真鮨 (已結業)

平日晚飯時段不是太多人，叫了特盛壽司set, 赤貝刺身、海膽八爪油甘魚飯、豚肉飯。特盛壽司真係樣樣都好食，魷魚好爽口，蔥吞拿魚腩大大件，左口魚裙邊又食落入口即化，唔會有腥味，壽司件件都好新鮮，油脂分泌剛剛好！玉子燒左食落都唔錯。至於丼飯，八爪魚芥末味好重，辣辣地幾開胃，油甘魚同海膽都好食，特別海膽唔會又苦又腥，幾鮮甜！但豚肉飯反而唔係好突出，白飯比較淋身，但大大碗，豚肉都燒得好食，係白飯嘅質感需要改善。整體食物質素幾好，服務又好好，值得一去。

日日放飯都唔知去食乜好、但今日見到有間好似唔錯既日本餐廳叫咗一個明太子蛋包飯、個明太子醬汁啱啱好唔會太過重味、天婦羅蝦非常之脆另外叫咗大阪卷試下、點知比左驚喜我咁多海膽、最緊要冇苦澀味非常好、

魚生肥美，甜蝦大隻，帶子鮮甜，海膽入口即溶🤤🤤🤤非常有置身於日本品嚐美食既感覺，食物水準相當高。另外點左小食炸雞，外脆內嫰，仲有肉汁流出，一食就知係新鮮雞肉即叫即炸先有呢個口感！❤️

之前同老婆呢個食lunch, 都覺得幾好 所以朋友生日suggest再嚟食晚飯。Sushi & sashimi 都好新鮮，因好朋友生日所以食豪少少, 叫咗啲日本直送魚生, 真蠔, 日本北寄貝 價錢very reasonable，熟食串燒/天婦羅都幾好水準, 睇得出有心做。我朋友係外籍人士, 對service都有啲要求, 有讚waitress有留意每枱啲客 有禮貌 經常斟茶。我覺得幾好, instead用透明膠板隔開每張枱, 佢哋用日式簾, 靚好多感覺有少少private。如果想食好少少但唔想咁貴, recommend呢一間

星期六跟媽咪聚餐，天氣熱打算食日本野。門面有日本感覺，店內環境一眼就睇曬。侍應尚算有禮貌。食物還可以，但份量偏少。等餐途中，發現廚師在半開放式廚房內與同僚談笑風生，並沒有戴口罩，有欠尊業和衛生，更何況現在是疫情。

🤣最近開始好熱所以成日想食魚生飯😜🥢依間喺公司附近成日約同朋友一齊食個便飯既日本菜， 因為喺金馬倫道，食完再行下don don don donki 🤣依間餐廳主要食壽司刺身，雖然價錢會比普通壽司店貴少少🤏但係真係好好食🤓之前去食呢間餐廳都食過海膽，正😍📸️★三色藍鰭吞拿魚籽丼 $198平靚正😋一入口唔洗點咬都在嘴裏溶化★ 火灸左口魚邊$44(兩件）好鍾意魚油香味🥹滑到𠽌入口每次泥依間必點但因為壽司魚生雖然燒過下，但🍣連魚肉都白，真係白到冇嘢好影🤣★活赤貝刺身$ 58賣相真係放得好靚， 鮮味十足😋爽脆甜， 鋪底既海草類都幾好咬口🤣依間食lunch真係CP值好高😋次次去都可以坐一陣同朋友傾吓計氣氛亦唔錯，環境衛生，細細間都幾溫馨☝️算係行過路過唔好錯過嘅一間店。佢連味噌湯都特別好飲✨應該落左啲魚煲

尖沙咀午市推介，新鮮足料海鮮丼，地點方便，坐得舒適。✔️ 海膽甜蝦油甘魚墨魚丼 (HK$178) 🐟套餐定食包括茶碗蒸，沙律及麵豉湯丼飯如同其名字一樣，食材包括甜蝦🦐，油甘魚，墨魚🦑，最緊要係有加拿大空運海膽，甜蝦好大隻，啖啖肉。另外油甘魚用了腩位的部分，油脂香味十足。海膽鮮甜美味😋✔️海膽蔥吞拿魚蓉丼定食（HK$148) 🐠呢個丼主打蔥吞拿魚蓉，大量吞拿魚蓉，一點也不能吝嗇🤭。海膽亦有一小版，非常鮮甜，海膽加吞拿魚蓉撈飯簡直係人間天堂。😇

Third time at Moshi Moshi for their quality sushi and lunch sets at fairly reasonable prices 👍🏻 We were most pleasantly surprised by how good their onsen-egg ox tongue donburi was! That yolk was beautiful and the ox tongue pieces were tender and flavourful. Their ox tongue was braised rather than grilled, and hence didn’t feel as oily or fatty, which was perfect for me. And who can say tho to saucy sautéed onion 🧅 on a bed of Japanese rice😉The donburi also came with chawanmushi (Japanese steamed

池魚子：作為一個前菜，分量足夠，未食已聞到香味，魚仔唔算好細條，食落好有魚味，有少少魚肉，幾有趙口。無細骨，唔驚比啲骨吉親，可以成條放心食。壽司：活赤背，甜蝦，油甘魚，帆立貝，三文魚子 衣間用左日本飯，同一般壽司飯唔同，而且係用赤醋。唔黏喉嚨，唔口渴。活赤貝堅正，推介推介，好新鮮脆焦糖無花果串：好少會食到無花果嘅菜式，整得幾特別，有焦糖味，甜甜哋，又有本身無花果嘅小小酸味，加上有少少煎香味，個皮又整得夠淋，唔硬。火炙壽司：A4和牛、左口魚邊，油甘魚，三文魚，劍魚腩，墨魚，帆立貝，老闆仲送多一件壽司 刺身大大件，全部入口即溶。和牛好有牛味，三文魚好厚。全部都好新鮮。日本米田茄子豚肉串：燒迷你茄子，加少少醬汁。好juicy。茄子夠淋。燒白鱔串：極力推介，要趁熱食，超正。鱔唔老，啲肉彈牙，唔係梅肉。加咗黑椒去燒，去遮蓋佢本身小小嘅腥味。仲要冇骨，方便唔鍾意食到骨嘅人。清酒：感覺幾純，甜甜地，好容易入口，對於唔太飲酒既人，絕對可接受，酒精嘅濃度唔會令你接受唔到。

想舒舒服服吃一頓豐富晚餐要留意吓呢間日本料理😋😋😋⛩MOSHIMOSHI座位舒適⭐️⭐️⭐️價錢合理⭐️⭐️⭐️有得訂枱⭐️⭐️⭐️😋😋是日餐點😋😋1. 金目鯛刺身2. 劍魚腩壽司3. 油甘魚腩壽司4. 帆立貝壽司5. 香蔥吞拿魚腩軍艦6. 蟹膏軍艦7. 唐揚池魚仔8. 牛舌心串燒❤️❤️❤️9. 白鱔串燒❤️❤️❤️10. 燒豆腐❤️❤️❤️11.松葉蟹湯12. 生啤兩杯1️⃣本來想叫一魚二食，訂枱嘅時候，餐廳話嗰日冇嗰隻size嘅魚，咁我就留咗一份金目鯛刺身。2️⃣刺身壽司都不錯，劍魚腩非常肥美。串燒真係非常正，比起專做串燒嘅日本料理，食材更新鮮，價錢更實惠。3️⃣睇相‼️

拍拖好去處。日式風格裝修，可以慢慢坐，慢慢傾計，令人舒服。食物方面，份量又好足夠。過程中仲會幫你換碟，唔會因爲d竹籤，醬油搞到好尷尬。日本唐揚池魚仔作為前菜，一點也不油膩。應該有啲炸完之後好好吸好d油。微脆，唔會炸到好乾身同熱氣，魚既大細適中，可以一口食左佢。醬汁方面：經典嘅日式沙律醬刺身壽司甜蝦：好大隻同新鮮，唔腥。呢個唔係一個低嘅要求，因為食過好多間日本餐廳唔係真係間間都可以做到咁新鮮。師傅仲好貼心咁幫我隻蝦搣埋個蝦殼個尾, 等我可以一啖入口，平日既我成日都唔知食蝦先定食飯先，衣家可以一次食哂2樣野。三文魚子：咬左好耐都未爆哂，微微既鹹味，唔腥，係幸福既感覺。係香港都可以享用好似係日本食既新鮮火炙剌身壽司第一次見咁厚嘅三文魚炙燒，都係果句令人好有滿足感。亦都有平時少食既食材，炙燒A5和牛,好鮮味同牛味，大推！另外值得一提，個日本飯好特別，用左赤醋去調，令食落去既時候口感順滑，亦都冇咗平時食壽司醋嗰種酸味燒白鱔串好有魚味，再加上檸檬嘅香味。魚肉唔會過熟啱啱好，又有啲脂肪，所以入口有唔同嘅口感同埋味道好有層次。另外，魚皮燒得啱啱好，有啲脆，但又保留皮本身嘅煙韌，作為懶人最開心係冇骨日本

今晚約了朋友食飯，朋友最愛日本菜，行到金馬倫道，見到真鮨，我們都未試過，就去試下！裝修帶日本風，食物種類都不少！黑板上面都寫了些推介菜式！刺身方面想叫點平時少食的，問店員有沒有推介，店員推介了金池魚給我們！原條金池魚，刀工好好，灰銀色的魚皮，魚肉口感緊實，有魚味，非常新鮮，有薄切的和厚切的，沾酸汁來吃，開胃！日本真蠔大大隻，肉質肥美，鮮甜，口感Creamy！日本菜都有燒法式鵝肝多士，點了來試，朋友好鍾意食鵝肝，鵝肝肥美又大件，性價比極高！麵包吸了鵝肝的油脂更香口！食日本野點少得壽司？我們點了4款！火炙左口魚邊壽司好香，左口魚油脂豐富，炙燒過更香更美味！火炙三文魚腩壽司很肥美，又香又滑，三文魚油不會膩！帆立貝壽司的帶子很厚，又鮮甜！活赤貝好爽口，新鮮到不得了！之後都點了些串燒，有燒牛舌心串、鹽燒雞翼串、燒明太子啡菇、豚肉露荀串，都燒得好有火喉，雞翼皮脆肉妓，明太子好惹味同菇好match！牛舌彈牙又juicy！整體食物都不錯！

今晚朋友又搵到間唔錯嘅日本料理，位置都好方便，由美麗華商場出沿著左邊一路行就見到這間餐廳，入去時要上一條短嘅樓梯，安排座下望吓餐牌，朋友推介了壽司，夠新鮮於是就由她發板，除此之外還點了個幾特別嘅小食炸河蝦，細細隻，每隻都炸得十分香脆，真係十分香脆可口！壽司每樣兩件分別有火炙左口魚邊壽司入口個種肥味真係令人回味。油甘魚腩壽司，油甘魚腩色澤紋路分布均勻，肉厚肥嫩，滑嫩多膠質，入口即能融化在舌尖上。帆立貝壽司，大大隻之餘，味道鮮甜，肉質扎實爽脆。火炙墨魚壽司，味道較為清淡，口感出奇地有咬勁，咬起來十分彈牙，口感嫩中帶脆，肉汁在不知不覺充斥在你的口中。接住就係燒法式鵝多士，在香脆可口嘅多士上放了了件超肥美厚身嘅鵝肝，入口只在口中容化，而當中嘅油脂夾埋塊脆多士一齊入口，感覺唔會太油膩！再加埋串燒田米茄子豚肉串，燒得香軟嘅茄子內加埋軟熟豚肉，入口夠晒口感，由多汁軟淋嘅茄子到有口感入味嘅豚肉；當然還有最愛嘅鹽燒雞翼串，師傅已經開邊燒，上面皮脆之餘雞肉肉質唔會燒得太乾，恰到好處！整體十分滿足，最後加埋個甜品，黑糖漿配水信玄餅，水信玄餅透明如水晶，入口即化。感覺十分完美！

尖沙咀日本菜在附近逛街，選擇了在這裏吃午餐。我們點了：三色藍鰭吞拿魚籽丼定食 $198 丼物包括吞拿魚蓉、吞拿魚，中トロ和魚籽。刺身新鮮美味，特別是中Toro ，非常肥美新鮮，沒有筋。刺身各份量亦都很多。火灸海鮮丼定食 $108 包括火灸帆立貝、火灸左口魚邊、海膽和魚籽。帆立貝鮮甜，左口魚邊經過火焰後魚脂特別香濃，海膽和魚籽也很新鮮，CP 值很高。定食還包括一小碟八爪魚蘿蔔煮，蒸蛋和味噌湯。食物質素有水準，份量適中。這裏裝修得像日式居酒屋，環境舒服，有機會會再來。

我真係好鍾意食日本嘢㗎！所以成日都周圍試週末嘅中午，我哋就去咗真鰭食午飯定食好豐富、質素高價錢又合理我哋十分鍾意！👍🏻.🔸三色藍鰭吞拿魚魚籽丼定食（$198）❤️超正！有赤身、大拖羅（我至愛🥰）、洋蔥吞拿魚蓉、三文魚魚籽。分量多又大件，而且好新鮮，刺身質地彈牙，好好食！.🔸蟹霸丼定食（$148）淨係聽個名都知佢勁，成個丼都係用蟹係做材料，有蟹膏、蟹肉、軟殼蟹，附有溫泉蛋。我先將炸到脆卜卜嘅軟殼蟹🦀擺埋一邊，再將其餘嘅材料同啲飯拌勻嚟食，蟹膏好濃而唔腥，真係好正！.🔸油甘魚壽司❤️、三文魚壽司（$48）壽司上嘅刺身好新鮮！個人覺得油甘魚好正，魚味甘香、彈牙，值得一試！三文魚正常，都好食。同埋醋飯好食！個醋幾香，啲飯幾煙韌，整體好食！.🔸定食配料：茶碗蒸、芥辣八爪魚、麵豉湯三樣都好食！蛋好滑、有高湯香。麵豉湯似係用咗紅麵豉，味道香濃。