碗屋壽司別館 (已結業)

碗屋別館開張都應該已一年多，自從新開張時試過一次覺得很一般後就沒有再幫襯。今日午餐沒有特別想吃的，同事叫我不妨俾多一次機會再試，就看看有沒有進步。今日不太有胃口，只外賣了數件壽司。還記得第一次試時，三文魚壽司的筋令三文魚咬不開的，很奇怪以碗屋的質素不應該如此低。今次有筋的不是三文魚，而是吞拿魚。奇怪是應該是軟腍腍的吞拿魚都可以俾佢地整到有筋。還有十分不濟的是鰻魚，鰻魚有小骨是應該的，但小骨大到要邊吃邊吐骨就令人食慾大減了。我想應該不會有第三次了。

不單係Hannah 爸爸和hannah媽媽很喜歡吃日本菜，就連家人都一樣。Hannah爸爸在這間餐廳平時多數在下午叫外賣便當，不過今晚就和家人一起，一行16人就可以包場放題，一個月前book，提早慶祝聖誕節！香港有許多做放題的餐廳，但很多都不太新鮮，亦無咩特別，名義上任㸃任食，卻叫10件黎5件，甚至流單，非常不爽。這次體驗非常不同，只要夠16人就可以包場，更加無流單，放題餐廳中，食物已經算是一流水準，除了軟腳蟹外，其他都非常出色。汽水飲品要另外收費。有綠茶，另外自己帶了酒水也沒有收錢。加埋一，每人大約400，不能説超值，但一家人有個地方傾計，又可以盡情地吃，已經是非常值得了。因為包場，Hannah 的bb 車也有空間。不過如果不是包場，恐怕位置不夠了

想吃個quick lunch，又想試下新地方。同事帶了我來碗屋壽司別館，碗屋就聽聞過，別館是差不多嗎？原來類似便當外賣，滿足哂兩個要求，還不用等位。自助形式，先落單，然後自己斟茶，拿餐具和wasabi，到入面坐著等。很快就來了。刺身便當賣相都不錯。可以配茶漬飯或烏冬。除了八爪魚外，刺身都幾好食，又新鮮。三文魚和油甘魚很肥美，邊咀嚼邊細味魚脂香。甜蝦，帶子和海膽十分鮮甜。本來只抱著一試的心態，刺身的水準比預期高。茶漬飯就相對沒太大驚喜，但味道都可以，而且用料都不吝嗇，有大量三文魚肉。可附送的麵豉湯實在不敢恭維，只喝了一口。同事說茶漬飯較抵食，有紫菜和三文魚，烏冬就只有烏冬，單調點。看似不多，但都幾飽。又快又好食，可以再來。

午餐有時候就是很想吃日本菜但又沒有坐下來慢慢享受的時間。在中環可以外賣的壽司選擇不多(要不就是很貴)，所以這好吃而價錢又合理的就更難得了。碗屋別館是碗屋開在中環的支店，食物種類較少但一樣新鮮好吃，而且價格便宜許多。因為位置比較難找，所以一般午餐時間都會有位置! (這次我是外賣自取) 位置在皇后大道中，萬邦行附近轉入利源東街，靠右直走就看到了。門口貼有午餐的menu，壽司一人份有三到四款，$78-138都有。想吃熟食的話鰻魚飯也是好推介，燒汁做得特好，微微帶甜又濃郁。這次點的是$118的十二件壽司SET (吃掉一件才想起拍照)，包括貴價的海膽，吞拿魚腩跟花之戀實在超值。最好吃的是葱吞拿魚，即使剁碎了仍完全充滿吞拿魚的油香。門面沒有很花巧但食物質素超好的碗屋別館的確是午餐外賣自取之選。

中午，行到上址，見有位，行入去。叫咗壽司食，啲米感覺好硬，初頭以為係冰過，後來先知米心未熟，所以食到啲米硬到死。因為抱住不浪費的理由，夾硬食到最後一件，食唔落。

咩都係自助...sauce 食自己, 茶食自己仲衰過牡丹樓見到咁...鰻魚飯係畢完飯加汁...鰻魚油冇法滲入飯中餃子very good日式快餐店Mixed sushivery fresh & 肥美D飯壓得太實太多飯...service very good!!!nice lady

之前LUNCH 行過,看到"碗屋"傳單, 再看真是別館，吸引了我。seach 下openrice, 有放題喎, 就見到"碗屋"呢個品牌已是信心標誌，打去問下。價錢比市面一般的放題，較高少許，但"碗屋"喎，應食物品質有保証，想一試。　每位　$348 (不加一）今日心血來潮，打去問下有無得WAITING，真好彩剛有客日改日子，放個番張枱4位出來，就係咁，我便有機會一試了。都有睇過其他食評，得悉地方不大，已有心理準備，但來到又真係有點suprise，全場真係只能坐多16-20人，是日共有有客人16位。16位以上，係可以包場的。。。坐低，為每位客送上一客牡丹蝦及海胆剌身，好新鮮呢...看到餐牌第一刻，內心有點一沉..... "魚生剌身 (只限15件)"，心裡即想... "不是放題任食咩?"哈哈，我相信，大家食過便會明白.. 因為其實一個人食15件係會好夠，因為個肚仲要食其他東西呢...放心，其他食品是不限數量任點的..剌身: 質量好，新鮮 (相比其他放題，立見高下)串燒: 質量好，新鮮天富羅:　新鮮，炸漿薄手卷、壽司: 質量好，新鮮鉄板燒　：　好味道，材料新鮮　（厚切牛肉，再點了幾次）没有影相

今次已經係我第2次嚟呢度食嘢食物仍然保持住高質素必食推介一定係有成隻手指咁粗嘅甜蝦壽司呢度嘅甜蝦唔單止夠大隻，仲超級鮮甜完全冇雪藏嘅味道第2個必食推介就一定係海膽刺身唔係太鍾意食海膽嘅我最怕就係唔新鮮海膽嘅苦味但係呢度嘅海膽新鮮到一啲苦味都冇入口嗰刻仲有即時融化嘅感覺

幾個同事去食飯，想搵個靜啲既地方，所以就嚟左呢間餐廳食。食完只想比三個評語，食材新鮮，份量十足，服務親切。果晚我地都點咗幾多嘢食，但我尤其推介花之戀壽司同吞拿魚刺身飯。三文魚好肥美，上枱果陣都仲係鮮冷既，食落去幾爽口。中間既沙津醬亦唔係求其搵支卡夫奇妙醬唧落去就算，醬既牛油味幾濃，口感又綿密，而且唔會太酸，無搶到三文魚的鮮味。吞拿魚刺身飯，剩係睇個樣都知份量十足，扒落口你就可以feel到，一半係飯，一半係吞食魚。食呢個飯只有一個建議，趁凍食。咁你就可以感受到，原來切碎咗既吞拿魚都可以帶俾你咁冰涼爽滑的口感。最後，個經理姐姐態度超好，舖頭唔大，同場又無咩其他客人，所以佢一個只係serve我地幾位同事咁濟，經理姐姐好有禮貌，回應得好快，咁既服務態度，係依家呢個當員工係機械，要伙計捱生捱死既飲食業，已經好難搵到。

星期五收工，幾個女仔想一食野一路講秘密，朋友建議去佢公司附近到食日本料理，因為貪佢位置夠秘密( 但勝在係貢茶隔離，好易找者)，最重要係我地６個人已可以包場，仲有靚仔廚師專門SERVE 我地。一坐底，先為我們提供一個健康小食~ 淮山 ( 我地仲以為是荀，但waiter講先知係淮山)在我地一路剔緊係咩的時候，靚仔廚師已為我地整好雞泡魚乾由於我係唔熟唔食，因此在佢地食緊鮮味的魚生刺身時，我已經享受緊我至愛的熟壽司系列不得讚，佢地的串燒真燒到岩岩好，外脆內軟，同專門食日式串燒的餐廳有得揮由於有專人SERVE 我地，因此永無食放題預到漏單出現，而且是即叫即整非常新鮮，所以一定會ENCORE

碗屋都去了好幾次，但BOOK位幾困難，得知在附近開了別館後。嘗試幫襯下，上星期到碗屋別館賣了外賣壽司，質素不俗。見佢有PROMOTION有晚市放題，今日收工就與朋友去試一下。我最欣賞海膽刺身夠大件及新鮮牡丹蝦刺身亦很美味，店內職員亦很細心，提議我們炸了個蝦頭來食，十分甘香。其餘食品都有不少選擇，各類壽司及刺身一應俱全，亦有BBQ食品如雞軟骨及牛舌等，很有水準。一定會再去