神虎拉麵 (已結業)

這天來到汕頭街時間大約是1:30pm, 沒想到炎熱的天氣下, 門外只有5,6人在排隊. 等候了一會後由於我是1人, 馬上便安排到一個座位了.是日有個檸檬拉麵, 但太新潮了, 怕自己接受不了, 還是點回最基本的一虎拉麵, 麵種硬度一概由廚師發辦.芽菜辣辣的很開胃, 紅薑, 醃菜於吃至中段時, 加進湯底味道會有變化, 不錯.枱面有冰水供客人自行添飲. 久違的神虎拉麵, 嚐過一口帶豬背脂的湯後便嚐一口這個糖心蛋, 蛋本身有浸過醬汁味道適中, 蛋的半熟程度相片已清楚說明.除糖心蛋外, 配料有蔥, 木耳絲, 3塊义燒. 面質是中細麵, 彈性不錯. 掛湯能力頗高.义燒肥瘦適中, 肉即香且嫩. 木耳絲爽口. 吃時沾點义燒上的辣醬味道又有不同, 相當不錯.湯底加了豬背脂, 這層油相信不是人人喜愛, 但個人則頗為欣賞. 湯底的濃度個人認為是中高左右, 濃度雖高但不滯, 估計有加入少許魚介湯底作平衢.埋單的價格沒有加一, $85是香港日本拉麵的中位數, 以味道材料來說算是抵食.翻食指數: 80分.(此指數平衡店舖交通, 味道, 環境, 價格... 等等, 個人作出的評價.)

即食即分享，灣仔其實有好多好野食，琴晚就試咗呢間神虎拉麵（因為見門口都有幾多人排緊隊）。老實講，真係好耐冇食過啲咁好味嘅日本拉麵喇！識食拉麵嘅，一定係食個湯。因為麵嘅粗幼、軟硬，喺一般嘅拉麵店都有得揀架喇，所以湯就變咗成碗麵最重要嘅一環！而喺香港食嘅拉麵入面，佢地嘅湯通常都係勁濃味，濃到食唔到其他野嘅味（包括餸、蛋同埋麵嘅味），仲要好多時會因為落得太多味精，而要狂飲水，食完又會覺得好膩好濟但好老實，呢間嘅湯竟然係唔覺得油膩，仲有幾香嘅豬骨味。拿…留意返，唔係好濃、亦都唔係好淡嘅豬骨味，而係適中！食完都唔會好口渴，呢個我叫咗硬身嘅幼麵條，好有咬口，正啊！！呢個大大碗嘅招牌拉麵就可以食得好飽肚，double咗個叉燒，有紫菜食，咩配料都有齊，佢嘅湯咪都好香，但我個人比較「重口味」，所以白虎濃少少味，我個人鐘意啲。（謹記每款拉麵都加返香油，因為真係好味同埋香好多。）另外叫嘅呢個餃子，都好正！煎得好香，個皮仲有少少脆，入面包住啲肉汁，熱辣辣食完真係好滿足❤️兩個人食2百零蚊，其實就同正常拉麵店差唔多價，但呢間質素真係幾高。不過衰就衰在佢早閂門（好似9點？）搞到我地都趕住走，不過都值得過海食下佢嘅！

我同同事都係勁中意食拉面我地就random揀左間神虎拉麵黎試下揀左個海老虎拉麵試試味濃足料, $88 (好似係)唔收加一lunch time 時間都多人架,但都值得再encore~~~

The pork bone soup is excellent and very flavourful. Same goes for the black oil garlic ramen. The ramen noodle was of very top quality and it is hard to find in other places in HK.There is always a line during lunch time.Good value for money.

同朋友來，除拉麵以外，今次試下佢d餃子神虎環境令人好似係日本咁，幾輕鬆的氣氛 餃子來了，賣相不錯，應該係拉麵以外不錯的選擇 餃子煎得外表金黃色，外皮好香脆，內裏餡亦是新鮮豬肉，肉質有彈性，好juicy, 外乾內軟，不錯

見到排長龍，有時間就等一陣，試下神虎有幾正先 雖然唔識日文，不過聽說這裏師傅是日本人，入內也有日本氣氛。叫左溫泉蛋义燒拉麵 買相ok, 湯底豬骨味，不太濃也不太淡，入口清新，义燒厚薄適中，肥肉算均勻，咬落好淋不油膩，有肉汁，吸左湯精華好入味 拉面粗少少，有囗感，咬落有彈牙感覺，面質屬不錯 隻蛋真的正，溏心的，入埋湯味香，師傅功力一流

見佢季節限定又食膩左豬骨口味,所以就試一試佢.第一啖循例都係飲啖湯先,味道比較淡,始終都係食慣同食開豬骨口味,比較鍾情濃郁同杰達達0既口感,所以哩個湯底我0黎講係比較淡同薄,加上只有淡淡的醬油味同香味,不太能符合到醬油哩個主題,同期望有所出入.另外麵底係直麵,軟硬度適中,掛湯度頗配合湯底.叉燒又係得一塊,食完都無感覺,反而筍段出奇地多,食極都有.流心蛋今次做返好左,極流心同勁香蛋味.香港醬油味拉麵少之又少,而我亦甚少會食有關口味0既拉麵,所以唔知哩個期望會唔會過高,有機會一定要係日本試一試高質素0既醬油拉麵~題外話,今次坐既位置完全見到晒整個煮食過程,發現整個過程師傅都一絲不苛,淥麵,飛水,溫碗都做足,而且做得一d都唔hae,完全感受到佢0既誠意同對食物0既尊重及要求,哩一點十分令人讚賞,所以神虎拉麵經常排長龍是不無道理的.

黑虎拉麵$78, 加個溏心蛋$10這間拉麵都幾受歡迎, lunch都要等位等幾個字, 拉麵夠份量, 選了幼麵, 都幾入味, 湯底濃郁，配料都足夠, 有雞蛋, 木耳, 豚肉.雞蛋蛋黃好軟滑, 豚肉厚得黎又嫩滑, 雖然幾貴不過都幾好食

韓寒在他的成名作「三重門」裹，有這樣的一句話：「做人，要麼大俗，要麼大雅，半俗不雅的是最痛苦的人。」其實，人的痛苦和煩惱，大部分來自中庸。因為我們有不想放棄的東西，想去追求的事物，而歲月未讓我們的心態能看淡風雲，而我們煩惱。中庸，因為在高低之間，徘徊着，我可以追求，我不甘放棄。年紀未輕至輕狂任性，又未大至淡然求安，結果我們心累。書未讀到一字不懂，但又未到徐志摩般出口成詩，結果我們即使無功亦徒勞。樣貌未動人至傾國絕色，又非無可挽救的醜陋，結果我們化妝、喬裝、整容。未算擁有萬貫家財，又不至於一窮如洗，夠了平常開支不夠奢侈得用來買面子，結果我們走糴一生。在大阪的神虎已經有大約九年的歷史（自2007年於日本起家），名字聽聞和日本職業棒球隊阪神虎有關，香港灣仔的這家，是第一家而且唯一一家在日本以外的分店。不難理解，在日本大約賣上五十元港幣的一碗拉麵，在香港似乎永不退減的拉麵熱潮裏，幾乎翻倍的價錢，依然不乏青睞人，一半是好吃，一半是香港年輕一輩的確崇尚日本的文化，當掙扎不了，我們着眼於另一處，人之常情。神虎在Tabelog的排名微微低於一蘭，但於我看來，神虎的湯底的確比之一蘭更為出色，稍高於一蘭大

突然間吃拉麵mode on，在灣仔街頭想了一想，第一時間想到神虎。剛好没人排隊，那我就不客氣了 被安排了坐在吧枱，可以看著師父煮麵~價錢OKAY，無開天殺價。先來一客自慢之餃子~餃子皮薄，煎得蠻香脆。餡料豐富，肉汁頗juicy。豬骨湯底濃郁，加了蔬菜、魚介來肴製，鮮味十足。黑蒜油很香，味道與湯底相映生輝，不會太油膩也不會搶味。拉麵選了粗麵，軟硬適中，非常彈牙。每一口都沾滿湯汁，所謂的掛湯力強。海老虎不是老虎，是一大堆蝦乾仔！多到連叉燒和拉麵都看不見~蝦乾脆脆的，伴著拉麵一起吃口感不錯。味噌湯底亦夠濃郁、鮮味。叉燒較瘦，肉質頗軟熟。味蛋頗流心，$10還可。喜歡吃辣的朋友，一定要+$5這個辣醬！椒絲+蝦乾仔，即辣又鮮味，與拉麵是一個很火辣的配搭！

香港區最多人熟悉既黎黎去去都係一蘭, 一風堂, 豚王...襯住呢排好想食拉麵, 決定去食試唔同既拉麵店, 再寫下食評俾大家參考...黎到呢個系列既第二間拉麵 - 神虎拉麵 ...神虎位置係Passion by Gerard Dubois條街轉入去...店舖主要係賣豬骨湯底既拉麵, 另外亦有季節拉麵...之前季節限定既濃湯海老味噌拉麵亦變左regular menu既item...而家既季節拉麵就係醬油拉麵...我地叫左 赤虎,  玉子...亦試左佢既 辣芽菜... 辣芽菜: 一入口係濃烈既麻油味...當你繼續咬就會有辣椒既香同辣味滲出黎...好食... 赤虎: 湯底係紅色既, 味道比較濃, 亦都係稍有厚度既湯底, 辣味唔會太多...整體黎講覺得好似一蘭既味道...我揀左粗麵, 而男友就係叫幼麵...雖然麵質都選擇左軟身, 但係兩款面口感都十分唔同...先講粗麵, 望落去其實無想像中咁粗, 麵條幾彈牙, 好適合鐘意大大啖食麵既客人; 至於幼麵, 目測麵既粗幼係有分別, 麵條比較淋, 似係女仔會鐘意食既野...我講既野其實都幾符合店內麵條既介紹: 粗麵比較彈牙, 飽肚; 幼麵比較附

海老虎其實係豬骨湯底加上蝦乾,蝦膏,蝦油已成,所以叫海老虎,名字十分貼切.相當重0既蝦味,喜歡蝦味0既朋友一定鍾意哩個湯底.如果想再多D蝦味可以浸耐少少D蝦乾等佢出一出味.預設係孿麵,麵條爽口彈牙,由於選擇左硬麵,食條最後D麵都唔好淋晒.特意加左$10叫左隻流心蛋,不過今次無上次咁好食,有D失望~整體係好食0既,比起富士山55 Fujiyama 55同類型0既櫻花蝦拉麵更好食~

店名:神虎拉麵地址：灣仔廈門街23號好味指數:8.4/10價錢：$83神虎拉麵這間拉麵最近名氣十足，在open rice 經常在頭幾名的位置。中午時份等位時間需時約半小時。拉麵份量很足夠，我選擇了超硬的麵條方便拍照，麵條是有粗幼選擇，我選擇了幼的那一種，吃上來很入味。 湯底濃郁入味，有幾片肥膏浮在湯上，味道有點像一蘭的。配料亦很足夠，有雞蛋，木耳，豚肉。雞蛋恰到好處，蛋黃非常軟滑。而豚肉很厚且嫩滑。 值得一提，芽菜是自由添加，個人覺得味道和口感都是不錯的。 想吃的朋友記得要早點去到啊，因湯底是賣完即止，當天吃完拉麵約兩點多已售罄上午的湯底，要待晚上才會供應。店名:神虎拉麵地址：灣仔廈門街23號好味指數:8.3/10價錢：$38煎餃子煎餃子一客有五隻，隨餃子附送一碟秘製醬汁。醬汁酸酸甜甜的，頗開胃。煎餃子肉汁鮮甜，咬開時肉汁四溢，肉質新鮮，外皮夠薄且煙韌，不錯！ 

去完大阪,無時無刻都想食拉麵,好掛住日本D拉麵呀~叫左粗麵,但點解好似幼麵0既?唔理啦,照食~先講個湯,夠熱,但豬骨味唔係好濃反而蒜味幾重,所以都幾俗,不過係夠味0既.叉燒薄薄的只有3塊,不太突出,不能另人留下印象,麵底一般般而且少少OVER COOK,可能因為本人喜歡爽麵.最傑出0既係流心蛋,真係流心的, 浸上少少湯連蛋汁食,非常美味,0黎緊好多機會再光臨,等我慢慢試晒佢地D拉麵, 整體感覺不俗0既拉麵店.

灣仔放工去了廈門街, 這條街不知不覺多了很多食肆 今天試了神虎, 真的是不錯圴選擇! 我揀了硬的幼麵, 送上來時, 軟硬剛好, 對比一蘭, 這個流心蛋更出色, 湯底都不太油不難怪平時都有一條人龍