影片
港鐵九龍灣站 B 出口, 步行約13分鐘
繼續閱讀
營業時間
今日營業
07:30 - 22:00
星期一至六
07:30 - 22:00
星期日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
今朝經過見開咗門，lunch time同同事黎佢先😋聽講係星期六開門嘅，今日係試業第三日，排隊嘅人頗多，店員都有啲手忙腳亂，落單到出餐大概用咗15分鐘左右。有驚喜嘅係外賣用保溫袋，但問題係我入面有凍飲同熱食，擺埋一齊係保溫定保凍呢🤔⭐麻辣雞肉吐司買完行到返公司都仲熱，吐司係用三文治機夾出嚟，外面烘得香脆，入面餡料亦多，叫了呢個麻辣雞肉味，雞肉係免治雞肉，爆漿唔鞋口，但係麻辣味唔突出，當佢普通雞肉吐司食都ok嘅。⭐芋泥西米露自己再加多咗碗芋泥西米露，食落有椰汁味，將芋泥同西米露拌均一齊食都幾香甜，有芋頭香又有椰汁香啦。不過個人而言，都係鍾意傳統有一粒粒芋頭嘅西米露多啲🤣抵讚係呢個芋泥西米露只係微甜，食完都冇乜罪惡感。⭐芋泥豆乳沙冰同事揀左午餐餐牌上嘅幾款吐司，但都賣曬，果斷放棄淨係要咗杯沙冰試下，但係沙冰口味都係賣得七七八八，最後要咗同款嘅芋泥豆乳沙冰。芋泥下得很多，豆乳香滑，基本上無糖，同事話豆乳飲唔到甜味，芋泥就有少少甜。建議盡快飲完，由於係紙杯同紙杯蓋，放枱面放左一陣已經軟皮皮，加上係沙冰，啲冰溶咗會變得好淡😂店員都有提醒最好兩個鐘頭之內飲完㗎。新店開張未能盡善盡美，不過有新品牌進駐香港都係一件好事，可以畀多幾次機會佢，試下其他口味嘅熱食、糖水同埋飲品呀😘
繼續閱讀
30年老字號新加坡嘅石磨樂豆終於係香港開咗分店。佢哋係香港自設廠房，嚴選加拿大A級黃豆，用全自動石磨日日鮮製。除咗豆乳，有多款不同特色嘅年輕化產品。抹茶紅豆小丸子豆乳抹茶味非常之濃，加埋豆乳、紅豆、小丸子最啱就係係下午茶時間整返杯醒下神。即磨咖啡豆乳有冷有熱，香濃咖啡味又可以飲出豆乳味，冬天飲暖笠笠。鹹蛋黃碎蛋吐司除咗豆乳亦有輕食，呢款鹹蛋黃碎蛋吐司係新產品，鹹蛋黃份量非常之多，加埋碎蛋夾成飛碟，食嘅時候又飽餡嘅感覺。川貝枇杷膏豆腐花呢個好神奇，豆腐花crossover 川貝枇杷膏。估唔到又幾特別，川貝枇杷膏只係淡淡用嚟釣味，加入豆腐花令佢更加清爽，可再加啲淡糖水更好味。
繼續閱讀
星加坡過江龍豆品專門店 · 石磨樂豆有不同的豆乳飲品同甜品 選擇都幾多👍🏻間中會出期間限定款食品/飲品 另外仲有啲熱飲供應 秋冬路想飲凍野就岩哂❤️黑白芝麻豆腐花 $28黑白兩色的芝麻融入豆腐花賣相靚到好似一幅畫咁芝麻香氣濃郁 豆腐花好嫩滑😋暖暖地一入口就輕輕融化 好窩心💕.爆餡芋泥吐司 $38吐司外脆內軟 咬下去芋泥爆哂出黎 勁足料唔會太甜 有滿滿的滿足感🤪芋泥控必衝🏃♂️🏃.樽裝木瓜雪耳雪梨豆乳500ml $36聽個名都有種滋補健康的感覺😚樽裝設計方便隨時飲用清新木瓜同雪耳口感清爽 味道滋味甘甜.即磨咖啡豆乳(熱/凍)700ml $38幾有驚喜❣️估唔到咖啡同豆乳都幾夾凍冰冰飲真係暖心🥰即磨出黎的咖啡特別香滑
繼續閱讀
「石磨樂豆 Jollibean」是來自新加坡一家30年老字號，來到香港之後非常受歡迎，好欣賞品牌30年來都堅持每晚浸豆、每朝煮豆，而且更開創健康輕食先河，改變市面上輕食多數都係煎炸油膩嘅垃圾食物👍👍 原材料嚴選A級加拿大黃豆，每日石磨鮮製，更在本地自設5000呎廠房，購入台灣全自動化磨豆機，所以豆製飲品非常新鮮，更定時推出季節限定餐目，例如鹹蛋黃碎蛋吐司、 蝶豆花茉莉豆乳凍 、川貝枇杷膏豆腐花等更為冬天設計有3款熱飲，好立克豆乳 、即磨咖啡豆乳 、 9 °微甜濃豆乳 👍👍▪️田園慢煮雞扒吐司$ 41烘烤遇嘅吐司麵包，雞扒經慢煮和香草醃製，肉質嫩滑而且好入味，配上新鮮蕃茄和蔬菜，作為早餐或者輕食午餐非常適合，健康美味▪️好立克豆乳700ml $ 29秋冬最適合飲的熱飲，好立克加上豆乳，唔太甜之餘好立克味道香濃，豆乳令杯飲品更香滑▪️樽裝日式紅豆豆乳 $ 29綿綿的紅豆蓉清甜香滑，配上香特濃嘅豆乳，是一個非常美味的組合▪️椰乳仙草西米露$ 37整個甜品好有口感，椰奶充滿椰子香 ，配合香港人最愛口感滑溜仙草，再加上椰奶最佳拍檔嘅西米露，豐富好滋味
繼續閱讀
平時返學成日都經過石磨樂豆想試左好耐豆乳嘅飲品甜品&各款吐司好健康輕食feel好過食其他煎炸油膩嘅輕食😗見Jolibean有會員app好似有折同其他優惠不過今次趕時間未研究下次down app登記完會員再encore🫢***🥢田園慢煮雞扒吐司 $41吐司係切左半嘅飛碟脆邊✨ 咬落去啲餡又唔會"咇"哂出黎🥳雞扒係香草味 肉質嫩滑***🥢三色芋圓西米露 $39芋圓煙韌✨西米滿滿大滿足豆乳底好食過平時市面普遍嘅椰汁底因為冇咁甜同漏🤤***🥢樽裝木瓜雪耳雪梨豆乳$36呢個好特別豆乳唔杰撻撻 係好濃郁嘅豆漿feel😍估唔到木瓜同豆乳又幾夾飲落去有種小清新嘅感覺***🥢奶蓋芋泥小丸子$39芋泥係永遠拒絕唔到嘅飲品/甜品配搭🤣呢個睇個名好似甜品但係係嘢飲黎😗***4樣嘢食嘢飲都好好味見佢依家有期間限定款鹹蛋黃碎蛋吐司,蝶豆花茉莉豆乳凍&川貝枇杷膏豆腐花川貝枇杷膏做甜品材料真係未見過三樣都好想試🤤仲有熱豆乳 例如好立克, 即磨咖啡 & 9 °微甜濃豆乳好啱凍到震嘅時候飲咁😍下次早餐再戰😋
繼續閱讀