石澳林明園燒烤場BBQ士多

營業中

休息中

我經常幫襯呢間食店，睇到某啲評論據我所知店舖阿姐待人好友善，同老闆都好好人睇嚟有冇位仁兄大嬸係特別對依間店舖阿姐另眼相看與眾不同，我去過咁多間燒烤食品，依間係我覺得地方可以講係乾淨企理，食物好食多選擇，疫情期間有段時間冇去聽講轉手俾人做得好差，好懷念佢嗰度啲食物，因為冇限制食物任你揀食幾多都得，有我最鍾意嘅羊架、豬頸肉、多春魚仲有好多，我都好鍾意食，佢哋都有成幾十款飾物俾你揀，剛剛又想去燒烤流晒口水🤤

諗住天氣仲有少少涼 就不如燒下野食 諗住唔使買嘢去啲任食BBQ 上網睇到石澳有呢間任食既 就諗住一家大細同兩個朋友行完龍脊嚟燒 但係原來同預期爭咁遠🫠我哋行完山夜晚燒 入到去有個阿姐啲態度麻麻地 明明個場冇乜人 但係就指定一定要我哋坐某個位 我哋話想坐室外空氣流通啲都唔俾🥲不過唔緊要啦 我都知有啲舖頭因為冇乜客會封左某啲區域到我哋夾嘢食嘅時候 個阿姐叫我地食得哂先好夾 我都明白唔可以浪費食物 但係佢啲態度好似講到我一定會浪費食物咁 同埋啲態度好差 嚇親我小朋友🙁喺我哋燒嘢食嘅期間入面佢不停出出入入 好似喺度偷睇緊我哋會唔會偷嘢食或者浪費食物咁 好誇張🤷🏻‍♂️搞到有啲燒得唔自在我地最後燒左個幾鐘就走😅雖然佢係4小時任食我地未食飽就諗住走啦😂但係我想講佢啲雞翼有啲叔叔地 都係我地咁早走既原因🥲總之係一次唔愉快嘅經歷🥲再燒嘢食都係去返大尾督嗰邊好啲順帶一提佢個廁所勁污糟 我老婆唔夠膽去😅希望佢地可以改善下🫠

一向係林明園既熟客仔因為貪方便，設備又齊全但琴日去完之後真係好失望我地一行6人，無預過已轉手一去到已經見到啲人唔同咗見唔到之前嗰兩位叔叔同姨姨反而變咗幾位後生嘅人或者真係沒有比較沒有傷害以前無論蜜糖，手套都係每枱一樽，一盒新既放枱但今次去到只係放低左一盒好細盒既蜜糖（出面買外賣用黎載薑蓉個個盒仔，仲要係得半盒多少少）同我諗大約十隻既透明手套問心，第一個感覺係好孤寒真心唔會夠用其次，因為以前就算寫到明限時4小時都好叔叔佢地只要個場唔係真係好爆佢地都講到明無所謂亦唔會開聲要你加鐘但依加係企硬4個鐘就係4個鐘（事關我地一行6人，未到齊時打算先開爐，但負責人講到明一起爐就開始計時，多我15分鐘都唔得）真係揸到好正都好啦 照燒野食方面比以前少左但味道上唔算差的 除左黑椒雞翼開始變酸其他都還好調味料，蔬菜類無再好似以前咁齊少左好多野最介意既兩點點係，事前並無提醒幾點後就會無野食拎結果我地時間未到 大約仲有40分鐘左右出到去已經同我地講無得再拎到最後，我地仲有15分鐘左右已經入黎熄哂d風扇個感覺真心趕客本身一開始唔同左已經好失望最後個結果係直頭反感我明白唔同人有唔同做法只能說個差別太大同行嘅朋友都有

星期六同朋友行完龍脊⛰️諗住落石澳醫下個肚，行下行下見到公眾停車場🅿️最入有間自助燒烤場，初頭以為疫情唔開門...點知老闆咁啱行出黎就講，我地今日有開門呀之後就入咗去燒...好難得疫情下都仲有BBQ，幸好今日唔多人燒，環境舒適、食物味道不錯（推介金沙骨、豬頸肉）老闆仲好好比我哋由1點燒到6點，下次會再幫襯😋

琴晚一行4人。園內衹得三四枱客，每乜生意。吾知係咪阿姐好得閒，不停地巡邏每張枱及檢查每枱約垃圾筒，亦不停地警告不要浪費她的食物，佢話佢個場週圍放滿哂CCTVs監控所有客人喎!(我們並沒有浪費，反而食好少嘢。傾計多過攞嘢食。)吾知呢個阿姐係咪曾經有過慘痛的遭遇，但她發洩在無辜者身上。我哋去係想享受BBQ及相聚時刻。比呢個阿姐煩足成兩粒鐘。最後，我哋吾想再比佢煩，早早就埋單。轉場去其他地方。埋單$760。貼錢買難受! 永遠永遠都吾會再去啦! 

新年後既平日假期，一行6人去石澳燒嘢食，貪自助唔使自己準備嘢食🤪去到原來未開門，老闆娘話平日少人，所以幾時去都就即刻開舖俾我哋燒😂所以變咗包場價錢係$160/4小時呢一間幾年前都嚟過，服務態度不錯👍🏻種類唔算好多但係衛生，少人，唔使同人迫！食物種類方面有牛肉、豬肉、雞肉、羊架、多春魚、各種丸類特別推介羊架🥰不過唔係太多肉另外雞扒都好推介，雞肉十分入味，大細剛好！燒左好多塊黎食🤤👍🏻

約左一班朋友行龍脊，行完山諗住係附近BBQ所以就book左林明園，見openrice唔係好多comments都驚驚地架，不過去到係有驚喜既👍🏼去到地方好乾淨，仲比我地自己揀位坐👏🏼👏🏼我地仲坐好先比錢😂😂$160位，包2罐/支野飲，任燒4小時。估唔到佢都幾多野食，味道都正正常常，因為有時d BBQ場野食都幾難食🙈🙈🙈呢間真係覺得樣樣都ok，朋友們都覺得唔錯丸類都算多款，朋友話係廚師腸添👍🏼飲品都好多款架！全部都唔使加錢架👍🏼👍🏼最估唔到係有咁多醬料比人調味，真係好特別👍🏼有d場想要多少少牛油可能已經要加錢😢😢張枱真係算乾淨，好少可見到d BBQ場咁乾淨不過可能因為秋天，夏天可能會比較多人就未必咁乾淨喇😝呢度除左洗手間，仲有浴室，方便大家玩完水BBQ時沖身！如果係附近又想BBQ都會番黎林明園😆

呢個天氣最岩就BBQ，怕麻煩既我當然會揀自助BBQ場啦 起初以為近港島呢邊係冇自助BBQ場，要去到西貢個邊先有，但上左黎Openrice做小小research，先知原來石澳係有呢類BBQ場。見到其他人對林明園有唔錯既評價，所以就揀左佢啦。環境同地點對於住港島既我係非常方便，由SKW去到石澳都係差唔多半個鐘到。而且去到又易搵，係停車場行到最入就已經到。BBQ既地方尚算大，起碼唔會覺得好逼。而且仲有好多把風扇，如果怕熱既話就可以用。而且對面就係沙攤，食到飽可以去行一陣~~食物種類可以燒既野黎黎去去都係個D，丸類呀，扒類呀，菜，但我最欣賞既地方係調味料非常齊全豉油，蒜蓉醬，糖，鹽，牛油，辣醬都一應俱全~ 另外，飲品既種類都好多嫁~ (冇影到個凍櫃)服務方面呢個一定要讚一讚呀 由打電話去Book個時已經好好禮貌，去到個度仲好好招呼，想要D咩佢都會盡量去滿足你。另外，又會提供一切所需既野比你，例如燒烤差，碟，蜜糖，紙巾。而且會幫你透埋爐tim嫁~ 但個人覺得有樣野唔係幾好，就係佢會比一盒全新未開過既膠手套你，但根本唔會用得曬，感覺上下下要開過盒新好浪費~ 仲有既就係，雖然佢話限4個鐘，但其實你坐

夏天心血來潮想BBQ 一開頭入去勁多蚊 店主超好拎成4 5個蚊香黎點 又有蚊拍水提供 過左幾分鐘啲蚊完全冇晒 開晒啲風扇吹住 直情係冇流過汗👍🏻 服務簡直一流 野食方面 有好多種類 肉類 魷魚、羊架都有 值得一讚既係連芝心丸都有 金菇既配料都可以自己落 另外 枱面有超多醬料任你落 野飲款式極多 冇規定你拎樽裝定罐裝 有飲管提供的蜜糖都會俾樽新既你 唔會俾啲人地用過既你 手套都係一盒過俾 出面有電視機 可以一路燒一路睇衛生算中上 最後 最重要既係我第一次BBQ 冇被蚊咬😂😂😂石澳BBQ 絕對推薦呢家店 係其他鋪頭一罐野飲已經10蚊起 好抵食 希望有更多人黎❤️ 係淡季BBQ 建議早一日bk

今次只係想少少寫幾句, 純粹想俾個like. 題目都用回各食評的"良心餐廳", 因為是最貼切的.我和友人去鶴咀行完山, 見過最美麗的香港後, 上openrice 找了共四家在石澳有 bbq 的餐廳. 去到石澳沒有再多看, 靠小時侯記憶就去到了沙灘的燒烤爐店家. 租爐收200蚊, 炭每包88蚊, 食物醬料用具等等再買. 如此一來, 500蚊600蚊只怕只可吃腸仔魚蛋... 我們還是乖乖的上openrice 看食評的內容而不只是看地址. 看到一家店, 每篇食評都是長篇大輪的讚美, 我們就決定一定要食佢. 順著停車場的店家逐個逐個看, 終於在隱秘的角落找到了林明園.門口細細, 入面超大. 150蚊/人, 什麼都包. 開爐, 炭, 廁紙, 刀叉等. 手套還要一整包比我地, 出面的店多是每臺配合2隻用到穿哂洞先出去再換, 呢度都唔需要咁煩.蜜糖還是新的, 自己拆包裝, 一臺一個, 出面的任食都是溝水蜜糖咋!再去雪櫃, 任食 bbq 的凍肉都齊哂, 雞翼都有3款, 不俗. 腸仔款式新奇大量. 眼前一亮還有另一張臺, 有成百支醬料.... 任用....較奇怪的是有白酒, 天地一號, 叉燒醬, 咖喱醬

從幾年前第一次發現這小店開始，這裡就成為我想要BBQ時的不二之選。無論是公司活動還是朋友相聚，如果可以的話我都會提議這個自助BBQ場，每一次這裡都沒有讓我失望。相比香港的其他自助燒烤場，這裡相對地方比較小及迫，不過以港島人來說，可以在交通還算方便的石澳有一間價錢合理的自助燒烤場，而且食物質素更是我去過的衆多自助燒烤場中最好的，我覺得真的要推介一下。這次我們一行十四人，因為怕會下雨，book位時老闆特別給我們留了有蓋的位子，其實我自己比較喜歡戶外那邊。跟其他以上幾位的食評一樣，這裡提供的食物種類真的很多，基本上在普通超市找到的這裡都有，絕對不是來歷不明的品種。腸仔有三款，丸有超過十五款，連我最愛的芝心丸、腐皮魚條都有，好好味肉方面有豬扒、牛扒、雞扒、雞中翼、雞全翼、腎，有啲有兩種味，扒類我比較少食，我只愛燒雞翼，我覺得呢度啲雞翼比百佳惠康賣的燒烤包好味太多。小店的服務超好，除基本叉碟蜜糖外，抹手紙膠手套麵包醬料都有，老闆包嘅金菇仲超好味，真材實料，我個人就食左七包，飲品更是值得一讚，$138全包還讓我喝了兩支津路烏龍茶，有時會想，老闆你還有錢賺嗎？

我們一行10人, 訂左日間BBQ, 佢原本限4小時, 到左夠鐘時刻, 我去問可唔可以燒耐D, 不過老闆好好人, 話唔緊要你們食埋先走~臨走仲問大家要唔要再飲多支飲品, 我唔都唔好意思, 話唔洗, 呢到士多好有誠意, D飲品係雪櫃支裝, 咩大小都任你決定, 唔限取飲咩. 食物方面2個大雪櫃, 真係好多, 除左基本扒類, 好多出面無概食物: 方形芝士ball, 豆卜, 金妹牌火腿ball, 金妹牌芝士腸, 蝦條, 龍虾ball, 黑魚ball.八爪魚ball, 雞腎, 海膽ball, 金沙骨, 羊架, 真係貴野, 仲用錫箔包好晒金菇, 蕃薯, 栗米. 佢用膠碟, 鐵叉, 可洗又環保, 枱面放晒不同調味料, 豉油, 茄汁, 醬, 蜜糖係一樽新開, 唔係溝水果d, 牛油, 蒜泥...咩都有, 我地問佢無棉花糖, 佢都去左買, 無另外收我地錢, 又俾左副啤牌我們玩, 服務同幾位上面寫一服, 做熟客的, 佢個位置係最入停車埸, 可能少人留意, 佢用誠意的服務, 相信有多d生意, 洗手間好乾淨開爐個火好靚, 好大火d食物特別快熟,

第一次去這間店燒烤，也是第一次為了這間燒烤店而註冊去寫食評！以前去石澳ＢＢＱ大多都是在筲箕灣買食物去燒的，但這次由於太夜的關係，所以放工乾脆去燒烤店。與同事是預先ＢＯＯＫ了位的，一進店老闆便很熱情的招待我們，然後便領我們去空閒的燒烤爐位子，沒想到的是老闆親自幫我們起爐，完全不用我們動手！起爐後便可自行去夾食物，兩大個冰櫃，丸類與肉類各佔一櫃，分隔的很清晰。肉類有雞／牛／豬排、金沙骨、雞翼（分開幾種味）、豬頸肉、雞腎、八爪魚etc.而丸類則有豬／牛丸、八爪魚丸、蟹籽丸、芝心丸、腸仔、多春魚etc.更驚喜的是旁邊有用錫紙包好的栗米、金菇，完全不用動手，見老闆包時加牛油及蒜蓉，完全不馬虎。每人包２支飲品，有罐裝及支裝，任選有某些支裝飲品更是外面便利店售十數元。抵！每台有一盒一次性手套、紙巾（卷），蜜糖等東西，好方便！下次真的完全可以手fing fing來燒烤啦^^總之全晚都好滿意及開心，有時老闆更會過來講下笑服務真的很好！值得讚完再讚～以前與同學去ＢＢＱ每人要夾$100，但現在只要$130就全包，超值！一定會再來

老細非常熱情,所有燒烤用品都有提供,計人頭$130一個,所有野都無另收費用可以放工輕輕鬆鬆兩手fing fing去燒野食好方便食物方面,基本上平日bbq會食既野都有齊(連羊架都有!)錫紙包金菇好足料,見佢即場包有落牛油同蒜蓉,唔求其最驚喜係有一籃番薯可以拎去燒,實在非常過癮,第一次自己燒番薯食每位包2個飲料,不論罐裝/支裝/樽裝都可以拎當晚飲左兩支X路烏龍茶,出面便利店買都成十蚊支總括全晚都好滿意,可能由於老闆態度實在好好睇得出用心經營,盡量做到既服務都做俾你,值得支持唯一缺點是位置比較隱閉,生客比較難搵到入去所以當晚所見客人都唔算多

是這樣的.朋友生日,一行十一人第一次冒險試港島區的自助bbq..其後被其感動.1)地方乾淨,環境舒服!! 起爐,炭,膠手套,紙巾..應該要有既一樣都冇少到.2)百二蚊什麼都包,飲品唔係一般的汽水一罐,而係只要你係佢雪櫃見到既都可以拎,平時買一支都十蚊3)睇住佢地包埋蒜蓉金姑,蒜蓉係一樽樽李錦記開出黎的,唔係平時見到一膠袋不明來歷的4)問老板會唔會有棉花糖,老板話佢冇,不過可以幫我地買,之後就去鄰店幫我地買成大包返黎一蚊都冇收過5)食物新鮮乾淨,可能醬汁及用料靚6)7)............................問過老板咁樣圍唔圍到本,老板話賺得唔多,但起碼希望客人可介紹朋友黎及返轉頭搵佢.其實即使我默默地食完都會真心讚好及推薦!!!!!!!!!!!!!!!!!!!!!!!!!!!!!!