影片
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
一定要寫嚟誠贊一下，我當日係單車友，帶住個大車，一嚟到門口，店員二話不說，就讓門口空檔位置畀我放單車，跟住仲讓咗兩個位置畀我坐低，方便我放頭盔等等物件，其實我先去用一用洗手間，洗手間少有嘅小店乾淨企理，跟住出返嚟開始食嘢，300g牛柳已經到咗枱上面，座位仲有溫馨提示教你點食，呢個價錢市區已經食唔到，佢個蒜蓉牛油汁邪惡得嚟又超好味，坐低冇幾耐對面仲有嚟咗一大班後生仔運動員，個個一大袋運動架撐，店員又係好貼心畀埋近門口空置檯面佢哋放嘢，整餐體驗平靚正又食得舒服、開心
繼續閱讀
我好少會寫食評，但都係忍唔住今日叫左個石鍋牛肉烏冬，上到黎一望， 佢冇熱到起曬泡咁心諗唔緊要啦 可能拎出嚟嘅時間耐啫點知第一啖麵佢係暖嘅暖嘅？？？ 石鍋湯唔係普世價值應該都係熱辣辣㗎咩原來佢只係用一個石鍋裝住一個暖嘅udon上面畀咗四塊生牛肉, 我浸咗勁耐佢都唔可以熟如果做唔到石鍋不如正正經經做返普通碗 就算啦我都明69蚊唔可以要求太多, 但係其實69蚊我可以喺其他附近嘅餐廳可以食到一個下午茶元朗嗰間真係好好食我都唔明點解同一間分店 但係可以差咁遠
繼續閱讀
一行六人享用鐵板牛扒，朋友介紹食牛小排最抵食，他也再三推薦足料羅宋湯（任飲），果然無介紹錯呀！因為我食較熟的牛扒，同店員講聲後，她建議幫我煎得較熟及細心地切到細細粒上枱，一上枱已聞到陣陣牛香。肉質好淋再配上多種醬汁任選，嚐試到多種味道。店中較吸引年輕人及一家大細幫襯，繁忙時間可考慮訂位呢！呢間店可以再幫襯，如只飲湯也值回票價!#飲了兩碗羅宋湯#服務質素一流，細心照顧不同人士的需要剛好天氣炎熱，冷氣大一點會更佳
繼續閱讀
平時幫襯開元朗店，今次黎太和店試下，點知中伏，差得離譜！牛扒評價👎🏻：點左一個牛排餐，上黎全部都係筋腱同肥肉位，基本上得三分一塊肉既部位係可以入口。平時呢d部位係應該放羅宋湯入面煲，估唔到佢會攞出黎比客放鐵板度煎👎🏻飯評價👎🏻：第一次食到白飯係凍既，估唔到放電飯煲入面都可以凍。冷飯配牛扒食真係好難食🤢羅宋湯評價👎🏻：去開元朗店食，個個食客都知呢間既羅宋湯好出色，正常係啖啖肉豐富既口感。但今次我黎太和店食唔係啖啖肉，得湯同超級細既肉碎，令人大失所望！整體黎講，唔會再有下次！以後唔會再去太和店食，大家唔好對太和店有咩期望，直接去元朗食更加舒服☹️☹️☹️☹️
繼續閱讀
#20240215 💛📍 神 @god_steak_hk 大埔太和路15號太和中心地下10號舖 🍽️元朗教育路103號鴻運樓2號地舖➖➖➖➖➖➖➖➖➖➖➖➖➖➖➖➖➖ 🥢 #自助吧 💭 沙律有正常粟米粒🌽 椰菜絲同蕃茄仔🍅同一般既差唔多🥗但佢取勝位係有好多醬汁可以揀，洋蔥汁甜甜地又有洋蔥粒好正🧅芝士凱撒沙律醬都係少見之選🧀湯得一款，係好濃烈既紅湯，好多料，淨係飲呢個都飽飽地👍🏼飯聲稱係珍珠米，不過煮得麻麻，飯素亦普通，但呢個價錢算性價比高🤩最特別係呢度唔止水或者茶飲，仲有青檸汁可以隨便斟，高級！.#燒安格斯牛舌芯 $99💭 呢度所有牛上枱果陣都係3成熟，之後想要幾熟就靠自己係塊石度控制，個牛舌芯都幾考功夫燒，唔好諗住牛生啲都無所謂，牛舌無返咁上下熟就會韌😅塊石唔夠熱可以換，不過預返啲時間等⏳好彩煮到尾啲牛舌都幾淋👅.#牛柳 #180g $89💭 其他扒有唔同gram數揀，見有飯唔敢叫咁大塊，相比起其他牛尼講，牛柳係最淋🥩輕輕辣下個面食已經好好味😋強烈推介隻甜椒牛排汁，點肉再撈飯食一流😚.#大埔美食 #大埔黃店 #🐷在大埔 #元朗美食 #元朗黃店 #🐷在元朗 #🐷_食
繼續閱讀