影片
港鐵佐敦站 A 出口, 步行約5分鐘
繼續閱讀
開飯介紹
一個三十出頭的年輕人，對飲食充滿了熱誠、堅持與要求;
這個年輕人四處學師，將各名店的老師傅，畢生都在鑽研的最佳烹調配方，
學會，再加以改良。
新穎風格，傳統口味，將要為食客的味蕾帶來前所未有的新感受。
全港只此一家的獨門秘方，你，準備好了嗎？
繼續閱讀
營業時間
星期一至日
11:00 - 00:00
以上資料只供參考, 請與餐廳確認詳情
招牌菜
經過此粥麵店食品選擇挺多，想不到也有豬扒、雞翼麵或飯，更意料不到鎮店的其中一款食品是南乳豬手。此店推介下午茶餐中的「南乳豬手飯」是必吃選之一。下午茶吃飯？真的感到「十年唔逢一閏」。可是，因很少來這區，同時也吃得下，最後也要了「南乳豬手飯，加配熱夠薑奶茶（$5）」。「夠薑奶茶」聽起來讓我感到有點繪形繪聲，原來是「薑蜜混奶茶」，有創意。喝下，薑味中有微甜，又滲出不澀的順滑奶茶味，又可吃到少許薑絲，味道挺奇妙，好喝而令人留下印象，值得讚賞及推介。至於南乳豬手飯，豬手肉軟入味，汁料拌送軟綿的飯好吃。總的來說，食品質素是合理的價格。
繼續閱讀
一踏入店裡，對住門口有２人位，我地就坐落去，另外的都係長枱４人以上嘅位，都係全用上木枱木櫈，加埋店裡裝修，感覺就更老店。餐牌方面都好多款式，除了有是日飯餐外，更有石仔自選粥餐／麵餐，都係粥／麵+小食+飲品，睇下圖中餐牌就知都有多款野可揀嘅。本來我都想揀個粥餐食，點知只有豬紅魚片粥我係食嘅，但我又唔食魚片呢，最後都係放棄啦，最後我地揀左以下野食：① 自選粥餐：杞子滑雞粥+京醬豬紅+熱檸茶 ($52)② 生滾豬肚粥 ($28)③ 油炸鬼一條 ($10)Total= $90其實食粥嘅都唔算平，不過份量係足料嘅，食完都幾滿足，雖然店的隔離都有間更舊底粥鋪，價錢平３份１，不過呢間都算係用心製作，可以返轉頭。 熱檸茶：細細杯，紅茶味好重，檸檬好似唔使錢咁有好多片，比出面飲果Ｄ好飲！京醬豬紅：餐牌寫係「秘方」喎，本來都驚會油油的，因為出面食開潮洲打冷都係油油的，點知上菜見到又唔係喎，雖然細細碗，不過份量都算幾多，深棕紅色醬汁只有小小辣帶甜，豬紅質感微實帶滑，估唔到係好食嘅。生滾豬肚粥：其實我以往出街食粥唔係白粥就豬紅粥，今次比我見到有豬肚喎，好想試下白灼豬肚會係咩味？米粒已被煮開嘅粥底好綿唔會水汪汪，裡面有薑絲、蔥絲，好食；豬肚好大件份量多，本怕太大咬唔開，但又好腍身唔腥都幾好食喎。杞子滑雞粥：都幾多杞子，同樣的粥底有杞子係到變相甜左，雞都幾滑，唔錯。油炸鬼：係即叫即炸嘅，上到來仲係好油好油，不過當然係好脆！
繼續閱讀
晚上6點30分，由於未到晚餐高峰時間，不用等位便可入座。店內整潔，大概可以容納25人。門外的是日特價餐牌。石仔自選粥餐及麵餐，價錢$38-50，包指定粥品/麵食1碗，指定小食1客及凍豆漿1杯或指定熱飲，凍飲另加錢，價錢會較單點便$5左右。招牌及第粥$45連凍豆漿及三絲炒面所有米粒已被煮開，吃一口，粥綿密，水米比例剛好，一路吃一路攪拌都不會出現變成水的狀態，證明真材實料。粥底還帶著有種好鮮甜的味道，光吃它的粥底已可以大滿足，有少許的薑絲、蔥絲，令到粥底鮮中帶少少辛，好開胃。粥的配料有豬肚、豬腸、豬潤、豬肉丸、豬心。豬肉丸吃得出是手打的，表面帶點粗糙，肉的鮮味十足，咬下去口感略帶爽口，可惜碗內只有一粒。豬潤非常爽口，不會過熟；另外，豬心也同樣爽口，好味。豬肚及豬腸相對地較為普通，没有令人有難忘的感覺。豬紅魚片粥$42連凍豆漿及椒鹽黑魚丸吃了一啖友人點的豬紅魚片粥，粥底一樣鮮甜。店家非常大方，整碗粥滿滿的豬紅及魚片，由於粥底煮得够靚，只要加上自己喜歡的配料，已經是非常美味。椒鹽墨魚丸，表面被炸至微微金黃色，咬下去，香口紮實，墨魚肉味道清晰，味道不俗。份量十足的三絲炒面，不油膩，麵的柔軟度適中，帶少少爽口，有椰菜及紅蘿蔔絲伴炒，口感豐富。埋單時看見價錢後「-4」，查詢店員後得知，「七點前入座」可以享受扣減$4優惠，非常抵。食完野，仲可以慢慢坐係度傾計，店員都没有催促我們結賬。埋單時已是八點左右，店內坐滿了八成。如果想傾下計，早些入座，可以又便宜又坐得舒適。店員有禮貌及用心工作，整體讓人感覺舒服。
繼續閱讀
我同太太最愛食宵夜，佐敦宵夜選擇多，但過左晚上11點仲有開的就唔多啦。石仔記係我同太太最愛去既地方之一，因為食物正，又近觀塘小巴站。今晚工作太夜，太餓了，又拉老婆去石仔食野啦。講到好味，佢地豬既野都好食，豬膶、豬手、豬扒、豬心、豬雜。我地點左下面的:1.) 淨豬手(小): 大概4隻，一如以往，南乳非常入味，夠林但又保番咬口，唔會似深水埗堅記咁林到爛。必食。2.) 及第粥: 勁大一碗，夠兩個人食，豬膶勁爽有鮮味，粥底綿滑。不過如果一個人吃可能會太大碗。3.) 石仔雜綿拼盤: 本來想叫豬扒，原來拼盤有豬扒、雞翼、墨丸等都係多$12，就叫了一個。豬扒真係好鬆軟，好軟好好味，出面茶記常常又乾又硬，石仔記真係食上癮，炸雲吞好脆皮。3樣加埋先$98埋單。愛豬既我，真係次次都無失望。想食公仔麵有揸豬膶既一定揀維記; 想食大地魚清湯鮮味豬膶，一定食石仔記。
繼續閱讀
在佐敦閒逛不知吃什麼, 到開飯search, 石仔記是好評不少一家, 三人吃了兩個餐... 有很多選擇可自由配搭~粥餐: (around $50)及弟粥 - 豬潤真是如其他好評說的一樣, 夠厚又爽口, 一碗兩大片是一流, 其餘的豬肚, 粉腸, 肉圓等.... 都吃得出新鮮~ 粥夠棉滑, 好正~豬紅 - 也是多人推介的, 蠻大一碗, 但略嫌唔夠入味....薑汁奶茶 - 必是冬季恩物, 還有一條條薑絲放底, 薑味恰到好處, 奶茶也算香滑, 不妨一試麵餐: (around $50)豬手河 - 豬手入味而稔滑, 件數算不少, 河粉索了湯汁又滑又好味~炒麵 - 店上餐牌說它是招牌又足料, 而其實是.... 本人覺得還ok吧~~薑(了什麼)蜜 - 比不上薑汁奶茶好喝家庭式經營, 出品不錯, 食品價錢合理, 質量比同區其他店可取, 只是地點有點吊腳..... 不過, 進餐其間他聽到電話不停响, 看來外賣order的生意也不少~好希望它長做長有, 別被連鎖集團餐廳代替
繼續閱讀