碼頭故事 (已搬遷) 新店位置

琴晚一行四人去左呢間係尖沙咀既碼頭故事火鍋。同fd約個時覺得呢間舖名幾得意，睇其他食評都話唔錯，就去試試！地點都算方便，近地鐵站，上一層就到。未坐低已經聞都麻辣既火鍋味，正！店舖裝修係行中國宮廷風，坐長凳仿木枱。簡左個湯底之後，職員教我地整調味醬。有別於出面一般火鍋店，佢呢度唔係用豉油做主，係用醋！我本身個人對醋其實無太大好感，但佢講到咁有特色，我就試下。出乎意料之外，幾match打邊爐。點菜啦，打邊爐必食牛！呢度牛既種類都有好多種，我地叫左幾款唔同既牛，各有特色，份量都好足！要介紹下個鴨舌，第一次咁樣食。雖然個賣相不太討好，但食落個味道同質感都幾新鮮，出面應該好少會食到，可以值得一試。整體黎講，會比個好評，坐得舒服，食物又有質素，推薦大家黎試一試！

話想食中式野同打邊爐，於是我地就搵左呢間符合曬呢兩個條件既碼頭故事。雖然呢間店出名麻辣，但我地4個人都唔食麻就叫左個大骨百味湯鍋（$118），但一樣都出色，湯料充足而且又入味。有別於其他既邊爐，呢到既調味料係❎唔用豉油，✅主要係用特製麻油＋醋＋蠔油＋蒜組成，職員仲好熱心教我地點去調味，估唔到出黎個味又幾特別👍🏻我地叫左餐單上既推介產品，包括一米鴨腸（$88）份量都好多而且好新鮮唔腥腥。嫩滑牛肉（$102）同安格斯肥牛（$138）價錢合理份量都好多夠我地咁多人食。千絲牛舌（$78）本身個味已經辣辣地而且口感好似食緊豬頸肉咁爽爽地，連平時唔食牛脷既朋友都話好味。手工青笋片（$48）切得好薄只要碌一碌就食得。臨走時仲發現餐廳裹面有獨立房間可以安排十人以上既座位，下次多人聚會都可以考慮呢間餐廳。

地方好易搵、上到去覺得裝修幾好，環境唔錯～唔會好似其他火鍋咁咁大煙～呢間邊爐係成都風格，係冇豉油架，經理教我地直接將啲蒜、蔥、芫荽再跟喜好加香油、醋、蠔油落碗～ 口味即刻唔同平時打邊爐咁，好特別！如果食唔慣既都可以用番平時既方法～湯底叫左鴛鴦鍋，一邊係牛油紅鍋，另一邊係大骨百味湯鍋～佢既麻辣鍋同出面食既係唔同架！佢係比較著重香，辣味唔會話好重～我地都係比較鐘意食肉，所以叫左幾款唔同既肉試下😋 嫩滑牛肉，比較厚肉，重牛肉味～口感似沙嗲牛肉仲叫左兩份安格斯肥牛，擺盤好靚，口感好，重牛味～一米肥牛，都好值得打卡，口感一樣唔錯～仲叫左精選五花肉～佢既蝦滑都好唔錯，好好食，推介！仲要左時蔬拼盤，金菇～脆炸魚皮係即炸既，好香口～總括黎講野食中上，環境好，價錢合理～見到9pm後黎有7折，咁就更抵啦！

Cashier態度勁差！！！！！！唔識用Alipay咪出聲囉！試咗三次都唔得！仲話咩銀行問題！但係部機咩都無顯示！收銀自己係度扮晒嘢！同埋語氣勁差！！！！！不知所謂！絕對唔會Encore！垃圾！利申：今日係其他鋪頭都係用Alipay買單 無任何問題

今日約左表妹食麻辣火鍋，當然要食最正宗㗎啦，據講「碼頭故事」係來自四川成都，湯底跟足四川煮法熬製，所以非常正宗。湯底揀左鴛鴦鍋，一邊係麻辣一邊係豬骨湯。安格斯牛肉🐂份量都算幾多，牛味香濃，肉質嫩滑，油花分佈平均，食落非常美味，配麻辣湯底就一流！一米鴨腸🦆本來猶豫左好耐揀鵝腸定臘腸，店員話鵝場就偏肥而鴨腸口感比較爽脆，所以我地就要左鴨腸。個人覺得淥8-10秒就足夠。手工青芛片☘️我真係第一次食！翠綠色而且切得好薄，擺盤仲好靚，淥得短時間就比較爽口，淥得耐就比較淋。山藥🥔仲order左平時好少食火鍋時會食既山藥。

今日去左食麻辣火鍋，呢間好清自己係正宗嘅麻辣火鍋店，想到去佢嘅裝修都幾古色古香，令人感覺置身係中國嘅特色小店一樣。正宗嘅麻辣火鍋我就未食過，所以我都唔知點先叫真正嘅正宗，但店員介紹返，正宗麻辣火鍋既醬料係唔用豉油，取而代之既係蠔油同醋，仲有調味油，另外仲會加蔥、香菜同蒜。所以我都算係入鄉隨俗，冇落到豉油落我嘅調味碗入邊，而係落咗蠔油同草，之後食落又發覺原來冇豉油都好好味。湯底方面，我哋就選擇咗雙併，因為擔心如果麻辣火鍋嗰邊太辣，都可以食返啲清啲嘅湯底。呢度嘅麻辣鍋冇得揀辣到，但係店員都表示話如果唔夠辣嘅話可以向店員查詢，然後佢可以幫你加辣。我哋食落去湯底都算幾辣，所以都冇再加啦。至於火鍋嘅配料，呢度嘅用了都算幾新鮮。想介紹返比較特別既係千絲牛舌，我係牛舌嘅愛好者，所以基本上去親有牛舌食嘅地方我都會試吓，不過我就第一次食呢一款千絲牛市，呢度提供嘅牛舌唔係一塊塊嘅，而係一條條，唔算好粗嘅切條，廚師將所有牛舌盤絲咁擺晒喺碟上面。牛舌本身有啲辣，係已經醃制過嘅牛舌。食落都幾特別，有少少爽口。買單平均每人三百幾蚊，以食麻辣火鍋黎計都算價錢合理。

對上一次食紅油火鍋都好似上年既事，因為對比起重慶火鍋，廣東同台灣火鍋更岩我口味，但今日要係尖沙咀搵食就忽發奇想黎呢度食。點左紅油鍋同蕃茄鍋，茄味唔算真但都有啲新鮮蕃茄係湯度，紅油就真係好重牛油味，落重本，食落唔算辣，但如果啲菜6落食真係辣到即刻叫左碗冰粉。通茶同皇帝菜新鮮冇渣，但不要放麻辣湯底，辣到飛起。茴香小油條係小型油炸鬼，6兩野都幾煙韌。一米肥牛好多塊但比較薄身，好配麻辣湯底。西洋菜餃都唔差，食到西洋菜味，又係同麻辣湯夾啲。重點我估唔到係鵪鶉蛋，放落麻辣鍋度耐啲有滷水既效果。另一個推介係紅糖糍粑，炸得外脆內軟既糍粑蘸上紅糖槳如黃豆粉，香甜軟糯。

今晚去左尖咀打邊爐, 黎到呢間成都人氣過江龍嘅火鍋店｡店內嘅裝修非常特別, 用左好多木製餐枱、屏風、板櫈 … 充滿濃厚中國風｡Order 紙上提供左好多另類嘅火鍋食材, 例如: 一米鴨腸、三秒海帶芽、金牌牛黃喉、精品豬黃喉、鮮鴨舌 … 有別於一般火鍋醬料, 呢度係推行成都食法, 即係將蠔油 & 醋加入蒜蓉、香蔥、芫茜撈勻, 然後再按自己嘅喜好放入特製嘅芝麻香油, 芝麻香油可以令醬料味道大大提升｡菌湯鍋雖然成都係出名食麻辣鍋, 但同行朋友唔食得辣, 所以 Order 左個菌湯鍋｡ 菌湯鍋用上大量鮮菇、金菇、香蔥 & 火腿片, 湯底味道都幾濃｡安格斯肥牛安格斯肥牛色澤紅潤, 大理石紋清晰可見, 每片都切到好長, 涮完後非常有咬口, 而且牛味濃郁｡脆肉鯇魚片魚肉呈乳白色, 絕對可以用 “爽、脆、鮮” 黎形容｡茴香小油條小油條加入左香草, 就咁食有 D 似迷你版嘅油炸鬼, 但一 D 都唔油膩, 如果放落去湯鍋, 可以令小油條吸收晒湯鍋嘅精華｡手工韭菜餃每一粒都包到非常飽滿,  餡料有勁多嘅韭菜, 味道超濃, 鐘意食韭菜嘅人一定唔可以錯過｡特製魚皮餃魚皮餃口感彈牙, 而且啖啖肉, 咬落去 D 肉

今日在公司遇見阿Li, 她是少數在公司的同事中食得辣嘅人，她知道我喜歡吃麻辣火鍋，所以相約我去碼頭故事一起麻辣麻辣一番一踏進餐廳仿如走進古代的客棧，老板凳，八仙桌，紅燈籠等，古色古香，甚有氣氛茶位+香油碟$20/每人香油碟自行調配，我揀左麻油，醋，蒜蓉，芫荽，葱和蠔油!四川的火鍋都比較辣，香油碟可以調和辣味，麻味的柔和度，吃起來更柔和潤口，除此之外，加入芝麻油也具有降火潤腸的功效牛油鍋+蕃茄鍋$138~ 鴛鴦鍋底一邊辣一邊唔辣，各式其式。牛油麻辣鍋底以牛油做基底，再加花椒和雞心椒，麻味好香好濃郁，愈煮愈辣，幸好有香油碟調和。而蕃茄鍋底有新鮮蕃茄，少許青瓜，葱和午餐肉片，酸酸甜甜好開胃安格斯肥牛$138~油脂比例係7比3，7成係肉，3成係油花，肉質軟腍，牛味濃，每一片都頗大塊，唔會好似食左一陣風咁，份量也算多，很不錯耗魚兒$88~四川麻辣火鍋店很喜歡以耗魚兒來作火鍋，魚肉質非常結實，鮮甜，香辣入味，而且大條大條的魚骨很容易和魚肉分開，完全没有平時吃魚的顧忌山藥$38~新鮮淮山清甜爽口，亦非常有益健康日本蟹籽丸$58~丸裏面是一粒粒小小的蟹籽醬，咬落卜卜脆，好味養生黑豆花$58~豆味濃郁，

放工與同事去咗尖沙咀食飯，九點後入座有七折，所以就想去試試啦。。環境幾好，位子大，坐得好舒服，而且冷氣大唔怕打邊爐會熱。因為我哋都食得辣所以淨係叫咗個麻辣火鍋，不過我嫌唔夠辣🌶🌶其實你可以叫佢再加辣，不過我啲同事就食唔到咁辣所以就算啦！打邊爐其實都冇乜特別，最重要係啲材料要夠新鮮⭐️環境舒服✅⭐️服務有善✅⭐️食物新鮮✅⭐️份量比較少❎⭐️正價價錢比較貴，有折先會比較化算✳️🎈可以一試，不過未必會再試！

早前經過尖沙咀見到碼頭故事麻辣火鍋係香港開左第一間分店，就決定去試下。呢到嘅裝修同佈置都好有傳統風味。而醬料都好特別，唔係平時火鍋店嘅「九宮格」，而係每人有一樽仔麻油，三大碟蒜蓉、芫茜蔥，再加蠔油同醋，唔會加豉油，幾樣野溝埋好香。湯底我地嗌左牛油鴛鴦鍋除左必試嘅牛油紅鍋，另一面可以揀豬骨、蕃茄或者菌湯鍋。我地嗌左豬骨。兩邊湯底嘅味都幾香濃，麻辣個邊唔會好油，香料亦都好足。一米鵝腸個賣相好吸引，真係好長身！少見！淥幾下就食得，好脆口。安格斯肥牛油脂分布好平均，幾重牛味，用唔同湯底淥可以食出兩種唔同嘅質感。鴨血配麻辣火鍋真係好夾，唔會腥，仲好滑！另外羊肉卷唔會蘇，質感亦都唔會韌，幾好味！另外墨魚滑有三個竹桶咁多，份量比一般火鍋店都多，而且食落去都好彈牙亦好香墨魚味。最推薦嘅係薯粉同埋豬黃喉！薯粉佢唔係我哋平時食開嘅紅薯粉，佢一開始上枱嘅時候我都唔知道佢係薯粉。一塊塊好似魷魚咁樣，點知一淥落去佢係比一般薯粉都更加彈牙同埋煙韌！另外豬皇喉，聽聞係豬嘅血管。唔需要煮好耐時間，咬落去脆身好爽口。最後叫左份油條，原本以為會係油炸鬼，上枱後發現係類似一條條軟嘅麵包條咁樣！食落有少少煙韌。成間鋪頭整體來

幾年前去過一次重慶，食左我人生第一次既正宗麻辣火鍋同知道咩叫油碟，原來有人打邊爐會點油，但食落又真係幾夾！今晚為左尋找番個個味道，去左尖沙咀既碼頭故事火鍋。叫左個鴛鴦鍋，一邊麻辣一邊蕃茄有辣有唔辣任君選擇！打邊爐牛就少不免架啦👍🏻茴香小油條，吸味之選🤤通心菜同皇帝菜，都新鮮好嫩口鵪鶉蛋、午餐肉、餃子，一上菜唔洗諗放哂入麻辣個邊，正！除左麻辣火鍋之外，最最最想食到既就係糍粑，外脆內軟既口感加上紅糖同黃豆粉，呢個配講冇得輸，暫時係我番食過比較貼近當地既糍粑。總結呢到食落湯底同糍粑都有當日重慶既風味，有時想食下麻辣鍋又唔想返大陸就多一個選擇啦！

打邊爐真係越開越多，而且好多都係主打麻辣火鍋。裝修都係比較古色古香嘅宮廷式料理，而且尖沙咀區較方便🙂入到去服務員嘅服務非常好，已經立即幫我哋安排座位，仲介紹成都麻辣火鍋嘅食法。原來因為麻辣湯底會加上牛油，所以容易上火，佢就預先準備咗一樽麻油仔，落左會相對地冇咁熱氣，叫我哋必定要落😉湯底我哋揀咗鴛鴦鍋，有麻辣火鍋及豬骨湯底。黎到已經見到好多牛油喺麻辣火鍋入面，我哋叫咗安格斯肥牛，都幾大碟。安格斯牛味好香，肥瘦均勻，咬落去口即溶！😋相當唔錯！另外食咗韭菜餃，韭菜餃一客有8隻，這份量兩個人嚟講真係算唔少！而且韭菜味好香，餡好多，所以真材實料，認真唔錯！仲叫咗墨魚滑，原來一客有三條，真係相對出面嘅多，而且墨魚滑嘅質地好特別，係偏林嘅，咬落去有啲墨魚粒感。炸魚皮都好好食，好鬼脆！而且新鮮即炸！面上雖然有啲油份，但係食就唔覺得好油。真係熱辣辣新鮮食就正！餐廳坐得舒服打邊爐一流！

返到香港又頻頻約食火鍋，朋友搵左呢間火鍋店，入到去裝潢偏向中國古典風，發現原來係黎自四川既過江龍，未夠七點全店已經差唔多爆滿😱一坐低店員好迅速就問要咩湯底，因為我唔係好食得辣，所以即刻睇下有咩揀先，好彩都有好幾款唔辣既選擇，朋友就我叫左個鴛鴦兩邊都唔辣既湯底🥺之後店員介紹調味料有蒜、蔥、芫茜，加上每人有一樽既自家芝麻香油，另外就係唔似坊間般加豉油，而係加黑醋同蠔油🤔講到咁勁連平時唔多加調味料既我都忍唔住要試下，其實芝麻香油係類似麻油咁，兩個人夾埋加一樽都足夠，連埋黑醋一齊估唔到係幾唔錯既配搭😳打完邊爐感覺成身由頭到腳都係嗰陣調味料既味，香到再三回味😅▪️ 大骨百味湯鍋（7/10）+ 蕃茄鍋（7.5/10）💲118店員話大骨百味湯鍋係用上豬骨熬製，上檯係呈奶白色既，有紅棗、青瓜、午餐肉，用作打邊爐會略為清淡🤭蕃茄鍋就係有蕃茄、青瓜、午餐肉，入口係偏酸嗰種夠開胃，而且落配料時會較為入味，個人鍾意後者多啲😛▪️ 安格斯肥牛（7.5/10）💲138呢度既牛有嫩滑牛肉、一米肥牛同埋安格斯肥牛😯最後要左安格斯，出到黎油花比較多，肉質鮮嫩，肉味就不過不失▪️ 手工餃子 白菜（7.5/10）💲68手工餃子有

今晚又同 小 b 去行街街兼吃火鍋。今次小b 知我好想試這間麻辣火鍋很久，終於 book 位同我去吃麻辣火鍋，仲要是四川 feel 添。😊又要吃辣，又要怕辣的小女皇，非常非常麻煩。今晚決定去碼頭故事去麻辣火鍋，仲要 order 鴛鴦鍋，咁就可以吃辣，又可以吃不辣啦！😊我們叫了鴛鴦鍋，即是（牛油鍋+百味湯鍋）。食物方面，叫了: 一米肥牛，安格斯肥牛，金牌脆毛肚，竹筒墨魚滑，耗魚兒，山藥和油麥菜。所有菜式都好比較特別，但好彩我同小b 都很去吃~其實想去這餐廳，因為好特別，令每位客人覺得似去懷舊的店舖😊。因為裝修非常古色古香，又正。下次都會再去吃。醬料的配搭都好有風味，又非常特別。有蒜蓉，蔥粒，芫茜，按個人的喜愛加加減減吧！再加上自家的芝麻油，蠔油同醋，攪攪攪再加點鹽同味精，那就變成成都風味。但我同小b 都沒有加鹽和味精，因為覺得太特別啦。。。。。🤣🤣金牌脆毛肚，每塊淥10秒便可以，又薄又爽脆。毛肚因為味道淡，所以吃的時候，用調味醬來吃，就真的 perfect。安格斯肥牛，牛味比較香濃，我較喜愛的。整體來說，味道很好，食材新鮮。只是抽風方向，希望改善一下，因為味道不能吸囉。但餐廳都比較細心，