影片
開飯介紹
來自東京的過江龍，沾汁麵湯頭用上豚骨、豚肉及魚介等材料熬製超過12小時而成。小食方面則推介香港店限定的湯餃子。
繼續閱讀
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
相關文章
隔左幾個月先醒起未po呢間拉麵店食評。坐落起觀塘 APM 2 樓既神山面屋，一上電梯就見到。裝潢睇落都有日式風格，有吧枱選擇可以睇住廚房，其他枱空間位置正常，唔算逼我地兩個人 一人叫左一個拉麵加個小食，份量黎講都算OK🍜叉燒醬油拉麵 $85 / 🍜白神山叉燒拉麵 $85 放埋一齊講因為可以寫既都十分之有限，其實兩個拉麵都係正正常常平時都食到既水準，一個豬骨湯一個醬油湯，湯底算係合格，味道正常，面有根據翻湯既濃度提供唔同粗細，叉燒略嫌遜色但係都可以接受，講真商場入面呢個價錢食到個拉麵算系咁，除非追求物超所值，想過下拉麵口癮其實都可以試試 🐙蒜香魷魚鬚 $48味道正常，個人覺得蛋黃醬重手左，如果另上更好
繼續閱讀
最近同朋友去觀塘行街見好耐無食神山拉麵竟然唔駛排隊所以就入左去食lunch😋🐷神山豚燒叉燒沾汁麵 有兩大塊叉燒 燒得好焦香豚骨湯底好濃郁 麵好掛汁🍜白神山豚肉拉麵 湯底味道香濃薄薄既豚肉片好鮮甜🍚溏心蛋牛肉丼 牛肉柔嫩香濃配搭溫泉蛋嘅流心 食得好滿足🥟神山手造餃子 肉好鮮嫩 好juicy（掛住食唔記得影相😛）希望下次黎食會繼續保持到水準！📍神山拉麵觀塘APM 2樓L2-1b號鋪
繼續閱讀
呢間拉麵份量真係越食越少味道已經普通我記得沾麵仲要唔好食今次叫咗個辣湯底嘅豚角煮拉麵麵質我係鍾意有咬口但真心唔夠飽豚角我都鍾意湯底就咸咗d同油咗d白神山湯底就比較穩陣
繼續閱讀
今日一個人係apm唔知食咩好 就上OpenRice睇下有咩好野食 見到呢間咁多人讚好 諗住試吓 點知一試就賴嘢 都未曾試過食一個沾麵個湯底係唔熱既 之後食咗第二啖麵 個湯底已經即時變咗凍嘅 都唔明點解上網啲人講到咁好食 仲要一入嚟個侍應已經叫我試吓個沾麵 佢咁樣講得一定好好食啦 就咁就中咗伏 仲要埋單出邊見到排隊嘅人都話個沾麵一定要試 究竟係咪我平時食嘅沾麵唔正宗？係凍冰冰既湯先係正宗嘅沾麵................
繼續閱讀
份量足係唯一優點。叫咗兩碗拉麵，一碗黑蒜神山，一碗赤神山整體味道似food court $60一碗嘅水平味道十分鹹，鹹到拿脷，明顯公仔麵味精湯咁樣，完全係日式拉麵令人想飲埋個湯嘅感覺上枱速度的確好快，但快到似煮好曬等人叫咁，落單2分鐘已經上好2碗麵加1個小食。除住坐低時比水同QR code之外無提供服務，但有加一服務費成個晚餐好似用$2xx食咗兩碗貴價出前一丁咁唔明點解坐得滿人，肚餓去食麥當勞可能會開心啲
繼續閱讀