神山麺屋 (創紀之城五期(apm))

營業中

休息中

晚市嘅時候，去咗試，不過，好多款小食都賣晒，得返麵可以食，有少少失望，好想試下餃子。拉麵味道ok，湯底濃味，蔥得好少。。份量呢，女仔食應該夠嘅，而且，唔駛排隊，上菜算快，會再黎。

一聽見「過江龍」同主打「超掛汁坑紋沾汁麵」就已經吸引左。😍唔洗多諗就入左去~資料搜尋下，神山麺屋同屬麵屋武藏集團，就連湯匙都寫麵屋武藏，上菜餐盤亦十分類近。☺️＊－。－。－。－。－。－。－。－。－。－＊🔘【招牌】神山沾汁麵 $89 相比起一般叉燒，選用豚角煮較為特別。以高溫烤煮，表皮微微焦香。🔥火炙過的半肥瘦豬肉有口感，夠Q彈，略帶膠原感覺。😋湯底用大量豚骨、豚肉、魚介、秘製醬油淆製，其魚介味比較香濃突出，整體好食。麵條有凸凹坑紋，比一般平滑麵條掛湯。👍🏻🔘黑神山沾汁麵 $79黑蒜豚骨湯底味道濃厚，第一啖入口時覺得過鹹，而且湯底油份偏重，比較油膩。🙈如果正常地將麵條沾到湯入面食，油膩感會相對減低少少。🥲有幾片薄切豚肉，肉質嫩滑，但不及豚角煮表現突出。溏心蛋雖然凝固得較多，但依然做到流心效果，不過不失。如果招牌神山與黑神山比較，個人偏好前者。＊－。－。－。－。－。－。－。－。－。－＊

「神山麵屋」來自日本東京，屬於「麵屋武藏」旗下，唔清楚底藴就以為是兩間沒有關係的日式拉麵店，細心留意就會發現每間分店的餐牌設計、拉麵款式甚至叉燒口味，都差不多一模一樣，只是拉麵名稱不同、及每間分店的拉麵配搭有各自的輕微調整，以打造自家特色。之前試過「麵屋武藏 武骨」，印象麻麻；今次儘管看看有沒有驚喜？室內佈局秉承日式拉麵店傳統，既有開放式廚房暨拉麵吧，亦有四人細枱；但整體風格偏向時尚。一如每間「麵屋武藏」都有一個裝修及餐牌主題，「神山」就用了富士山；象徵每碗拉麵的烹調過程皆有嚴格標準，正如富士山在日本人心目中的崇高地位一樣。與其他「武藏」一樣，拉麵湯底同樣是豚骨湯底，配合多種日本魚介及日本秘製醬油，亦有「白」、「赤」、「黑」及「トマト」(蕃茄) 四種不同口味。除此之外，「神山」主力特色是沾汁拉麵；不過，小編始終對沾汁拉麵興趣不大，覺得缺少了大啖大啖品嚐拉麵湯底的樂趣。白神山叉燒拉麵（$78）配料有少量蔥花及酸筍、一隻溏心蛋及二片薄叉燒。喝一啖；豚骨魚介湯底，印象中味道同「武藏」出品相同。濃稠程度一般，豚骨及魚介味道俱不明顯，反而醬油鹹味相當濃郁，掩蓋了豚骨肉鮮味，整體一般而已。粗身麵

六點食晚飯已經有唔少人食緊，獨獨一個人食坐喺吧枱，落單唔洗5分鐘已經送上嚟，懷疑係快餐店，哈哈。服務普通，唔係太差，係正常香港style服務。*神山沾汁麵 $89冷麵+熱湯係基本，但熱湯冇石鍋佐熱所以凍得好快，基本上食第一下麵已經凍晒。湯底非常濃厚，同時有少少油膩，入面有一絲絲風乾豬腿肉，飲落亦都有種鹹香，比豬骨味更香更濃。麵條帶坑紋，非常掛湯，但湯底本身過於濃郁，太掛湯令到成件事太重口味，麵條份量亦唔多。角煮有兩大件，煮得非常入味，醬油香+肉香甜，瘦肉肥肉半半，瘦肉嘅部分有啲乾，連肥肉食用油脂滋潤翻乾嘅部分，不過真心易膩。溏心蛋完全超越左溏心蛋，變咗流心蛋，蛋白全熟但依然滑嫩，蛋黃流心滴汁，而且煮得非常入味，但我都係鍾情於溏心蛋。

時間尚早，7點零想早少少食晚餐，就去左神山食麵。。呢個時間唔使等位就入得，唔使同人迫🙈平時係神山會叫佢既沾麵食。。今日有d想試下佢d湯麵，就叫左碗黑神山叉燒拉麵試下~黑神山叉燒拉麵，即係黑蒜油味豬骨湯底，湯底有d油，同埋無乜黑蒜味。。叉燒不過不失，肉質都稔身既。。可能平時個沾麵既麵掛到湯，個湯又比較入味，所以覺得呢個麻麻地。。溏心蛋係幾流心既🙈 另外d筍都幾入味，俾個讚🤪總結:下次都係食返沾麵比較岩我口味😆

好耐之前食過，記得係好食、好坐、服務好但今次買外賣，見價錢合理，叫咗兩個牛肉鯖魚便當同飲品。門口侍應有啲九唔搭八態度，問佢幾多錢，佢指返個餐牌比我睇話 「咪呢度咁多錢囉」😳😳下？!我expect佢會話我知個總額，叫佢計比我，第一次又計錯數，再計先啱🙄🙄再等一陣，比返張單我，其實鋪入面仲大把吉位未坐滿。但話要等15-20分鐘先有得拎兩個便當。我心諗，咁簡單嘅外賣，仲要同款都要等咁耐，如果我堂食或叫多少少咪企到腳軟都未有得拎？!🙄🙄🙄Well… 下次仲食唔食？睇下我有幾得閒慢慢等啦。

其實香港而家食拉麵嘅地方越來越多，不過我就發覺呢間裏便就特別有藝術感🎨因為當你喺門口見到佢介紹食物嘅餐牌上邊，同佢裏便坐低嘅叫餐本，都係好似一本繪本圖書📖所以令到你好似係一個藝術世界裏邊食緊嘅拉麵🍜而佢嘅拉麵湯底濃郁而唔油膩，我就最鍾意叫佢嘅番茄湯底😋夠晒Flash🥰佢嘅價錢都非常合理，一碗裏邊已經有齊晒，半熟玉子，叉燒，蕃茄同埋薯仔🥔茸。

同事推介過嚟試吓。我揀咗白神山叉燒拉麵，味道不過不失，又唔會覺得嘩勁好食嗰隻。不過嗰隻流心蛋就幾好味！叉燒亦都好淋，不過個湯底就有啲鹹。反而平時唔食筍嘅我，覺得佢啲筍幾好食喎。幾搞笑，佢兩片叉燒係掛係個碗度…我將佢摺埋咗放返落個碗同事揀咗白神山豚肉拉麵流心蛋，煎餃子$38 ，不過得五隻….菠蘿特飲同埋雜果特飲，@$15飲品呢個價錢我覺得OK不過整體來講，唔會覺得好抵。不過不失咁啦～服務又唔覺得好差，見前面啲留言話服務好差。今日OK喎。

是日同屋企人一齊去APM行街，見有d餓，又好想食有湯既野～最後決定去食神山拉麵。我地3個人，各嗌一款咁可以試到3種唔同既拉麵啦。先講沾麵～湯汁夠濃，豚肉燒過夠晒香，仲有d甜甜地～唔錯～不過略嫌瘦肉部份鞋左d.黑蒜油豬骨湯底最好味，香濃又唔會過咸。但個2塊薄薄既叉燒就一般啦～而於紅色既辣湯拉麵，湯底無剛才色咁香濃，但豚肉真係一流～入口即溶～好吃！總括黎講係好食既，所以既麵都煮得岩岩好，唔會太淋太硬。溏心蛋熟左丁咁多，但味道十分好。有熱茶供應，但我個人偏好配冰凍既水多d🤣服務態度一般般啦，但如果想食拉麵既時候，我都係會再繼續幫襯既～

一行3人，等了大半個鐘頭位，不斷只叫2人位入坐，最後叫了我哋張飛，夾硬執3個個人吧枱，中間隔開晒隔板，又拎唔開隔板，收咗我哋張飛後先話無位只可坐吧枱，3人食變咗自己一個人食咁，但過了1分鐘後，我野食都未叫，佢已經有一張執好嘅4人坐卡位，俾後面既人入，之前唔係應該問咗我哋轉唔轉位先咩？！見到佢又執一張4人枱，就問定想轉枱，又話唔轉得，因為已經叫咗下一枱人入嚟，過咗2分鐘，又叫4個人入，既然已經知我想轉枱，而之前又呃我哋話除吧枱其他有排等，先要咗吧枱，要人哋一家人食嘢都坐得咁唔方便。最後仲要篤我個膊頭勁串咁話「無得轉枱喎！」 著紅衫個啊姐真係超級無禮貌！今餐真係貼錢買難受！

之前去过尖沙咀的神山面屋，感觉很好吃，这次来到观塘，发现这里也有神山面屋，于是毫不犹豫尝试，点了一份白神山叉烧拉面，和一份芝士炸鸡，拉面味道算是可以，不过感觉没有入味到值这个价格，芝士炸鸡翅味道不错，鸡翅外皮脆脆的，旁边还有不少蔬菜沙拉，他家会收餐品总价x10%的服务费。

super surprise!!好意外!!物超所值嘅細碗飯 一d都唔細份量可以將一個成年人餵飽㗎😉😉當然 主打都係食拉麵🍜先行入嚟「神山」嘅😚哩個拉麵都有性價比㗎套餐連嘢飲🧃如果驚驚哋唔夠飽

今天去觀塘行街，特意去一去新開的裕民坊商場，覺得場內很有趣，因為有復古元素令人懷念老香港🪖不過將重新安置的老鋪放在地庫市場比較不友善，未能將人流引入。同時巴士和小巴亦被商場圍住，在商場內設有候車位置，是炎熱天氣中的一項德政🥵 .走到有點累就轉去Apm吃午餐，轉了一圈後選了這間日本過江龍拉麵🍜源自東京主打濃湯系，適合我們一班重口味的朋友。店內裝修以簡約木系為主，加上黑色托盤有質感。供應食物除了拉麵沾麵外也有冷麵/飯類/小食等🥟 .⚫黑神山沾麵上檯後黑蒜味已經湧出來，加上粗身帶有坑紋的麵體有利掛汁，不過湯汁略嫌有點不夠熱，令暖意帶不動全身🥚蛋和荀乾帶點蒜油香氣，十分惹味。 🥓叉燒拉麵叉燒的油花不錯，不過偏薄沒有口感，而且感覺有點放久了，在豬骨湯底中有點提昇，在温熱的湯中的幼身拉麵迅速入口🍜 🥩豚角拉麵豚角煮的肥瘦適中，入口充滿濃香，是日式的東坡肉，經過醬汁燜煮後非常入味，是三碗中表現最好的😋

前幾日同老公去完觀塘整完野，去apm搵食乜好，丫，好耐未食過沾麵，就去神山啦等左一陣位就入得去，我揀豚角煮沾麵，老公揀咖喱牛肉拉麵，先試咖喱牛肉拉麵，麵質同牛肉都麻麻，麵質唔太彈牙，好一般而我既沾麵，麵質比較粗，好似兩條麵黏埋一齊，而最有驚喜係豚角煮，以為佢會黐牙但一咬落去係好鬆軟，好食😋真係估唔到，不過我地都係覺得試一次就夠了！

諗住呢間野唔係太多人等位試下食，點知食完心情勁差超差！😡首先拉麵既麵身就不是太好食，湯底勁油，係個糖心蛋好食啲，肉就好普通，完全沒好食的感覺。😪最令人心情惡劣就係呢間店既服務態度！可以用惡劣嚟形容！🤧落單時落單既人已經好差，問野又唔答，算！到埋單時話用唔到信用卡，問佢用八達通得唔得，佢話冇八達通，問佢用alipay得唔得，又話部機壞左，一定要俾cash！攪到整唔到免停車場！重點係答左三個問題後完全唔應你其他問題，黑口黑面咁！不知所謂！