真味坊 (已結業)

今日同朋友九點幾喺附近發現周圍啲餐廳都已經冇開即刻諗起附近有間好好味嘅串燒就去咗食呢個真味坊！所有餐廳都last order咗嘅時候，去到已經9成full左坐低咗冇耐，其他人都已經排晒隊🥰翠肉瓜蜜糖汁加埋啲翠肉瓜啲汁，好juicy ，鍾意食翠玉瓜嘅朋友唔可以錯過！都做得唔會太乾，餐廳嘅控制火候嘅時候都做得幾好！🥰牛舌 可能餐廳用嘅貨源唔係太靚，雖然有少少韌，不過整體上都好食，味道都係香濃，只係口感上有少少唔合格！🥰豬頸肉呢個我就覺得有少少平平無奇，冇咩特別，可以唔叫，不過加埋佢個汁都好食嘅！🥰豆卜個人嚟講非常推介呢一個，佢燒到脆脆地，好夾蜜糖汁 ！一定要再食，最後我哋忍唔住再叫多咗一寸！🥰金菇肥牛呢個都係冇乜特別，正常發揮！🥰印尼撈麵（大）即刻叫即刻整熱熱辣辣，充滿童年回憶嘅印尼營多撈麵，我同朋友都非常鍾意，而且價錢嚟講唔算太貴，整體上都覺得好食！

所謂遠在天邊近在眼前，原來美食一直蟄伏起屋企附近不遠處。呢排經常寫評論寫到半夜，先發覺有間咁正既燒烤檔，一試難忘。 間嘢叫真味坊，應該開咗好多年，但我一直無乜留意，直到最近先開始幫襯。主要係寫完長文實在太餓🤤 唔搵啲人間煙火食下唔得陣燒烤既味從街頭飄到街尾，唔知係咪孜然定咩既香味，就咁聞都已經胃口大開。本身捻住嗌紅腸同燒尖椒，點知最尾可能剔錯咗，攞返黎係紅腸同韭菜😂平時靚女老闆娘都係戴住口罩，一臉認真咁燒嘢食，今日有幸一睹真容，真係死而無憾🪦（咪住先老婆你聽我解釋）老闆娘既三昧真火🔥（平時有扇貝個啲仲大火）燒埋落我度🤤（啊唔係老婆對唔住我錯了🧎）本身捻住趁店家燒緊嘢食去7-11埋罐Highball飲，點知7仔仲未補貨，返到黎既時候啲嘢食已經準備好了👍我就外賣帶走既，經典既啡色紙袋加藍色膠袋，exactly就係街頭小食既標配，燒烤の符號學。（圖為店家盛況，今日仲未算多）雖然無留圖（喂咁好味邊有可能俾相機食先），但必須講燒烤既火候同調味都係一流，韭菜韌而不老、紅腸外脆內軟，一咬落去就爆汁，中辣version最惹味🤤 如果呢個就係人生，我甘願落入五蘊啊（#是但求其愛）呢間嘢物美價廉，最適合一

叫咗超多嘢食都只係人均100！所有嘢食即叫即燒 即炸！上枱時熱辣辣☺️串燒叫咗牛舌，牛柳粒，雞中翼雞全翼，雞軟骨，豬頸肉。(覺得最好食係雞軟骨同埋牛柳粒)另外叫咗兩個撈麵，一份茄子，一份薯條同埋一份海苔炸魷魚🦑差啲漏咗仲有燒賣叫咗微辣，蜜糖同埋沙嗲醬，前者就甜甜地，而另一個就充滿花生香味😍兩個都好適合串串整體好夠味，可能會偏鹹少少宵夜食咁豐富真係好邪惡 不過真係冇得輸🤣食完超滿足🙌🏻 CP值高！！可以encore🤤

呢間串燒店，係即叫即燒係我同老公既宵夜首選尤其買外賣返屋企食就最爽有燒雞泡魚乾，好食燒粟米，燒雞翼，燒雞腎，燒牛丸好多唔同種類。。。同埋呢間小店既碗仔翅都好岀色！足料又夠味，好正。

我由香港仔未上車前打電話去落單，竟然到店前要等55分鐘，車程連行路轉車時間50分鐘55分鐘+50分鐘，即係全程由落單到完成出品要105分鐘，等燒烤，值唔值得，就要問下自己啦，我個人就冇下次

每次買外賣或者堂食都一定會見到唔少人投訴佢哋慢，等得耐。只能夠話人哋舖頭就係一眼睇哂，一個爐燒，一個人燒，唔係啲咩大舖有十幾個爐，十幾個人做嘢。同區入面佢係我食過最好食嘅串燒，起碼食物真係雪櫃入面拎出嚟，唔係攤係街邊。人哋一早話要等，就真係要等，唔係話半個鐘後有，10分鐘後就俾到你。雖然我覺得佢一次燒一張單嘅嘢食會有啲慢，其實可以集齊單燒住一堆雞肉先，等每枱都有嘢食就燒第二款。不過我仍然覺得佢一次燒一張單都無話唔好，起碼全部嘢食熱辣辣可以呢樣食下個樣食下。其實互相體諒大家，咪可以少啲爭執囉🙂

我哋堂食既，8點45分遞咗張單上去，差唔多成10點先開始燒我哋啲嘢食，等得耐都算拉，仲要難食，佢啲味粉灑到一達達，一忽可以鹹到死，一忽係完全冇味，點左蜜糖味但竟然可以冇蜜糖味，點小辣又原全無辣味，得個雞翼可以叫食得下。四個人食9百幾蚊，返去行到半路覺得唔對路，睇返張單比漏左幾串野，但又收左錢，打電話去話下次補返，仲下次？真系吾會有下次囉。。。原全吾知道d好評系點嚟既。

不知所謂，坐街仲要態度好差，熱到出哂汗完全唔知為咩。等左3個鐘先有一個生菜魚肉。食到尾班車都冇，真係第一次食到咁嬲。仲要唔係特別平，留咗單死都唔應，問佢仲要一啲歉意都冇，受左戲三個鐘好似做緊看更咁。真係超級唔建議人嚟食，即是而家10點冇堂食都好，外賣都唔好叫佢，因為佢唔會當你係人佢淨係會叫你喺度等。好啦終於等到啲嘢食你，啲嘢完全唔係要等咁耐同埋唔值個價，除咗個撈麵似番啲樣之外，其他都係不知所謂。所以真係唔想大家嚟中伏。

我由2020年初開始幫襯哩間串燒小店，到今日我都仲係幫襯緊，亦都發現到一樣嘢就係佢哋堅持一人負責製作燒烤，所以咁耐以來都係保持到一定嘅水準，哩樣嘢係值得讚揚同佩服推介：我本身係超鍾意食司華力腸我仲會要求佢燒燶啲，司華力腸配佢哋嘅沙嗲「好好好味吖！」，另外我同我巴打都好鍾意食炸燒賣，所以每次都係必食之選雖然我係食肉獸但係我都鍾意食吓菜，最後推介畀大家嘅係我最愛嘅娃娃菜&牛油金針菇講多無謂大家揾日去幫襯吓啦！

今天晚上同朋友放工遲左，又肚餓，又係深宵時份，平時咁夜都係食開打冷舖，而今次我地就去食串燒，黎到長沙灣近元州邨對出既串燒舖“真味坊”今晚都有好多人，不過去到時，甘岩就有位，係坐低前店員都會同我地講聲“今晚好多人，所以食物有機會要等半個鐘”，其實我覺得都ok,咁多戈都預左要等，而且佢又會問聲我地等唔等，我覺得係街邊舖黎講，服務算唔錯。點餐方面：自己劃，揀岩想食既野寫上數量。揀好喇就可以揀埋底部個三隻醬汁，分別係蜜糖，沙嗲醬，以及麻辣，除此之外亦有分大中少微辣，適合唔好口味既大家，由於唔知佢既辣度係點，所以我同朋友就揀點左微辣，試下辣度先（同時亦揀左麻辣），唔知串燒落麻辣醬係點既呢。食物方面：個人感覺串燒都燒得好入味，而辣度又對我地黎講岩岩好，唔會話好辣，反而我覺得微辣係最好，因為唔會只食到個辣味掩蓋左本身串燒果種味，值得一讚個炸牛丸，我覺得真係好香口，咬落去個口感係好爽，唔會係果d炸定放係到勁耐，又或者炸好耐引致得個硬字個種，係真係好爽口，再加埋麻辣醬，簡直係無得頂，令我同朋友都爭住黎食炸牛丸。另外都讚得一提就係個燒茄子會上蒜蓉去燒，而佢唔會話太咸，味道係拿捏得岩岩好，外邊少少脆，而內邊

我住喺長沙灣既，每次經過呢一度都聞到好香嘅串燒味，有一日夜晚我同朋友就決定左佢哋喺度食宵夜。眼見都好多人嘅，不過我哋冇理到就落左單。點知我哋等左勁耐，等左一個鐘啦先至有嘢食😅，係一次過送上嚟，仲要嗰陣時先至話冇呢樣無果樣😦。首先，如果好多人好多單，要等好耐嘅話，可以落單之前講聲，等客人有心理準備，再去諗佢唔決定喺度食，身邊嗰幾台人都等到好燥底🤬！仲要嘢食相嘅時候先至話冇某樣嘢食，真係好扣印象分！埋單既時候，佢地仲要唔小心計埋佢哋話冇嘅嘢食，好彩我有check單，真係激餐死👺🔥🔥講真啲嘢食唔係特別好食，但係等咁耐同埋咁嘅服務態度已經冇心情食🙄

每次無論係咩聚會食完飯大家都無嘢做食糖水又太悶就會黎到真味坊聚下😋即叫即燒 唔係翻熱 夠晒原汁原味！不過唔知係咪轉咗老板韭菜有啲冇以前咁好味！豬頸肉係必食無食過一間串燒嘅豬頸肉係咁多汁燒得都啱啱好街坊店食咗好多年大家有興趣絕對要黎試下～

以前我收工都會一個星期食3-4次 但換左一手 已經無以前甘好食了，廚房入面果條仔好似冇靈魂甘 叫親五要辣點都係五記得，燒既野食已經無以前鬍鬚佬整既甘好食喇！希望會有改善

同女朋友食得太多中餐西餐日本餐，話想轉下口味，跟住即刻諗到食串燒，喺長沙灣附近見到有間好特色地道風味嘅串燒店就入去試試。選擇超多，仲有我最鍾意食嘅蒜蓉燒茄子仲有加燈位係可以有撈麵，唔會咁Dry燒台灣腸好好味，比得上台灣夜市最後叫多咗個炸燒賣做總結非常滿足

食物多款式，D醬汁尤其係一流，適合放工同朋友同事一齊食或者宵夜，如果外賣最好打電話比真味坊先預定，特別推薦金菇肥牛卷，同D沙嗲汁一齊食正到無朋友！醬汁有沙爹醬、蜜糖同麻辣汁，有五種辣度可以選擇，味道總之就係正到喊！