳龍利柳：好味道．西蘭花雞柳蝦球：雪味勁重既蝦，加埋ｄ雞柳，麻麻地．瑤柱娃娃菜：得個幾條瑤柱，雜菇就差唔多．菜膽雞半隻：雞好滑，好夠味．每位加HK$10就會有個發財蠔豉湯：有蓮藕同樟魚，好甜，好好飲＆飯．

星期日多數都會好懶唔想煮飯, 走唔出TKO既時候又要係唔多選擇既情況下諗買咩外賣, 今晚就決定再同你相聚一刻...紅燒碗仔翅- 素翅好多, 另外仲有D雞絲, 湯好杰, 好似飲緊生粉獻水咁, 麻麻冬菇扒豆腐- 冬菇+豆腐+小棠菜...三樣野都係要靠個汁先入味, 但佢個蠔油獻整得個味好淡...令到個食送太清...馬來抄貴刁- 蝦仔, 火腿絲等, 料唔多, 賣相唔吸引, 食味亦唔對路

訓醒起身都係叫外賣好, 放左兩日假, 兩個lunch都係叫同一樣野香茅豬扒出前一丁($25) - 連續兩日食就緊係味道有番咁上下, 豬扒醃得好入味, 入口好香香茅味外仲煎得唔乾身咬開仲有肉汁, 而個一丁湯底分開裝, 所以D麵食落仲好爽口唔腍

星期六整左一日野都有D累, 晚餐緊係打個電話就搞掂個D最好啦京蔥炒牛肉- 牛肉炒得算嫩口, 而京蔥不嬲都係本人所好, 所以成盒京蔥都差唔多比我食晒粟米班塊- 魚塊炸得剛好唔乾身, 咬開魚肉仲好滑, 而個粟米汁幾好送飯, 不過就嫌個汁少左D

個個禮拜日點三, TVB都有戲做, 雖然差唔多次次都係周星星, 同埋D戲都係重覆又重覆, 但唔知點解每周都會好有興趣追來睇. 就係咁同朋友仔一路睇電視一路等下午茶.雞翼牛丸米線- 雞翼雖然放湯已經變腍口感打折, 但因雞翼醃得算入味就加番D分. 而牛丸幾爽口但無牛味, 湯加左炸蒜粒同蔥粒, 而米線只係普通來貨貨色.肥牛魚蛋河粉- 肥牛份量幾多但太熟韌韌地, 河粉放耐左都唔會發漲之餘食落口仲幾滑.

估唔到會連續食呢間餐廳, 今次就點另外既野試下雜菌炒翠玉瓜($40) - 翠玉瓜炒得太腍, 而雜菌份量都唔少, 不過個味就比較淡泰式芥蘭炒牛肉($40) - 芥蘭新鮮食落仲幾爽口, 用蒜茸, 蝦米仔(醃過)等一齊炒, 鹹鹹酸酸咁又幾醒胃

印尼炒飯($40) - 雞肉串肉算嫩, 個醬汁就甜甜地, 另外仲有蛋, 蝦片, 味就普通, 反而個飯就有驚喜, 札肉, 蛋, 蝦米仔, 雞肉, 粟米, 青豆等一齊炒, 料足, 飯底炒得夠乾身同粒粒分明, 可以用惹味來形容既一個炒飯札肉肥牛檬粉($25) - 湯同粉分開裝, 肥牛可能浸得耐左所以比較硬, 札肉厚厚地都有四塊, 個底應該係牛湯, 加埋炸蒜茸碎, 雖然個粉都幾多, 但唔覺唔覺又食晒以上食物各包杯餐飲, 同外賣要另加$1以後叫外賣終於唔駛迫住叫隔離個間"新味道", 等得耐之餘味道又唔係真係咁正

星期六忙完一日返到去剛好晚飯時段, 諗住去呢間睇下有咩食, 點知原來有得送外賣, 唔想呆等既我就拎番張外賣紙上到去先再叫咖喱牛腩($4x) - 本來諗住叫咖哩蟹但點知無, 就改為叫個牛腩, 咖哩味唔算濃, 牛腩同牛筋都煮得幾腍, 不過牛筋份量多過牛腩好多, 如果可以筠勻番會好D北菇紅燒豆腐($40) - 冬菇煮得夠腍身, 豆腐外皮巢巢地但內裡算滑, 不過個蠔油汁就唔係好得, 味好淡同稀其中一個餐改套餐加$10, 包一碗飯同餐飲

服務態度極之差，服務生黑口黑面，食物麻麻地，好多油，糖水唔凍唔熱....暖既...難食。服務生來錯食物仲要話返容人自己叫錯，最後看電腦知道客人無叫錯，不知所謂。